Green Basil

營業中

休息中

如果想遠離一下繁囂，可以揸車過嚟呢度搵好嘢食喔～⭐️高塔脆餅 $60脆餅捲成一個高塔，好打卡able（真係建議趁熱食，會易啲搣開）趁熱食脆卜卜，入面鋪滿糖漿同埋花生粒，好似食緊一個充滿花生醬嘅甜品，好味好味🤤⭐️沙嗲串燒 雞/牛/豬 $115串燒好大份，驟眼睇應該有四五串，我哋揀咗雞肉同牛肉，肉味濃但略嫌有啲嚡身，配醬食好啲！⭐️泰式炸蝦餅 $98每舊都大份，蝦餅炸得香脆但唔油膩，入面充滿蝦肉，唔使驚炸粉好多，yum yum 😋 ⭐️紅咖哩雞 $108出奇地唔會好辣，肉質都算嫩滑，送飯唔錯👍🏻⭐️馬拉盞炒通菜 $85又係好大碟，通菜正常發揮，唔會太油但又保持到鑊氣。⭐️香蕉煎餅 $52呢種同喺泰國街邊食嘅有啲唔同，佢係厚身啲，食落較軟糯，蛋香味極濃，中間仲有滿滿香蕉餡料，做飯後甜品一流🥰⭐️蒜蓉薄餅 $45本身都好鍾意食薄餅，配埋蒜蓉嘅薄餅就更加好食，係好香但又唔會太膩🫶🏻📍Green Basil (屯門)屯門青山公路 - 掃管笏段1號黃金海岸商場地下30-31號舖#thaifood #屯門美食 #黃金海岸 #屯門區美食 #alwaysgugu #gugu #hungry #泰國菜 #美食 #泰式美

難得放假，可以去黃金海岸閒情一下。朋友帶我來這間餐廳，話食過幾次都覺得啲嘢幾好食👍🏻因為太肚餓，叫完就食，都忘記了記低佢哋咩名添😂😂😂淨係記得有餐叫都幾抵食，假日加多少少錢就可以叫佢啲餐。Kebab 好大件，個醬汁正，兩個人食完都飽左一半😂蒜蓉薄餅好軟好香😋串燒可以揀雞牛豬各2串，咁就可以乜都試👍🏻忘了這個是什麼，只記得是凍食，跟我想像的有一點出入（以為是熱食），但味道ok👌🏻很喜歡這裡感覺好闊落，食飯傾偈很舒適👍🏻

🍴燒豬頸肉 $108 (8/10)燒得幾香口，豬頸肉好彈牙！配咗個甜甜地嘅汁，仲有少少椰菜沙律幾fresh！🍴越式牛肉三文治 $138 (6/10)越式法包，香茅燒牛肉，法國鵝肝醬，酸菜，香葉，冇想像中咁好食，香茅燒牛肉冇乜香茅味，味道偏鹹有少少沙嗲牛肉咁？麵包都香脆嘅正正常常！🍴軟殼蟹炒越南粉絲 $178 (6/10)食落去似蒜蓉炒粉絲，冇咩越南特色，加咗店員比嘅辣醬就好少少，軟殼蟹都算香脆大隻！推薦指數: 7/10黃金海岸商場唔算好多選擇，越南嘢都冇伏！

今次去開黄金海岸，經過一間餐廳，門口見佢裝修得幾靚🥰，所以入去試吓，夏天入去好正，啲冷氣好足夠，位置好闊好舒適👍🏻👍🏻今次就4大1小去食，我地坐左最闊嘅圓形雅座👍🏻👍🏻超大，足夠坐到7至8人呀🤩由於今次多人食，試咗都好多款食物泰式柚子沙律🥗甜甜辣辣，好開胃，好多花生碎🥜串燒半打雞、牛、豬各2，佢燒得好Juicy，唔會有乾嘅口感，再加埋佢個醬，好match蒜蓉炒雜菜炒得好香，好大碟，唔會好油膩黄咖喱雞🐔雞就唔算好滑身，但佢個咖喱汁唔算好甜好辣，味道適中🩷鐵板蠔仔蛋🦪呢樣有驚喜，蛋整得好滑身，唔會燶哂，仲有蠔仔亦都好新鮮☺️印式酥油薄餅🍕呢個薄餅淨食都已經好好味，熱辣辣，小朋友食得好開心😁，點埋個咖喱汁真係好Yummy燒原隻鮮魷好新鮮爽口😊，我覺得呢個係必叫嘅👍🏻

早前，我走到屯門黃金海岸商場影相！ 影完相找餐廳食晚餐，找到裝潢幾吸引的 <Green Basil>！走入餐廳前，我先問女店員 Last order 幾點？既然是晚上10:30，我也足夠時間食吧！當日最高溫是 33'c，天氣熱影響胃口！還是選擇清新開胃的食物啦！影完相，已經將近晚上 9:00，計埋我，餐廳內只有4枱客！似乎香港夜繽紛，尚未惠及屯門遊客區的黃金海岸呢！Menu泰清新宵夜青芒果軟殼蟹沙律 $108炸軟殼蟹原隻上，幸好無被斬件！未至於熱辣辣，入口仍然香脆，保留蟹鮮味！青芒果清爽帶酸，只有少部份是較成熟，柔軟而甜美！醬汁酸甜，清新開胃！配料還有紅蝦米仔、炸蒜，似加入魚露！Fruit Float $58賣相層次分明！ 以橙汁、菠蘿汁 ...加椰子忌廉！攪拌後，看似哈蜜瓜的淺橙色！口味酸甜中滲出椰子清香味！同時清新！

黃金海岸商場中的「Green Basil」享用的午市套餐，不僅美食誘人，環境也為這頓午餐增色不少。餐廳氛圍一流，悠閒自在，無論是青咖哩豬肉飯的香濃滋味還是干炒雞柳河粉的地道鑊氣，都在這個輕鬆的環境中得到了完美的襯托，使得午餐體驗格外愉快。「Green Basil」的青咖哩豬肉飯味道出色，咖哩香氣撲鼻，辛香料與椰奶的混合恰到好處，豬肉燉煮至軟嫩，每一口都充滿了泰國傳統的風味。干炒雞柳河粉的鑊氣非常足，河粉爽口，雞柳嫩滑，配上豉油和少許辣椒的點綴，令人一吃難忘。這道菜展現了「Green Basil」廚師精湛的炒功和對味道的把控。

星期日中午時段去。冇人 唔使等 冷氣夠 坐得舒服。送餐時間正常。食物份量唔大 不過味道唔錯 兩個人叫咗咖喱牛肉加薄餅 菠蘿海鮮炒飯 煎香蕉 兩杯沙冰 $550。 我覺得如果真係經過 唔多人 絕對可以試吓

外賣自取 -- 好食，但...挑戰個人修為這是一間有廚藝，但經營不善的舖頭。不會再幫襯。如果閣下咁啱有50分鐘等候時間，推薦；如果咁啱係趕時間，又睇咗食評，假如延誤咗行程/要做的事，至少，證明本人冇作嘢。晚上去買外賣(一家四口分量)，諗住從幾間餐廳買不同餐，諗住食幾種菜式。Green Brazil 落了單(濕炒河，菠蘿炒飯)，四眼經理哥哥説20分鐘，聽落覺得少少耐，但都唔緊要，明白有四五枱客；因為仲會去另外一間買其他食物，加上 7-11 買飲品和甜品。及至其他餐廳完成落單，7-11買完嘢，經過問咗句：未有，當時15mins，我就去另一間餐廳，等咗一陣，攞埋外賣，幾抽嘢再去 Green Brazil，已經係 半個鐘，晚上卅度高温，和兒子在門口等。問咗兩次經理都係敷衍下，話就嚟得。到了35分，開始真係有啲嬲，同其他非華裔侍應講等咗好耐，佢哋算有禮貌，但除了等等之外幫唔到手。在 35分至到50分等候中，兒子已經等到呆同埋好熱好餓，我亦已經和每一個經過嘅侍應催促過，我問佢地呢兩個dish是否複雜，佢地同意係general嘢。再同經理理論，但佢亦只是話「等多兩分鐘」，我今次真嬲話唔得，叫佢直接入

經外賣平台 叫外賣自取，收到準備就緒可以拎訊息後先出發去拎⋯結果去到話未得，等多差唔多2個鐘先整好6道菜，途中已經唔知有幾多枱遲過我哋到食完埋單走埋⋯唔知係外賣關係定等到味覺差左，啲野食好普通⋯

喺屯門黃金海岸，都比較少餐廳選擇,但偏偏返工地方就喺附近,經同事推介我哋就嚟到黃金海岸商場食呢間泰國菜.今次亦係坐外面唔算太熱蟹肉炒飯:7/10 蟹肉炒飯中規中矩,性價比唔係好高,而且味道較淡唔適合食重口味嘅人，蟹肉份量正常,最主要味道唔夠重！青咖喱雞飯：9/10呢個推介,青咖喱汁做得比較正宗濃郁，有少少辣正常的,肉嘅分量都正常，而且配料比較多一定食得飽噉佢嚟講佢呢間餐廳嘅咖喱係非常唔錯,炒飯就爭少少味道冇乜味,咖喱飯推薦

極度不滿嘅一餐飯。等上菜等到炆。星期六晚8點想食下泰國菜，見間店openrice上評分唔錯，就咁中伏😡。我大約8点10分落order, 叫左個柚子沙律、椰子湯，乾炒牛河，黃咖哩飯配2份印度烤包，腰果雞丁。 當時間餐廳，大約10枱客，5成滿。等左20分鐘，先上印度烤包，話2分鐘後上黃咖哩。我地食左1份包，成10分鐘都無上咖喱，提下waiter 又話2分鐘就出。等足成30分鐘，先出個柚子沙律。等咁耐都唔上熱菜。大人細路等到炆，不停催上菜等到9点，終於上熱菜，野又唔好食。大家食兩啖就埋單坐的士走人。我估間餐廳做好多外賣，如果喺屋企酒店就可以慢慢等。最後講下D菜味道，重味唔好食。

印式鑊仔雞 ⭐️⭐️⭐️顏色好吸引 一上枱已經香氣撲鼻🥰 入口既時候少少辣 但係後勁強😂 好好餸飯😂 但可惜無叫飯 雞肉係超級嫩滑 🥰🥰蟹肉奄列⭐️⭐️⭐️⭐️好有驚喜 ！！！ 一眼睇上去好似蠔餅🤣🤣好香蛋味，但有少少油膩感如果個蛋厚返啲啲，會開心啲❤️都算幾多蟹肉， 每一啖都食到蟹肉😍食落去，都算好鮮味， 唔似係罐頭貨因為食到少少蟹殼碎，😂哈哈， 都可以接受既感覺上好似真係拆出黎既蟹肉咁。😜分量比想像中多， 好滿足。.泰式金邊粉⭐️⭐️⭐️中規中矩，味道本身偏酸🫣仲要加多少少青檸汁汁，都幾開胃🤤配料好足，成件事好豐富蝦肉都好爽口彈牙🤭整體調味幾唔錯泰式雞肉酸椰子湯⭐️⭐️⭐️⭐️⭐️嘩！！呢個真係不得了😳😳唔好睇佢碗仔細細，其實可以分到4-5細碗出黎同4-6個朋友仔share就岩岩好🤓同理好好好好好飲！！！！🤩🤩見佢咁白，以為凈係得椰子味， 少少酸味呢個湯係帶酸味既，都偏酸，但好易入口唔會有‘’那‘ 喉既感覺，反而係同椰子味好夾第一次飲呢個湯， 好有驚喜！🥰而雞肉片都好滑， 大大塊，完全無投訴吖Roti truss⭐️⭐️⭐️⭐️凈係賣相己經贏左！好I igable ， 好岩打卡😎其實佢係甜既，裏面有加煉奶可以黏住花生碎

今日一早入去黃金海岸玩jumptopia@ Gold Coast🤩🤩🤩雖然朝早仲係寒冷警報☃️☃️☃️點知太陽一出熱到不得之了🥵🥵玩咗一個鐘頭簡直虛脫😵😵😵不過阿仔玩得勁高興，呢樣先係最緊要🥰🥰🥰玩完就去附近搵野食先呢度食肆有露天茶座，再加上多外國人，好有渡假嘅感覺☺️☺️睇睇個menu主要係東南亞菜，啱晒而家玩到熱辣辣，香料多嘅野應該可以刺激一下胃口。入去先知原來樓底咁高，好有足夠嘅空間感。同埋呢度充滿住唔同嘅色彩，勁colourful，令人覺得好有活力，完全配合晒今日彈跳嘅主題😆😆中間有個bar area，tune down返少少。座位都夠晒闊落，整體都覺得舒服。馬來咖哩雞配白飯$80😋😋😋啲米同平時食開嘅米好似有啲唔同，比較長同硬身豬頸肉炒烏冬$75😋😋😋😋😋去泰國個時最喜歡食flat noodle with soya sauce ，呢個都唔錯，炒得好香口，改左炒烏冬都好啱我口味。Lunch包埋餐飲，凍飲唔洗加錢😍😍叫左凍檸茶凍咖啡🍹🥤呢度環境舒服，野食整得唔錯，有平日套餐，價錢對比附近其他食店比較相宜，屬性價比高食店。👍🏻👍🏻👍🏻唔錯唔錯🥰

夜晚同朋友去咗黃金海岸個邊行下，順便搵間餐廳食少少嘢。朋友見呢間食泰國嘢感覺唔錯，憑直角就入咗去。呢間樓底好高，一入到去好似去咗外國嘅餐廳食飯咁，幾chill！無睇錯大部分待應都係外國人，另外用QR code落單幾方便！大蝦炒金邊粉貌相幾靚，2大隻蝦，都爽口彈牙，金邊粉都炒得幾入味，酸酸甜甜幾開胃，個人幾推介！呢度嘅飲品我都同樣推介！同樣貌相幾得，飲落去一啲都唔假。叫咗一杯Oreo milkshake，milkshake上面仲加咗cream，mix落milkshake到又正又邪惡！Coconut Lassi印度奶昔，用yogurt、水同coconut香料混合而成，酸酸地幾好飲。

黃金海岸嘅高質泰國fusion菜由於住喺附近，所以唔想煮飯又唔想落街嘅時候有時都會encore再叫佢，基本上每次都穩陣嘅，我最鍾意食佢哋嘅炭燒豬頸肉同埋Butter Chicken今次就叫咗小食拼盤有四樣嘢食，其中一樣就係燒豬頸肉，真係有炭燒香味外皮带脆，入邊肉質豐富，炸蝦餅亦都非常唔錯爽口有蝦味，雞翼就不過不失，串燒就真係有啲失色啦比較乾。butter chicken 牛油味重亦帶果香，配合埋原味naan 真係好正，但塊naan比較乾同硬有d 失望