595
34
8
港鐵上環站 A2 出口, 步行約1分鐘 繼續閱讀
電話號碼
25419090
開飯介紹
正宗歐陸式餐廳,由一班喜歡周遊列國的朋友開設,常為餐廳搜羅各國優質食材。餐廳以大自然為主題,舒適優雅。 繼續閱讀
營業時間
今日營業
12:00 - 15:00
18:00 - 22:00
星期一至六
12:00 - 15:00
18:00 - 22:00
星期日
18:00 - 22:00
公眾假期
全日休息
公眾假期前夕
全日休息
*最後落單時間:21:30
付款方式
Visa Master AlipayHK 支付寶 現金 銀聯 Apple Pay Google Pay 微信支付 OpenRice Pay
座位數目
48
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座 詳細介紹
外賣服務
加一服務費
有關獎賞計劃
食評 (663)
等級4 2022-05-17
47 瀏覽
今日放工後到位於上環的律師樓簽📑文件, 完成後係附近晚飯, 上OPENRICE 見到呢間餐廳評價唔錯, 仲即時網上訂位, 有全單9折(即係免加一)。還未到5月, 晚上的天氣已十分悶熱, 再加上放工後趕過去律師樓更加出曬汗🥵兼攰, 此時能夠被安排坐近窗邊寬敞舒適的四人枱同有一杯凍冰冰既可樂加持, 頓時令心情輕鬆愉快了很多。我地點左2人餐。首先上餐包同沙律🥗, 餐包正常水準, 鬆軟也有麵包香, 如果可以烘熱少少個包會更好。刺身帶子沙律好味, 尤其沙律菜, 十分爽甜新鮮。炸魚薯條 - 魚和薯條🍟同樣炸得金黃酥脆, 炸魚尤其十分美味, 好少食到肉質咁嫩滑既炸魚, 仲要一D雪藏味腥味都無, 炸漿薄薄一層, 完全做到外脆內嫩的效果, 之前食過The Salted Pig 既炸魚薯條, 唔好味, 外皮又厚又硬。蘑菇湯 - 味道不錯, 頗香濃, 入口順滑。美國頂級牛柳裙邊 - 富彈性而帶點嚼勁, 只是略嫌牛味稍遜。我反而想特別提下佢地伴碟既粟米仔, 一直以為粟米仔之所以叫粟米仔係因為佢個樣有D似粟米🌽, 但其實同粟米無關, 因為入口又硬又無味, 絕對唔會主動買黎食, 見到都會避開。但原來粟米仔係可以咁爽脆清甜, 味道同一粒粒既新鮮粟米一樣。黑松露意大利飯 - 濃郁creamy的醬汁搭配有一點硬度的意大利飯, 好味。其實未開始食個飯已經8, 9成飽, 呢個2人餐太豐富了。甜品有兩款選擇, 百利甜酒燉蛋同朱古力慕絲杯, 我地各自嗌左一款黎SHARE。朱古力慕絲杯推介必點, 就咁睇個名以為就係一杯簡單既朱古力慕絲, 而望到實物更嚇親, 好似一杯非常杰身既朱古力漿咁, 心唸一定會好甜好滯, 點知食過第一啖之後就停唔到口, 入口輕盈軟滑既朱古力慕絲內藏雪糕🍦和布朗尼, 甜度適中, 層次豐富。見到隔離枱三位客人都係嗌呢個朱古力慕絲杯, 應該係熟客仔。而燉蛋就麻麻, 口感不甚幼滑也欠缺蛋香。 Green Orange 環境寧靜舒適, 食物質素不錯, 最重要是沒有用餐時限, 是一個適合跟朋友聚會的好地方, 客人可以坐得舒舒服服咁慢慢傾, 慢慢食, 放慢腳步, 舒緩一整天的緊張生活。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-21
1405 瀏覽
就快情人節,我同朋友book左呢間係上環嘅高級西餐廳應下節。餐廳佈置好靚,窗邊有好多燈飾,營造出一種好浪漫的氣氛,好適合慶祝節日🥰我地嗌左一個二人餐,好抵食🤪有齊前菜、主食、甜品、飲品,加$58仲可以試埋白酒/紅酒,價錢非常合理。首先會有刺身帶子沙律,帶子又大粒又鮮甜,沙律菜望落去好新鮮,配上醬汁,有一種既健康又開胃的感覺😍前菜有多款選擇,見到墨西哥蟹餅個名就覺得佢幾特別,於是同朋友嗌左呢個前菜試試。蟹肉嘅份量好多,又有蟹嘅鮮甜味,再加上墨西哥青醬汁,個餅底又脆口,整個組合令到你食完一啖好想繼續食落去😍Main course 平時就多數食牛扒多,但今次我同朋友就想試下法式油封鴨髀。長時間的低溫油封烹調,使鴨腿肉質彈嫩緊實、皮香肉嫩,食落仲有一陣鴨肉的香味🥰除左鴨髀之外,仲有唔同配菜,估唔到呢個主菜可以帶比我地一個驚喜!第2個main course我地揀左黑松露意大利飯。飯嘅軟硬到適中,意大利飯最講究飯粒既熟透程度,冇煮得過於軟身,反而係帶一點硬度,食落口感更佳,適合香港人的口味😍再拌勻濃郁的黑松露醬,每一口都散發著黑松露香氣,又唔會令人覺得好滯😎呢個黑松露意大利飯極力推介🤩甜品方面,是日甜品係一個紅莓芝士蛋糕。因為情人節嘅關係,店員主動將蛋糕放係寫上字句的碟上,浪漫又貼心。蛋糕有好濃嘅紅莓同芝士味,又唔會過甜,啱曬我地呢啲芝士控嘅人😝另外,我地都有加$58試左白酒🥂好抵🥰就快情人節,我同朋友book左呢間係上環嘅高級西餐廳應下節。餐廳佈置好靚,窗邊有好多燈飾,營造出一種好浪漫的氣氛,好適合慶祝節日🥰 繼續閱讀
(以上食評乃用戶個人意見 , 並不代表OpenRice之觀點。)
慶祝朋友揾到新工,決定食番餐好賀一賀佢,Green Orange由一班喜歡周遊列國的人開設,經常為餐廳搜羅各國優質食材,因此食物創新又夠新鮮!餐廳以大自然為主題,設有小開放式調酒吧,店內舒適優雅。同朋友點了🔖ꜱᴇᴛ ᴍᴇɴᴜ ꜰᴏʀ ᴛᴡᴏ 二人餐$688 per set,當中包括沙律、餐湯、前菜、肉類主菜、麵/飯類主菜、甜品及飲品,加$58仲可以享有紅/白酒🥗𝑺𝒂𝒍𝒂𝒅刺身帶子沙律刺身帶子大隻又厚肉,非常新鮮,配有多款新鮮爽脆的沙律菜,清新可口。餐湯是忌廉粟米湯🌽,忌廉味味道調配得非常好,熱辣辣,超美味!配上蒜蓉包一流!🧀𝑺𝒕𝒂𝒓𝒕𝒆𝒓 (Choose 1)炸魚薯條/墨西哥蟹餅/羅勒香茅炒魷魚/白酒忌廉青口/水牛城雞翼前菜5選1,選了墨西哥蟹餅,餅底香脆,以墨西哥辣醬調味,配上牛油果醬,新鮮蟹肉,蓋上一層厚厚的芝士粉相當滋味🍗𝑴𝒂𝒊𝒏 (Choose 1)法式油封鴨髀/美國頂級牛腹扒/法式豬架主菜選了法式油封鴨髀,意想不到好好食!油封鴨髀肉質爽口嫩滑,賣相非常eye catching,有多款配菜伴碟,精緻又吸睛!🥘2𝒏𝒅 𝑴𝒂𝒊𝒏 (Choose 1)黑松露意大利飯/肉醬意大利粉選了黑松露意大利飯,黑松露味非常突出,配上新鮮菇菌,意大利飯非常有嚼口,配上忌廉非常creamy🍰𝑫𝒆𝒔𝒔𝒆𝒓𝒕 Daily Dessert是日的精選甜品是紅莓芝士蛋糕,適逢情人節,職員很好為我同閏蜜送上精緻的甜品,真的非常驚喜!🍹𝑩𝒆𝒗𝒆𝒓𝒂𝒈𝒆 Coffee / Tea凍檸茶+$58 for House Red / White還點了🥂白酒,非常滿足 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-02
2400 瀏覽
✨踏入12月,提早同朋友慶祝聖誕節🎄,因為知道月底周圍都一定好full 😁上環嘅 Green orange係慶祝聖誕嘅好地方, 餐廳氣氛浪漫,窗邊有好多醉人燈飾,牆壁都有唔少聖誕裝飾,同朋友都覺得呢度好浪漫,好啱慶祝節日。🍾先來一杯香檳,配雜錦芝士火腿拼盤,慢慢傾下偈嘆下。 香檳富果香易入口,而多款芝士配襯parma ham ,莎樂美腸及火腿,還有橄欖,開胃。❤️🍴之後係意大利雲吞配血色瑪莉紅醬, 有如藝術品漂亮,味道亦非常好,薄薄嘅雲吞皮包住細緻菜肉餡,配醬汁perfect 。🦐 虎蝦海鮮濃湯湯底非常濃郁,真材實料又豐富,虎蝦彈牙 ,仲有嫩滑既青口及帶子。🍝西班牙紅蝦闊條麵配海鮮濃汁闊條麵彈牙,海鮮汁香甜鮮味,超高水準 ,紅蝦唔使多講,食材上乘超新鮮。🐂叫左杯法國紅酒,配燒慢煮牛肋骨 牛肋骨因為慢煮所以好霖,幾乎唔使點咬 ,充滿濃郁牛香。🍨🍮最後飲德國白酒,配法式百利甜酒焦糖燉蛋作結, 焦糖燉蛋面層脆卜卜,裏面燉蛋入口 creamy 唔過甜。今晚超難忘, 飲咗🍷3款唔同嘅酒,配襯唔同嘅美食,真係人生高級嘅享受💯這裡店員也很nice😍 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-27
1524 瀏覽
很累很累!真的要Chill一Chill ! 這次與朋友到了上環的樓上店吃晚餐,暗暗的滿佈黃黃燈飾,氣氛好好即刻Relax一番!服務員先來雜錦麵包,是微熱的也很軟熟,配少許橄欖油及黑醋便可。雜錦芝士火腿拼盤,三款火腿也是高質的,豬肉味特別濃,少鹹的車打芝士剛好中和了豬香味,入口減少滯膩感。再來時令廚師推介沙律,有白酒蝦火箭菜蘋果沙律,五隻大蝦氣派非常,火箭菜沒有太多的苦澀味,蘋果爽脆清新又開胃。主菜有慢煮12 OZ美國頂級肉眼牛扒配阿根廷青草醬,12 OZ真的很大份,頂級肉眼果然油脂感重,肉味香濃之餘又非常多汁,面層輕微脆香容易入口,伴碟的蒜頭經烤焗後變得非常軟身,像蒜泥蓉的質感,好好味!配南澳的McGuigan Shiraz紅酒簡直完美,牛扒鮮味有所提升。另一道主菜有香煎鵝肝伴白松露烤菇意大利飯,鵝肝充滿鵝油,既邪惡又即溶於口,意大利飯不太稠綿濟口,反而充滿松露香味,完全是味覺享受。配南澳的Purple Reign Sémillon Sauvignon Blanc 或Mojo Moscato 也不錯。甜品是火焰香蕉配雪糕,服務員把著光的酒灑落雪糕上,即時散發出清幽酒香及淡淡蕉香味,冰火之感玩味十足。 繼續閱讀
(以上食評乃用戶個人意見 , 並不代表OpenRice之觀點。)