58
16
11
港鐵尖沙咀/尖東站 J 出口, 步行約2分鐘 繼續閱讀
所有分店 (4)
電話號碼
21521518
開飯介紹
為Glasshouse的升級品牌,主打融會亞洲各國的經典美饌與西方滋味,把傳統精髓與現代烹調技巧結合的創意菜式。客人可於舒適寬倘的室內環境,或室外的小清新天台花園內品嚐精心準備的美食及飲品。 繼續閱讀
營業時間
今日營業
11:30 - 23:00
星期一至日
11:30 - 23:00
付款方式
Visa Master AlipayHK 支付寶 現金 AE 銀聯 JCB Apple Pay Google Pay 微信支付
其他資料
網上訂座
酒精飲品
電話訂座 詳細介紹
賞訂座積分
加一服務費
室外座位
當面支付
有關獎賞計劃
食評 (96)
等級4 2021-01-05
440 瀏覽
將充滿藝術色彩的尖沙咀K11 Musea譽為市區內的一道清泉相信也不為過,單是那屋頂田園和品味裝潢已叫人賞心悅目,加上不少特色餐飲都進駐了其中,更是讓人悠然嚮往。 前陣子筆者就造訪了K11 Musea內的一間人氣餐廳,店外長期人龍駐據,足見其受歡迎指數;餐廳分為室內同室外部份,室內裝潢華麗時尚舒適,樓底高加上落地玻璃的設計,採納了自然陽光配上綠油油的植物,加強空間感之餘亦綠意悠揚,感覺Chill爆!而露天開揚的室外位置就更是誘人,周遭放滿了綠葉,仿似是一個小清新天台花園,散發著淡淡的熱帶氣息,儼如鬧市中的綠洲,難怪如此的受到客人青睞。 除了裝修風格出塵之外,相信這店的特色出品亦是其受歡迎原因之一,主打以亞洲菜融入西餐方式烹調,創造出獨特美味的新派菜,感覺將大家喜愛的食材共冶一爐,相互配合下令人耳目一新;而且店家更秘調了不同的cocktail和mocktail配合菜餚,令熱帶風情更為突出。 先登場來了一道吞拿魚牛油果藜麥沙律作開胃前菜,青翠爽口的沙律菜配上裁成小粒的吞拿魚和牛油果,還有青蘋果粒、小蘿蔔片、車厘茄和Super food藜麥,賣相色彩繽紛。吞拿魚軟嫩富魚香鮮味,牛油果軟滑加上其他菜蔬的鮮爽,藜麥則添上了嚼勁,輕盈的酸汁更是配搭獨到,清新健康。 沙爹串燒雞,一客3串份量較的骰,還好附上了煎薄餅彌補一下心靈。雞肉鬆軟不算嫩滑但亦不會太乾,入口滿有香料味,點上甜香的沙爹醬添上花生香,滋味倍增,濃香惹味。 龍蝦鵝肝星洲炒米配西班牙火腿,將幾款矜貴食材湊在一起的一道Fusion主食,實在是一個邪惡夢幻的組合,色澤金黃的米粉炒得乾身不油膩,入口充滿著咖喱香料的香氣,微辣惹味,加上芽菜和香蔥更是爽口彈牙;將鵝肝的脂香Creamy、龍蝦的鮮美彈牙和西班牙火腿的鹹香濃郁,口感層次豐盈,啖啖美味滿足。 和牛鵝肝煎蛋飯,店員推介是必食之選,鵝肝大大件煎得火喉剛好,外微焦內軟滑,油香滿滿;和牛做得偏熟沒有入口即溶的口感,但還好牛味濃厚肉汁豐盈,配上流心太陽蛋和自家醬油汁,濃郁豐盈兼備。 除了菜式特別之外,這店的飲料亦不馬虎,夏威夷風味奶昔以芒果、菠蘿、木瓜等熱帶水果入饌,其中的芒果香較為突出,甜度剛好滿有奶香,富亞洲風味。荔枝玫瑰冰茶,橙紅色加上面頭放上荔枝玫瑰,賣相頗為精緻吸睛,入口清甜帶淡淡的荔枝和玫瑰花香,清脫怡神。 最後當然要試一下這裡的甜品作結尾,今次點來了香蕉火焰焦糖燉蛋,單看名字已十分吸引,但端上來時賣相就一般,較特別是附上了Espresso和Rum酒, 店員將Rum酒淋在燉蛋上點火,藍焰徐徐飄起,可惜在日光情況下不太顯眼,相信夜間看起來會頗有情調。先試一下原味,粉軟香蕉配上幼滑燉蛋想不到頗為搭配,入口酒香頗濃未必人人接受得到,而且Creme Brûlée 欠缺了面層薄脆的焦糖,有點失真,但還好勝在不太甜夠滑溜,加入Espresso添上咖啡香之餘亦中和了酒味,甜滑中帶點點甘苦,味道更富層次,為整體食味扳回一城,可以一試。 香芒印度煎餅,一般的印度酥餅都以配鹹食咖喱為主,大廚一改傳統用以配上芒果肉、薄荷葉和煉奶,意外地也不錯,酥餅口感較為扎實,分為上下2層,均放滿了芒果餡料,感覺有點像拿破倫的口感,微鹹帶甜不太油膩,薄荷葉滲出清新更添清爽,感覺更是輕怡。 這店以世界各地的食材,融合到亞洲經典菜式,是傳統與創新結合的Fusion菜,配搭得宜味道亦不錯,加上特色裝潢環境,清新脫俗,是一個打卡必到的熱點,定價雖屬中高檔位置,但間中來到Chill一下也是值得的。 繼續閱讀
(以上食評乃用戶個人意見 , 並不代表OpenRice之觀點。)
預早訂好位在 K11 Musea 的 Glasshouse Greenery 與相識逾 10 年的好友們歡聚暢談,因為那天風和日麗,我們選擇在室外的座位用膳,在微風輕輕吹拂之下,一邊享受美味的午餐! 實為賞心樂事! 😄😄😄龍蝦鵝肝星洲炒米粉配西班牙火腿($168):菜名吸引,明顯是野心之作,可是由於素材太多,失卻了重點,變得每樣食材都不過爾爾,那天聚餐,食剩率較高的反而是這碟! 🦞🦞🦞吞拿魚法式尼斯沙律($148): 吞拿魚含有豐富的蛋白質和 Omega- 3,有助修補細胞和維持心血管健康,所以這個沙律味道既清新可口,亦可堪稱為健康之選 🥗🥗🥗Four Seasons Pizza ($158): 揉合咗當日供應的各款 Pizza 🍕, 變成每款式各有 2 塊,大家可按喜好,挑選自己喜歡的那種,皆大歡喜! 蟹肉牛油果沙律 ($168): 牛油果🥑原隻上菜,混合新鮮的蟹肉,可喜之作!脆炸蔬菜春卷($48): 金黃鬆脆,卻又不太油膩,就算是食肉獸都大讚這小食跟餐的㗎啡:沒有因為是跟餐之作而鬆懈,水準之作 ☕️☕️☕️跟餐的 Zero Coke: 一大瓶卻又不感覺到混進太多水,相當貼心值得一提的是那裏的服務員不但友善,而且幽默風趣,兼且那裏還是寵物友善餐廳,難怪要提早至少兩星期預約喇! 😋😋😋 繼續閱讀
(以上食評乃用戶個人意見 , 並不代表OpenRice之觀點。)
朋友話中環嗰間Glasshouse好食,個景又唔錯,見尖沙咀都開咗分店,唔使特登過海今日趁星期六放假就一於過嚟食!我平時好少寫負評,因為我覺得一間餐廳有環境、食物、服務等等,好少何至於咁差。但係今次嘅用餐體驗實在令我太失望🤦🏻‍♀️大約2:30嚟到門口見到有幾個人等位,本身都預咗要等位所以唔緊要,等咗大約半個鐘就入座,個人覺得都OK唔算話等得太耐。門口都有寫用餐時間90分鐘,我哋3:00入座。咁啱下午茶時間嚟到,就叫一Set Afternoon Tea 啦。$388 兩位,包兩杯茶或者咖啡,又或者加錢轉其他飲品。三層既下午茶食物,每件食物都細細件,我哋都食得算快,問題係食到底層嗰陣,侍應就話要收走個架,都唔緊要可能係想我哋食得方便啲。花茶有個細杯裝住芒果醬汁,我哋都未倒晒,侍應又問我哋仲要唔要,話「I need this」叫我哋倒埋落個杯度... 哦原來係餐廳唔夠杯碟用😑到我哋食淨兩件甜品,外籍侍應再過嚟問我哋食唔食,我心諗使唔使咁急啊!我地想拎個陣,佢就話「Try la try la」😑佢勁趕收走我哋隻碟,唔通又唔夠碟用?食咗一個鐘都未夠,一見我哋食晒啲甜品,就收走晒啲碟,問我哋仲要唔要落單,我哋話唔洗,佢就話比張單我哋埋單。我心諗唔係90分鐘用餐咩, 60分鐘都坐唔夠喎,使唔使咁趕呀⋯⋯我知出邊有人等位,都唔使咁Chur呀。食餐飯都好似逼我要走咁😑要左一杯香茅芒果花茶+$28個杯係好靚嘅,好有優雅嘅感覺😂有一細杯芒果汁俾你加落啲茶度,味道唔錯,比起其他普通茶包嘅花茶好!一杯要越式手沖椰子咖啡+$32呢杯咖啡係我就嚟食完先送到,可能手沖需要耐啲時間🤔老實講咖啡味一啲都唔香濃,咖啡味好淡,中間粒冰太大粒。椰汁亦都唔夠,早兩星期喺深水埗食過一間普通越南餐廳,加幾蚊嗰杯越南咖啡仲好飲🤦🏻‍♀️至於Set 下午茶,食物就普普通通,本身都冇咩大期望可以提一提個餃子係冰凍嘅🤦🏻‍♀️中間呢一層嘅食物都係凍嘅,我都只係影咗一兩張相,冇理由咁快凍咗,估計都係廚房整左好幾set ,等上菜可以快啲。唔知係咪正常呢,如果正常嘅話話我知😂甜品方面除咗中間個藍莓芝士蛋糕,其他都OK正正常常啦。藍苺芝士蛋糕,佢完全係溶咗嘅芝士😂用叉吉落去,成pat野咁,依家睇返張相見到佢斜晒😂🤦🏻‍♀️老實講佢啲甜品又唔係衰得晒,我覺得係OK嘅,環境都唔錯,但係問題係佢不斷咁趕我走,勁Chur ,感覺好差🤦🏻‍♀️🤦🏻‍♀️🤦🏻‍♀️佢啲主食都幾吸引,有機會我會再嚟食,但係希望佢嘅服務質素有改善🤦🏻‍♀️或者下次我去中環嗰間試吓🙄 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
2276 瀏覽
今日約左靚靚表姐出來試新野,得知這間餐廳人氣高,在沒有訂位之下,避開了lunch hour來walk in 碰一下運氣。結果outdoor 位已滿,衹有indoor 座位。我們被安排坐窗口位,也不錯哦也被餐廳綠色植物佈置所吸引但慢慢就開始失望了失望1, 我們坐的位置音樂聲量過大,好嘈吵,令人完全冇mood傾計失望2, 侍應人手不足,眼見隔離枱已走了好耐先有人執枱,但衹執拾用過的餐具,在沒有抹枱情況下便放新的餐具我心想:不是吧,在疫情下就算有多忙,清潔工作都要做足吧失望3, 我們叫了玫瑰草莓熱茶,問侍應可否refill水,怎料那個侍應拿室溫水來幫我們沖茶玩野呀!加熱水是常識吧?!如果不可以refill可同我講,不用咁玩個客吧而且茶杯有茶漬。失望4, 落單前後不用5分鐘便上齊菜式,食物熱度不夠,暖的所以好快變凍,影響食物味道Lunch set可自選一款主食,包茶或咖啡,但價錢不便宜。另可加錢叫特色飲品及小食。有加一收費。用餐時限90分鐘。我們叫了:松露焗豬飯$138 - 焗飯上枱時不是很熱,所以芝士唔夠香,又凍得快,豬肉口感略硬了,又沒有松露香味,唉雜菌黑松露芝士pizza$168 - pizza餅底薄,又凍得快,令到pizza口感又硬又韌。雖然還食到松露味,但芝士變凍了,難食另加小食炸薯條配黑松露蛋黃醬$48 - 不是新鮮炸起的,衹是微暖薯條表面薄薄上了一層炸粉炸,應該想有香脆感,剛炸起的話應該好食的,可惜無計算到變微暖後,炸粉令到薯條口感變硬及杉口而且個醬又冇松露香味另加特色飲品玫瑰草莓茶$28 - 茶具幾靚,聞落有玫瑰香,可惜飲落淡而無味,失望不知這間餐廳定位是什麼,雖然裝修佈置都好靚,但服務及食物質素連茶餐廳都不如 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-14
7575 瀏覽
之前一路有食開中環Glasshouse,但老實講對九龍人嚟講唔算好就腳,而家尖沙咀K11 Musea都有分店喇🎉~ 餐廳有室內同室外座位,當晚天氣都幾涼,坐室外都幾有feel。小食拼盤 $228 好豐富嘅小食拼盤,基本上咩款嘅小食都齊哂,啱哂選擇困難症嘅人。拼盤有沙嗲串燒、粟米蝦餅、酥炸魷魚、雞翼,配上沙嗲醬同荔枝汁,荔枝汁好fresh,粟米蝦餅彈牙有口感,酥炸魷魚唔會太油,但串燒肉質就略嫌有啲鞋口。布拉塔芝士沙律 $158 呢個布袋沙律係隱藏咗喺底下,成個沙律配上青蘋果同奇異果,連埋芝士一齊食完全唔會膩,仲好開胃𠻹!和牛漢堡配黑松露蛋黃醬 $158 薯條新鮮炸起,和牛肉厚得誇張,但肉質食落中規中距,配埋香味濃郁嘅黑松露蛋黃醬加唔少分。秘製乳豬燴臘腸炒飯 $318 臘腸炒飯底超正,粒粒分明,乳豬嫩滑到不得了,影完一輪相外皮仍然脆卜卜,連埋中間嘅肥肉一啖食,口感真心100分。綠茶脆皮梳乎厘 $128 一焗起超級香!綠茶味甘甘哋唔會太膩,食落鬆軟空氣感十足!香蕉火焰焦糖燉蛋 $88 必點!淋上espresso後甜中帶甘,味道有層次之餘,又唔會蓋過各自嘅味道。越式x手沖咖啡 (椰子) $68 打卡一流,配上椰子口味好有越南感覺。雜莓奶昔 $58 顏色夠吸睛,真材實料,又唔會太甜。如果你鍾意睇我嘅食評,不妨關注我,支持吓我,謝謝你☺️💕 繼續閱讀
(以上食評乃用戶個人意見 , 並不代表OpenRice之觀點。)