78
1
1
港鐵香港大學站 B1 出口, 步行約7分鐘 繼續閱讀
電話號碼
91611249
營業時間
今日營業
11:15 - 21:00
星期一至日
11:15 - 21:00
公眾假期
11:15 - 21:00
公眾假期前夕
11:15 - 21:00
付款方式
AlipayHK 支付寶 現金 八達通 微信支付
其他資料
餐廳運作模式 - B類
Wi-Fi
切餅費
電話訂座
素食
招牌菜
新豬肉水牛城雞翼 Beyond Meat 牛柳絲意粉
食評 (87)
等級4 2021-08-16
319 瀏覽
呢晚去屋企附近嘅一田買嘢,見到樓下有間素食餐廳,餐廳主打無五辛蔬食,積極推廣綠色環保嘅健康生活,望望menu發覺食物選擇多,而且賣相吸引,價錢親民,一於叫老公陪我試試!Menu上面分幾大類別:沙律、意大利飯、漢堡包、三文治、意粉、亞洲風味、薄餅、健康植物奶特飲、咖啡、茶、仲有其他特飲。菜式健康之餘,又多選擇,就算係我呢啲食肉獸,都睇中唔少心水想食!最後我地叫咗個$268兩人餐,套餐包括1客小食、2款主菜,配湯及飲品。✨紅菜頭湯天然鮮艷嘅紅色,好吸睛!入面嘅紅菜頭蓉非常幼滑,味道清甜,入口清新健康。✨日式炒雜菜估唔到炒雜菜咁有驚喜!菜式少油,但卻不失鑊氣,味道夠,但絕對唔會過鹹或太重味,食到每款雜菜本身嘅原味道,而且火喉剛好,質感爽身脆口,但又唔會有未夠熟嘅草青味。✨經典未來漢堡配薯角就算食肉獸如我,都會間唔中的起心肝食清啲食健康啲,食未來新豬肉就唔怕好似成晚冇肉食好唔慣咁!漢堡包烘得外脆內軟,面層芝麻好香,新豬肉厚身,食落似啖啖肉,配埋酸甜醬汁,幾開胃,仲有我最愛嘅火箭菜做配菜添!薯角新鮮滾熱辣,好好味!重點係一啲都唔油!✨黑松露雜菌薄餅Pizza餅底脆薄,芝士份量厚身,仲有雜菌同黑松露,個配撘諗下都知正!每口都滲透住黑松露同芝士嘅香氣,食到停唔到口!✨熱玄米茶 & 凍伯爵茶飲品簡簡單單,同樣健康。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-28
303 瀏覽
之前經過香港大學站附近有一間無五辛素食西餐廳,當時想與愛吃素的長輩來吃,可惜一直無時間😐幸好新工作慢慢上軌道,終於可以與她來品嚐。-先簡單解說無五辛素食是不可以吃以下五類植物~蔥、蒜、韭、蕎、興渠(洋蔥)-HK$268 2人餐南瓜湯~含豐富的B-胡蘿蔔素的南瓜,一直也是我愛吃蔬果之一。濃郁的南瓜湯,綿密的口感。喝完整碗湯開始感覺飽肚感😃-日式烏冬~將軟熟又彈牙的烏冬放入口中已經感覺好濃香麻油味,爽脆的椰菜配上軟滑的鮮冬菇,有幾種不同的口感。重點是此烏冬不會太油膩。-黑松露大啡菇漢堡配番薯條~此菜餚上枱的時候已經聞到一絲絲黑松露的味道🤤,麵包非常軟熟,配上質感厚實的大啡菇,感覺真的像吃「啖啖肉」漢堡😆,但也不會感到罪惡感🙊外脆內軟糯的番薯,真的非常甜,不需要另外蘸上茄汁也一樣美味😚-芝士辣肉醬焗薯蓉~因為長輩不吃辣所以要求走辣。雖然是走辣但味道一樣惹味,酸微微的茄醬配上素芝士及軟綿綿的薯蓉,令長輩不自覺一啖一啖吃下去..........-熱洛神花金羅漢果茶~顏色像利賓納一樣,味道味道帶有微甜酸,有助消化。洛神花有抗衰老及消脂減肥而金羅漢果有助清熱降火。非常適合近來燥熱又愛美的愛。凍碟荳花檸檬特飲~護眼明目的碟荳花碰上含豐富維他命C的檸檬便會變成夢幻紫😍😍對於我們來說,兩款的飲品甜度剛剛好-整體來說長輩覺得這裡的素食與她平時吃的素食有分別。她覺得擺盤及器皿非常漂亮,菜式非常大份,味道不會太濃味及油膩。而且店主及侍應是非常熱情及有禮。 繼續閱讀
(以上食評乃用戶個人意見 , 並不代表OpenRice之觀點。)
對生活有所期待,做自己喜歡做的事,愛自己多一些,所以要食得健康啲,今日去了Green Tech Café,一間「無五辛素食」餐廳,嘆了一個純素英式下午茶,真心感受到小店的誠意和用心💖💖💖綠色草坪招牌,有大自然感覺☘☘☘,落地玻璃令環境更加光猛,整個氛圍都令人很舒服,不論是拍拖或多人聚會都很適合。英式下午茶,優惠價$198兩位連咖啡或茶,超抵食👍,用靚靚的三層架裝上各款甜點和鹹點,打卡一流📸📸📸甜點純素鬆餅,濃濃朱古力味,口感濕潤鬆軟👅純素芝士蛋糕🍰,淡淡粉紅色的蛋糕,充滿士多啤梨🍓味道,酸味味,口感軟滑。鹹點迷你漢堡🍔,造型很可愛,揭開面層的麵包,原來中間貌似牛肉的餡料是啡菇,加埋生菜蕃茄和醬,比牛肉漢堡健康很多😉素魚子沙律三文治,三文治上面放上了素魚子醬和櫛瓜,一黃一綠,色彩豐富之餘,味道也很好。沙嗲串燒,沙嗲醬很惹味,口感跟肉串相似😁素雞腿🍗,用腐皮捲成,咬開口後一層一層的紋理跟雞肉很相似,很有心思💯飲品方面,點了玫瑰🌹咖啡和榛子🌰咖啡,不用加錢可轉較健康的燕麥奶👍。玫瑰咖啡☕味道較清新和突出,榛子咖啡也不錯,味道同樣香醇❤對放餐廳的整體感覺都很好,店員和老闆娘都很關顧每位客人的意見,環境舒適,價錢又抵,會推介給身邊的朋友和同事,特別是吃素的一群🧒👧🧔👱‍♀️🧓👵 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-24
387 瀏覽
《素食西式二人餐🌾》———————————————-#GreenTechCafe 🍀-估唔到素食原來有咁多選擇,早排想食得健康啲,就嚟到呢間無五辛素食餐廳 ,設計行森林係簡約風格,價錢親民,食物質素超班🤩小店小本經營,店主同店員都非常親切😎-佢位於西環海邊一田商場裡面,鄰近電車同地鐵站,都幾方便~我哋叫咗個二人餐,除咗兩個主菜之外,仲包小食一客同餐湯☺️-是日精選嘅係紅菜頭湯同南瓜湯,調味都相當有心思,唔菜頭湯加入左黑椒,而南瓜湯就添加豆奶,起到提味嘅作用👍🏻-🍔經典未來漢堡配蕃薯條選用咗無蛋奶芝麻漢堡包,以新派未來肉 @beyondmeat 做漢堡,口感其實同出邊一般肉類嘅burger冇乜分別,一樣咁Juicy😆加埋新鮮蕃茄同沙律菜,非常refreshing! 特別鍾意個番薯條,炸得非常香脆~-🍛半焗流心蛋咖喱吉列朱扒意大利飯估唔到素菜都可以咁港式,係朱扒飯呀,冇打錯字,佢係一款蛋素食品,識落總覺得比一般豬扒好食,肉質更加彈牙,非常貼合香港人口味🤗-🧀 芝士辣肉醬薯蓉焗薯蓉口感香滑,新鮮出爐即叫即焗,熱辣辣,加埋芝士做到有拉絲嘅效果~辣肉醬用咗豆泥代替,一啲都唔膩💗-⭐ 參考價錢︰(不設加一)二人餐:$268🍌 抵deal 指數:8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-18
249 瀏覽
比較少接觸素食,仲停留係以前食中式齋好多油同埋好貴既印象,但如今已經超多種類,今日試呢間都令我幾有驚喜!素肉鬆百頁豆腐潛艇堡 ($48),即叫即整,法包外脆內軟,個醬好味同埋混合左紫椰菜變左粉紫色,好夢幻。南瓜肉鬆同埋百頁豆腐食起既口感完全唔似食緊素,餐廳非常懂得利用唔同既新鮮食材配搭出好味既菜式! 素叉燒撈面配春卷及咖喱角 ($78) ,一個點左西式,另一個梗係點中式交換黎試下,大大排素叉燒,質感柔軟得黎味道又整到叉燒既感覺,粗面彈牙撈埋蠔油唔會乾。炸物都OK,以蔬菜絲為主,加配左多份Share。今日餐湯係南瓜湯,唔係creamy 厚身個款,比較清但亦夠味。我地都另外加左飲品,玄米茶落足料唔係茶包,伯爵茶都好透心涼。餐廳店員都好親切,又會介紹menu,見到有下午茶menu,下次都係想試素食既甜品。呢間素食餐廳係提供無五辛素食,方便不同飲食習慣既素食者,而作為非素食者既我黎到食一樣冇任何唔慣,仲覺得幾好味,係值得支持一下既素食店,打卡仲幾靚。地點係西環一田地下,都幾方便。 繼續閱讀
(以上食評乃用戶個人意見 , 並不代表OpenRice之觀點。)