Goobne Chicken (The Hart)

營業中

休息中

呢晚想食韓國風味嘅雞，不過又唔想食炸雞咁heavy，友人就帶咗我嚟呢間主打健康非油炸嘅韓式烤雞店🐥自選半半烤雞烤雞有兩個選擇，可以選擇有骨同埋無骨🐥 我哋就揀咗無骨嘅烤雞，貪佢啖啖肉，亦都好方便進食。半半烤雞可以揀兩個口味，蜜糖香滑烤雞，係用上honey muster做調味，烤雞嘅外皮幾香脆，入面嘅雞肉非常嫩滑。三重芝士烤雞，面頭有勁厚嘅芝士粉，芝士同雞嘅味道好夾🧀馬蘇里拉芝士球呢個芝士球係餐廳嘅新出品，外層用上馬鈴薯製作，入面就係mozzarella cheese🫕 啱啱上碟嘅時候搣開芝士球，入面嘅拉絲非常吸引🤩 整啖都係幸福嘅口感。Hoegaarden餐廳做緊promotion ，生啤買二送一，可惜友人唔係好飲得，所以買二送一份量會太多🍻 唯有叫一支支裝，過吓口癮🤣 烤雞同啤酒真係好夾啊 。芒果沙冰烤雞配芒果沙冰都唔錯，芒果沙冰唔會太甜，而且芒果嘅味道好香🥭 餐廳仲有多款沙冰嘅口味可以選擇，下次想試吓草莓沙冰。呢間烤雞真係打破咗我嘅認知，以前覺得烤雞一定好油膩，肉質又柴，但係呢間嘅出品就冇呢個問題啦👍🏻

原味烤雞（無骨）$195外皮烤至金黃薄脆，有別於傳統炸雞，入口唔會太油膩，肉質緊實不乾柴，保留充足肉汁，揀左無骨，非常方便進食，啱晒我呢啲懶人😆 調味唔算太濃味，突顯雞肉原味，沾少許附上嘅醬汁更惹味，一款係千島沙律醬，一款甜甜地帶少許肉桂味，食多幾舊雞都唔會覺得悶😆韓式炒牛肉粉絲$135粉絲炒得乾爽彈牙，吸滿醬油與芝麻香氣，甜鹹比例啱啱好，牛肉片嫩滑，混入洋蔥、紅蘿蔔絲增添爽脆口感無糖可樂 $20

如果想吃韓式雞，不一定要吃炸雞韓式烤雞一樣好味😋‣ UFO 芝士火鍋 ($288)蜜糖香滑烤雞｜三重芝士烤雞份量都幾大，一共有16塊烤雞他們的烤雞真的很嫩滑每一塊都啖啖肉，沒有骨無論是蜜糖味還是芝士味都很香口中間的芝士採用車打芝士混合巴馬臣芝士吃起來鹹鹹香香的，沾烤雞吃令更豐富‣ 西柚韓式米酒($58)‣ 香桃韓式米酒($58)前者西柚味比較突出 後者桃味淡一點，令米酒味會突出一點💰Total: $444.4 ($222.2pax 已包括10%服務費)📍Goobne Chicken｜尖沙咀赫德道4號The Hart 2樓全港多間分店❤️

呢間連鎖韓國炸雞店，相信大家都唔陌生。試咗佢哋嘅招牌炸雞同飲品，份量多可以，兩個人食。呢度當然要食雞，蜜糖香滑烤雞，揀咗無骨。呢個烤雞雞肉嫩滑多汁，外皮烤得香，蜜糖味甜甜哋，食落好惹味！無骨設計更加方便，食到停唔到手！叫咗個凱撒沙律，沙律新鮮爽脆，仲有蒜蓉多士粒，配埋凱撒醬，酸酸哋好開胃！食完炸雞再食返啲沙律，解膩一流！芒果特飲，芒果味好濃郁，飲落好清新。呢度幾平民大眾化，適合聚會，同一班朋友一齊食！

咁多款韓國菜入邊最鍾意嘅就係食炸雞呢間炸雞由我中學識到而家一直都係咁好食！-🥢蜜糖蒜香烤雞可以選擇有骨或者冇骨，個人覺得有骨食得有滋味啲🤣 雞肉非常嫩滑，咬開爆汁爆油，蜜糖蒜香醬汁裹滿所有雞件都好入味，佢哋選用新鮮嘅食材，而且即叫即整雖然要等耐少少，但係食落熱辣辣都抵嘅！🥢馬蘇里拉芝士球見到佢哋咁啱有個新嘅芝士波，啱晒我呢個超鍾意食芝士既人，入面芝士勁多！熱辣辣脆卜卜放咗一陣先食都仲拉絲🥰 好重芝士嘅鹹香而且唔會好漏🥢芒果沙冰大大杯都幾足料，怕甜嘅可以選擇少甜，芒果味濃郁唔假～

好掛住韓國炸雞，想過下口癮，星期六同朋友來到食lunch！咁啱係尖沙咀行完街就來左呢間分店。地方都幾大幾闊落，店員好多係外籍人士。用Qr code落單幾好，點了半半炸雞，甜辣烤雞＋蜜糖蒜香烤雞，雞要有骨的感覺較好食點😹 韓式甜辣烤雞味微辣與蜂蜜的甜味交織，讓人忍不住想一口接一口。雞肉外焦內嫩，肉汁豐富！蜜糖蒜香烤雞散發出的香氣令人陶醉，蜂蜜的甜味與大蒜的濃郁香氣交融，每一口的肉質都非常鮮嫩，外皮的酥脆感，香料的搭配恰到好處，我較鐘意這個味道💝韓式雞蛋卷內有青瓜、紅蘿蔔、魚糕、蟹柳、午餐肉，色彩繽紛，味道非常豐富，口感柔軟滑嫩，配料的加入讓每一口都有不同的驚喜😻

🌸UFO芝士火鍋（無骨） $288🌟🌟🌟🌟🌟芝士火鍋入面有三種芝士：馬蘇里拉芝士、車打芝士同巴馬臣芝士，店員會幫手炒熱芝士，澎湃拉絲效果，超邪惡，芝士控必食。🍀甜辣烤雞—微微辣少少甜既感覺，雞皮烤得好脆，雞肉非常入味及嫩滑。🍀蜜糖蒜香烤雞—蒜香味濃郁，滿滿蜜糖味，雞皮好脆，肉質同樣嫩滑juice。每件烤雞包裹埋拉絲芝士 ，芝士味道濃郁，同埋芝士口感不錯。🌸韓式玫瑰醬炒年糕 $165🌟🌟🌟🌟🌟帶點辣，而且韓式玫瑰醬非常濃郁，意粉又可以掛汁、年糕帶點米重煙靭，還有魚糕及煙肉。口感非常豐富。🌸藍橙沙冰 $58🌟🌟🌟🌟🌟好好味，味道有點像泡泡糖味，但帶點橙香味道，顏色非常靚。🌸可口可樂（罐） $20

已經黎過goobne食好多次 每次都一定要食佢既烤雞！同一般韓式炸雞唔同，佢係用焗既方式，所以無甘熱氣同埋高卡路里，但佢個皮一樣是脆脆的！入面既雞肉係超滑嫩多汁，我真係好鍾意食wakakaka！兩個女仔食 烤雞加一個副餐已經飽到要攬住個肚走🤭私心推薦果味醬油蒜香烤雞，好好味🤩仲有 佢個韓國牛肉粉絲同樣出色 推薦推薦！之前試過佢既pizza同埋雞蛋卷 全部都係好好味的 可惜今日得兩個人 個胃無甘多空間🙂‍↔️餐廳空間闊落好舒服，適合一大班人嚟聚餐都適合一家大細嚟食！下次會再黎！

一到櫻花季就特別想去韓國睇櫻花，今年冇得去睇唯有韓國美食安慰下自己。韓國菜當然唔可以少左炸雞，今次特登黎尖沙咀The Hart食係韓國有過千間分店嘅「Goobne Chicken」。Goobne主打非油炸烤雞，雞肉經特別香料醃製後再烤，雞肉嫩滑且無油膩感。真係食得出冇出面啲雞咁油膩，所以齋食炸雞都唔會覺得好單調。呢度同韓國一樣，有超多口味可以揀，仲可以揀骨雞跟無骨雞。我地想試多啲口味就揀左左「半半」有骨雞，一半「蜜糖蒜香烤雞」，一半「甜辣烤雞」。蜜糖蒜香超惹味，出面烤到好脆，入面又好滑。甜辣味冇韓國果嘅咁辣，反而偏甜味，唔食得辣嘅朋友都完全食到，好推介呢個半半組合。除左雞之外仲叫左個泡菜煎餅，大大一碟，味道好正宗，好鐘意！

之前有同事幫我farewell 帶過我去食呢間韓國過江龍炸雞店中環總店。為左跟舊同事回味一下，就去了尖沙咀分店再食佢地嘅炸雞，懷緬過去。餐廳室內設計時尚、木系帶温暖感覺，非常乾淨舒適，坐窗邊仲可以飽覽尖沙咀內街的環境。為了可以試多幾款味道，叫了雙拼味道雞肉。呢間餐廳最好係，比不想弄糟手同懶人選擇無骨雞食。如果想有手感當然叫會有骨雞肉。密糖咖喱烤雞超香咖喱味道，烤到金黃色，食落外皮脆而不硬，咬落雞肉滑而嫩口，非常多汁。雞肉部位有雞髀、雞翼、雞胸肉。果醬蒜香烤雞雞肉非常入味，吸收晒超香果醬味道，鹹而帶微甜。食落雞肉外皮脆而不熱氣，不會割咀。雞肉也是滑而嫩口。比密糖咖喱更濃、更香、更惹味。雪梨汁飲落非常潤喉下火，飲落仲有雪梨粒粒咬下。口感非常多層次熱濟洲柚子香茅熱飲好香的濟洲柚子，增加維他命C。香茅撞柚子估唔到咁match凍雪梨洛神花茶紅色一杯，好吸晴，飲落甜甜酸酸，幫助消化。

炸雞口味選擇多，有辣、有甜有芝士等味道豐富，很有層次感，送啤酒一流，職員態度有善，親切餐廳環境衞生乾淨，落地玻璃可以清楚欣賞街景，播放不同韓國音樂，很有韓國風格

酥脆與濃郁烤雞雙重奏烤雞炸雞專門店食記主打炸雞與烤雞既韓國過江龍，以兩道招牌菜聞名。「無骨烤雞芝士火鍋」韓式風情盡收眼簾，蜜糖香滑烤雞外皮既焦糖光澤，肉質細嫩，蘸上熱辣辣芝士火鍋，拉絲芝士勁邪惡，三重芝士烤雞芝士味再加多重。「鐵板海鮮煎餅」驚喜既層次感，魷魚同蝦仁在鐵板高溫下更顯鮮甜，煎餅邊緣酥脆到好似威化餅咁，中心卻保持著柔軟濕潤，蘸上特調醬汁更顯風味。唯獨芝士火鍋較濃稠，會比較油油膩。服務坐位都幾好，價錢又唔貴。

😋🍗果味醬油蒜香烤雞 $218點了個有骨烤雞 有翼有脾 外皮烤得香脆焦香 內裡肉嫩多汁 果味醬是蘋果加檸檬醬汁 酸酸甜甜 而配搭濃郁蒜香 甘甜而醒胃不喜歡吃骨的話 餐廳也有無骨炸雞的選擇 啖啖肉更為過癮方便🍳韓式雞蛋卷 $148切成公整的十件 看到一層層的蛋卷包裹著豐富的餡料 有青瓜 醃紅蘿蔔 餐肉 海苔 芝士 很有層次 色彩鮮艷奪目 再加上沙律汁點綴 味道很豐富☕️濟洲柑橘香茅茶 $55清新微甜的柑橘 淡淡的香茅 意外的清爽作為中和味蕾後的飲品 是解膩的不二之選

估唔到咁耐冇食都keep到水準喎！想講當日playlist係我呢個舊Kpop人的年代，我食得好開心😂果味醬油蒜香烤雞今次揀咗果味蒜香，除咗有果香甜甜地得嚟又好重蒜味。主打不經油炸嘅烤雞，令到雞肉好juicy！肉質又夠嫩滑☺️Honey BBQ Chicago PizzaPizza底幾特別，係酥脆嘅口感~蜜糖醬嘅甜味，增加咗唔同嘅層次感！配埋雞肉同拉曬絲芝士，真係要趁熱食。附送嘅酸蘿蔔酸酸甜甜真係無敵解膩，即刻可以食多幾件😂📍 Goobne Chicken (The Hart) (尖沙咀)尖沙咀赫德道4號The Hart 2樓環境🤍🤍🤍🤍🩶味道🤍🤍🤍🤍🩶打卡🤍🤍🤍🤍🩶抵食🤍🤍🤍🤍🩶

想食雞一定會諗起Goobne 尖沙咀分店有落地大玻璃窗口位🌃 又有露台位 位置又方便👍🏻 係我食Goobne首選 今次同朋友揀咗芝士火鍋 超開心又滿足🥰 🤗C-U UFO 芝士火鍋(無骨雞) 原味&蜜糖香滑烤雞 $288 熱住食烤雞 特別滋味😋 店員見到我地雞手鴨腳 唔知點處理個芝士🤪 好nice咁幫我地攪勻😚 芝士味好香濃😍 每件烤雞唔算醃得濃味 所以好適合蘸呢個芝士🤤 濃度就會變得剛剛好🤭 雞肉仲保留到肉汁🤤 非常唔錯🤭 🤗鐵板海鮮煎餅 $125 熱辣辣 又香脆🤤 又唔會太油膩 海鮮份量都幾多 蘸少少汁仲可以有提鮮嘅作用😍 一件接一件 好快就清咗盤😋