82
32
12
港鐵九龍站 C1/ D1 出口, 港鐵柯士甸站 B5 出口 繼續閱讀
電話號碼
27364888
營業時間
今日營業
12:00 - 00:00
星期一至五
12:00 - 00:00
星期六至日
11:00 - 00:00
付款方式
現金
座位數目
180
其他資料
網上訂座
酒精飲品
賞訂座積分
外賣服務
電視播放
球賽直播
食評 (140)
圓方好聚點 焦點食評
等級4 2017-09-25
2810 瀏覽
繼續生日月慶祝活動!朋友提議到圓方食飯,想試個間燒肉好多人,去左3樓個度隨意揀左間西餐廳。7:30pm都唔多人,二樓只有幾枱客。龍蝦湯 - 平時飲到既龍蝦湯通常偏咸,今次依個唔會只有咸味,味道濃郁又香滑,有唔少龍蝦肉仲幾大碗,兩個人都夠飲!不過法包太燶。煙三文魚凱撒沙律 - 係我近排食過既煙三文魚最好味既一間!沙律菜份量適中。黑松露牛油炒野菌 - 無黑松露味,其實我仲岩,因為我唔好黑松露!14oz ribeye - 朋友揀 medium rare,真係岩岩好!成件事好吸引,重牛味,牛既邊都有grill過,厚道適中,凍左食都好味!海鮮燴飯 - 唔算多海鮮,有青口,蝦,salami粒,略嫌乾身左啲,多汁少少仲正。環境:我地坐二樓,有background music播啲舊英文歌,有較昏暗燈光,好適合情侶!另外有電視睇賽車,男仕們飲下啤酒聚舊都係唔錯既選擇!衛生:依個位要扣分!我地張枱既地下好污糟,成地粟米!同埋一拉開張椅子上面仲有幾條沙律菜⋯⋯朋友係做飲食業都讚間餐廳唔錯!值得一試!不過建議店員多留意地下及椅子有無食物殘渣! 繼續閱讀
(以上食評乃用戶個人意見 , 並不代表OpenRice之觀點。)
等級6 2017-05-29
8363 瀏覽
周日,本來想去海灘進行 2017 年第一次下水禮,但天氣不似預期;唯有改變行程去了《Elements》,讓小公主試試溜冰的感覺,看看會否成為未來滑冰皇后。遊戲完畢,順道在 《Elements》開餐,目標鎖定在天面平台的餐廳。走上商場的露天平台,舉目一望,四周都是幾十層高的超級豪宅。其實都幾奇怪,商場平台屬於公眾地方,所有人都可以去到,但遠遠望過去,又可以隱隱約約見到這些豪宅的平台花園;換句話說,商場公眾地方與私人住宅只是利用欄杆或者中空分隔,感覺上欠缺了一點私隱。但這個露天平台的環境確實不錯,所以商場設計也在平台四周規劃了不同風味的高級餐廳。循了一圈,最終揀了「Grand Central」,原因在於豎立在餐廳門口的推廣餐牌。餐廳有包場服務,地下正有一批人包場搞生日派對。外籍侍應帶領我們一家三口上去餐廳上層,原來又有另外一批人包了半層為小朋友搞生日派對。筆者這些外人就只可以被安排坐在靠牆邊的卡位。裝修風格是典型美式餐廳,甚至牆身的壁畫牆紙也是一棟棟的 Art Deco 高樓大廈,感覺就像處身在紐約市;與餐廳下層的大大個 logo 互相呼應。餐牌雖然有個 weekend brunch menu,但其實所有菜色只不過是從主餐牌抽選出來,沒有什麼特別、也沒有什麼優惠。多口問問餐廳經理,上班日子的午飯時段是否有什麼午市套餐,答案有點出乎意料,竟然是「沒有」。原來「Grand Central」無論周一至周日、早午晚都只有一個餐牌。睇起來,在 ICC 工作的上班族真的相當富貴!揀這間餐廳午飯的原因就是門口那個推廣生蠔的海報,冇理由唔食半打 coffin bay($109)。時值南半球步入冬季,生蠔季節開始,coffin bay 又是澳洲其中一個最普通的生蠔品種,剛剛上市;餐廳因此做特價推廣,光顧當日也是推廣的最後一天。生蠔盤附上一小砵紅酒醋及酸辣醬,但還是最喜歡簡單的鮮檸檬汁。唔知道是否因為推廣特價關係抑或尚未到最佳季節,coffin bay 很細隻。這款生蠔本身唔算 creamy,肉質偏向爽脆,尤其是裙邊更加特別爽口。筆者一向鍾情大大隻、又creamy 的生蠔,所以未感充分滿足。鬈毛小公主的 daddy 唔鍾意食生蠔,另外要了一客 Oyster Rockefeller (3 pcs, $89)。這是一個非常經典的焗蠔菜式,配料有菠菜、香草、牛油醬汁及麵包糠,但廚師點炮製手法似乎有啲問題。菠菜及麵包糠份量太多、香草及牛油醬汁份量則太少,蠔肉又好似 over-baked;食落口非常乾身,完全沒有任何醬汁,蠔汁亦似乎完全被焗乾了。之前實在很難想像一隻乾癟癟的焗蠔原來可以這樣難食。印象中第一次在餐廳要個 Kid menu (burger & fries) ($84),相信是一個幾典型的兒童餐;陳設方式不須美觀,最緊要夠得意。一只摺紙卡通造型小船,船頭放了一小份薯條及茄汁、船尾放了一個迷你漢堡,兩者都是小朋友最喜愛食的西式快餐。雖然只是兒童餐,質素也應該與餐廳的正常出品睇齊,結果卻非常失望。薯條外層不夠香脆;漢堡包就更加不能接受,單睇賣相,實在好不了「M 記」很多。麵包與嘉頓出品沒有太大分別,漢堡牛肉也只是薄薄的一小塊,除此之外,餡料就只有一片番茄、一塊半溶芝士及少量醬汁。雖然明白兒童餐的份量會少一點,但話晒都算係一間中高檔次餐廳,冇理由這樣隨便弄一個迷你漢堡包出來。講味道,甚至乎可以用難食形容,漢堡牛肉太乾、太硬,完全沒有任何肉汁,但又不是那種充滿濃郁牛肉味的免治牛餅;感覺就好像在咀嚼非常嚡口兼無牛味的肉類纖維。Black Angus Steak & Cheese Sandwich ($198) 同樣有一份跟餐薯條,另外配有兩小杯醬汁,分別是茄汁及蘸三文治的肉汁,只是有點奇怪肉汁小杯實在十分細個,到底想客人如何蘸三文治?麵包表面及內層都輕輕炙至有焦香坑紋,內層也有烘香,總算做到了一間高級餐廳應有的三文治基本要求。但麵包不算非常溫暖、咬落去也不夠鬆軟,咀嚼下來甚至乎非常乾燥,有點難以吞嚥。餡料都算豐富,有很多塊切成薄片的美國安格斯牛扒,配菜又有蕃茄粒、洋蔥碎、黃椒粒及一大片半融化的芝士,芝士完完全全覆蓋所有材料及牛肉,睇落都幾吸引,但食落去就比預期中差。牛肉切得太薄,很難控制火喉,所以煎到差不多全熟;肉味淡、唔夠 juicy。由於每片牛肉實在太薄,咬落去唔係太食得出牛肉,配菜味道反而更加明顯。今日只是食晏、胃口不會太好,所以沒有叫貴價的高級扒類及其他各款意粉,不知道味道到底如何。但所揀選的那份三文治已經是其中一個推介菜式,再加上那幾隻焗得嚴重過火的 Rockefeller;整體食物質素真的非常麻麻地。很難想像一間位於《Elements》這個可以説是全香港最高級商場內的餐廳的出品會這樣一般,更加難以想像的就是一眾富貴 ICC 上班族到底是否有其他選擇? 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-27
438 瀏覽
Grand Central ~~ lunch semi buffet $148 一位 其實幾抵食比我上次黎食 進步左 有生蠔食 有意外驚喜!!不過 原來d蠔偏瘦 而且refill得有少少慢Parma Ham, Salami, cheese 都唔錯👍🏻👍🏻另外 我地加左兩碟hot dish 1️⃣ mushroom risotto $68多🍄菇 幾正 都幾creamy 不過點解咁咸嘅 師傅你個日心情唔好???2️⃣牛肩肉 $98肉質ok 不過都幾多筋 呢個價錢得三舊細細舊 好似有d少wo老細甜品 chocolate tart 👍🏻👍🏻👍🏻唔太甜 不過朱古力食落好純 🤗 繼續閱讀
(以上食評乃用戶個人意見 , 並不代表OpenRice之觀點。)
等級2 2018-03-27
322 瀏覽
滿懷期待去試這間餐廳,在menu 上見到個seafood platter for 2,$698,叫咗個試試,lobster半隻,ok吧,生蠔半打,我老公話味道淡,青口一般,🦐蝦可以,煙三文魚最好吃,吞拿魚最差,完全冇味!整體感覺比想像中反望!再order 了一份焗薯皮,但做法似焗薯多D,sour cream 份量好少,煙肉也只有幾碎粒!餐廳服務也一般,招待外國人態度好D,如果在這地點及這價格,只可説有少許失望😞。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-03-09
232 瀏覽
This is one of my favourite restaurant that i usually go. They got lunch, brunch of course dinner, if u are meat and seafood lover, this is the place for you. My favourite dish is surf&turf which is girlled tiger prawn and beef ribeye, all are very juicy and delicious, also they got some mashed potato on da side, was always creamy, perfecto. 繼續閱讀
(以上食評乃用戶個人意見 , 並不代表OpenRice之觀點。)