Give Me 5 (已結業)

冷盤海鮮新鮮，燒烤的海鮮和食物選擇頗多，又有和牛，味道不錯，補充又夠快；飲品選擇種類也多，湯，是紫薯湯，好味；甜品選擇也多，每件細細件，啱啱好，又有沙律，雪糕味道選擇也多，唯一係main dish 頗大碟，有點浪費😅，如果有埋生果提供就完美，值得一讚是，所有職員十分之有禮貌，服務一流。

叫左個卡邦尼意粉，味道一般，比較淡，不過不失，適合唔鐘意濃味人仕，不過有水果，湯，沙律，甜品，雪糕任食。紅白酒任飲，包餐飲1杯。叫左熱檸水。外面有自助沙律吧，有蓮藕，木耳，火箭菜，青瓜，仲有個火腿長通粉，本人食左1次，無再refill。但我就不停refill 甜品，中湯（紅蘿蔔粟米豬骨湯）～少湯渣，煲到熔曬 有湯味但唔係濃郁果隻，水果～西瓜密瓜。雖然有紅白酒，但見人飲我無飲。令我有深刻印象係甜品呀！雖然蛋糕只有兩款，但味道出眾，朱古力夠味 同 tiramisu 有酒味～好味。全程最滿意係個環境，空間比較大，唔擠迫，好適合聚會，坐得好舒服。如果餐飲可以加錢轉～特色飲品，我會加加分。埋單大概98蚊。

觀塘美食即興觀塘食飯，找到這間位於鴻圖道90號的餐廳，門口大大隻字寫住「鴻圖道90號」，不會看不到😂😂我們三人叫了1.5個兩人餐，原來可以如此玩法，選擇困難岩晒，唔使諗。原價628，現時$377 for 2 person！價錢幾抵食！環境不錯，有景觀，場內有兩部飛鏢機和一張美式桌球台！好正呀。沙律新鮮，份量多，好食！喜歡軟殼蟹意粉，加上少許Tabasco，好野味！斧頭豬扒大大件，肉味香濃，醬汁幾特別，酸酸甜甜，可以中和油膩感！甜品食埋雪糕好滿足！.前菜：三文魚沙律、蒜蓉多士餐湯：紫薯湯主菜：美國斧頭豬扒配玉米糕件蘋果蓉黑醋汁飯和意粉因為三人份量可以選擇兩樣：帆立貝黑松露野菌意大利飯意大西西里茄醬意大利粉脆炸軟殼蟹甜品：藍妹芝士餅配雪糕球

Lunch time吃飯時間不多，但是今天星期五happy friday， 朋友就建議去吃半自助餐。這間give me 5 的半自助餐價廉物美，只需要大約一百多元就oｋ了! 而且有一個半海景的Semi-buffet lunch 太吸引了吧！餐廳都算十分大間，座位也很多，而且window 位的景都不錯。自助bar 有不小選擇，穌了紫薯湯、有薯角、沙律、生果，而仲有紅白酒任飲!我叫了法式香草羊架配露絲瑪莉汁，上台時又大份又香。羊架不太厚，表皮香脆，即使烤到7成熟，肉質還是鮮嫩多汁，一點兒也不乾硬, 再加上燒汁和切碎的露絲瑪莉混合香草，吃下去非常清新。英中不足是薯條不夠熱。無肉不歡的朋友當然選擇澳洲肉眼排（8安) + 薯菜 跟燒蒜汁。牛排火力控制很好，不會過熟 表面還有血水同油脂，值得一讚。肉與油香平衡，牛味香濃， 烹調時只需少許的鹽便能引出澳洲和牛的香濃肉味。薯菜就不夠熱。我們還試了兩杯雪糕，牌子叫 Coco berry，原來是香港自家品牌。咖啡及焦糖雪糕非常重牛奶味，非常不錯啊。

中午食吓Semi Lunch Buffet，能夠試多啲唔同款食物，價錢又相宜🤗餐廳座位好多好寬敞，仲可以坐窗口位，感覺舒適。 餐廳仲有飛鏢機同桌球🎱枱🤩🌟🌟半自助餐可選主菜任食～前菜、沙律、湯、餐包、新鮮生果、雪糕🍦甜品任飲～紅白酒🍷🥂😍沙律吧有沙律菜、粟米、青瓜、蕃茄、薯仔🥔沙律、鴨肉蜜桃、長通粉等等，選擇好多。湯是酸酸辣辣又開胃嘅羅宋湯。雪糕🍦有多種口味，至於甜品就更加吸引，有唔同味道啫喱杯、4款蛋糕🍰、豆腐花、乳酪～～沙律吧+澳洲肉眼扒8安士🥩配燒蒜汁（$148）肉眼扒外面燒得好香，做到我要求5成熟，肉質嫩滑有牛肉味！我當然都試咗任飲嘅紅酒配牛扒啦🍷🥩沙律吧+德國豬手配黑椒汁（$118）我特別鍾意豬手皮烤得十分脆口，肉味香濃且啖啖肉😋

終於又嚟到Give Me 5 啦～仲約到好耐無見嘅中學朋友仔！因為鍾意呢度環境夠闊落，而且食物好多選擇，啱晒兩個人傾計慢慢食呢！今晚我哋點咗斧頭豬扒同埋肉眼扒，斧頭豬扒嘅時份量大，而且豬扒肉汁多，味道唔錯呢，而五成熟嘅肉眼扒肉嫩多汁，肉身又軟腍，加埋野菌汁，野菌汁同肉眼扒好夾呀～另外仲有任食海鮮，因為疫情嘅關係，出去拎食物要戴口罩呀，鍾意食海鮮嘅我哋叫咗燒鮑魚、燒蠔等等。店員都好好問我哋要咩食物先再燒熱，因為全部都係現場即燒，食嗰陣仲係熱辣辣架，海鮮仲好鮮甜呢～串燒方面同樣有好多唔同選擇，除咗豬肉串、羊肉串、牛肉串，仲有菠蘿串同其他蔬菜串燒架～食咁多肉，緊係要食返沙律平衡返啦～

叫左兩小時半自助晚餐，先吃沙律菜，款式不多，但尚算新鮮，之後主菜.我叫軟殼蟹意粉.味道正常，朋友叫羊，味道一般。之後去取任食燒烤串，要排隊，每輪出既食物不同，有蝦，蠔，蜆，鮑魚，燒賣.腸仔，少量瓜菜，燒既時間唔夠，因為實在太多人排，每碟俾幾串，兩個鍾內各飲兩杯飲品，冰凍的，及五杯雪糕。食品一般，但服務非常好，收碟快，職員有禮，座位較密，有提供飛鏢及桌球，但玩既人唔多，應該唔會再去。

見到openrice好多好評，走去試試，叫左任食燒烤連主食套餐。首先講個燒烤，emmm蠔好腥、蜆同聖子有沙、扇貝好硬，得貴妃蚌好少少。其他都系雞翼腸仔甘，無特別。出面有沙律吧，正正常常。出面仲有任食海鮮，em完全係甩頭甩骨，你見到都吾開胃，利申我準時6點幾就上到去。主食方面，個牛還可以，有牛味但我叫五成熟，佢煮到九成熟，老哂。個黑毛豬硬過你條命又無味，食左2啖放棄左。收尼個價錢，甘既質素，真系無下次。

今日同朋友慶祝生日🎂，係網上推介下book左呢間餐廳，簡左2小時任食海鮮和牛呢set 。主菜簡左澳洲肉眼扒（7成熟），超好食，軟度岩岩好，推介將會去食既你地都簡呢個主菜！就算唔配個野菌汁都超好食，因為肉眼扒本身都有簡單既調味另外我地加錢任飲白酒紅酒，侍應佢地見我地飲完一半，都會好主動再幫我地斟白酒既！今次就冇食到凍海鮮，但熟既海鮮都好好食，種類都幾多，有扇貝、蟶子、青口、生蠔、鮑魚等，極力推介熟既生蠔，鮑魚，但至於燒和牛就一般般。另外，除左movenpick雪糕任食，仲有啲甜品可以任食既！

早幾日喺YouTube見到有人食過呢間餐廳，幾十蚊嘅一個semi-buffet，竟然仲會包任飲紅酒同白酒，我同朋友見咁抵，特登搭車嚟試吓，睇吓虛實入到餐廳，第一個感覺係空間感很大，同朋友坐低慢慢食最啱再睇睇餐牌，選擇認真唔少，有最平嘅淨沙律吧$88，再加多$10起就會有主菜，今日我同朋友叫咗一個黑椒牛柳絲炒意粉，再叫了一個希臘風味烤春雞配檸檬汁叫完主菜即刻出去睇吓有咩食先，沙律吧有唔同嘅配料，有最基本嘅蕃茄仔粟米，都特別一點嘅雲耳，麻辣蓮藕，同橄欖都有齊餐廳注重衛生，所有拎食物嘅客人，都必須要佩戴口罩另一邊有唔同嘅沙律菜，洗得好乾淨，咬落好爽脆，望落同識落都感覺新鮮仲有唔少沙律，包括有一啲已經調好味道嘅長通粉沙律同薯仔沙律，薯仔沙律烹調得恰到好處，薯仔唔會過淋，但食落又帶有一種軟綿綿嘅口感自製嘅沙律竟然有四款醬汁任選未食主菜，已經捧咗一大盤沙律返位食，拎咗少少芝士玉米片試吓，口感香脆，玉米味濃郁沙律吧仲有餐湯，今日係南瓜湯，口感順滑，每一啖都可以輕嚐著鮮甜嘅南瓜自助餐枱的另一邊，擺着紅酒同埋白酒，真係比客人任飲，呢個價錢，連紅白酒都任飲，真係算超值。食咗唔少野，撐住個肚都仲要食主菜，呢

放工后即兴同同事晚餐放松放松。这餐厅有晚餐套餐，但我们都选了任食海鲜餐，餐包括了任饮日本啤酒。我们都不断吃烧海鲜，海鲜新鲜，有虾，有青口，有蚝，有蚬，有蚝，仲有烧鸡翼。除了烧的食物，也有冷冻的虾，螺。另一种口味。餐仲包括了一个主食，我要了波尔多红酒烩羊膝配薯菜：羊膝煮得淋，肉也很滑，肉很厚但调味调得很入味。薯菜是我喜欢的薯蓉，薯蓉带着羊膝烩出来的汁，同样十分味美。因我们较早就到，餐厅给了我们窗边的位置，我们喝着日本啤酒，用着烧海鲜佐酒，谈说近来各样的事，真令人畅快。

又再次上黎食lunch啦～自助salad bar+一個main course依傢仲要lunch time有九折，好抵食😋今日早左放lunch，黎到人地都係岩岩開門。空間非常寬敞，坐係窗邊仲可以望下景色🌞自助salad bar菜類種類都幾多，好新鮮👍🏻我好鐘意飲佢呢到個牛尾湯，好濃味好足料。lunch set亦包埋餐飲，凍飲都唔需要另加費。肉眼扒肉質嫩滑，好有牛味，而且唔會煎得太過火，簡單調味料唔需要點醬汁都好好味。呢個豬仔髀配燒汁，個醬汁甜甜地好開胃，而個豬仔髀肉質好林身，豬仔髀雖然得3隻，但其實食哂成個餐都會好飽架🤣呢到仲配埋甜品雪糕，食個lunch都食得好滿足😋

難得終於放寛番晚飯時間，就約咗女朋友撐枱腳。今日就帶咗佢嚟食呢間”Give me 5”，由於我哋比較早到，餐廳職員同我地量度完體溫之後就安排咗近窗邊嘅卡位俾我哋，地方都好寬躺。是日餐湯係羅宋湯，佢哋嘅餐湯煲得好濃郁，而且配菜十分足料，湯內既肉煲得好鬆口，接近入口即溶既感覺，配埋塊蒜蓉多士，香脆可口，雙重口感。煙三文魚沙律賣相黎到已經好靚，沙律醬亦都夠多，岩晒愛重口味既我。意大利西西里茄醬意粉伴炸軟殼蟹十分十分之好食！！！首先啲意粉係好入味，每條吸收到濃郁既西西里茄醬，而且佢地仲有加上新鮮嘅蕃茄粒，係濃味入面帶番啲清新既感覺，一流！而炸軟殼蟹亦都炸得好脆口，一隻真係唔多夠喉😋澳洲肉眼扒感覺上比8oz多，我地ordor左7成熟，上枱切開都見紅肉，熟度岩岩好！咬落口亦都好重肉味，亦都唔韌口，提番唔鍾意食黑椒嘅朋友，可能要預先落單前講聲，因為廚師會係牛扒上加上黑椒。同埋碟上既配菜都一定要食埋，燒過既配菜既好食又可以解解牛扒既油膩感。甜品係藍莓芝士蛋糕加香芋雪糕，芝士蛋糕既芝士味濃郁，亦唔會雪到過硬，為豐富嘅晚餐畫上完美嘅句號！最後我地兩個賣單食左$400多啲（咁岩二人餐做緊6折優惠），咁嘅價錢

在觀塘【Give Me5️⃣】是商業工廈城市中的一片淨土。如果你已厭倦了市中心的繁華，不妨來一場與寧靜的進餐，渡過愜意的下午。位於觀塘鴻圖道90號5樓全層，出電梯左邊已經到達!入到去空間感非常廣闊，因為成間餐廳採用全玻璃窗，午餐進食嘅時候會覺得餐廳非常光猛，因為所有陽光都會滲透全場，頓時心情會好起來。同埋我相信晚上會非常熱鬧因為場地嘅最入面會有兩部飛鏢機，一張可以圍埋傾偈嘅飲酒吧枱以及一張好大嘅桌球枱。場入面枱嘅數量好多，相信足夠容納100人以上。.午餐呢度係做緊一個任食Package，沙律吧、餐湯、甜品、新鮮水果、雪糕、任飲紅白餐酒。仲有主食真係超級豐富。喺出面行個圈先，大概見到有羅宋湯、蒜蓉包、有唔同嘅沙律菜，例如車厘茄、粟米、沙律菜、青瓜等等，當中包括有四隻醬汁可以俾你任君選擇。拎左一碟返去再慢慢選擇我嘅主食午餐餐牌都有10幾款選擇，總共有11個餐可以揀基本上有齊飯意粉肉類漢堡等等，仲要包一杯餐飲例如咖啡或奶茶。其實食完前面嘅沙律吧都已經飽咗幾成。▫️我就揀咗F餐任食沙律吧再加美式燒豬仔脾配燒烤汁 $108▫️另一個餐就叫咗J餐任食沙律吧配法式香草羊假配露絲瑪莉汁

小妹好耐冇飯聚啦！在家抗疫幾個月，悶到就嚟發癲呀！今日終於出關啦。一於出去食好西，諗黎諗去都係觀塘Give me5 最抵食呢間Give me 5雖然要行得比較遠少少，唔近地鐵站但要食好西當然要付岀今次已經係小妹多次幫襯。店內座位非常寬躺，環境有格調又有佈置，有台波又有飛鏢，仲播放流行音樂，非常relax。🎯🎱環境氣氛都很好，一家大細，情侶，閨蜜，大伙兒都好適合！晚飯聚餐的好選擇。我選擇了最愛的牛扒，朋友選擇咗斧頭扒為主菜。牛扒煎得剛剛好，雖然沒有入口即溶，但肉質口感剛好，脂肪均勻，比得上酒店的水準，配上蘑菇汁有另一番風味。配菜有蕃茄跟薯仔烤焗而成，這樣的價錢已值回票價。斧頭扒對比我想像中還要大件，斧頭圓型的部份即是肉眼，是小妹最愛，肉質口感尚算鬆軟，脂肪剛好，牛味濃郁！若肉質再鬆軟多點就更完美咁貼地的價錢有這水準，還有什麼要求呢讚！Give me 5另一特色就係任食燒烤海鮮，疏菜和肉。可能平日人不是太多，燒烤姐姐俾咗大量新鮮海鮮給我，有鮑魚、聖子、帶子、生蠔、青口、蚌和蜆。 仲有和牛、牛脷、雞翼、菠蘿等等...仲有未計冷盤海鮮，有蟹、蝦、翡翠螺、青口等等……淨係以上海鮮，都已經吃飽飽了