98
15
7
港鐵銅鑼灣站 D4 出口, 步行約2分鐘 繼續閱讀
所有分店 (2)
電話號碼
23628880
營業時間
今日營業
11:00 - 00:00
星期一至日
11:00 - 00:00
*最後落單時間: 23:00
付款方式
Visa Master 現金 銀聯
座位數目
56
其他資料
Wi-Fi
酒精飲品
自帶酒水
外賣服務
加一服務費
食評 (136)
等級4 2019-07-13
132 瀏覽
每次黎銅鑼灣等肥🐽收工都會經過呢間「GRAM CAFE & PANCAKES」但呢排食得太多,所以要節制下唔夠膽食佢🙈今日再度經過, 我已經忍到極限啦加上聽日放假,所以,今晚我要破戒!🙆‍♀️.CAFE以森林為主題,裝修設計格調清新近門口位有一棵大樹🌳大樹底下有一張大圓木枱感覺好似喺大樹下野餐👍每張凳下面都有一個籃將書包袋放入籃內,唔使下下都攬住個袋可以舒舒服服咁用餐☺️.「GRAM」主打唔同類型嘅PANCAKES當然亦有啲三文治🥪,吐司🍞同咖啡茶果汁PANCAKES嘅款式真係五花八門無論係熱,凍,鹹,甜,樣樣皆有~而最出名嘅就莫過於呢兩種PREMIUM SMILE PANCAKE 同PREMIUM PANCAKE 啦~本身想食PREMIUM PANCAKE但只有喺11:00,15:00,18:00呢三個時段,每段只出售20件由於我哋太晏嚟到,所以已經賣晒LU😢我哋唯有轉戰其他款🙆‍♀️.🔸夏之戀人菠蘿班戟 ($108)呢個菠蘿班戟都唔可以睇小每日限定出售,仲係夏日香港限定版添💕兩個Min Soufflé Pancake重疊係一齊外層用菠蘿吉士醬啫成一朵朵嘅小花好似一個蛋糕咁,好吸睛呀😍而底層嘅Pancake中間夾層係鮮菠蘿蓉仲有吾同嘅水果做伴碟,又幾有夏日Feel 波🙆‍♀️Pancake空氣感十足之餘帶有濃濃蛋香質地好輕盈,亦不易塌下同埋D菠蘿蓉一齊食,軟綿又帶菠蘿粒粒口感好正😋.🔸烤蘋果紅茶忌廉班戟 ($118)烤蘋果班戟比上面嘅菠蘿班戟較實在💕入口鬆軟綿密帶淡淡蛋香烤蘋果有兩款一款係大塊,一款係切粒形大塊嘅軟中帶爽,粒狀嘅較軟腍入口酸酸甜甜又有玉桂香而紅茶忌廉質地輕身,味道微甜☺️配上雲尼拿雪糕,甜而不膩👍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-09
658 瀏覽
之前大熱嘅soufflé pancake數埋已經食過不下十次, 嗰種fluffy感食幾多都可以, 今日同我JM又揾好味pancake, 行下行下就俾li間落地大玻璃嘅Gram-裡面個幾層pancake”吸”左入去. 2點半(best timing)唔使排隊✌🏻. >Soufflé Pancake原來數量限定, 而且3點先”出爐”, 心急人當然食其他款, 一醎一甜開心Share🤩. >日本和牛漢堡班戟 (HKD128)原來係兩塊Pancake之間夾住塊好厚嘅和牛漢堡扒同四方芝士, pancake表面較脆但口感都仲係非常軟熟, 所以就算剛煎起塊漢堡扒勁多汁都唔會搞到成個pancake吸哂水, 口感分明, 最意想不到嘅係蓋面嘅日式肉醬, 切開pancake份量多到傾出來, 和牛肉味同肉醬味道勁香濃呢, 邊個話pancake一定要食甜>.< >意大利芝士蛋糕班戟 (HKD118)我地張枱彌漫住tiramisu嘅香味, 用左大量高質朱古力粉做碟嘅霜飾, 濃滑mascarpone味芝士醬可以大啖大啖嘆, 份量之多, 甜得黎一啲都唔會”漏”, 三層pancake其中有塊係充滿咖啡味道, 食落就似一整塊pancake soak with咖啡嗰種.! 口感唔會清一色, 製作充滿心思. >店內走日式路線, 服務貼心, server有keep住refill水, pancake同menu相一致li個真係唯有高質日式餐廳先做得到. 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-06
564 瀏覽
今日Friday afternoon free, 太美她好了,可以enjoy一下迎接週末。知道SOGO做緊德島節,於是就同媽咪去逛,想買一夜干,同波美雞😊。而最期待嘅當然唔少得一個賞心嘅下午茶啦。今日我就拉媽咪去試Gram Pancake。雖然佢係大阪品牌,但我其實只在京都試過,當時吃嘅係Soufflé Pancake,每日限定,好fluffy好好味。我地今日晏左啲啲所以試唔到Soufflé Pancake喇。不過冇所謂啦,來日方長。於是我就點左另一款期間限定,同一款鹹嘅pancake, 一甜一鹹試盡不同口味。期間限定嘅呢款夏の戀人菠蘿班戟。Cool Premium with Pineapple 🍍filling😍賣相已經好靚,mini嘅Soufflé pancake重叠一起,邊沿吱了菠蘿cream, 啲吱花她好靚好似生日蛋糕咁。再以水果片伴碟,好有沖繩嘅夏日感覺🏄。啲cream有好清香嘅菠蘿味,切開班戟內,見到下層有菠蘿軟心,是糖漬過嘅菠蘿,食落口感有啲似台灣嘅土梨酥,伴碟亦有兩片糖漬菠蘿,味道更深😄 。鹹嘅點了墨西哥辣豆醬班戟。Chilibeans。我之前係京都另一家有名Pancake試過,但呢度嘅賣相更豐富實在。三片薄班戟上澆了辣肉醬,再加上一條法蘭克福腸,伴碟是薯仔沙律同Green salad。薄班戟特意把味道調淡,因為要配合鹹的配料,所以唔想喧賓奪主吧。辣肉醬微辣惹味。而我就喜歡那薯仔沙律,日本嘅薯仔沙律真係特別好味架。而媽咪當然最喜愛法蘭克福腸啦,外皮脆肉較實在,好好味。食時再配埋蜜桃沙冰,星期五下午,很愉快地過喇! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-28
698 瀏覽
日式班戟自從殺到黎香港,俘虜一眾少女不得止,連我呢個男人老狗都愛上左呢種甜品,一知道呢間人氣班戟品牌係銅鑼灣開左旗艦店,即刻約埋個朋友去試試,佢地每一款菜式都係由總廚"龍田直樹"精心設計,唔單之製作認真,仲顛覆傳統概念,開拓自家獨特既風格,除左令班戟有鬆軟既口感,仲突然地有種充實既滿足感tim!👇📌Premium Smile Pancafe - $138👉首先呢個必點既一定係佢地王牌班戟,充分地運用左3層梳乎里既概念,採用日本直送材料即點即造,楓糖漿同牛油相當濃郁,切開中間部份會滲出流心既蛋漿,班戟入口相當鬆軟,配合埋夾心裡面滿滿既忌廉,果種滿足感真係由心裡面發出黎呀!📌Japanese Wagyu Burger -$128👉估唔到原來而家既新派班戟已經發展到有咸味既選擇!呢個以和牛漢堡做主角既,配合班戟真係幾特別,和牛煎得幾香脆,入口唔會太乾身,成個菜式有層次,班戟唔會搶左和牛既香味,下面係芝士蕃茄同肉碎,加埋veggie既既點綴令成件事更加豐富!最後埋都係每人百零蚊!係銅鑼灣食個Lunch我覺得價錢幾合理! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-28
2260 瀏覽
小卷同小立放復活節假,除咗諗去邊度玩,都要諗下去邊度食。一於趁假期玩得開心,食得盡興。小卷一直都想試梳乎厘班戟。就一於衝去試啦! 揀了Gram Cafe & Pancakes 就係Sogo 附近,少出城既信義妹都可以輕鬆到埗。餐廳地方寬敞,枱與枱之間有足夠空間,講祕密都唔驚隔離枱聽到。椅底有個籃俾你擺袋,唔駛攬住個袋,可以舒舒服服食野。 梳乎厘班戟 $138 呢個超人氣食品,每日只有3個時段供應,分別11點,3點,6點。每次只供應20份。想食既大家可以係供應前1小時排隊。 信義妹有幸食到啦!三層班戟疊高,配上半圓牛油,旁邊仲有忌廉。班戟鬆軟,有入口即溶既感覺。配上牛油份外香。另外忌廉奶味重但又唔會好甜。連唔太愛甜的信義妹都覺得好呀! 意大利黑松露醬虎蝦班戟 $138 甜既班戟成日都食到,咸既班戟都係第一次試。虎蝦配上黑松露醬香味,增加味覺層次。蝦唔會整到好乾身,蝦腸亦一拼清理乾淨。蝦頭帶有蝦膏,食落甘香美味。沙律菜新鮮,唔會帶澀味。沙律醬唔會預先撈好,放碟旁,濃淡隨心。到班戟啦!初初諗配鹹咪好怪,結果又出乎意料好食。總結,不論鹹甜班戟都得大人小朋友歡心。環境舒適,親子閏蜜講祕密都得。洗手間都乾淨整潔。地址: 銅鑼灣謝斐道535號Tower 535地下1號舖 繼續閱讀
(以上食評乃用戶個人意見 , 並不代表OpenRice之觀點。)