& green

營業中

休息中

Lunch 唔想食太飽又想坐得舒服，這間Coffee shop就最啱，木系裝修，環境夠大，坐得好舒服，飲杯咖啡，食個三文治或沙律，傾吓計，快樂的下午💛菜式方面選擇不多，每個系列3-4款，eg : Sandwich & Salad 各4款，我覺得不雖要多，好食就ok la😋▪️Americano $40▪️Caramel Macchiato $45咖啡正正常，幾香濃，Size同價錢係正比，焦糖不會過甜💛▪️Roster Beef Sandwich $78面包係多丹麵吐司，好香牛奶味，燒牛肉好味，份量好多配埋洋蔥沙律菜一起，正正💛▪️Egg Sandwich $62呢個玉子真係不得了，好厚好滑，簡簡單單超好味💛💛💛

三文治比想像中香同飽肚，雞肉嫩，包都烘到好香，暖暖地，中午黎講輕食岩岩好。舖頭人唔算多，公眾假期唔洗點排隊，坐得舒服，好有空間感。坐低食件cake，休息下傾下計岩哂。

環境ok,但運作真係需多調整每次嚟到,都會有唒心理準備要等等落order,等食物今次嘅all day breakfast, 上菜速度算ok仲可以係set,跟番杯coffee穩陣之選

午餐鬆一鬆,又係一個人食飯既日子,行到去附近搵到一間日式風格既CAFE內裝係走簡約風好有格調同空間感 不設用餐時限 等位可能要比較久,我等了10分鐘午市提供各式意粉或日式咖哩定食 或三文治最後就叫左一款日式咖哩雞扒定食 配飲品一杯和沙律一份連擺碟都係好日系,用木盤一SET咁上菜,整齊既感覺好睇雞扒係照燒汁煎過,入味有淡淡甜味,雞扒已代切上,食時好方便,重細節GOOD另配日本食咖哩必備既福神漬,半隻蛋仲有野菜,好重視味道既平衡個道理就好似日本食吉列豬扒一定有蘿蔔蓉配埋,呢D係細節位平時唔留意未必知咖哩汁濃而香甜,撈飯食最夾,另外加錢換了精選咖啡一杯唔洗落糖已經好夠味,奶泡香滑,咖啡有淡淡果仁香環境一流,食物唔錯,服務滿分& Green Cafe地址： 紅磡愛景街8號海濱南岸地下1B號舖評分8/10平均消費$150

今次係第三次再訪啦～cafe空間真係算幾大又無限時坐 cafe環境又幾靚 係香港真係唔易搵食物方面就正常水準 豬排三文治好似係招牌之一 飲品叫咗latte都唔錯 幾順口下次都會再嚟！

Weekend放假特別想搵間Cafe食下野歎杯咖啡chill下~突然醒起男朋友屋企附近有間唔錯嘅Cafe一直都無介紹畀大家，所以今次就揀咗食呢間~ 「& green」係一間日式咖啡店，咖啡店間開咗兩邊，一邊係Cafe，一邊係室內設計公司個Office！店內裝修溫暖舒適，空間感大，環境清幽！基本都係附近啲居民幫襯，唔需要點等位，非常適合三五知己舒適閒聊下或者一個人靜下做下嘢~🧡Chicken Hamburg Curry Rice（$93）日式咖喱漢堡扒飯個咖喱係淡淡地較溫和嗰種，食落好舒服，咖喱汁好足夠，蓋滿成個飯，啖啖都食到美味咖喱！ 🧡Mentaiko Pasta Salad（$83）Mentaiko Pasta Salad係冷麵底，配料有紫菜、大蝦、蟹籽同沙律菜！味道幾得意，勁似食緊壽司，個人都幾鐘意！ 🧡Cappuccino（$43）Cappuccino偏淡口、屬於假日休閒風嗰種，拉花拉得好靚好細緻，咖啡豆都幾香，都幾好飲！

呢間cafe位於紅磡海濱南岸樓下，人流唔算好多，加上店舖好大，所以都較容易搵到位以半自助模式運作，自己出去落單，自己揀位，任坐無限時間，店舖以木系為主調，舖頭入面亦放了好多綠色植物，好有日系既感覺，環境好舒適，非常自在玉子沙律三文治厚燒玉子個樣好吸引，但食落唔夠蛋香，丹麥麵包凍左無翻熱，一咬油膩感重，唔酥脆生薑豚肉飯都幾大碗，豚肉亦都鋪滿成碗飯，生薑酸酸甜甜正好解左豚肉既油膩感，味道不錯紫薯Latte轉了燕麥奶，個拉花係完全失敗，明白植物奶沒有油脂是很難打出綿滑既奶泡，真係要一流既打奶技術先可以拉到花，好彩味道搭救，有淡淡既紫薯味，同燕麥奶都幾夾抹茶Latte呢杯用返牛奶，拉花會相對較易，但線條唔對稱，個花都唔靚仲有d歪，味道還可以罷Iced Americano基本上就係espresso 加水，沒有技術可言，反而覺得佢隻咖啡豆幾好飲，咖啡味香濃撇開食物同飲品，呢度環境清幽，真係一個好好坐既地方，咁好既環境真係唔係度度有，希望佢地食物同飲品方面都可以再努力鑽研下，唔好嘥左個咁好既地方

週末與好友歡聚，由她提議來到紅磡的「& green」。這也是筆者首次體驗屯馬線，由大西北一直坐到何文田站，再轉線至黃埔。「& green」就在理工學生宿舍毗鄰，走木系風格，甚有空間感。餐廳亦不設入座時間限制，所以輪侯座位時間也相對較久。Menu以外的是日精選意粉，長通粉口感帶煙韌，有𡁻勁。配上羅勒青醬，帶著淡淡香草味，但油分太多，吃到尾段時因為過油而放棄了。雞肉頗為嫩滑，唯雞肉間未有完整切斷，一夾便是幾件連在一起。等侯時間較長的三文治，用了烤香的丹麥酥方包，軟熟又有牛油香。中間夾滿煙三文魚、牛油果和沙律雜菜，口感味道豐富。檸檬撻幾大件，以這個價錢來說算是抵食。撻皮軟身，入口充滿檸檬酸香。白葡萄烏龍冰茶入口有著清新宜人的香氣，消膩解渴。不過筆者就不太喜歡倒杯的設置，一杯過上枱會更方便。

今日出街搵地方做吓嘢，不過度度都有限時，所以黎到& Green，貪佢任坐唔嬲！今日星期日，大概中午1點黎到，都有9成坐滿，但都好快搵到二人位，於是坐低。最後order左2樣野食同2杯野飲！大家留意：：：：星期六日係無set lunch 架，所有野都只可以單點！Egg Salad Sandwich ($62)一舊好厚既蛋加丹麥麵包，算鬆軟，不過不失，伴碟有沙律，可以清下腸胃。Pork Udon ($88)湯夠熱，豚肉口感不錯，烏冬彈牙。Regular Coffee ($36) Chocolate ($40)飲品略貴，但屬一般水準，如果唔係誤會左跟餐送都唔會特別叫。整體來講，可以有個地方任坐一日真係唔錯，但希望食物質素可以有提升

& Green較近民居，人流唔多，環境亦清幽☺️好多時啲人氣café都太多人，排到都坐唔耐😣今次就同男朋友搵間少人啲既，傾下計💬餐廳幾寬敞，以木系裝潢為主，仲有啲沙發位，感覺休閒，唔少人仲拎埋電腦黎做野💭~「愛你值不值得，其實你應該知道，愛就是不問值得不值得。」✅Beef Salad ($78) 🌟3/5分有7-8片燒牛肉，燒得幾香，有肉香亦唔柴👍🏻沙津菜新鮮，再配上少量洋蔥同3,4粒牛油果，但略嫌配搭有少少單調，而且份量太少了😛~✅Homemade Berry Sauce Pancake ($75) 🌟2.5/5分入座大概坐左7成，pancake等左40分鐘先黎🥺男朋友多次擔心煎40分鐘會燶🥱~ Pancake有2塊，厚薄適中，微暖☺️帶點蛋香，但整體偏實，有啲似馬拉糕😂Berry Sauce略酸，cream正常，水果有啲少😣✅Matcha Latte(Iced) ($50) 🌟1/5分可能沖得唔係幾好，男朋友表示飲到成口粉…✅Caramel Macchiato(Iced) ($47) 🌟3/5分咖啡幾香，caramel就太輕手，整體CP值亦唔高。坦白講，餐廳食物其實一般，飲品偏貴😛只不

☀️☀️呢排天氣熱到真係唔想離開冷氣地方 假期都只係想搵間舒舒服服既cafe hea一日☕️ 位於紅磡既 & green 環境唔錯 真係可以坐一日～ 🍽食物就比較普通🙂🥢日式豚肉烏冬🍲 ⭐️⭐️⭐️簡簡單單既清湯烏冬加日本豚肉 係炎熱既天氣食d清清地既野都唔錯～ 不過就比較普通🥢燒牛肉咖喱飯🍛 ⭐️⭐️⭐+️0.5⭐️日式甜咖喱帶d微辣 伴飯係幾唔錯☺️而薄切燒牛肉都算嫩 但無咩牛味～ 係一個唔太驚喜既日式咖喱飯😆另外仲叫左杯flat white同iced americano 不過就無得加配 性價比唔算太高

係紅磡想食日式pancake 嘅選擇唔多之前上網見到呢間& green cafe 啲相好似幾四正，所以今日突登走過嚟試吓！我哋大概一點鐘左右到步現場都坐滿咗8 成人，事先無得book位。佢係free seating既，行入去見有位岩就坐低今日無乜位揀，坐正個風口位，就算係炎炎夏日都未必頂得住現場咁凍😆呢間cafe 提倡自助回收碗碟返station，可能係咁嘅緣故，所以店員未必會等食客走咗就清潔枱面。係我哋坐低嘅嗰張枱上面，仲發現有兩粒上手剩低嘅飯粒係到，呢到有少少扣分。原來pancake 只會係星期六、日先供應點餐果陣店員表示pancake 要等30 分鐘 （最後要40 分鐘先出到爐）咁我哋諗住無乜所講所以都照叫嚟試另外再叫多咗份鐵板烤雞三文治🥪但估唔到連三文治都要等25 分鐘先上到枱相信呢間係慢活cafe，廚房唔會同你快做。 如果你果日十分肚餓的話就建議搵其他地方食嘢喇！ 係等緊嘅期間如果太悶可以係現場睇吓佢啲書/ 雜誌。我睇咗本日文寫既行山路線推介（利伸：小編唔識日文，主要係睇相多同佢僅有嘅漢字） 講返重點食物嘅質素都唔錯，無令我哋失望包包好鬆軟可口，夾住淡淡牛油香味烤雞仲會有啲啲

自從於理工讀完書畢業後，出來工作就甚少到紅磡一帶，朋友早前發現於理工宿舍附近有間Cafe好似幾正，於是約埋我去一試。餐廳環境寬闊，日系色調令人坐得舒適，而且樓底高無咁應聲，傾密偈都唔怕俾隔離枱聽到。食物價錢一般，美食味道都唔錯。Sweet Potato Latte $42拉花都靚仔嘅，飲落好香滑的紫薯味，甜度適中，可以慢慢歎。 生姜豚肉飯 $93豚肉多片佈滿飯面，伴有少許蔥花和洋蔥粒，豚肉油香味美脂肪平均，飯粒粒分明，醬汁味濃，令人不自覺一啖接一啖食晒成碗飯。

平時多數帶飯，偶然發現呢間cafe係公司附近，就諗住係lunch時間過來坐下，遠離下工作既繁瑣。因為唔就腳，要係黃埔個邊行上橋過對面，再落橋先到；喺近poly宿舍附近，由公司行去要20分鐘；所以lunch時間都冇咩人，唔駛等位。係收銀處叫完及付款後會有號碼牌，之後可以坐低等職員送餐；餐廳好大，座位寛闊。我叫左好多人推薦既蛋沙律三文治, 想試cake不過怕太飽冇叫到，不過來到後發覺原來好細份；烤過既丹麥包加厚蛋，好味Cappuccino，叫三文治加$10就有～係度過左個悠閑既lunch hour後，要返公司做野了😢

今日專登去黃埔搵個friend食lunch搵咗呢間位於理工大學宿舍隔離嘅Cafe喺cashier 落order直接比💰再攞番個牌仔番位等雞扒烏冬 配沙律烏冬量有點不夠（對我）雞蛋三文治🥪賣相睇落去普普通通包好香而且鬆軟蛋夠滑 加咗牛奶牛油🧈味道一流 同朋友一人一半🥳薯菜雖然唔係重點 但係係凍嘅有啲唔夠飽再嗌多個pancake食呢款pancake同平時食開嘅pancake有啲唔同質地較厚實 Pancake製作需時想食嘅就要早啲嗌定 不過2點先可以order㗎飲番杯咖啡☕️我呢杯係熱焦糖咖啡 好甜嘅朋友可以點呢款整體黎講 食物質素中上環境闊落寬敞樓底高裏面主要以木色為主色而且餐廳入面好多植物嘆住杯咖啡好舒服值得再黎♥️