121
28
16
港鐵尖沙咀/尖東站 B2 出口, 步行約4分鐘 繼續閱讀
所有分店 (3)
電話號碼
23698383
營業時間
今日營業
12:00 - 23:30
星期一至六
12:00 - 23:30
星期日
12:00 - 23:00
公眾假期
12:00 - 23:00
*最後落單時間: 22:30
付款方式
Visa Master AE 現金 銀聯 支付寶
其他資料
網上訂座
自帶酒水 詳細介紹
切餅費 詳細介紹
賞訂座積分
加一服務費
當面支付
有關獎賞計劃
食評 (196)
等級4 2018-11-06
247 瀏覽
2018年11月4日。晴。尖沙咀。有時雖然無乜特別嘢要慶祝,但都會好想食個proper嘅西餐所以就揀咗呢間少少隱蔽,非常華麗嘅西餐廳餐廳喺金馬倫道中段嘅The Cameron 1樓一入到餐廳已經好鍾意,裝修典雅好有英倫風嘅感覺每枱都會有蠟燭,連玻璃水杯都好靚~~食物有多種選擇我哋唔想諗,就直接嗌咗二人餐要選擇嘅點就係牛扒要幾成熟,最啱有選擇困難人士餐包係多士來嘅,但原來唔係普通多士咁簡單食落有淡淡嘅香料味,鬆化好味~香芒蟹肉田園沙律蟹肉撈咗沙律醬,好creamy,配合沙律菜一齊食,口感同味道都好夾沙律菜仲有個醬汁撈咗,加埋香甜嘅芒果,非常醒胃黑松露野菌忌廉湯一上枱已經聞到好濃烈嘅黑松露味湯入面嘅野菌已經打碎咗,但唔會打到太幼細,令忌廉湯更濃稠,加強質感忌廉湯無俾忌廉味蓋過食材,而且鹹淡適中,好鍾意!烤特級新西蘭肉配紅酒燒汁(七成熟)牛扒下面有Brussels sprout(即係細粒椰菜仔)同車厘茄墊底側邊仲有一杯薯蓉牛扒啱啱好,切開入面仲有少少粉紅色質感軟滑,鮮嫩多汁食得出只係簡單調味,但牛扒本身已經好有鮮味滿足~~香草大蝦忌廉汁扁意粉大蝦真係好大隻,已然剝咗幾節嘅殼,自己只需要解決蝦尾嗰節殼就可以食晒全隻大蝦肉質彈牙,鮮味十足~扁意粉更加出色,麵質彈牙有咬口,調味好平衡,唔會太濃味,仲要一啲都唔油膩好味!!餐飲可以揀咖啡或茶~咖啡芳香濃郁~甜品賣相滿分!係朱古力brownie,入面仲係好綿滑,唔會好似有啲brownie咁,足料得來硬到成舊磚咁甜度都啱啱好,食晒都唔會覺得膩仲有兩粒藍莓中和下啲甜味添~總括來講,非常滿意~~餐廳氣氛浪漫,感覺亦好適合各類型慶祝活動一定會再來~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-02
1514 瀏覽
餐廳主廳呈長條型,樓底高,幾盞瑰麗吊燈,燈火通明,盡頭有個西式壁爐,上面更有圓鏡。 感覺似喺間歐式公館、博物館食飯咁,浪漫又典雅。【干邑龍蝦湯$68】味道濃郁鮮甜,感覺係所有龍蝦精華匯聚淆製。入面有一件龍蝦鉗肉,咬落去滲出厚重干邑白蘭地味道,有驚喜。水準好高嘅龍蝦湯,必點之選。【白菌焗田螺$78】田螺下面係原粒蘑菇一齊焗,夾埋又幾好食。下層嘅薯蓉都不可忽視,焗得香口仲帶少少蘑菇味,幾特別,平時我未必會食晒啲薯蓉,今次就清晒~【英式蘋果酒炸蝦$88】份量大,薯條同蝦都係即炸熱辣辣,小心辣口。薯條係極粗身; 蝦爽口又食到鮮味,但食唔蘋果酒味道;沙律亦清爽開胃。【烤特級安格斯西冷牛扒(十安士)$280】薄身但巨型,肉汁豐富牛味濃郁,如果肉質再嫩滑啲就perfect啦。配有燒汁,帶少少酒味,幾特別。【香煎珍寶虎蝦配黑松露菌意大利飯$188】第一啖入口感覺係濃厚黑松露味,虎蝦鮮爽香口。全個飯每一啖都好多黑松露同菇菌味,足料。【朱古力心太軟蛋糕伴雪糕$68】用小木板上,再加糖醬同糖霜裝飾,別緻得嚟又有啲溫暖感覺。流心效果做得好,朱古力味濃郁。 比較特別係配芒果味嘅雪糕,不過個人都係覺得心太軟配雲尼拿味雪糕會夾啲。食物水準相當唔錯,有啲菜式仲有啲小驚喜或特別之處,而且地方就腳,價錢合理,服務優良,Encore之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-19
3742 瀏覽
放假最煩惱就係諗去邊度食飯,為左去商場影下美戰嘅相,於是來到尖沙咀,選擇呢間餐廳食lunch,其實之前都食過晚飯,都覺得ok,先再來。啱啱開門不久,所以人唔多,大約四、五枱。幾鐘意呢度嘅環境,玻璃窗夠大,視野廣,而且枱櫈夠闊落。樓底高,冇壓逼感,店員招呼都跟到足,好似高級西餐般,幾細心lunch menu都幾抵食,假日有5款,例如卡邦尼、天使麵、煎雞扒、意大利飯、烤西冷,價錢係58至98蚊,性價比幾高嘅,以呢種環境同服務。套餐包左餐湯、啡/茶;可以另38蚊升級有埋煎三文魚凱撒沙律、甜品,幾有彈性。餐包好軟熟,而且有香草香,加少少牛油,一流。餐湯係甘荀忌廉,打得杰身,好滑溜,忌廉味會比較重,配麵包都好夾。朋友追加左沙律、甜品,我當然係痴餐試一試,沙律都幾足料,新鮮爽口,三文魚輕輕煎過,冇乜特別嘅,但我鐘意啲麵包粒,好香脆。烤新西蘭西冷牛扒燒汁配千層薯係我點嘅,點左七成熟牛扒,上枱都算ok,稍為熟左少少,但肉質都唔會好韌,或者鞋口,以100蚊唔洗嘅價錢都好高質。烤到面頭微焦,十分香口,燒汁帶少少酒香,nice伴菜係椰菜苗仔,我好鐘意呢隻野,口感好特別,又juicy,纖維高。千層薯聽落好得意,原來個樣有少少似蛋糕,口感都好似,軟綿,有種奶香,唔似一般薯蓉咁,完全唔膩。朋友點左香煎魷魚圈香草芝士忌廉汁天使麵,份量頗大,入面除左魷魚圈,都仲有菇片,再加芝士、忌廉、彩椒煮成,足料。天使麵淋身,掛哂汁,忌廉味重,好在唔會膩,再且十分飽肚最後上埋甜品,蛋糕濕潤,淡淡香味,餅底脆身又香,係我鐘意嘅類型,如果鐘意食埋沙律同蛋糕都不妨追加。成餐飯每人約一百蚊,喺尖沙咀區都好可以,我地坐左個半鐘,傾下計,幾舒服,好過你去d樓上cafe,d野唔入得肚。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-11-18
360 瀏覽
烤特級紐西蘭肉眼牛扒($318)-呢個肉眼牛扒真係好出色,叫咗7成熟,每一啖都好juicy,仲要好大塊,所以係物有所值架!香煎珍寶虎蝦黑松露意大利飯($188)-呢個黑松露意大利飯都係大力推薦之一,除咗有好濃郁嘅黑松露味之餘,飯嘅份量都好多!英式蘋果酒炸魷魚圈($78)-魷魚圈好大之餘,食落仲有小小蘋果酒嘅味,加埋沙律醬就更加好味!英式蘋果酒炸蝦($88)-呢個炸物仲配有薯條同沙律,所以呢個價錢黎講都算係抵。切餅費(+$100)-個人建議食佢d甜同再加字會比較抵。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-11-16
306 瀏覽
成個月前電話卜枱話冇record我地重要special request左要甜品同寫字同朋友慶祝生日打左2次去講明確認左都話冇重點係一開始佢話等佢安排睇下最快幾時有枱比我地個男人態度勁差!重點係我地無吹佢囉電話卜話我地冇證據咁你唔好比人電話卜啦好悔氣咁叫我地比時間佢搵大佬你咩態度呀我地問係好好聲氣唔明點解要受你氣服務業累我明但絕對唔係發係客人身上人地都係做完野諗住輕鬆食餐飯一句唔好意思都冇重搞到好似係我地呃佢咁已經破壞晒朋友餐生日飯完全接受唔到亦唔會去食 繼續閱讀
(以上食評乃用戶個人意見 , 並不代表OpenRice之觀點。)