178
53
17
所有分店 (2)
電話號碼
28879991
營業時間
今日營業
09:00-23:00
星期一
全日休息
星期二至四
09:00-22:30
星期五至六
09:00-23:00
星期日
09:00-18:00
公眾假期
09:00-18:00
付款方式
Visa Master 現金 銀聯 八達通
座位數目
30
其他資料
Wi-Fi
酒精飲品
電話訂座
加一服務費
食評 (255)
秋意暖胃下午茶 焦點食評
等級7 2016-11-21
7018 瀏覽
很久無食過窩夫,印象中,中環嘉咸街 Green Waffle Diner 的窩夫質素不俗! 於是,心血來潮星期六放工走去中環 Green Waffle Diner 食窩夫!當時,週末的中午 2:00 左右坐滿食客! 我卻忘記問店員先拿餐牌來看看,店員亦無主動給我,我只好站在入門口僅有的好幾呎位等候吧!等候期間,觀察到幫襯的食客包括:香港人、外國人甚至印度人! 供應:小食、沙律、All day breakfast、薯粒鑊仔、意粉、班戟、窩夫、三文治、咖啡、沙冰、酒…等等!包羅萬有!一心為了窩夫而來,單是窩夫已有大約十款選擇, 如果餐牌的口味不適合個人口味,亦可自選窩夫,配料及醬汁!既然當時已是秋季,想選擇暖胃的款式! 當中有一款得我垂青!細心的女店員提醒我, 她嚐過店方自家製以班蘭葉汁弄製的班蘭味窩夫帶點苦味!薑汁青蘋果班蘭窩夫配椰子雪糕 & Earl Gray Mocha薑汁青蘋果窩夫 $68 (轉班蘭味窩夫+$5) 配椰子雪糕薑汁青蘋果與窩夫分開上,前者以玉桂及糖烹調帶出香甜,薑及青蘋果仍是暖暖地,兩者烹調後呈棕褐色,基乎把薑也當作是熟透的青蘋果!柔軟的薑片,味道跟薑醋的薑口味有幾分相似!連皮的青蘋果酸甜有致,意想不到兩者是出奇地夾!班蘭味窩夫暖身而外香脆內鬆軟,質感綿密,散發班蘭獨特的香氣實在惹人垂涎呢!雪糕口味可選擇:雲呢拿/ 椰子/ 朱古力/ 士多啤梨...我覺得班蘭跟椰子口味相似,相信會夾得來! 當我忙於趁熱食窩夫,卻忽略了溶化的椰子雪糕!白雪雪又冰凍的椰子雪糕驟眼看沒有什麼特別之處!入口椰子味濃郁不算甜膩,還夾雜椰子肉,豐富了口感食落更驚喜!不論配薑汁青蘋果食抑或椰子雪糕,同樣美味吸引!Earl Gray Mocha $40可愛 Bear Bear 拉花賣相,令我不捨得攪拌呢! 表面的奶泡打得尚算細膩挺身,伯爵茶與咖啡融為一體!兩者口味平衡!清香、甜美、甘味並存!質感順喉又暖胃!是不錯喝的配搭!埋單時,醒目型男店員給予一張單張,原來是新店11月中進駐希慎廣場,期待希慎新店! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-15
3953 瀏覽
週末假期最好就係出去行下鬆一鬆,影相食野悠閒過一整日確實係件開心事,今日同朋友約左去中環,諗住食個下午茶甜品傾下計,係兩個女生必須做的之前係銅鑼灣都經過依間分店,但時常都好多人等位,所以成日都無機會食,今次係中環終於食到你啦<<香辣番茄香腸薯粒鑊仔 Spicy Tomato and Sausage Skillet>>呢個鑊仔材料豐富,除左有腸仔同薯粒,仲有青椒 同洋蔥,加兩隻水煮蛋,鑊仔上枱時仲係熱辣辣,車打芝士溶左再落茄汁同辣汁,撈埋一齊食超正<<石板街窩夫(班蘭味)配朱古力雪糕 Rocky Road Waffle+Pandan-Chocolate Ice Cream>>店員話依款甜品配班蘭味窩夫幾夾,見佢推介所以由原味轉左班蘭味,一切開個窩夫已經聞到好香既班蘭味,仲有我最喜愛既棉花糖同杏仁碎片,再加上石板街加班蘭,味道出奇地夾喎,果然無介紹錯<<Pink Lady>>呢度既Smoothie係用新鮮生果整,飲得出唔係溝糖水/加糖漿開既,呢杯就用左新鮮香桃同士多啤梨再加蘋果汁而調製出黎,飲落幾清新開胃,仲有少少似山楂既味道,食完D濃味野飲返杯smoothie就啱啱好 繼續閱讀
(以上食評乃用戶個人意見 , 並不代表OpenRice之觀點。)
寫意下午茶 焦點食評
等級4 2016-11-08
3470 瀏覽
每次行完PMQ後,都會與友人黎green waffle diner,食個下午茶,傾下計。我地都鐘意呢度環境舒適,而且店員有禮笑容滿面,係度食野好自在舒服。呢度smoothie一定必叫,因為全部都用新鮮水果調製,冇落任何糖調味。The pink lady散發陣陣果香,清甜既蘋果汁,微微酸甜既士多啤梨果肉與蜜桃層層交融 ,滿足我挑剔既味蕾。呢度其中一款招牌菜就係佢既skillet,喜歡香口既,country brunch skillet就最岩我口味。Skillet上枱仲有加熱與保溫既效果,裡頭濃稠既車打芝士受到熱源而慢慢散開,散佈在底層既薯仔,青椒,洋蔥,煙肉再攪拌,薯粒金黃香脆,刺穿半熟蛋黃後鮮味亦漸漸滲透,十分誘人。煙肉亳不油膩,亦不太鹹,所用應該係外脊肉比較瘦,相對一般健康。如果想更加美味可以自行落蕃茄醬或辣椒醬調味,朋友同我都覺得加左蕃茄醬後增添惹味。食完後依然覺得空虛,因為太好味又想再食。🙊鋪頭叫頭green waffle diner,waffles當然都係呢度既拿手甜品啦~火焰玉桂香蕉窩夫熱騰騰既窩夫濃濃蛋香,口感非常鬆軟,而旁邊既抹茶雪糕味帶茶甘,搽落窩夫上食相當邪惡。經火炙後香蕉,玉桂味香氣逼人,唔可以忽視,香蕉暖暖的,入口即溶。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-10
2677 瀏覽
穿過嘉咸街街市,無幾耐就嚟到Green Waffle Diner,聽聞佢開咗好耐,不過今次係第一次嚟。入面其中一面牆上用咗人造綠色植物點綴,多咗幾分舒適感。聽講佢哋晌平日午市經常爆滿,所以預先訂檯會較walk-in穩陣。但當日我晌下午茶時段嚟,食客就唔係好多。呢個時段仲有較相宜嘅下午茶餐,餐牌大約兩星期左右轉換一次。原來呢度除咗窩夫,薯粒鑊仔都好出名。我就決定散收一份薯粒鑊仔,再加窩夫下午茶餐,咁就啱啱好試晒佢哋。Herbed Veggie Skillet,鑊仔上嚟時仲好熱,令食物食到尾仍然係暖嘅。雜菜有翠玉瓜、車厘茄、靈芝菇、青椒、洋蔥等,先將中間嘅水波蛋刺穿,等蛋黃汁漏出再撈勻先食。薯粒炸得外脆內嫩,當中夾雜咗車打芝士碎,加埋一齊口感豐富。份量方面,由於薯粒比較飽肚,對女仔嚟講都幾足夠,惟因為防黏底嘅關係,油份相對會比較多。薯粒鑊仔係用鹽同黑椒等調味,我覺得就咁食已經夠味,最後只係加咗少少茄汁同辣椒汁提味咋。Oreo Waffle with Vanilla Ice-cream,雪糕除呍呢嗱味外,仲有士多啤梨同朱古力味揀。Oreo Waffle係晌原味窩夫漿入面加啲Oreo餅碎,外焦脆內鬆軟有彈性,且帶微微蛋香,當中嘅餅碎幾有咬口。再用Oreo、呍呢嗱雪糕等做伴碟,仲灑咗朱古力漿同糖霜裝飾,甜度對我嚟講啱啱好唔太漏。Americano coffee,帶果酸味,甘香易入口,我覺得唔加糖唔加淡奶都OK。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-08-31
98 瀏覽
Overrated, and the food quality has dropped since my last multiple visits. The Beef Skillet was a little too salty, there was only 3 small pcs of beef on my order and the texture was like chewing rubber. Mushroom Pasta was better, though still lacks flavor, the cream and/or seasoning was too light. Overall, the portion were good, very fulfilling.The waffle wasn't as tasty as the first time I went there, and it was dry. I think they could add more chocolate syrup to bring more flavor.Reservation is a must, especially during lunch hours. You'll need to return your table in 1 h15m max. 繼續閱讀
(以上食評乃用戶個人意見 , 並不代表OpenRice之觀點。)