影片
營業時間
今日營業
11:00 - 22:00
星期一至日
11:00 - 22:00
*Last Oder: 22:00
以上資料只供參考, 請與餐廳確認詳情
有關獎賞計劃
影片
相片
香辣金不換牛肉飯
日式焦糖布丁芝士蛋糕
+252
+122
相關文章
泰國過江龍 Greyhound Cafe 在香港設多間分店， 啟德體育園零售館分店距離主場館大約幾分鐘路程，作為時裝品牌Greyhound的延伸，裝潢時尚休閒，裝修風格和一般泰菜餐廳的強烈泰國民族風完全不一樣，餐廳環境寬敞開揚，遇上大型活動日子仲有宵夜食，開放至1AM，餐牌款式繁多，包羅萬有，集齊前菜、泰式小食、湯、沙律、西餐、粉麵飯、主食、鍋物、咖喱、海鮮、蔬菜、甜品等等。脆炸粟米餅配甜酸醬 外層炸得金黃脆口，內餡扎實彈牙，混合粒粒粟米更有咬口，蘸上酸酸甜甜的泰式醬汁醒胃之餘，又可中和炸物的油膩感。香辣金不換牛肉飯 牛肉切粒肉質軟嫩，加入泰國金不換羅勒葉、蒜蓉和辣椒翻炒，惹味微辣有後勁，半熟太陽蛋流出蛋漿，讓飯粒吸收香濃蛋汁，拌飯尤佳。招牌椰子千層蛋糕 千層蛋糕餅皮口感輕薄軟綿，有適度的濕潤感，層層疊疊包裹著軟滑的椰子忌廉和清甜椰子果肉。開心果配蘋果慕絲蛋糕 外層開心果慕絲趕上近期大熱的開心果熱潮，中心位有蘋果果肉，中和甜度。日式焦糖布丁芝士蛋糕 將兩款甜品合而為一，上層為質地Q彈細滑的焦糖布甸，下層則是鬆軟綿密的芝士蛋糕。泰式凍珍珠奶茶 橘褐色的泰式奶茶口感順滑不澀口，具有茶葉香及煉乳的甜，混入煙韌彈牙的珍珠。
繼續閱讀
🍽️🇹🇭【 Greyhound Café 】 🇹🇭🍽️⋄ —————⧫♟⧫————— ⋄Greyhound開到嚟啟德零售館，以後睇演唱會前就有得食高質泰國菜喇🇹🇭🫶🏻叫咗幾個main：海南雞飯、青咖喱印度煎餅、冬蔭公螺絲粉，每款都精緻又好食，對得住價錢👍印度煎餅煎至金黃色，點青咖哩醬，椰奶香氣撲鼻，仲有嫩滑雞肉，真心正🥰牛柳粒煎至表面焦香，配炒香蒜片、香蒜汁，係開胃前菜💚最後食咗幾款甜品，斑蘭千層蛋糕好重斑蘭香味，芒果新鮮香甜，都非常唔錯🍰⋄ ┄ ┄ ┄ ┄ ❖ ┄ ┄ ┄ ┄ ⋄1.鮮香煎牛柳粒配香蒜汁（$168）2.泰式海南雞飯（$148）3.青咖喱海南雞印度煎餅($176)4.海鮮冬蔭公炒螺絲粉($168)5.甜芒果糯米飯($106)6.班蘭千層蛋糕（$78）7.芒果杏仁撻（$58）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：Greyhound Café (啟德)九龍城啟德承啟道38-39號啟德體育園啟德零售館2 1樓M2-112號舖⋄🔥更多同區美食👉🏻 #ccrreami啟德⋄⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡 #香港必吃 #啟德美食 #啟德零售館 #greyhoundcafe #greyhoundcafehk @greyhoundcafehk
繼續閱讀
令人失望嘅用餐體驗早排同朋友去咗間新開嘅餐廳，本來諗住可以嘆返餐正嘅地道泰式美食，點知成件事變晒樣，真係失望到爆。我哋叫咗一份豬肉條，上枱嗰陣樣就OK嘅，但一咬落去即刻皺晒眉——鹹到出晒面，簡直似係倒錯咗鹽咁，好懷疑廚房根本冇試味，求其煮完就拎出嚟。跟住嗰碗冬陰功味螺絲粉更加離譜，以為酸酸辣辣幾開胃啦，點知第一啖已經有陣怪味，有腥臊味，完全唔似冬陰功口味，亂咁混嘢落去煮出嚟咁。個淡淡蟹肉咖喱飯蟹肉完全唔見蹤影 性價比好低 最後嗰杯珍珠奶茶直頭係打擊——啲珍珠根本未煮熟，冇彈性冇口感，好失望。總結：成餐飯又貴又冇質素，服務態度仲差過快餐店，成班人好似趕住交更咁，無笑容，無講多謝，咁嘅服務真係唔掂，難怪香港飲食業咁差啦，食物冇心機整，味道亂晒籠，真係冇乜誠意。如果唔改善，肯定冇人會想再幫襯。價錢唔合理，兩個人食五百幾蚊，食物質素差到令人心情低落。
繼續閱讀
最近同朋友去咗啟德零售館嘅Greyhound Cafe食飯. 環境寬敞舒服，裝修簡約有型，佢就在啟德主場館旁邊，睇完演唱會都仲有宵夜食，夜晚開放至1AM。鮮蝦帶子墨魚汁麵，麵條吸收咗墨魚汁嘅鮮甜，味道層次好豐富，而且帶有微辣。蝦同帶子都係啖啖肉，彈牙又Juicy，口感好夾。炸紅鯛魚配紅咖喱醬，魚皮炸得好香脆，魚肉嫩滑中帶點鮮甜，啱啱好保持咗魚嘅鮮味。餐廳嘅紅咖喱醬好入味，帶少少椰香，醬汁同魚肉完美結合，令每啖都好冧。嗌碗泰國絲苗白飯撈汁食粒粒分明，中和返濃味嘅主菜。飲品方面，我地叫咗泰國椰青，椰青水甜而清新，飲落去好解渴，能夠中和辣味同咖喱嘅濃郁，感受到自然嘅鮮甜。
繼續閱讀
今晚同幾位朋友一齊食晚餐，見到唔夠2成檯有客，但係唔知點解OpenRice就book唔到。我哋每一個人叫咗一碟嘢，所有嘢食都係兩個字嚟形容：辣、鹹。無論我哋嗌咗冬陰功意粉、pad thai、魷魚、炸雞、豬頸肉，每一樣都非常之鹹。食完之後全部都要不斷飲水。食物細份，我哋七個人食完之後都唔夠飽。飲品方面，有嗌到泰式檸檬茶、西瓜同埋芒果沙冰，全部一般發揮。空間夠大、舒服，我哋都坐耐咗去傾偈，但係嘢食真係唔OK。
繼續閱讀