189
4
5
港鐵石門站 C 出口, 步行約2分鐘 繼續閱讀
電話號碼
23509116
營業時間
今日營業
12:00 - 02:00
星期一至日
12:00 - 02:00
付款方式
Visa Master AlipayHK 支付寶 現金 八達通 微信支付
其他資料
深夜營業
電話訂座
加一服務費
當面支付
食評 (202)
等級1 2019-07-30
732 瀏覽
係石門既地鋪酒吧 係門口見到有波睇 但入到去唔會好嘈 地方相當闊落 環境適舒坐得舒服 氣氛幾好幾有情調 食物質數高 食左青口同雞翼都好高質 啤酒種類雖然唔算好多10款左右 但唔同口味都有 質素都唔錯 繼續閱讀
(以上食評乃用戶個人意見 , 並不代表OpenRice之觀點。)
尋日同同事去食飯,我哋坐低落單都好快,不過上菜速度真係世界級。。。。。。首先,個餐包埋湯,但連個湯都慢過人,等咗好耐先有。咁都算la,我哋9個人,食咗一個鐘,整係嚟咗5個main dish!!!!!!其實當時餐廳人數唔多,我哋等咗起碼30分鐘先開始催佢哋,催咗3次,第一次就話就快,第二次叫我哋等多幾分鐘,話5分鐘內就出,好,我哋等,但其實嗰時已經等咗50分鐘。然後,我哋lunch time都完咗,佢講既5分鐘係兌現唔到承諾,因為第三次我哋話轉外賣,佢哋話仲要多十分鐘。。。。。。其實我哋真係好嬲,得返意粉同Burger 未嚟,真心整一碟意粉要一個鐘咩?你哋自己都講意粉一早烚好,點解都要等咁耐?坦白講,野食質素係唔差,服務態度都算可以接受,但我覺得佢哋第1,2次係hea我,因為第3次佢哋其他職員話5分鐘跟本出唔到比我。另外,我見到後面嗰枱明明遲嚟過我哋,但d 野食好快嚟,what? 真心嗰句,食個lunch要等一個鐘,我都真係第一次,等你嗰一個鐘lunch time都完la,我去你間餐廳為咩?邊個返工有咁多時間?如非必要,唔會再嚟,食個lunch要等你上菜一個鐘,再好食我都唔想食,呢次真係一個好差既體驗,我情願唔要你嗰個85折,反正我哋最後有一半人都係外賣,外賣唔使加一添。P. S. Burger 味道還好,軟殼蟹太咸。成個餐唔夠熱,軟殼蟹太咸,不太能食得出原本的味道。另外,個人認為個包味道還可以,不過醬汁可以多少少,因為個包本身比較脆。整體不算差,但性價比不高。 繼續閱讀
(以上食評乃用戶個人意見 , 並不代表OpenRice之觀點。)
在石門上班一年多,已經試過這家餐廳太多次,幾乎所有午餐菜式都試過了,所以藉今天再去的時候打下這篇新鮮滾熱辣的食評。這裡的人流很飄忽,有時只有我們一張桌有人,有時半個場都滿了,今天我們1點多去到就是半滿的狀態。提醒大家一下,這裡的人流多少與出餐速度有高密切度。我在這裡吃過兩次burger,第一次餐廳多人的時候我等待了45分鐘才到餐,那次我氣到不行差點哭,因為我的同事都吃光了,我的還未來。而第二次餐廳只有我們的時候,burger 15分鐘內便送到了。而這次我們到來我看見人數頗多,我不敢叫burger,可是我的同事因為上次的高速到餐,以為是製作過程改善了,所以他們大膽地叫了burger,分別叫了3個黑松露和牛漢堡和1個牛油果軟殼蟹漢堡,而我叫了蕃茄海鮮闊條麵,以及追加一份魷魚圈。每個lunch set 都包含餐湯/沙律和基本飲品,餐湯印象以前試過南瓜湯/雜菜湯,今次是蘑茹湯,湯比較稀身,味道同樣相對比較淡。飲品方面叫了iced lemon tea,糖水另上,茶味夠濃,good!我的闊條麵在我的餐湯完成後便隨即送到,賣相不錯,有兩隻大蝦,看到有一隻蜆和一個魷魚圈,海鮮的部分我說完了,真的說完了,我以為麵中間會有更多海鮮,可是沒有了,這個有點失望,我記得之前有一個香濃鮮茄大蝦意粉也是有蝦和蜆,而這個特意改名為海鮮麵的卻只多了一個魷魚圈,就真的……另外麵料比較硬,而且味道比較淡,和我想像中很濃郁茄醬的預期有出入。不過追加的魷魚圈十分出色,酥炸魷魚圈外脆內軟,不會太多油令炸物太淋,亦不會太乾,魷魚十分有咬口,配上白醬十分可口。再過20分鐘,來了3個漢堡,差一個未到,比我預期中快了。這裡的黑松露和牛漢堡屬於高水準,材料豐富、牛肉扒厚大多汁,另配薯格。連男同事們都覺得是一個份量充足的漢堡。而牛油果軟殼蟹漢堡也十分不錯,軟身牛油果片配上炸軟殼蟹,中和了熱氣的感覺,更帶出一份鮮味。不過最後一位男同事就慘了,到3位同事吃完漢堡,我亦完成了闊條麵時,他的漢堡還未到,這時大約等了45分鐘左右,突然店員過來說焗爐出了問題,需要用其他方法製作。我們也呆了,為什麼等了這麼久才發現壞了。再過5分鐘,終於到了,不過卻走了洋蔥,這時我們都不去追了,怕會等太久。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-04-12
436 瀏覽
訂咗餐都要等成個四十分鐘先有得食,中午食飯時間就得一個鐘,都食唔到味道,只知食飽個碟都仲出煙嘅要份牛扒五成熟,到枱係十成熟,叫卡邦尼,佢就等埋其他客人先一次過煮,西餐廳正常係叫一份出一份,點會等埋,唔知以為自己去咗中菜廳食星州炒米,食物味道都可以接受,但個廚房煮嘢食嘅方式,真係好有問題如果真係要食嘅,食扒就最快最方便,疑似係用焗爐焗嘅,所以係最快,千祈唔好食意粉或卡邦尼,只要冇人叫,你就真係等到2046都冇得食 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-08
422 瀏覽
呢排係石門收工又同媽咪黎食golem craft beer,呢間餐廳環境好悠閒,小妹都唔係第一次黎架啦。今次就試下食其他新野,分別點左「美式燒烤豬仔骨」、「炸辣味雞鎚」、「和牛肉粒燒串」同埋golem lager啤酒。「美式燒烤豬仔骨」豬仔骨用燒得好香口,香味十足,而且好大塊。仲有著條,分量十足,都夠兩個人食。---「炸辣味雞鎚」雞鎚真係啖啖肉,辣味十足,而且係新鮮即炸,食落超野味。件件雞鎚都好大件,好好味。👍🏻👍🏻👍🏻---「和牛肉粒燒串」呢款小妹就最期待啦。呢度既和牛牛肉粒質素都唔錯,而且燒到岩岩好(我地點了7成熟)肉質好香又嫩。---再配上呢度既招牌啤酒真係一流呀!媽咪都食得好滿意,小妹覺得呢度坐得好舒服又悠閒,好岩放工後同朋友黎消遣呀。 繼續閱讀
(以上食評乃用戶個人意見 , 並不代表OpenRice之觀點。)