516
33
7
港鐵上環站 A2 出口, 步行約1分鐘 繼續閱讀
電話號碼
25419090
開飯介紹
正宗歐陸式餐廳,由一班喜歡周遊列國的朋友開設,常為餐廳搜羅各國優質食材。餐廳以大自然為主題,舒適優雅。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
*最後落單時間:21:30
付款方式
Visa Master 現金 銀聯 Apple Pay Google Pay OpenRice Pay
座位數目
48
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座 詳細介紹
外賣服務
加一服務費
有關獎賞計劃
食評 (579)
等級4 2021-05-27
465 瀏覽
仲記得我同老公拍拖時常去食晚飯的一間餐廳。疫情下,都好耐冇幫襯。今年結婚周年紀念我們決定再次光顧。頭盤是北愛爾蘭生蠔$58一隻,好大隻又有小小海水生銹味道,再配上時令白酒。perfect match!之後有開胃前菜麵包,自家製芝麻包同麥包配上橄欖油陳醋進食。我好鍾意食士多啤梨,估唔到可以用來做沙律,老公order香煎黑毛豬沙律伴士多啤梨黑醋汁($128),黑毛豬非常嫩滑有肉汁再加酸酸甜甜士多啤梨汁好有特色。跟住到忌廉白酒煮青口($128),個汁非常creamy及香口,而且一碟有好多隻。主菜我點了香煎鵝肝伴白松露烤菇意大利飯($188),個飯好香濃,意大利飯唔會太淋,鵝肝煎到啱啱好乾脆,剩餘的鵝肝油又滲入意大利飯非常可口,唔會覺得油膩。 酥脆香草碎果仁焗羊架($288),7成熟剛剛好,上面香碎可口,下面有新薯、蕃茄仔、 秋葵襯托,非常滿足。今餐飯去到尾聲,要點個甜品仲未聲。之前我試過他的chocolate brownie 配雪糕好出色,今次老公點了個火焰香蕉配雪糕($88)焗製時間有點耐但值得,雪糕上有香蕉及層層嘅蛋白霜包圍,然後火焰焗至表面微焦。在上面淋上着火的酒,哄一聲燒着,個賣相十分得意,氹女仔一流。最後一杯 Long Island ice tea 做結尾,成餐飯食得好開心。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-27
1653 瀏覽
今晚放工準時冇加班, 約了女友去食意大利菜, 我帶她去 Green Orange,  餐廳距離地鐵站只 1 分鐘路程, 交通極方便.   餐廳門外有食物推介.餐廳附設水吧,   可以 Happy Hour 先飲杯酒.  我們坐近窗邊位置.  餐桌闊落乾淨,  我 飲白酒, 女友飲紅酒,  這個來自法國的 紅酒,  它的味道較為平衡, 容易入口, 味道清香.麵包塗上橄欖油: 軟熟而帶點煙韌,  質感柔軟.隨著是點餐, 我們依服務員推介, 更容易選擇. 餐廳的服務不錯, 食物好快便上桌,香煎黑毛豬沙律,  有士多啤梨及士多啤梨黑醋汁.沙律有秋葵, 青瓜, 車厘茄, 椰菜, 玉米. 夠清爽.主角脆皮西班牙黑毛豬, 切了片, 令這頭盤更可口又豐富.  黑毛豬好好食牛肝菌雜菌忌廉湯, 湯質感幼滑, 有 creamy 感.   帶濃郁黑松露香味,  配上菇片及芝士片, 不錯.帶子蘆筍米蘭燉意大利飯,  有帶子加 鮮露笋, 紅辣椒, 配上金黃色的意大利燉飯, 真吸引.兩個人一起分嚐, 吾會過飽.  帶子好鮮甜, 意大利燉飯好嚼口.另一主菜係 香草燒羊架配烤蔬菜,   擺碟好靚.  增加食慾感.  配上鮮露笋, 炸薯仔, 秋葵, 車厘茄, 紅籮蔔及大香菇. 健康美 味.  酥炸香草碎果仁焗羊架,  紅酒醬汁吸附於肉內, 味香濃,羊架肉質好, 肉稔而嫩滑,入口即化.  有燒烤香味及少少羊騷味, 不錯. 燒烤汁好味.餐後甜品:  朱古力布朗尼拌雲呢拿雪糕朱古力口味獨突, 入口微甜不膩, 雲尼拿質感滑溜, 入口滿滿雲尼嗱加香味朱古力, 越食越愛.每道菜用完相應的餐具後, 店員會重新換上另一套餐具, 服務優質.  店長有詢問客人對食物意見,   Green Orange  價錢合理, 是一間很討好的餐廳. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-21
1348 瀏覽
餐廳環境同氣氛都好有情調,仲有落地大玻璃可以望街境,食物質素高,價錢又合理,侍應好客有禮,非常適合節日慶祝和拍拖撐枱腳😍。#黃店 #黃色經濟圈.🥓雞肝醬多士配西班牙黑毛豬伴香檳啫喱💲188雞肝醬味道濃厚配上香甜清新嘅柚子醬好撘配😍,旁邊仲有鹹香嘅黑毛豬風乾火腿,捲住清新花香嘅啫喱一齊食,味道同口感都好新穎🙈。.🍲牛肝菌蘑菇湯💲78湯嘅質地非常濃稠,口感好香滑creamy,牛肝菌味道香濃,絕對飲得出用料十足😋。.🍛巴馬火腿配65度溫泉蛋.黑松露忌廉汁意大利飯💲178意大利飯軟硬適中,口感豐富得來又唔會覺得太硬太銀胃,黑松露忌廉汁味道香濃惹味,醬汁又豐厚香滑,黑松露份量非常充足,配上咸香十足嘅巴馬火腿味道更加出眾😍👍🏼。.🥩燒美國頂級安格斯西冷牛扒💲318牛扒肥瘦適中,牛味濃郁油脂豐富,四成熟嘅肉質和口感都剛剛好💯,旁邊有烤串茄、薯仔、茄子做薯菜,份量亦都適合兩人去分享👍🏼。.🥧榛子朱古力蛋糕配雲呢拿雪糕💲78Kuromi畫得好靚好精緻😳,生日都可以要求寫字同畫畫係甜品碟上😍。.🍸Lemon gin檸檬汁和西洋蜜糖🍸Earl Grey Martini 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-21
918 瀏覽
工餘食意大利餐好地方, Green Orange, 一間位於商厦二樓的餐廳, 大厦管理好好, 防疫性高, 先要測體溫才可進入. 餐廳於 2013 年開業.   可靠性高.  現在全單有八五折優惠,  勁扺食! 座位舒適,  播著柔和悅耳 Jezz 音樂, 令人輕鬆減壓. 侍應招呼很有禮貌, 安排入坐後, 送上開水及餐牌, 燃點蠟燭, 又介紹食品.  餐廳酒吧, 營造出浪漫氣氛, 令人有先飲為快的感覺.店長介紹多款酒品.大家也看看酒牌.一起點了紅白酒, Mojo 02 Shiraz Barossa Valley Australia 2018  深紅色的色澤, 香醇, 口感豐富而結實.白酒 Catalina Sounds Sauvignon Blanc Marlborough New Zealand 2018, 入口清爽, 香醇甜淨. 點完餐後, 侍應隨即送上麵包, 黑醋和橄欖油. 麵包質感香軟鬆彈.  沾黑醋橄欖油, 好有意大利風味.首先送來頭盤, 香煎黑毛豬沙律伴士多啤梨,好 fresh, 又大碟, 足夠兩人分享.   沙律面上的香煎黑毛豬,  好香好吸引.蔬菜新鮮爽口, 有秋葵, 青瓜, 車厘茄, 士多啤梨, 加上醋汁, 好開胃.  放工後真的好肚餓,  食片西班牙黑毛豬, 非常好. 虎蝦海鮮濃湯, 這個湯, 有霸氣, 金黃色大大碗.  湯夠熱,  唔錯.   有大虎蝦, 青口, 同帶子   蝦肉爽口,  彈牙, 肉質佳,  很滋味 ! 濃湯口感幼滑, 濃稠有質感.  有海鮮鮮味,   口感突出.酥炸香草碎果仁焗羊架這焗羊架 size 吾細,   備有店家自製醬汁.羊架點了五成熟,   烹調得好用心, 時間控制得好好, 羊架鋪滿酥炸香草碎果仁, 再焗, 羊架肉質嫰滑鬆軟,  品質高, 咬落啖啖肉汁, 無羊膻味,  口感佳.配菜組合也不錯.  有大啡菇, 秋葵, 紅蘿蔔, 車厘茄, 焗薯.大啡菇,  含香濃菇味, 稔滑可口.跟著是飯.  帶子蘆筍米蘭燉意大利飯,  面上鋪有三個帶子,  真豐富.帶子煎得香滑, 味道鮮美.  意大利飯飯味道比較濃甜, 入口飯粒軟硬適中,   蘆筍伴飯口感更好.朱古力布朗尼拌雲呢拿雪糕, 新焗出爐的布朗尼蛋糕, 蛋糕帶有濃濃的棒子朱古力香, 伴有一大球雲尼拿雪糕,  及健康藍莓.味道香滑不太甜,  真可口. 這個晚餐, 感覺食物高質, 廚藝巧手好味道,  份量足.  我們吃得好滿意.  服務員友善, 我們會再來.    繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-10
735 瀏覽
本身已經喺中上環返工,其實放工通常都想去第二區搵食,但同事介紹上環地鐵站附近有一間叫Green Orange的西餐質素唔錯,咁就一於試吓。6:30到達餐廳時,人數不算多,我們被安排坐在落地玻璃位置,環境開陽感覺舒服,餐廳氣氛走輕鬆路線,燈光昏暗,最啱飲一杯慢慢等食嘢。於是就點左杯店員介紹嘅德國白酒,Fresh一下等開餐。前菜分別點咗香煎鵝肝伴紅酒燴梨及芝士煙肉焗大啡菇。鵝肝火候煎得剛剛好,外脆內軟,而梨就用紅酒浸過夜,吸收咗紅酒嘅香味,配以鵝肝食可以中和當中的油膩感。而大啡菇就將炒香的煙肉,加芝士再焗,散發出濃濃的菇香。再配以大量沙律菜,感覺都算清新。再嚟就飲返個牛肝菌雜菌忌廉湯,這個湯沒有想像中的很重的菇味,反而配合忌廉香滑,口感剛剛好。主菜點了醬燒美國豬仔骨,上枱時已將骨切條,方便我們 Share食。豬仔骨的份量非常多,上面鋪滿燒烤醬汁,甜甜酸酸,還帶有輕微的辣味,同樣配以沙律菜食,感覺健康一點。最後還點了黃金蟹肉意大利飯,一上枱看見黃黃的意大利飯,原來是加入了南瓜蓉,使整個飯充滿南瓜的甜香味,但亦食到啖啖的蟹肉,食完這碟飯後,飽肚感覺啱啱好。但店員推介的甜品還是心郁郁想試一試:火焰香蕉配雪糕。首先是將整條香蕉連皮烤焗,所以香蕉的表皮已經全黑,裏面就軟糯,所以甜味就更加突出。上面還鋪滿雲呢拿雪糕及蛋白,上枱時再淋上點火的甜酒,將蛋白烤出多一份炭香,使整個甜品視覺上都加了很多分👍整體而言餐廳的環境氣氛及食物都很不錯,而地點亦非常方便,相信下次會約朋友一齊再試其他東西。 繼續閱讀
(以上食評乃用戶個人意見 , 並不代表OpenRice之觀點。)