41
12
0
港鐵香港站 E 出口, 步行約6分鐘 繼續閱讀
電話號碼
24542777
營業時間
今日營業
10:00 - 22:00
星期一至日
10:00 - 22:00
付款方式
現金
食評 (58)
夏日雪糕透心涼 焦點食評
等級6 2017-09-02
4212 瀏覽
炎炎夏日,最開心當然係食杯雪糕。在香港各個大型的商場內的雪糕店,一直都被那一家「H」字頭的美國品牌(但又改了一個類似歐洲大陸語文的名字)壟斷,想找到一個真真正正來自歐洲的品牌雪糕店真的很難。這個星期日經過 IFC,再次經過這一間開業已經超過一年、真真正正源自意大利的 gelato 小店「Grom」,決定一試。「Grom」的第一家店舖於2003年在意大利都靈市 Turin(題外話:亦即是球隊 Juventus 的基地)開業,很快就取得成功,並將版擴展至意大利各地。為了保證出品質素,又在總店所在地 Turin 設置一間「Laboratory」,中央研發及調配所有 gelato 的原漿,然後才送到意大利各地的分店制作各種口味的 gelato。為了進一步控制質素,甚至乎開墾了自家有機農場 Mura Mura,種植各種水果作為「Grom」gelato 及 sorbet 的原材料。在意大利取得成功之後,「Grom」陸續在世界各大城市開設分店,包括紐約、巴黎、大阪等,去年中終於落户香港。品牌宗旨採用100%全天然材料,絕不含有防腐劑、色素、香料/增味劑及乳化劑。香港分店與意大利當地一樣,所有 gelato 及 sorbet 的原漿也是從意大利空運抵港,再在店舖的「Laboratory」進行最後的攪拌及凝固工序。換句話說,香港「Grom」的味道與意大利當地一模一樣!Gelato 及 sorbet 的定價都幾進取,較那家「H」字頭的美國品牌還要貴一些,又分成五個大小:Kids ($39)、Small ($59)、Medium ($69)、Large ($79)、Extra Large ($99)。除了 gelato 及 sorbet,還有其他衍生甜品,affogato (expresso 加 gelato)、ghiacciolo (果汁冰棒)、granita siciliana (類似思樂冰?未食過唔肯定),甚至 milkshake,當然唔係普通奶昔,而是採用進口有機牛奶混和 gelato 的高質素 milkshake。凍櫃內展示了四款水果口味 ghiacciolo ($35),這樣貴的價錢,即刻聯想起另一間以手工新鮮水果雪條馳名的本地品牌「ISEE iSEE」。後者以多花款水果口味、全天然水果制作及加入新鮮果肉招睞。「Grom」口味雖然較少,但標榜優質原材料:意大利天然礦泉水、自家有機農場 Mura Mura 種植或直接向產地農場採購的水果,根據網頁資料,ghiacciolo 有四種經典口味:檸檬、士多啤梨、小紅莓及西柚,也會有季節性特色味道,今日就多了桃味。Limone ghiacciolo ($35) 的包裝非常簡單,只有一張薄薄的白色紙套,上面寫了品牌名字「GROM」及「il gelato come una volta」,大約意思就是「It was once gelato」,非常貼切。Limone ghiacciolo 呈現非常淡的黃白色,與坊間平價檸檬冰條的鮮黃色截然不同,引證了不添加任何色素的品牌宗旨。選用產自意大利西西里島 Suracusa 的優質檸檬榨取的果汁,冰棒充滿天然檸檬清香及酸味,並沒有那種人造的假檸檬酸甜味。雖然這枝冰棒一點都不便宜,但又似乎貴得幾有道理。幫襯「Grom」,無理由唔食 gelato。Gelato 同一般雪糕 ice-cream 的分别在於乳脂含量較低、糖份含量較高;而且又用了較低的攪拌速度進行凝固,避免混入過多空氣,所以 gelato 較一般雪糕的密度更高,口感因此更加細滑、也更黏口。為了制作最佳質素的 gelato,「Grom」每個月份都會按季節生產不同口味(尤其是時令水果口味)的 gelato 及 sorbet,絕對是不時不食!甚至乎有 Flavor of the Month!各款口味的 gelato 全部密封在一個個不鏽鋼大鐵桶內。好處當然是避免暴露在空氣中、吸收了水氣,繼而影響 gelato 的口感,但對於習慣了睇樣板而揀雪糕口味的一眾平凡香港人,確實有點不習慣。以為 granita siciliana 類似思樂冰?但原來同樣儲存在不鏽鋼大鐵桶內。要了一杯 Gelato Small ($59)。本來可以揀兩個味道,但小公主兩母女太鍾意朱古力雪糕,結果兩款口味都揀了 Cioccolato Extranoir。唔知點解,睇外表好似是兩殼不同口味的 gelato,顏色都有幾明顯的分別,但食落去又的確是同一個口味。選用來自南美厄瓜多爾的可可豆,gelato 內當然不會缺少細細粒的朱古力碎。朱古力味超級香濃,而且甜度不算高。口感的確十分幼滑,每一啖都非常充實,基本上品嚐不出空氣、水份,一丁點的冰沙也沒有,與普通雪糕是兩種截然不同的口感,有點黏著口腔,但又不覺得糊稠。貴為意大利名牌 gelato,果然有過人之處,即使貴一點也算值得。只可惜香港暫時只有兩間分店,要品嚐的話就要專程而來了。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-18
291 瀏覽
中環IFC有好多好嘅雪糕選擇,但係我就比較鍾意呢間Grom意大利雪糕店。Grom其實已經好出名架啦,佢哋嘅Gelato 係純天然無添加。雖然佢嘅價錢都唔平,一個細size 可以揀兩款味道要$59,但係我覺得都值嘅。我食咗咁多次又試過好多味,我最鐘意佢哋嘅Pistachio(開心果味)同Nocciola(榛子果仁味),呢兩款雪糕都香濃細滑,又好有果仁嘅香濃味,仲有佢哋嘅招牌Crema di Grom味都唔錯,雪糕食落好軟滑不過會溶得比較快,要快D食。其實除咗gelato 之外,佢哋仲有雪芭、冰沙、雪條等好多選擇! 繼續閱讀
(以上食評乃用戶個人意見 , 並不代表OpenRice之觀點。)
This is an Italian gelateria, which having a good reputation, usually with the popular and natural image. They stand for more healthy ice cream choices of fruit sorbets and granita siciliana. .Mini size with up to 2 flavour $59Chose two flavour : Cioccolato Extranoir (extra dark chocolate, with Ecuadorian 'Arriba' chocolate and chips) + Fragola (fresh strawberry)Both flavour are every smooth and creamy, however, a bitter of taste of the dark chocolate.Taste : 😋😋😋/5 繼續閱讀
(以上食評乃用戶個人意見 , 並不代表OpenRice之觀點。)
等級3 2018-06-13
261 瀏覽
今年提早夏天,假就冇得放,日日好似蒸炉甘,仲要着靓靓返工,真系想热死人咩?小编都讲过话唔太LIKE冻野之类既东西,继STARBUCKS既开心果星冰乐之后,又喜欢左IFC既GROM,佢地既GELATO小编真心觉得新鲜,唔重奶味,我一向好怕D好漏,好奶既物体,但呢度既GELATO系最接近意大利食既,当然佢地冇我最爱既血橙啦,但其他口味,比如开心果,Raspberry, 芒果,朱古力和HAZELNUT我都觉得不错的。除左雪糕,佢地既雪条都非常吸引,我今次试左芒果,只味唔化学,虽然冇粒粒芒果肉O系入面,但感觉系好新鲜,唔系糖水呢D HEA野。值得推介!大家不妨经开IFC都去试下啦!佢地成日有D期间限定既味道,小编上两个礼拜去就见到有蜜瓜味啦,都几多人买WOR,夏天食蜜瓜系正既!我下次都去睇下仲有冇呢个Flavor先! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-04
332 瀏覽
香港高級ice cream 一直都俾「蝦根大」壟斷左個market share, 難得準時放工,特別來到頂尖一級mall 來試下呢個意大利高價ice cream, 雖然比「蝦根大」仲貴多少少,但試過後就一試難忘!招牌呢隻藍色,好高貴既感覺!每個月都有限定special 味,來到五月天既最後一天,氣溫高達35度,飯前甜品一於小試下,點了small cup with up to two flavours 客人唔驚敏感唔食得,每種味都標明致敏原,又有營養指示,食得安心又健康!先到counter 俾錢,再慢慢揀味道Cannolo Siciliano, rich milk taste with nuts and biscuits! 消暑非常! 另外,也點了classic chocolate, 香滑美味!味蕾一大享受!呢個夏天,一定會再來試埋其他味道! 繼續閱讀
(以上食評乃用戶個人意見 , 並不代表OpenRice之觀點。)