Goobne Chicken

241
10
8
港鐵中環站 D1/D2/G 出口, 步行約4分鐘 繼續閱讀
所有分店 (6)
電話號碼
29072323
開飯介紹
韓國第一烤雞品牌,烤雞不經油炸,利用韓式焗爐以烤焗方式將雞肉內的油分逼出,令烤雞比起一般炸雞少油、低熱量、低膽固醇,更設不同口味。 繼續閱讀
營業時間
今日營業
11:30 - 00:00
星期一至四
11:30 - 00:00
星期五至六
11:30 - 01:00
星期日
11:30 - 00:00
付款方式
Visa Master AlipayHK 支付寶 現金 AE 銀聯
座位數目
108
其他資料
網上訂座
Wi-Fi
酒精飲品
切餅費
電話訂座
外賣服務
加一服務費
當面支付
前往餐廳網站
http://www.goobnecentral.com
有關餐廳
韓國第一烤雞品牌
【百分百食用安全注意】Goobne Chicken 選用百分百安全食材,來源地及格,為顧客提供健康美味烤雞,可安心食用。

在韓國擁有超過 1,000 間分店,韓國第一烤雞品牌Goobne Chicken陸續登陸尖沙咀、旺角、銅鑼灣、荃灣、馬灣、中環、將軍澳,繼續以多款不同口味的韓式焗爐烤雞令顧客大排長龍。烤雞不經油炸,外層香脆,肉質嫩滑充滿肉汁,而雞的油份從烤焗過程中迫出來,有效做到低熱量、低膽固醇、低鈉、無反式脂肪,極力推行健康雞肉新食法,連全新韓國星級代言人朴寶英亦大讚「馬斯打」好好味!

有關獎賞計劃
食評 (278)
等級4 2019-06-16
157 瀏覽
唔知點解今朝一起身就諗起想食韓式雞,男友就心心眼咁話不如去Goobne食烤雞😋之前已經食過一次,佢好驚嘆佢唔似一般韓式炸雞咁油,因為佢係烤既😚但又一啲都唔乾,肉汁豐富又彈牙🥰🍗Search到原來中環都有分店,剛好約左朋友之後都喺附近就黎左呢間食啦!比起星期一至五,周末呢度反而少啲人,所以入到黎仲有卡位坐,舒服😌由於今日得我地兩個人拍拖,可以揀嘅嘢食選擇唔算好多,因為食完烤雞🍗之後都飽咗一大半!😂唯有揀個雙拼味既烤雞,同埋我想食個泡菜煎餅😋😋店員溫馨提示特飲今日有七折,即刻放心去叫😉我揀左草莓🍓沙冰🍹男友仲勁揀個最貴既😂🤪Somersby Apple🍏 Rita超浮誇!不過除咗賣相一流之外,個Somersby配檸檬🍋同白桃🍑製成嘅沙冰好夾,透心涼之餘又有輕輕酒精,而且大大杯配食烤雞、同埋星期六放假飲一流🥳我既草莓🍓沙冰都好香,草莓味香得黎又唔會太假太甜!平時飲草莓汁或果茶都好易覺得會係偏甜,但佢咁做成沙冰慢慢飲慢慢等佢融好正👍🏼💯好快就黎左鐵板泡菜煎餅,分量剛剛好,我哋兩個人叫兩樣嘢食都會可以食得晒。如果多啲人嚟再叫其他嘢食去分呢個煎餅一人一件亦都唔錯!而且佢煎到好香得黎、脆口又唔太燶,夠薄身但入面都有唔少泡菜餡料,好食!好開心烤雞店都會有泡菜煎餅食,一次滿足左兩個願望😍🎊烤雞果然冇令人失望,聞落去無論係雞肉定係個醬汁都好香,原味就完全食到個雞肉既香味同新鮮口感!今次就揀左配火山🌋烤雞,初頭都怕好辣,不過結果食落冇我想像中咁辣,而且個辣汁係甜甜辣辣既,好惹味!我平時唔太食辣既都食到!只要有沙冰傍住就冇問題🤪不過講真個辣汁都真係可接受,雞肉入面其實唔辣,但外層畀呢個甜辣醬包住又更加可以鎖住啲肉汁!呢度啲雞肉又真係好tender! 最緊要唔油唔肥,食得黎感覺健康好多!今次兩支冷食唔到幾多味,但都係大滿足既一餐!下次都係要湊夠四五個人嚟,可以食多幾樣嘢食會更加開心🎊😘 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
847 瀏覽
有次喺朋友IG見到 覺得ufo Funduc好吸引 所以今次特登同朋友一齊過嚟試吓個ufo Funduc 個名果然冇改錯因為佢個外型真係同個UFO冇分別啊 中間係啲同類型嘅芝士 開火慢慢將入面啲芝士熱溶佢 感覺上十分之治癒 見到佢拉絲出嚟更加覺得正呀 碟嘅側邊就放咗兩隻味嘅烤雞 分別就揀咗三重芝士烤雞同埋甜辣烤雞 雖然十分之邪惡但係食落真係唔錯 芝士味十分之濃郁 正爆 對芝士控來講簡直係正到飛起 啲烤雞就咁食都唔錯 三重芝士烤雞面頭有層芝士粉係上面 芝士味道好濃烈 佢連埋啲熱溶的芝士包住嚟食嘅話芝士味更上一層樓🤤甜辣烤雞 甜甜地又唔係特別辣 十分之惹味 包住熱溶芝士都唔錯另外仲叫左泡菜煎餅都幾大塊下 唔好睇個煎餅好似簡單咁 都內有乾坤嫁 有少少泡菜嘅辣味 泡菜煎餅當然唔少得泡菜啦 但估唔到嘅仲有少少章魚係入面 食落口感十分之豐富 仲有兩杯野飲 鯊魚之淚(酒精)聽個名就覺得好似幾特別咁 會嘢飲嚟到都幾有特色 有隻鯊魚插左係杯嘢飲中間 造型幾特別 飲落咁味道有啲似Apple cider 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-21
745 瀏覽
唔知道大家食得多韓國炸雞,有沒有聽過韓國烤雞呢?今天晚上終於有機會和朋友來到這家在韓國有超多分店,人氣高企的烤雞店!這家的烤雞提倡不用油炸,但卻有外脆內嫩的雞肉,一於試試便知曉!我和朋友來的分店是中環店,裝修和佈置都十分有韓國本地餐廳的風味,伴隨著Kpop 音樂,以為自己去了韓國當地一樣,餐廳坐位都很多,坐得舒服。食物款式多,但我和朋友2人確實吃得不多,就點了招牌的香滑蜜糖烤雞,泡菜煎餅和2杯飲品試試!餐廳上菜效率都快!熱辣辣的泡菜煎餅很快送到!我最愛吃酸酸辣辣的泡菜,不過有些韓式泡菜味道偏鹹,無法讓我愛吃,這個泡菜味道正合我口味,甜甜辣辣的,十分開胃,餅皮邊緣是要讓它邊緣吃起來酥脆的,餅皮做出來的顏色很漂亮,咬落又有魷魚仔,外酥內軟,吃的時候還學韓國人用手撕的吃法感覺更好吃。到了主菜,香滑蜜糖烤雞,可以根據自己喜好選擇有骨雞或是無骨雞,我選擇了無骨,整份大約有14件左右,份量很足呢,脾、翼、胸都有,其實真的夠2個人夠食啊!烤雞比炸雞健康得多,又不含反式脂肪,也沒有炸雞的油膩濃郁,店員另外端上蜜糖芥末醬和醃蘿蔔,酸酸地,沾上後可以解膩,十分可口!烤雞超級好味道,肉質十分香嫩,蜜糖味道完全滲入雞肉裡面!現在做promotion , happy hour 點飲品十分抵!我朋友點了有酒精的shark blood ,而我則點了無酒精的荔枝mojoto ,我較喜歡藍色的shark blood,可以慢慢打咭,有個鯊魚仔在飲品上面,十分搶眼可愛!飲落甜甜的,但果味(檸檬與桃)就會淡一點點,酒味更為突出,如果怕酒味太濃烈的朋友可點mojito !兩款飲品都十分清新!最後埋單2人連加一,一共$463,這個價錢有美食還有酒,十分超值,期待下一次再光臨! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-17
611 瀏覽
男朋友突然好想食炸雞,近近地就係中環搵左呢間炸雞出名好食嘅「Goobne Chicken」。.甫進餐廳,燈光明亮,座位寬敞,環境不俗呢🙆‍♀️.速閱一下Menu,原來有新產品❗️正所謂新產品,十日香,緊係要叫黎嘗下鮮啦🙈.蜜糖香滑烤雞 ($218)可以揀有骨或無骨,我地就揀左無骨,貪佢多肉,同吾洗拆骨🤣 雞塊烤至焦香,再淋上蜜糖芥末醬。咬落厚身又實肉,金香焦脆,更帶有濃郁蜜糖甜香,最重要係肉質嫩滑,富有肉.汁‼️ 旁邊仲有蜜糖芥末醬,滿足醬汁控既我😂 而醃蘿蔔更可以適時解開膩感呢😘💁‍♀️小妹建議:最好2~3人齊齊share,因為真係好大份呀🤣.蟹籽沙律醬芝士雞蛋卷 ($128)同樣又係新產品😂 厚切金黃色嘅雞蛋卷,中間夾住濃郁嘅半溶芝士,輕輕一切,芝士慢慢頃瀉而出❗️蛋卷口感柔軟嫩,蛋味濃郁,配上拉絲芝士,大滿足🥰 頂層仲有蟹籽,芝士粉就點綴,添加口感✨.鯊魚之淚 ($88)「Goonbe Chicke」嘅招牌飲品😎 賣相充滿動感,令人眼前一亮~ 冰涼嘅沙冰,入口濃郁嘅香桃味,加入檸檬汁嘅酸酸甜甜,既開胃又解渴。估吾到檸檬同蜜桃係咁夾架😋.P.S. 侍應哥哥仲係韓國Oppa 添😳P.S. 餐廳好貼心,仲有手套,紙巾,濕紙巾供應呢,咁就吾驚食到咁隻手都係醬汁啦✨ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-13
609 瀏覽
今日係我最愛嘅五月天演唱會,由於開場比較早,未必趕得切食到晚飯,所以我同另一半決定下午茶食得豐富啲,完場先食宵夜。黎到Goobne中環店,之前食過呢間烤雞店好多次了,不過真係第一次黎中環店,餐廳位於M88,行一條小斜路上黎,身水身汗,好在餐廳冷氣夠裝潢方面比較「成熟」,以木色調為主,座位都好舒服,唔會覺得係韓國快餐店。店員招待到位,眼明手快。餐牌方面選擇頗多,除左多款烤雞,例如我地都好鐘意嘅蜜糖烤雞、韓式BBQ醬煙燻烤雞同果味醬油蒜香烤雞,仲有幾款口味,有辣有唔辣,可以雙拼,定價$188-238。烤雞以外,仲有沙律、蛋卷、鐵板類、煎餅、年糕、湯品等,款式都幾多。份量方面偏大,3-4人食最適合,又可以試到多啲野如果你係經常黎食,我都建議參加會員計劃,計番都有著數。雞胸肉及涼菜沙律呢個係我其中一項幾鐘意嘅,形式有少少似撈起,將沙律菜、海蜇、青瓜、蟹柳、蘿蔔等,拌雞胸肉。食嘅時候可以各項食材單獨食,又或者撈勻食。一來口感非常豐富,二來食材咁多,又唔怕悶仲可以加特製醬汁,酸酸地,好開胃。雞胸肉好似慢煮咁,完全唔鞋,甚至幾有彈性。鐵板泡菜煎餅除左泡菜,裡面仲加左魷魚,泡菜食落仲幾爽,魷魚爽口。煎餅唔會太乾或者油淋淋,質地略厚,但唔會覺得有粉感,個人認為再煎燶/香少少更加好食。果味醬油蒜香烤雞Goobne所做嘅係烤雞,並非炸雞,烤嘅過程中,將油份逼出但同時保留雞肉本身嘅肉汁,不單止做到外層香脆,最重要係肉質做到嫩滑唔乾柴,真係十分出色我幾鐘意呢個口味,酸酸甜甜帶醬油味,外層沾滿醬油、蒜香;雞肉有十幾件,有齊雞脾、雞翼、雞胸,各有所好,我當然係最鐘意滑一滑嘅雞脾啦食烤雞又好,炸雞又好,唔少得酸蘿蔔。雲碧冰底 繼續閱讀
(以上食評乃用戶個人意見 , 並不代表OpenRice之觀點。)