160
34
7
電話號碼
28805123
營業時間
今日營業
10:30 - 23:00
星期一至五
11:00 - 23:00
星期六至日
10:30 - 23:00
食家推介
相關文章
農曆年假後，約定靚靚好姊妹去銅鑼灣shopping兼聚餐，大家已盤算好行悕慎廣場時，順道食埋晩飯。商場內有許多食肆，但變動快速，再上去又係另一番新的景象！2015年幫襯過嘅1303號舖，原來已經換上了Green Waffle。簡潔裝潢的cafe ，不僅僅供應甜點，還有主菜、小食呢。蕃茄乾雜菜扁意粉$108: 扁意粉唔會太軟身，入口彈牙。加入洋蔥、蒜蓉、甜椒、蕃茄乾、雜香草、芝士及蘑菇等等嘅配料，份外香甜鮮美。香脆煙肉芝士忌廉蛋黃意大利飯$128: 碟意大利飯味道濃郁，creamy又好吃。雖然煙肉脆脆地又鹹鹹地，但此乎唔太吸引到我哋。燒豬肋骨伴蕃薯條及沙律$138 for half: 燒豬肋骨肉質軟腍惹味，不過肉唔太多。炸薯條大家就食得多，炸蕃薯條倒是第一次嚐呢！甜甜地唔使再落醬，不錯呀。沙律菜夠新鮮。藍莓香蕉士多啤梨窩夫$82x2: 一份配朱古力雪糕，另一份則配士多啤梨雪糕。窩夫外脆內軟，好好味。生果十分新鮮。主菜+甜品一氣呵成，無限時仼坐，唔使再轉場了。
繼續閱讀
以前去過Green Waffle Diner 食tea，覺得不過不失，最近再去食左個Dinner Set,比想像中有驚喜😍!8點去到人流唔算多。睇完餐牌覺得都係Dinner set最抵食。Dinner set 3選一唔同價錢，同樣包左前菜，主菜、甜品同飲品。南瓜野菌千層麵($168)Wild Mushroom Pumpkin Lasagna香脆雞翼配香蒜蜜糖汁Crispy Chicken Wings (Honey Garlic)窩夫伴雪糕及新鮮生果Waffle with fresh fruit and Ice cream前菜加$15要左香蒜蜜糖汁雞翼。味道唔錯，雞翼嫰滑又重蒜香，如果蜜糖味濃d會更正🍯😆。主菜個南瓜千層麵先最驚喜🎃！一放上枱已經好香芝士味👃🏻，用南瓜取代平日嘅肉醬🍝，食落冇咁膩，南瓜蓉幼滑而且帶甜味。不過最突出都係表層嘅厚芝士🧀，食落勁香勁濃郁，加上中間有大量野菌增加香味同口感，令人食到feel 幸福感呀🤤。麵下麵仲有菠菜墊底，夾埋一齊食罪惡感會低d🙈，千層麵份量夠晒大，食得好滿足！甜品嘅鮮果窩夫配一球自味自選嘅雪糕，窩夫屬輕盈感，賣相靚，而味道還算可以。但係雪糕覆除左個粉紅色以外，就一d士多啤梨🍨🍓嘅味都冇，有點失望呢。晚餐仲包餐飲一杯🍹，其實以質素加上份量，呢個dinner set 真係幾抵食呢😋！另外仲點多左杯熱情果梳打，酸酸甜甜好清新呢😆
繼續閱讀
其實我平時唔會踩得咁盡, 我覺得唔好食既最多唔提, 始終生意難做! 但係今次真係忍唔住... Pandan Pancakes $128 ~ 好難食! 堅難食! 塊 Pancake 難食到一個點! 啖啖都係濃濃既粉味, 斑蘭 pancake 無斑蘭味得粉味, 質地又硬, 仲要勁咸! 舖滿碟既焦糖脆脆又淋又痴牙, 不知所謂! 所有生果都勁酸, 呢點唔怪間餐廳, 佢哋都唔想既, 起碼唔係用罐頭生果! 全碟最好食係綠色 d 糖, 反而有 d 斑蘭味! Banana Foster Waffle $84 ~ 呢個幾好, 用心製作! Waffle 香脆, 內裡鬆軟! 連香蕉都係心機之作! Wild Mushroom and Pesto Linguine $102 ~ 好多芝士, 意粉稍嫌淋左少少, Pesto 好香! BBQ Pork Drumstick $168 + Crispy Chicken Wings $15 ~ 雞翼醬汁幾好, 有蒜香味, 蜜糖惹味! 豬仔肶唔會好乾! 有別於一般薯條, 而用上蕃薯, 外脆內軟甜甜的! 唯一係伴菜粟米未熟透, 有點硬! (Dinner set 有半份 Waffle, 大量生果, 仲有雪糕球 (士多啤梨味唔好食), 賣相好靚!)
繼續閱讀
放工唔想行咁遠，所以去公司附近食野呢間我見啲人話幾好食，好推介，所以走左入去侍應好nice咁推薦薯粒鑊仔✅同Waffle ✅佢仲同我講左green waffle既概念係一間主打健康食物的美式餐廳，餐廳老闆在加拿大土生土長，回流香港定居之後十分懷念加拿大的食物，因此在港開設了美式餐廳，當中有部份食物是按老闆在加拿大，從小吃到大的菜譜而製成，堅持製作食物要用心，食物要健康，價錢也要成正比！於是我揀左煙肉薯粒鑊仔同鮮芒果士多啤梨窩夫🔶煙肉薯粒鑊仔$102（材料：煙肉、青椒、洋蔥、炸薯粒、2隻水煮蛋及車打芝士）佢真係每一粒薯仔有炸過，再用熱辣辣的鑊仔裝住，好yummy！個水煮蛋入面都係流心架！big size一個人都會好飽，因為有好多芝士，真係好好味！🔶鮮芒果士多啤梨窩夫$84個窩夫好脆唔硬，如果有cinnamon crunch 會更好食（因為之前食過）個雪糕球叫左士多啤梨味，麻麻地，因為個味有點假，食返雲呢拿味會比較好！佢仲有分店係中環&元朗，地點都好方便！同朋友食飯傾計幾舒服食物都幾好味
繼續閱讀
Green Waffle # Causeway Bay 今日早收工 約咗好耐無見嘅朋友係 HYSAN 食飯！ 以前係呢頭讀書 成日係銅鑼灣行街！ 自從轉工之後 有好耐冇嚟， HYSAN 13/f, 食完行街好方便! 等佢嘅途中係SOGO食咗四粒小丸子， 所以兩個人分一份dinner set. 主菜部份有豬臂仔，燒春雞 等等． 頭盤有 沙律／餐湯／+＄15轉做雞翼！ 兩個人分當然係雞翼， 醬汁有BBQ／蜜糖／BAFFALO！ 朋友想食辣， 叫咗水牛雞翼！水牛雞翼 （另加$15) 份量有三隻， 每一隻都沾滿醬汁！ 雞翼事先炸過 所以好容易掛汁！ 食落味道濃郁！ 豬仔脾配炸蕃薯條 和燒粟米 豬仔脾另配搭BBQ醬汁， 咬落有肉汁 食上嚟又點似燒豬肋骨嘅味道 但更加多肉！ 燒粟米有驚喜 食落多汁 不會燒乾，面層茶上適量的燒烤汁更惹味！無論頭盤 ／ 主菜， 餐廳都會搭配沙律！而主菜更配上多一款蔬菜作配菜 主打健康美食 餐廳老闆在加拿大長大 餐廳係為思鄉開設。 老闆亦不時問四圍睇食客嘅反應，夠貼心。甜品 Waffle加雪糕 雪糕可以揀 士多啤梨／朱古力／雲尼拿 ， 店員推介士多啤梨！ Waffle基本上每枱必點， 鬆餅切落鬆軟！ 士多啤梨食落有童年嘅回憶， 有點似雀巢嘅三色雪糕！埋單$224, 每日１００ 食到西餐set CP 值ok!
繼續閱讀