304
23
4
餐廳: Green Waffle Diner
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵元朗站 H 出口, 步行約10分鐘 繼續閱讀
所有分店 (3)
電話號碼
23630938
開飯介紹
主打不同口味的窩夫,包括鮮芒果士多啤梨窩夫、窩夫伴朱古力雪糕、炸雞腿窩夫等。 繼續閱讀
營業時間
今日營業
10:00 - 22:00
星期一至日
10:00 - 22:00
公眾假期
10:00 - 22:00
公眾假期前夕
10:00 - 22:00
*最後落單時間: 22:00
付款方式
Visa Master AlipayHK 支付寶 現金 銀聯
其他資料
網上訂座
切餅費
電話訂座
賞訂座積分
當面支付
有關獎賞計劃
食評 (365)
等級4 2020-05-19
1870 瀏覽
番工最近真係有點辛苦,於是決定自己係禮拜一咁沈重既日子食餐勁野,慰勞下自己。今天去左yoho食野,順面可以行下街嘛。我去左間朋友介紹有西餐有甜品既餐廳,環境幾chill。衛生良好,一入門要量體温同用Hand rub清潔雙手。入面好多植物,環境好光鮮,但係好chill,好靜,有少少音樂仔聽下。Menu入面有西式主食、甜品、有些plant based smoothie。我去到叫左個Dinner Set($198),有一款前菜、主食及甜品,仲有一杯野飲。入到去先收到消毒紙巾同口罩套,非常好!我叫左以下既Dinner Set:餐湯(栗米湯),一款前菜(炒磨菇),主食(燴磨菇長通粉配大啡菇),甜品(雲呢拿配班戟)及一杯飲品朱古力奶。首先黎左個好creamy既餐湯栗米,熱烘烘的。然後就黎左好夢幻既餐飲,話就話係朱古力奶,但係上面擠滿cream,好正。之後就黎左炒磨菇,都ok,幾有菇鮮味。之後就黎左燴磨菇長通粉配大啡菇,個sauce非常濃同creamy。亦好足料,好多香草同配菜在當中。大啡菇十分juicy。最後就係最正既甜品喇。個pancake都幾厚身,口感綿密鬆軟,配上忌廉同朱古力醬好正!隔離仲有大量水果,夠晒健康!總結,依度食物好,價錢合理,環境很舒服。要順道讚下店員服務態度好好,非常細心及有禮!亦想讚下員工清潔方面做得好好,很認真和仔細清潔,確保上一手的病毒不會留給下一手,抵讚 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-13
1205 瀏覽
其實經過這間餐廳很多次,見到名字叫waffle,環境又好open及relaxing,以為只是吃甜品的。今日停低看一看,原來也有西餐,見不用排隊今日終於可以一試了。.一個窩夫a la carte要$100左右,而一個5 course dinne就$200左右,好似晚餐比較抵喎!.1. Appetiser 頭盤 - 可選沙律、餐湯、雞翼三隻今日的餐湯是紅菜頭湯,見到湯的豐厚色水,就知道好足料。味道有很香甜的紅菜頭味,而且調味得宜不會太齋。這是我第一次飲紅菜頭湯,餐廳很有新意不會只是提供普通的忌廉或羅宋湯。.2. Side Dish 伴碟- 可選蕃薯條、薯粒、薯條、牛油粟米、炒蘑菇這個side一點也不side! 分量超多的,放滿一個碗,完全可以當一個餸。.3. Main 主菜主菜選擇不算多有三款:燴野菌長通粉 配燒烤菇、蟹肉牛油果包 配炸魷魚、香草羊T骨 配芝士焗椰菜花。我就選了牛油果包比較特別,出面好少食到蟹肉牛油果包又有炸魷魚這個配搭。嘩好驚喜!好豐富!用上一整個牛油果,而且蟹肉好似免費咁加了非常多。麵包除得來也不會硬,是我吃過最正的三文治之一!放在一邊的炸魷魚也很不錯,不會太un,也不會太厚粉,炸得剛剛好金黃色。.4. Dessert 甜品其實食完上面三道菜已經好飽,忘記了還有甜品!以為甜品是一個小小的東西,原來regular size 咁多!甜品可以選擇鮮果熱香餅或窩夫,,而我這個熱香餅很不錯,有相當的厚度而且很香,又有生果雪糕...... 基本上這個甜品可以當一個晚餐了!.5. Drinks 飲品每一個餐都送熱飲...... 好飽啊好飽啊.......$200一個豐富晚餐,其實不算貴也好抵食,而且環境好坐得舒服,樓底超高,服務也很不錯,很值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-28
2383 瀏覽
今晚放工後約了朋友晚餐,朋友推薦我黎呢間食,因為呢度既意粉、飯、甜品都做得十分出色。餐廳環境開揚,而且好舒適。另外我好欣賞餐廳會為食客提供一個信封,用作放口罩,仲有濕紙巾及搓手液。咁樣食野都食得好放心又安心。呢度仲有得用qr code點餐,或者叫店員下單都可以的。隨自己方便。十分貼心。睇完餐牌後,最終都係決定點一個粉類一個飯類。其他唔同既食物種類都有好多,不過第一次黎呢間餐廳好難太貪心,咩都點,始終眼闊肚窄。食物上菜速度好快,而且味道仲好正,夠曬香。先講講呢客香草橄欖油野菌扁意粉,夠曬香草味,所以好惹味,又清新。另外扁意粉混和了橄欖油,所以吃起來特別香滑、濃郁、惹味,啖啖香草油香,香而不膩。滋味無窮。而且仲有好多唔同款既野菌,味道真係唔錯。另一款點了香煎三文魚意大利飯,大大件既三文魚扒,做到好香脆,而且三文魚扒份量都唔細,兩個人分享岩岩好。啖啖肉好好味,三文魚油又香,魚肉又不會太乾,而且我好喜歡煎到脆卜卜既三文魚皮,真係好好味。另外意大利飯都好香好惹味,好吸引。今餐好滿足,下次來必定要試試甜品。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-08-05
3 瀏覽
去完#潮聖 🌻,當然要醫肚啦😆去左平時唔會點去嘅元朗yoho嗰度有間寵物友善餐廳,又有dogmenu☺️我哋一早就去完影🌻 10點半就出返去仲有早餐食😆叫咗份自選奄列$108(煙火腿+車厘茄+車打芝士)仲配埋多士(有點烘得過火,好硬🤦🏻‍♀️)同哈密瓜(好甜☺️)另外,唔知乜乜蘑菇雞肉三文治(塊包又係烘得好硬好乾🤦🏻‍♀️雞肉好鞋🤦🏻‍♀️)其實帶住毛孩去食飯 最開心嘅就係遇到呢啲有dogmenu嘅餐廳,我哋人類食得時,毛孩唔洗慘慘豬咁齋望冇得食🥰呢個香蕉燕麥椰子油窩夫配新鮮生果 $38,即叫即整所以記得攤凍先好食😉 繼續閱讀
(以上食評乃用戶個人意見 , 並不代表OpenRice之觀點。)
等級3 2020-08-04
27 瀏覽
Green waffle diner係主打健康和清新的餐廳,餐廳以綠色植物為主題裝修,開放式設計所以空間感好好,jo中午去食有五個lunch set,包括頭盤、主食、甜品和飲料頭盤:南瓜湯和沙律南瓜湯好濃牛奶味,幾creamy,沙律就係沙律菜蕃茄再加醋,正常啦好味指數:😋😋😋墨西哥牛肉夾餅伴薯粒 $90 薄餅皮入面包住洋蔥、青椒、牛肉,牛肉有啲韌,醬汁酸酸甜甜伴住車厘茄、洋蔥、香草,同夾餅味道好夾,幾fresh不錯呢值得一提薯仔粒,口感軟熟量也多,好好食好味指數:😋😋😋😋香煎海鱸魚番茄天使麵 $88天使麵有少少overcooked,煮得太林唔夠彈牙,魚味道偏淡和有d鞋口,不夠鮮味,整體味道偏淡對jo蕃茄控來講要再自己加茄汁Tabasco 芝士粉胡椒粉就ok🤣好味指數:😋😋牛油椰子咖啡貪新鮮試新野,咖啡上面舖有牛油,椰子奶分開上自己加,味道會偏苦澀,對咖啡控的jo來説咖啡唔夠厚身,而這個組合jo覺得不太搭普通呢好味指數:😋😋凍藍藻植物奶咖啡哈哈一來到就嘩一聲好特別呢,底係藍色,感覺夢幻打卡一流,藍藻更富有多種維生素和維他命,而以植物奶取代牛奶更健康(零膽固醇、低糖),味道雖然無咁濃身但jo覺得幾好飲,又不太甜,健康好睇又好飲,推介👍🏻好味指數:😋😋😋😋😋甜品:窩夫窩夫好鬆軟,伴住朱古力醬、糖粉、cream,唔會太甜,不錯!果然係招牌菜,如果可以加個雪糕就好了哈好味指數:😋😋😋😋這餐廳賣點係健康素食,所以味道會偏淡,喜歡濃口味的就唔太岩了,太而適合追求健康飲食或愛美又怕肥的女士,但麵食就普通,jo就比較推薦呢到窩夫、all day breakfast和包類(之前食過toast很不錯呢)整體評價:👍🏻👍🏻👍🏻👍🏻.. 繼續閱讀
(以上食評乃用戶個人意見 , 並不代表OpenRice之觀點。)