94
37
22
港鐵尖沙咀/尖東站 N4 出口, 步行約2分鐘 繼續閱讀
所有分店 (2)
電話號碼
23666701
營業時間
今日營業
11:30 - 22:00
星期一至日
11:30 - 22:00
*截單時間: 21:30
付款方式
Visa Master AlipayHK 支付寶 現金 AE 銀聯 JCB
座位數目
94
其他資料
網上訂座
Wi-Fi
酒精飲品
自帶酒水 詳細介紹
賞訂座積分
外賣服務
加一服務費
當面支付
有關獎賞計劃
食評 (174)
現場環境好有氣氛,情侶話黎食坐得又舒服,食物質數都唔差再重要呢到可以散叫又得叫套餐都得香烤安格斯牛柳二人套餐 $548個牛柳炭燒味重,同埋完全做到5成熟的熟成度,最好既係廚房煮完之後有等待一陣,所以上碟時切唔會出血水。可能一般餐廳都唔會理但呢樣動作的確加以加好多分。牛柳好淋滑但個醬汁比較甜 搶走了肉味,所以小妹覺得只食牛柳都very good特濃南瓜栗米忌廉湯個湯好濃好滑,用了好多南瓜而且加了幾款豆,同市場上相比,的確用心好多法式芝士洋蔥湯洋蔥湯原來即叫即焗,上面芝士要放入焗爐焗所以等待既時間會長D。不過個湯真的太咸,如果淡味一點會更吸引沙律沙律有少少失望,因為D菜比較無咁新鮮,有部分位置已經黃黃地但不影響味道溫泉蛋煙肉芝士卡邦尼意粉蛋漿加汁卡邦尼汁食落好香蛋味加奶香味,不得不讚個意粉,麵質做得岩岩好,食落帶D煙韌,係小妹最愛的質感,份量都好足夠甜品 (另外加$43升級)原本套餐已包2客是日蛋糕但既然黎到就唔好放過叫餐廳甜點既機會,叫了類似熱香餅及窩夫的甜品,蛋香味重加埋個雪糕,又凍又熱既口感作為呢餐既終結都唔錯總括,小妹覺得餐廳的食物都幾好食,價錢雖然為中上但提供既食物都唔錯,環境又好坐得都幾舒服,如果下次去尖沙咀又來環境靜靜地都會考慮呢間餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-10
1312 瀏覽
曾經在銅鑼灣Gochiso吃過一次,有點懷念,不過銅鑼灣已經消失了,今日便來到尖沙咀再吃一次。這裡背景有音樂,樓底又高,感覺好舒服。檸檬香草烤春雞二人套餐$388,包例湯,沙律,番茄芝士牛肉醬鮮製意粉、飲品兩杯、精選甜品二人份。特濃南瓜粟米忌廉湯,粟米的甜味比南瓜濃,我最愛就是粟米,所以反而有點驚喜。法式芝士洋蔥湯,芝士烤焗得很香,洋蔥湯味道適中,如果湯內的麵包細一點就更好。沙律份量適中,作為前菜合適不過。檸檬香草烤春雞,烤春雞外脆內軟,廚師利用少量香草🌿帶起了雞的鮮味,味道適中,另外有些芥末籽伴碟,味道帶點鹹和酸味,點些在春雞上,就不會感覺肥膩。番茄芝士牛肉醬鮮製意粉,牛肉、蕃茄、芝士都是正常味道,反而意粉是扁意粉,煙煙靱靭,味道不錯👍,這個非常有好感,令人有驚喜。飲品兩杯:凍咖啡、啤酒。凍咖啡是蒸餾的,濃度高,味道好,配上多盒細鮮奶和糖漿,任君選擇。啤酒🍻跟餐另加 $12,是日本的suntory,這個啤酒用上天然水釀造,麥味濃郁,非常不錯。甜品:朱古力蛋糕配上新鮮士多啤梨和忌廉,味道是我喜歡的,吃完這個甜品已經很滿足了。 繼續閱讀
(以上食評乃用戶個人意見 , 並不代表OpenRice之觀點。)
每日都ot嘅生活令到我約人食飯好多時都係尖沙咀,多謝朋友嘅照顧我,等我可以收工盡快趕到聚會💖今次呢一間餐廳朋友揀嘅,位於k11,平時好少黎呢個商場,因為太藝術細胞,覺得冇乜嘢購買,但係呢間餐廳,食過之後就會對k11改觀,原來k11都可以臥虎藏龍!😎. 明顯呢一間係一間西餐廳,唔算好西,少少配合香港嘅style,亦都唔會好港式,感覺幾特別。佢係一間連鎖集團嘅其中一個品牌,價錢唔算貴,食物質素亦都算中上;款式多,飯、意粉、pizza、沙律、甜品......應有盡有。八點鐘嚟到見到門口排緊隊,好彩朋友一早已經訂咗位,可以被安排入座。叫嘢食好多時都會睇圖嚟叫,因為唔使諗嘛,咁當然,好多餐廳都會寫明圖片只供參考,呢一間亦然,只不過係實物比圖片更加吸引。.✨海鮮牛油果沙律 青新嘅沙律菜配上鮮艷嘅蝦,對比之下,呢件事變得好有誠意,食材絕對唔求其,淋上濃味嘅芝麻醬,相當開胃。.✨安格斯牛肉粒牛肝菌濃汁燴飯雖然只得數粒牛肉粒,但係口感軟腍入味;意大利飯吸取牛肝菌濃汁嘅精華,超juicy! 值得一讚嘅係佢個牛肝菌濃汁濃得黎唔係好咸嗰一種,食完唔會頸渴,分量超級足夠,而且牛肝菌數量同飯嘅比例幾乎一比一,絕對唔吝嗇。.✨蕃茄濃湯燴海鮮呢間平民價錢嘅西餐廳都會用上龍蝦 唔好以為 龍蝦係下等貨 雖然稱唔上海鮮酒家 咁鮮甜但係佢嘅烹調方法提升咗龍蝦嘅味道.✨西班牙式燉蛋雪糕抹茶味燉蛋食得多,雪糕亦都食唔少;但係西班牙式燉蛋雪糕就第一次聽,亦都第一次食。味道係點,我估應該係將一個抹茶味嘅燉蛋燉熟咗之後,雪落冰箱雪硬佢,到客人要嘅時候就攞返出嚟,沈上砂糖,燒脆表面,成為焦糖表面;食落口cream得嚟奶香味重,但係兩個人分享,又會覺得係飯後一點甜。抹茶味濃得嚟唔苦澀,有驚喜!. 聖誕期間嚟🎄所以餐廳氣氛都整得好精美;雖然好忙,但係員工都唔會忽略每一枱食客,會定時為佢哋換碟同加水,咁嘅服務態度配咁嘅價錢,絕對值得一讚,值得回頭!👍 繼續閱讀
(以上食評乃用戶個人意見 , 並不代表OpenRice之觀點。)
香港嘅西餐廳雖然好多,好多都只係個賣相幾靚,但係其實用料好差,但求賺錢,只係求求其其整咗一啲igable嘅dishes,盲目追求呃like,做宣傳,令餐廳自己更marketable。(Gochiso)是一間連鎖的日式西餐(日食洋食),日本人以效率高,質素見稱。這裡提供日式地中海菜,濃厚的地中海風情,融合亞洲人風味。今次叫左$368既套餐,main course烤雞。抹茶梳打,顏色墨綠,齒頰留香。法式芝士洋蔥湯,偏日本風味,湯甜度略高。洋蔥雖多,卻有苦澀味,洋蔥香味稍欠不足。 套餐沙律檸檬香草烤春雞,雞皮微焦,雞肉細緻幼滑。將其開邊,使裡面更入味,每一口都有檸檬淡香,高水準之作。 蕃茄芝士牛肉腸鮮製意粉,homemade pasta,好處是配不同醬汁可有多種層次,融和力強,麵條自身帶小麥香。 套餐甜品班尼蛋糕。 歡樂朱古力茶,特別,清新,唂咕香。荷蘭鬆餅 (日本蕃薯溶),厚身pancake,啖啖甜洋芋香氣,伴飯一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-10
109 瀏覽
「GOCHISO」位於尖沙咀K11 2樓中庭位置,是一家意大利及日本菜Fusion餐廳,裝潢像一家意大利西餐廳,蠻高尚的感覺,但菜式就滲入不少日式元素。二人同行吃套餐比較划算,由$388元-$578元不等,視乎主菜款式而定,其餘沙律、湯、First Main、飲品及甜品款式均相同。特濃南瓜粟米忌廉湯: 湯有粒粒南瓜蓉,南瓜味道較鮮濃,由於加了不少忌廉,亦帶較creamy的濃郁質感。套餐沙律: 就是沙律菜、蒜蓉包粒及車厘茄加入沙律醬拌勻,無甚麼特別,就是菜夠嫩及清爽。香烤安格斯牛柳套餐 ($546/set): 牛柳夠厚身,吃起來較西冷更有肉感,表面烤上網紋,賣相可真不錯。我們點了五成熟,餐廳在火候控制上做得不錯,牛柳肉質偏腍,口感豐盈,但牛味一般,不怎突出。西班牙海鮮飯: 與一般的西班牙式燴海鮮飯不同,其飯粒偏乾爽,醬汁雖只有面層的少許蕃茄醬,但飯粒本身已有調味。另外,多款海鮮包括青口、蜆、燒蝦及魷魚。是日精選甜品: 朱古力蛋糕加上忌廉及原粒士多啤梨,蛋糕質感較為結實,朱古力口味較大眾化,作附送的甜品也算okay香蕉朱古力Pizza ($73): 份量蠻大,可3-4人分享,薄餅餅底鬆軟,但須趁熱享用,若朱古力融化會令薄餅變得過份軟淋。整體搭配不錯,不會過於甜膩,蠻抵吃的。 繼續閱讀
(以上食評乃用戶個人意見 , 並不代表OpenRice之觀點。)