388
103
113
營業時間
今日營業
11:00 - 23:00
星期一至日
11:00 - 23:00
*截單時間: 22:00
食家推介
相關文章
沒有旅行的日子， 心中抑壓得太久， 非常懷念日本美食。 新鮮的魚生， 精美的甜點， juicy的生果🍈🍇。只好在香港尋找美食， 享受和風感覺😂😂😚😚放工後相約家姐， 來到The one 行街shopping😉😉 以及品嚐 美味的pancake。餐廳icon巨型pancake 擺設， 瞬間感覺軟綿綿被融化的感覺。 選擇了兩款不同口感的pancake。石板街班戟三層傳統質感 pancake， 口感紮實軟滑，朱古力味香濃。 餡料分別是cream和吉士， 頂層鋪滿新鮮士多啤梨 、酒浸車厘子、 棉花糖、 自家製糖脆果仁， 多重口感好特別， 配上濃濃朱古力漿和谷古粉， 實在美味得令人尖叫😍😍😍清酒士多啤梨火山流漿班戟粉紅魅力太吸引😍😍 ， 甜美的士多啤梨香氣， 加上玩味設計， 親手製造粉紅瀑布， 實在令人心花怒放 😁😁 pancake 鬆軟 綿密濕潤， 有點像棉花糖， 入口即溶， 幸福的感覺。😍
繼續閱讀
呢日中午同同事出咗尖沙咀The ONE換化妝品試用裝，本身諗住拎完就閃，再去激安買啲食物返去，但又見到Gram Cafe嘅午餐幾吸引喎，仲要唔貴，咁不如坐低直接食埋😜。店員服務好好，而且好落力同盡責咁向街客宣傳午餐；我相信在席唔少客人同我哋一樣，都有因為呢個原因而進內幫襯👍。餐廳環境唔錯，有招牌大樹🌳，坐得亦都舒服。不過可能係半開放設計嘅關係，冷氣爭少少。午餐得A、B兩款，免卻選擇嘅煩惱，加上門口嘅兩款Display都好吸引😍。午餐仲要包埋餐湯、飲品同甜品，絕不欺場！是日餐湯係🍄蘑菇湯，我哋估計餐廳本身係想營造太極兩色嘅效果☯️，不過其中一碗好似失敗咗，哈哈，但無損滋味。湯嘅感覺睇落比較稀身，但實則幾夠味的，味道唔似一般嘅忌廉湯，反而似雞湯，蘑菇味亦都出。午餐A) 法蘭克福腸、車厘茄意大利粉配忌廉汁($58)，🍝呢碟意粉聽落好似係小朋友口味，個樣就似明太子意粉，因為橙橙地、紅紅地色。意粉超好食😋，口感彈牙但唔會硬或韌，最正嘅係個忌廉汁，既Creamy得嚟又唔膩，仲好似有混到千島醬，勁正！啲餸就普普通通啦，少少頹，但勝在夠多。午餐B) “Gram”精選賓尼蛋沙律($78)，呢碟個賣相贏哂，因為係港女打卡至愛嘅水波蛋Egg Benedict📸。不過其實唔止咁簡單Much more than that，因為有兩款口味，並且內有乾坤。餐廳特色係以「Gram班戟」取代傳統鬆餅Muffin包，即係快餐店豬柳漢堡嗰隻包。第一款係有煙肉、肉醬、牛油果🥑、蕃茄同生菜。老實講，呢堆餡同塊班戟唔算十分夾，因為班戟甜甜哋，但都得意嘅。最令人印象深刻係上面塊煙燻過嘅厚切豬腩肉🥓，鹹香十足、超級惹味，可唔可以單買一斤走？另一款口味比較傳統，因為係有煙三文魚、半熟蛋同自家荷蘭汁，佢哋同班戟就無乜違和感。🥚水波蛋一切即刻爆漿，無過熟，唔錯。伴碟仲有幾粒煎薯粒，但略嫌淋咗少少，同埋多幾粒就更好🥔。整體份量對男仔而言就可能未必夠。食完主菜就到跟餐甜品喇，無論味道如何，單憑造型已經覺得好有誠意，因為係餐廳嘅招牌班戟仔🥞。迷你班戟仔嘅面積就如士多啤梨平面大小🍓，稍為大過五蚊銀。即使係咁細，造型仍然係十分細緻，班戟上面放咗吉士醬同水果，味道還好，可能不是梳乎厘口味，所以口感較為實在。午餐跟飲品，我哋都要咗凍檸茶🍋。對於呢頓午餐，我哋相當滿意，可以比滿分💯！咁嘅價錢畀齊全套午餐你，仲要喺尖沙咀大商場入面，邊到搵？深水埗都唔止呢個價啦。最後，我哋買咗兩個外賣班戟當生日蛋糕同壽星女慶生🎂。外賣班戟製作時間大約需時十分鐘，包裝靚靚的。口味有六款揀，價錢由$68-$108不等，紫薯最貴！店員話外賣班戟係堂食嘅迷你版，因此平啲😬。班戟成品同櫥窗展示嘅一樣，兩款口味均係三塊薄班戟拼兩層厚厚嘅忌廉。本身見咁多Cream，驚會好膩😳，好彩又無喎，而且仲幾好食。雜果班戟Mixed Fruit($68)，班戟味道滿滿牛油香，所以變得有少少鹹，同事勁鍾意呢個口味😂，我覺得都唔錯，但認為稍為乾身咗啲。厚度則似早餐熱香餅，忌廉層反而仲厚呢！水果種類幾繽紛，包括士多啤梨、藍莓、奇異果同橙等，但橙係帶皮的😅，有啲怪。石板街班戟Chocolate Rocky Road($68)，由於壽星女鍾意食朱古力🍫，所以特別叫咗呢個。依個班戟配有唔少朱古力碎同朱古力醬，甜甜的，仲有棉花糖。我哋估唔到就連班戟本身都係朱古力色，不過味道就同原味無太大分別。總括嚟講，我覺得Gram Cafe嘅堂食午餐以及外賣班戟同樣出色🤤。之前已經知道呢間過江龍店登陸香港，但一直未有機會試，只係聽過評價一般。不過呢日嘅體驗十分良好，絕對值得推介！
繼續閱讀
Gram班戟專門店創立於日本大阪、最有人氣的便是那即叫即整的三層的軟綿綿梳乎厘班戟。而香港分店近來更推出了外賣 Mini Pancake，又點可以錯過呀！看到毎位客人品嘗後，都顯露出燦爛的笑容，我當然都唔可以錯過買回家，慢慢享用啦。Tiramisu Mini Pancake - $68 / 石板街Mini Pancake - $68Mini Pancake 由盒子設計已經好特別，慢慢向上便可輕易拿起，其賣相可愛嬌小，非常討人喜愛。Tiramisu Mini Pancake打開包裝細看，班戟層次分明，疊得高高，Pancake中都夾著幼滑的吉士醬、軟彈綿綿。一切開更是無得頂，那香濃幼滑的芝士忌廉香味濃郁，吃起來更是鬆軟幼滑、軟綿綿的口感，真是一食上癮。石板街Mini Pancake石板街Pancake上層更加添了棉花糖粒粒、更討人歡喜。Pancake中吃到啖啖的朱古力味，濃郁幼滑，更有鬆軟的班戟，甜味適中，美味極了。真是未食過Gram 的班戟，都唔好話識食(班戟)。
繼續閱讀
Gram好出名大家都知啦！不過梳乎厘pancake實在太難等啦！今次黎到試下梳乎厘pancake之外其他靚到dum一聲嘅甜品先～不得不說gram嘅裝修非常文青，好適合打卡！而且店員服務都好好～有啲專門早啲等梳乎厘pancake嘅人黎到都可以坐低等～Apple& Tea Cream Pancake~一上黎就覺得好靚！個擺碟好fancy! 玉桂蘋果份量好多！酸酸甜甜好開胃～兩隻Cream都好正！尤其是Tea Cream真係世界級～雖然唔係綠色，但好濃抹茶味呀！石板街pancake估唔到pancake都可以整到成個蛋糕咁！真係好photoable~ topping 同擺碟真係點影都咁好睇！味道方面真係非常不錯👍🏻有棉花糖又有朱古力脆脆，仲有忌廉同吉士！口感非常豐富～但要提是大家，飯後甜品黎講，一人一個係非常不智㗎⋯⋯因為pancake本來都好飽肚...建議2人一個，再加一杯野飲，就最perfect啦～
繼續閱讀
難得放假過去尖沙咀行街，經過The One見到一直想食好耐嘅「Gram cafe & pancakes」。餐廳樓底高，空間感十足，裝潢以日式簡約風為主，讓人感覺悠閒舒適平日午市時段設有Lunch Set，供應意粉或全日早餐，定價適中烤蘋果配紅茶忌廉班戟原味班戟有三件，微微熱，鬆軟可口，帶有陣陣雞蛋及麵粉香👍🏻烤蘋果甜度適中，烤至軟軟的，好好食😋紅茶忌廉頗特別，散發著紅茶芳香，甜而不膩！雲呢拿雪糕及香滑忌廉伴班戟食perfect match呀石板街班戟呢個賣相造型好有心思❤️石板街以朱古力為主🍫連塊班戟都係朱古力味🍫面上撒滿可可粉同朱古力醬，甜甜的！仲有幼滑忌廉及吉士醬，香濃奶味，正哦！
繼續閱讀