影片
以上資料只供參考, 請與餐廳確認詳情
相關文章
本來開開心心，睇完演唱會肚餓諗住去食嘢，見到呢度仲未山門，應該係想做睇完演唱會嘅生意吧，入面冇乜人就諗住近近地走入去食啦再見到有自己想食嘅蛋糕，問咗counter職員佢話幫我留住咗個蛋糕叫我搵個位坐低落order就得，到我坐低電話落完order餐加甜品（是即時網上付款的）仲問佢係咪真係會幫我留住個蛋糕嗰陣時佢就幫我hold起咗，見到櫥窗係得返最後一舊，佢話可以食完嘢再同職員講上甜品。跟住叫咗兩個牛肩胛一個配意粉，一個薯條，佢黎錯咗牛油果沙律，問返送餐個職員，佢態度差灰灰氣氣咁話：齊㗎啦冇意粉個喎，跟住就問佢係撳咗配意粉，佢就拎住張單返過嚟話：你係配薯條個喎。但係佢送過嚟嗰個餐冇薯條亦冇意粉的之後佢先黑晒面咁拎走，其實比錯嘢客人不是應該同客人講唔好意思的嗎？點解態度仲可以咁差？感覺比快餐店嘅態度仲要差。之後我哋仲嗌咗黑松露飯，雞翼，嘢食普通，雞翼無味，仲喺食食吓之際見到隔籬枱有個同款的蛋糕，走出去問職員原來係職員將蛋糕比咗隔離，吓乜我俾左錢留埋蛋糕，都可以俾咗隔籬枱？？仲要職員態度唔好，一句唔好意思都冇淨係問可唔可以轉其他蛋糕！！另外嘢飲係食完嘢都未到，問返佢，佢淨係識得講嚟緊嚟緊，最後等咗成大半個鐘先到。其實我都好少寫食評，呢個都可以話係我人生第一次寫嘅食評，因為真係嘢食普通之餘仲要受氣！！講緊每人都消費百幾蚊，唔係真係話好平。建議大家慎重考慮睇完演唱會要唔要食呢間嘢，因為同場都見到有唔少嘅人投訴，漏單，亦有比錯咗嘢食嘅問題，都有唔少人鼓譟！如果真係人手不足建議唔好做演唱會後嘅生意了，另外希望店舖做好員工培訓吧。
繼續閱讀
餐廳裝修簡約，要自助點餐。🤔香草醬煙三文魚意粉 唔係預期中pesto 嘅味道。香草醬唔濃郁，味道較淡 🤔健康蔬菜乳酪沙律 就咁放d 蔬菜係個碟，而唔係mix and match 左唔同素材。露荀有d 苦，雜菜普通，油醋醬太酸。乳酪okay。🤔蒜蓉多士 似Pizza 味多過蒜蓉多士。烤甘筍牛油果香草忌廉汁菠菜麵 闊條麵煮得太軟。汁冇咩香草味，杰撻撻，唔建議。
繼續閱讀
再訪Grove，今日午餐是烤大啡菇黑松露醬雜菌燴珍珠米飯（$73），是餐牌內唯一素食，大啡菇頂有熔化的芝士，咬落磾牙有淡淡芝士味，可惜大啡菇並不大，雜菌量亦不多，只是薄薄數片，以及幾條菜，不過珍珠米份量多，吃起來有濃郁的黑松露香味，濕潤好味，很飽足。跟餐附送熱蜜糖柚子茶，今次偏酸，幫助消化珍珠米飯。Grove (九龍城)九龍城啟德承啟道38-39號啟德體育園啟德零售館3 G樓M3-004號舖
繼續閱讀
今日經開啟德體育園，就試下嘅間早餐早晨選擇唔算多，但份量啱啱好，唔會太大份揀左番茄🍅通粉加牛角包，味道ok，番茄湯濃。牛角包🥐都唔會一切就碎。但飲品就唔係好值，凍檸水要加$6，沒有奶茶同檸檬茶揀。特色咖啡飲品都加錢都幾貴環境舒服，對住啟德跑步🏃♀️場，但無咩服務。可以一試早餐
繼續閱讀
早前前往睇女排世界賽前 一心想食旁店the Pantry 可惜要延遲開門 唯有轉吃呢間the grove 趕時間入場 入座前想要求坐近窗旁當時並未滿 ，但職員唔比及指唔岩我地坐 但轉頭又安排其他人坐？😡🤬（黑長髮女職員有位大叫 可以坐窗邊呀下位客人）在等位時知道要轉lunch menu 但入座前並沒有提及有個別餐沒有提供 ，個長髮黑職員放低menu 並剷去burger 的選擇 ，當然無得簡唯有轉食其他😓在電話下單後佢竟然同廚房大叫 ：menu 已轉返正常啦 甘擺明是玩野無禮貌 還要選擇性提供服務？！！也是第一次吃呢間店 為什麼會有甘既服務態度？😧😧😧那位女職員負責帶位 聲音無禮貌又惡。跟之前食評提及有不好服務態度的經歷 看來是同一位女職員！！唔建議食 😮💨 呢個價錢真的比貴的吃其他選擇更開心
繼續閱讀