Go Fresh

營業中

休息中

荔枝角地方雖然比較多工廠🤔但都有好多隱世嘅美食餐廳😎 今次就去左Go Fresh試試下午茶😎2點半就開始😋 見到隔離枱薯條賣相好吸引🤤🤤 所以我就叫做個 滋味豬扒脆豬拼薯條🤗😍 唔知係咪店舖多人幫襯🤔 叫完野食等左半粒中先上到我個餐🙄🙄 個滋味豬扒脆豬細細地但好juicy, 份量岩曬下午茶食😛 唔會食得好濟👍 同埋豬扒厚度適中😉 咬落去唔會好un😁 薯條夠曬熱👍 同埋係粗薯條🍟😍 好正😁 食到我想再食🤤 如果多番少少就好🤣依個下午茶抵食又好味😋 唯一需要改善就係等候時間有啲耐😥。

已經第N次光顧這間餐廳了。雖然坐落於工廠區，但不論味道、質素或賣相，都絕不會輸給其他餐廳。價錢也相當大眾化，所以我非常喜歡於這裏吃午餐。 非常超值。逢星期一至六分別有5款不同的午餐供應，我最愛吃的就是 紐西蘭西冷牛扒配黑椒汁，另可配薯角、意粉、螺絲粉或飯。薯角並非薯條，非常可口，外脆內軟，比其他著名的快餐店更好吃。相信牛扒都是即叫即煎，每次都是熱辣辣的，香濃鬆軟，不煙韌的。醬汁亦超級充分裕。芝士卡邦尼鹽燒三文魚意粉同亦不遜色，三文魚煮得恰到好處，不過如果三文魚可以大塊一點就更好。意粉醬汁有點少，建議下單時註明多汁。如果喜歡輕食，餐廳同樣提供沙律、焗薯、意大利軟包等等， 選擇多不勝數。餐廳不需要加一，午餐奉送熱飲或餐湯，或另外加$10轉水果盤或鮮果乳酪等等。保證嘗試後會想再次光顧。

又到星期五喇！happy friday就黎個happy lunch la!!去親go fresh都會想食佢既薯角但今日喉嚨有d唔舒服就無食薯角喇！佢既lunch set係以星期黎定今日星期五，我都慣左食1號，西冷牛扒，今日食螺絲粉啦！塊西冷其實都不錯，唔會太薄，都幾大塊重有個湯跟，佢另外重有南瓜湯下次都係想食番薯角

公司o係呢間餐廳隔離,唔係唔試下嘛?午餐佢都有唔少輕盈之選,我呢日就叫左個半份香草番茄包+精選凱撒沙律~個包有稍稍脆邊,麵包身鬆軟,中間雖然得D番茄,不過都幾多汁,所以唔會覺得寡不過沙律D汁略嫌多左D,令D菜無咁爽口整體黎講我覺得呢度作為快食還不錯,選擇多而且有沙律,價錢唔算貴,唔想食咁飽就黎試下啦~~

隨意路過，入嚟食早餐，叫咗個蘑菇鷄肉意大利軟包。包烘到熱辣辣，仲有番茄生菜做配料，唔怕乾爭爭，好味！最令我驚喜嘅係杯奶茶。滑溜順喉不澀口，濃淡得宜，好回味！後來睇翻呢度嘅食評，話店員無禮催客走。我個人睇法係，响呢個位置開食店，工商業區，只能做早午市。午飯時間得嗰一個鐘頭，老實講，時間寶貴，如果你稍為坐多幾分鐘，出面等緊枱嘅客好快就會不耐煩走人，老闆就會白白損失一枱客人。希望大家食飯時都互相體諒，今時今日，租金高企，生意難做，自覺地食完就即刻埋單，我相信店員都會有好啲嘅面口。

食飯食出一肚火，平時都有幫襯啲間餐廳，之前幾次經驗都試過未食完趕人走，都明白餐廳繁忙時間想翻枱嘅。但今次佢地嘅態度真係令人忍無可忍！一行5人食Lunch, 入到去就己經要等位，等左10mins 先入去，waitress 都算醒，未有位都已經幫我地落左單。食完飯杯檸茶都未開始飲，一個老老地嘅呀嬸 (估計係老闆)，過來幫我地執枱就話，我想幫你地執枱但好亂，點執。我地聽到覺得好怪，張枱只係得個飯同幾張紙巾，但我地都無理佢，繼續飲嘢。再來幾分鐘第一次開口催我地走。呀嬸: 你地飯完快啲走啦。我當時都無為意，又過幾分鐘，佢又走來話：小姐，唔該你地飲完快啲走。有人等緊。 我當時望一望外面，只有一枱客等緊，有幾張2人枱吉左，有2張枱同我地一樣都係飲嘢中，我就同呀嬸講：我地飲完就會走㗎啦。我都有諗做咩佢淨係叫我地走呢，我杯檸茶啱啱先飲，後面都飲晒吹緊水，又唔叫佢地走嘅，可能我地張枱最近個cashier, 所以叫我地啦。我都諗住唔理佢繼續飲，点知佢同其他客收錢時口up up 係度話食完又唔走。仲講左幾。收完錢走過來收枱，仲要將枱上既飯粒撥去我大左肚嘅同事身上。我地叫佢地小心啲，但都係一句唔好意思都無。（估

每星期之Happi Friday 為了鼓勵自己努力捱咗一星期 又準備迎接週末日 holiday mood 高漲 要食豐富早餐再開工 。舊同事報料食過呢間早餐 多款之餘 價錢親民 食物味道幾好 估語有云 “心動不如行動” 在陽光普照週五這個早上 最岩去go fresh ~get fresh 小店沒有堂皇裝潢 白色餐桌及餐椅 人多的情況下需要“搭枱” 坐位有些擠迫 但這更有小店必備的“人情味” 我隨意找個位置坐下 看著餐牌 “選擇 恐懼症”又嚟 想食個早餐 乜真喺咁款式 嘩 唔知㨂邊款。這些時候 最穩陣就喺望吓隔離左右食咩 跟住點 唔會有閃失我要了一份B6 蕃茄濃湯螺絲粉 跟多士 & 磨菇炒蛋連飲品(熱飲)成為$26 。因為價錢唔貴 預咗份量都唔會好多 應該夠食卦。誰不知 當姐姐擺底碗螺絲粉 我呆咗 螺絲粉 唔喺齋粉 有湯料(紅蘿蔔 蕃茄 薯仔 全部已切粒) 湯底 似飲蕃茄汁 濃縮果隻 真喺飲湯都飽~ 當然湯料 唔可以浪費 清晒 ~未完架 仲有份 多士+磨菇炒蛋 ,炒蛋唔喺滑蛋 唔會入口即溶 but 有蛋香 加多士 是基本組合。食呢個早餐 可以頂埋個午餐 (對女士而言) , 相信有一段時

到長沙灣想找些新鲜感的地方吃早餐，便看到這食店，店名叫Go Fresh,一於入去試試，餐牌有十多款選擇，最後選了一個全餐，有牛角包加烟肉、火腿、姑類等，那包超鬆帶脆，其它一般，另一個選了螺絲粉餐，較清淡，還跟了杯即磨咖啡，算是全個餐最出色，超香濃。

工作關係成日來荔枝角附近，順片食個早餐先旦特別新鮮，又滑，好欣賞吖味道都唔錯，另外同事介紹飛碟好好食，下次會試正常分量鮮果沙律有少少酸咪唔係變左個隻，我諗可能檸檬汁味多左d，但整體好ok既。因為有我最鍾意既甘筍，好爽口，不過沙律醬太慷慨，係增肥之選，我下次會叫佢少醬，雖然醬係幾好味。環境光猛門口好吸引同區來說，我特別鍾意而間，環境舒服下次會來試埋同事大大力推介既飛碟

一直用左OPENRICE睇食評好耐，不過要登記自己寫就真係好麻煩....不過Go Fresh令我一定要開呢個account, 我有3次外賣早餐既經驗想同大家分享。！！！我公司係Go Fresh 10分鐘路程內一定可以到，包埋過條馬路兼等Lift...！！！我3次都係叫同一個餐-->B7奄列早餐第一次：一個半星期前左右，9:30打去叫早餐外賣，10:30仲未到，中途打左去催，次次都話好快到，結果最後一次打去就話，我都係唔要喇。最後，個外賣係差唔多10:50先到，於是我就無要到，因為已經餓過龍，又要食晏就o個餐。第二次：由於真係唔想食另一間附近店既早餐，決定比多次機會Go Fresh，結果20分鍾左右就到了。個早餐都唔錯，番茄味濃，蘑姑蛋奄列不會乾身，整體都不錯。第三次：今日又想食，9:10打去叫，9:50打去問，說出公司樓層單位，阿姐話等多1分鐘就到，結果又等多10多分鐘仍未到，再打去問，阿姐居然話：「你叫左咩餐，飲咩呀？」我聽出佢根本無落到單，剛才聲稱就到的外賣原來是同大廈不同單位的另一個外賣。阿姐：「你宜家再叫囉，好快姐，我幾分鐘整好比你，好快姐。」我：「我頭先問o個陣你又話