17
19
18
港鐵將軍澳站 C 出口 繼續閱讀
附加資料
消費滿$150才能使用信用卡
付款方式
Visa Master 現金 AE
其他資料
網上訂座
加一服務費
食評 (87)
等級1 2019-09-20
1295 瀏覽
9月20日初試午市放題,先試剌身,三文魚肥美,赤貝新鮮好味,蝦新鮮有甜味,帶子厚肉甜,甜蝦好味。跟著鰻魚燒,厚肉多汁,天婦羅蝦好味。燒羊架,嫩肉多汁,牛仔骨肉嫩,好。甜品,汽水,瓜果不錯!好耐之前試過,不太好。今次,真的物超所值,讚👍👍👍👍 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-09
2616 瀏覽
所謂放題:燒烤:20樣,+10樣熟食牛肉3款、豬排、雞翼、羊、蝦、青口、紅腸、迷你豬肉腸熟食:中華沙律、八爪魚果d冇樣好食而且好重味精手機點日式料理:1. 手卷紫菜淋2. 刺身細片又冇咩味3. 芝士焗蝦好膩,蝦細隻唯一俾返少少分既係服務,個別侍應好勤快,但大部分都係hea 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-02
1977 瀏覽
食物正正常常,唔算差但都唔係特別,200位差唔多啦,但無人等位下,比我地坐多陣就更加好啦😂當然明白比就人情唔比就正常環境算唔錯,油煙唔算大,座位都大,食物種類算多,但甜品放室溫感覺怪怪,所以唔夠膽食,點心都有呢下比較驚喜,始終個人比較喜歡點心,但食野果對筷子就好滑手,唔知點解會選呢種,有下次既😊 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-01
1696 瀏覽
今日又同朋友去左呢間食放題!d食物真係 ok,花膠真係好好味~~連我做開廚師既朋友都讚好!5點半去到,食刺身,壽司加埋燒烤,都係$238一位,都好抵食!真係會再去多幾次支持一下 繼續閱讀
(以上食評乃用戶個人意見 , 並不代表OpenRice之觀點。)
記得好耐之前食過呢間o既自助韓燒,印象都唔錯,今日去睇完戲搵野食時見到佢而家仲做埋日本放題,日式加韓式任食都係二百幾蚊位,又幾抵喎!即刻入去睇下有咩食先!餐廳用app自助落單,好方便,好過用平板落單,唔洗爭丫嘛,一個QR CODE可以同時比幾部電話落單。如果唔識用電話落單,應該可以問職員拎紙仔填,因為隔黎台對公公婆婆都係填紙仔。刺身壽司果D都幾多選擇,雖然都係大路野,但都OK,新鮮無雪味。呢度冇好靚o既剌身盤但係碟細細夠實際,因為本身張台中間已經有個爐,再用咁大o既盤裝刺身就冇乜位擺其他野食lu最不得了係個赤貝同海膽手卷! 赤貝刺身同出面D放題唔同,呢種赤貝刺身勁肥厚!超級爽口!忍唔住叫左40片!睇相就知,真係厚得交關,口感控o既我實在食到停唔到口另外就係個海膽手卷,海膽都屬於貴價食品,呢度有得食之餘仲要好豪氣! 以前o係其他放題食過海膽手卷,飯就多喇,海膽就得果一片仔放o係面,但係今次食到o既手卷,d海膽竟然落到底,呢個係有少少驚喜o既。其他野有和食,炸物,小食,天婦羅等等,基本上放題應該有o既野食都有,雖然款式唔係話勁多,又唔係特別花巧,但選擇都足夠。天婦羅即叫即炸,上餐果陣食物都仲係燙口,呢度有天婦羅軟殼蟹,出面好似比較少見比目魚o係出面食都係唔平,呢度有得食,燒得剛剛好吉列蠔,大路野,唯一要投訴o係職員直接將沙律醬o即o係蠔上面,想整都整唔走...蔥燒牛肉壽司自助小食有墨魚咀,八爪魚,螺肉,中華沙律,木耳,青瓜等等..自己夾o既燒烤方面燒肉選擇都頗多下,我記得上次黎,未有放題都係食呢d野,並無將價就貨,推介蒜鹽五花腩同牛仔骨,醃得好好味! 自助調料吧有好多醬可以自己拎,食燒肉配檸檬醋可以消除油膩感。 甜品選擇唔多,有d果凍奶凍蛋糕咁樣,如果有多d款式仲好。反而雪條雪糕勁多款喎.....雪糕杯,大腳板,朱古力批,仲有melona雪條冇影到,不過太飽喇乜都冇食到飲品款式又係多到嚇死人,三個飲品櫃入面o既野飲係冇重覆!啤酒汽水果汁茶乜都有,然後飲品機仲有果汁先生o既蜂蜜雪梨同橙汁,仲有清酒任飲...會唔會多得有d誇張,不過如果想飲熱野,就得綠茶.....總括黎講雖然佢夜題野食未算勁多,但係睇得出餐廳係有花過心思,而且一d都唔孤寒,食物足料,比好多之外亦食到一d貴價食物例如羊架,海膽,比目魚等等。我會話呢間餐廳係貴精不貴多。上餐速度都幾快,冇漏單,職員收碟都快,唔會食到一台都係吉碟但冇人收。日式加韓式任食的確滿到選擇困難症o既人。用餐環境勁闊落,台大走廊闊,台同台之間距離大,食得比出面舒服好多不過甜品選擇較少,泡芙,芝士蛋糕都好似冇,希望遲d會有啦!另外,如果唔鍾意飲有糖飲品o既話就只能選擇綠茶同coke zero。二百幾蚊都算抵食o既,而且將軍澳都冇乜放題食,有機會會再來! 繼續閱讀
(以上食評乃用戶個人意見 , 並不代表OpenRice之觀點。)