Goobne Chicken (威靈頓街)

294
14
10
餐廳: Goobne Chicken (威靈頓街)
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵中環站 D1/D2/G 出口, 步行約4分鐘 繼續閱讀
所有分店 (10)
電話號碼
29072323
開飯介紹
在韓國擁有過千間分店,主打非油炸烤雞。這裡的烤雞以7種香料醃製最少24小時後再烤,雞肉嫩滑且無油膩感。 繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間:21:00
付款方式
Visa Master AlipayHK 支付寶 現金 AE 銀聯
座位數目
108
其他資料
網上訂座
Wi-Fi
酒精飲品
切餅費
電話訂座
外賣服務
加一服務費
當面支付
前往餐廳網站
http://www.goobnecentral.com
有關餐廳
韓國第一烤雞品牌
【百分百食用安全注意】Goobne Chicken 選用百分百安全食材,來源地及格,為顧客提供健康美味烤雞,可安心食用。

在韓國擁有超過 1,000 間分店,韓國第一烤雞品牌Goobne Chicken陸續登陸尖沙咀、旺角、銅鑼灣、荃灣、馬灣、中環、將軍澳,繼續以多款不同口味的韓式焗爐烤雞令顧客大排長龍。烤雞不經油炸,外層香脆,肉質嫩滑充滿肉汁,而雞的油份從烤焗過程中迫出來,有效做到低熱量、低膽固醇、低鈉、無反式脂肪,極力推行健康雞肉新食法,連全新韓國星級代言人朴寶英亦大讚「馬斯打」好好味!

有關獎賞計劃
食評 (356)
等級3 2022-02-26
374 瀏覽
Goobne Chicken🍗 Lunch set 想食韓國烤雞,但又唔想食太多,呢個lunch set 就岩啦🌟又食到烤雞又食到蛋卷,仲有唔同配菜,份量岩岩好,好味😋蜜糖香滑烤雞餐盒配雞蛋卷、醃蘿蔔、香腸、薯條、沙律 繼續閱讀
(以上食評乃用戶個人意見 , 並不代表OpenRice之觀點。)
等級2 2022-02-08
510 瀏覽
今日同事生日,一於食好啲,但作為一個矛盾嘅都市人。為咗呃自己食健康啲。就嚟咗呢一間吼烤專門店食慶祝lunch。好彩黎之前訂咗位,因為真係好多人。估計如果冇book位嘅話,應該等返半個鐘至九個字先會入到座。環境正常,服務都正常。直入主題,我哋叫咗UFO芝士烤雞,蕃茄奶油炒年糕,同埋海鮮薄餅。先講烤雞,果然係招牌菜,烤得好香好入味,而且雞肉好滑。加上佢係冇骨嘅雞肉。啖啖肉嘅感覺真係好爽。只係有少少美中不足就係啲雞皮唔算太脆。中間啲芝士都好好食,只不過好快凝固返。所以食起上嚟會有少少麻煩。但味道係好食嘅。炒年糕,就非常之捉了。有魚糕拉麵等等。食起上嚟有少少辣,但係唔會好難接受。蕃茄味唔算好濃。當然同其他專食番茄湯麵嘅地方就冇得比啦。只能夠講對得住佢嘅價錢。海鮮煎餅,就係今餐飯最普通嘅嘢,其實只不過係將少少海鮮加咗落平時飲茶酒樓嗰啲薄撐。平凡到冇乜特點可以加以描述。如果唔係特別喜歡食薄餅可以skip咗佢。總括而言如果你鍾意食雞,又鍾意啲重口味嘢。一定會鍾意依間餐廳。佢對得住佢嘅價錢。同朋友聚餐一流。不過環境就可能差少少有少少嘈。不過人多冇計。如果下次想食雞我都會再嚟多次。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-02-03
347 瀏覽
我覺得個烤雞真係好好食//Goobne 2005年係韓國創立//2014年喺香港創立第一間店舖//採用烤箱烘烤料理嘅方式, 冇油, 保留雞嘅酥脆感同肉汁//性價比高//呢個價錢但係所有嘢都大大碟✨🌈🌸〚韓式BBQ醬煙燻烤雞 + 蜜糖香滑烤雞〛💰 HK$238🌸 〚韓式雞蛋捲〛💰 HK$148煎雞蛋卷//黃瓜//醃紅蘿蔔//餐肉//海苔//芝士🌸〚韓式海鮮湯〛💰 HK$158🌸〚韓式海鮮炒麵〛💰HK$158同事聚餐嘅好地方:🌻🌻🌻🌻🌻/5 繼續閱讀
(以上食評乃用戶個人意見 , 並不代表OpenRice之觀點。)
等級2 2022-01-16
333 瀏覽
同朋友嘅慶生飯去中環嘅goobne chicken🕺中環呢間分店對比起銅鑼灣同埋尖沙咀比較少人,可能係因為今日係禮拜日嘅關係~OpenRice訂位有九折,咁啱可以唔使比服務費^^因為我哋得兩個女仔,所以就嗌左一個UFO芝士火鍋😅 分別係BBQ同埋蜜糖味🤣見到火鍋入邊有3款芝士(瑪蘇里垃芝士 車打芝士 Grana padano 芝士)用個火鍋煮到佢慢慢用融真係相當治癒🥰煮融啲芝士, 就開始食雞啦🧚‍♀️啲雞好嫩口,而且係去骨嘅雞!! 真係每一啖都有肉😋😋 而且醬汁配芝士都非常夾!!拉絲芝士都好正~唯一美中不足嘅係覺得服務員態度有少少唔好😣首先就係我哋冇叫嘢飲,所以就叫咗服務員比兩杯水我哋~但係等咗5分鐘都未有,明明間舖頭都冇乜客人然後服務員嚟到嘅時候個表情都好似好不情願咁😣心諗我都冇得罪你啲咩啊😵‍💫最後仲倒瀉左咗少少水。。咁倒瀉水可能係個水樽設計有問題,咁抺返就ok 啦,咁我哋提點返佢叫佢抹返,跟住佢就覆我地:而家咪抹囉!就係咁樣所以我就覺得呢個店員態度唔係幾好😂有少少唔舒服最後好笑嘅係個天會成個水樽俾咗我哋😂😂😂因為我哋真係係咁飲水,可能真係太鹹了 繼續閱讀
(以上食評乃用戶個人意見 , 並不代表OpenRice之觀點。)
轉左新工咁耐,終於有朋友約飯聚Happy Hour ,由於大家都近中環,於是乎揀左間連鎖又有中環分店嘅韓式炸雞店。去食炸雞前睇到週五夜色中環,又真係幾引人入勝食炸雞當然要飲啤酒,餐廳哩排有優惠,啤酒買二送一。話不過三巡,先來個韓式辣炸雞,哩個雞辣粉落得幾重手,層皮食到已經好辣,加上皮炸到好脆,感覺好似食緊辣味薯片咁,而內里啲肉又唔會柴,仲好嫩好有肉汁,餸酒的確一流再來部隊鍋,入面有即食麵,年糕,司華力腸,泡菜。味道就部系正常好味嘅,不過個人覺得個年糕偏硬左小小,可以煮腍啲會更合口味,而個湯底都幾辣下,店家辣泡菜真係落得一啲唔鬆手,唔係太食得辣嘅要小心哩個泡茶煎餅,都幾特別,同海鮮煎餅一樣,不過入面換咗經常見到嘅辣椒白菜泡菜,綜和左啲粉醬,食落又唔會好辣,可以放心落Order試左個泡菜煎餅,叫個同做法嘅海鮮煎餅,比較下。可能因為前面個泡菜煎餅較為少吃,所以食到哩個海鮮煎餅就覺得都係不過不失,但佢都係好味嘅,不過如果海鮮可以落多啲個人覺得更好,希望有日店家睇到哩篇文會做出更新淨係食炸雞,煎餅都系未够,叫多個蝦仁芝士炒飯,哩個飯用熱鐵板盛裝,底層鋪左一層芝士,中間系醬油膏加茄醬蝦仁炒飯,上面一隻太陽蛋再加啲蟹籽同香草🌿伴碟,再淋上小許沙律醬。底層嘅芝士同飯被鐵板燒焦,形成芝士味飯焦味道幾好食,可以話系哩道菜真正要食嘅嘢,反而上面個蝦仁炒飯就失色左小小,但都唔系差嘅四人食,埋單人均$248 繼續閱讀
(以上食評乃用戶個人意見 , 並不代表OpenRice之觀點。)