影片
港鐵中環站 K 出口, 步行約9分鐘
繼續閱讀
電話號碼
31418888
開飯介紹
位於UG花園樓層的Garden Lounge瀰漫優雅高貴的氛圍，聖約翰座堂隨落地玻璃窗映入眼簾，令人舒心。餐廳不僅提供聞名遐邇的下午茶，亦設全日餐單，包羅西式及亞洲經典佳餚，晚間時段更提供海鮮半自助晚餐。室內裝潢選用冷灰色和金色為主調，彰顯出時尚簡約的風格；翠綠的草坪旁更提供戶外座位，適合喜歡悠閒或攜帶寵物前來用餐的賓客。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
終於有朋友肯應約和我來到這個放在口袋裏多時的餐廳Garden Lounge，由於位置吊腳所以時時未有舉步，今次跟朋友仔一同散步，慢慢地由中環地鐵站前去路程，大概是10分鐘內，很輕鬆。。。當日大家都是要上套餐，分別有兩道菜及三道菜選擇～兩道菜$418.三道菜$488 .餐前小麵包，總共有四個，微微暖暖的溫度配上橄欖油及陳醋，揭開午飯序幕頭盤我選擇了鵝肝，青瓜蘋果沙律洋蔥蜜餞，由於頭盤是冷款形式自己就覺得鵝肝較為有腥味（突出），配上青瓜及蘋果絲其實都沒有太大阻礙味道，相反旁邊伴上的洋蔥經過長時間烹煮令到洋蔥的甜味發揮得極致，混和在鵝肝身上味道就反而給了另一番層次感～⭐️⭐️朋友仔選擇了蟹餅，用泰式椰汁魚及香茅，偷吃了一口澎湃的蟹肉口感很滋味，⭐️⭐️⭐️煎得很香脆，心底暗暗想着我究竟有沒有選擇頭盤錯誤～第二道菜是湯類，和朋友都沒有選擇（燉海螺烏雞湯以及黑松露惹菌湯）【主菜分別有海鮮喇沙，日式吉列豬扒/泰式紅咖喱三文魚/冬陰功海鮮炒飯/松露芝士通心粉】自己跟朋友一同選擇都是泰式紅咖喱三文魚配白飯，椰汁味道後勁凌厲，椰汁內置何方自己也認不出是否在白飯身上還是在紅咖喱身上？整體來汁是加分位，不過三文魚煎封薯就略嫌太過熟，廚師如果將其（慢煮），再煎封口感豁然不同，希望這一點如果廚師能夠看到（認真）做多一點應該給予顧客更好的感受～⭐️⭐️⭐️甜品當日沒有選擇（是士多啤梨慕絲以及香蕉朱古力撻）當日兩人都是叫了熱latte，我覺得這裏的咖啡就相當不俗，而且較合心意，果酸味道突出配上絲滑的牛奶感覺口感都很好⭐️⭐️⭐️⭐️包括咖啡及茶整體而言我覺得環境/服務略略優勝於食物，這個地段來說價錢我覺得是合理。此餐廳有另加一服務！
繼續閱讀
各有各忙的一家人，終於找到時間聚一聚！來到Murray食Family Brunch。這裏的brunch位置雖然不大，但是我們就是喜歡它的高質。而且酒店來說， Murray的裝修環境在去過的酒店當中，亦是很高分數的！Upgrade了Prosecco用來送海鮮。這裏的海鮮有蟹腳、生蠔、小龍蝦、扇貝和翡翠螺。每款都好新鮮，尤其蟹腳要一讚，大大隻好厚肉！其他的冷盤、沙律、cheese corner，都頗多選擇，令人滿意。必定要試那手切牛肉，大大件，好重牛味。這期間是印尼主題，所以提供了印尼的特色食物，如印尼串燒、飯、蝦片等，味道不錯。最貼心的是有kids corner，小朋友最愛的漢堡包、薯條、炸雞和Pizza等等，再坐小朋友，食得很開心。除了自助食物， brunch的主菜 亦做得十分不錯，我們點了牛扒、魚扒、羊架等share來食。食完主菜仲有食甜品，各款蛋糕、朱古力，深得大家喜愛！因為這個是family brunch，所以現場還有插畫師為客人即席繪製卡通手繪畫，大家都畫得好開心！最開心仲有就係大表叔埋單，萬歲~這個brunch真係適合一家大細，大家都食得好滿足！
繼續閱讀
美利酒店嘅設計真係幾有格調，帶點現代豪華嘅感覺。大堂同餐廳用咗好多低調嘅金屬同木質裝飾，色調偏暖，坐落去有種舒適嘅高級感。下午茶嘅餐廳有落地大玻璃窗，採光好自然，望出去係酒店嘅園景，感覺幾開揚我哋坐喺室內，環境乾淨企理，枱同枱之間嘅距離都夠寬敞，唔會覺得逼。聽講佢哋有室外座位，可以帶寵物去，對於有毛孩嘅朋友應該係一大賣點，可惜我無帶寵物，所以無試戶外區。服務方面，酒店員工態度算係親切，招呼客人都幾有禮貌。點單同上菜都好有效率，無乜要等講到食物，下午茶真係超級普通，完全唔值回票價。甜點嘅賣相好一般，無乜心思同精緻度可言，食完一啲都無驚喜。唯一可以讚嘅係佢哋提供好多款醬，配scone用，除咗普通嘅quota cream仲有橙味同柚子味等等，總共六款！未試過喺其他酒店見過有咁多果醬可以用選擇多到令人有啲意外，算係小亮點。可惜，scone本身質素好差，乾巴巴又硬，咬一口即刻碎晒，成枱係碎屑，食得我有啲狼狽，連醬都救唔返。總括來講，美利酒店嘅下午茶體驗真係唔太值。環境同設計雖然有高級感，服務亦算OK，但食物質素同賣相真係拖後腿。室外帶寵物嘅選項可能對一啲人來講係加分，但對我嚟講，試一次就夠
繼續閱讀
🍽️ 雪花秀「參」靈之旅下午茶 @ Garden Lounge今日去咗Garden Lounge試咗雪花秀「參」靈之旅下午茶，整體體驗好精緻，每一道點心都做得好靚，擺盤充滿心思，仲帶有少少韓式元素，啱晒打卡！成個下午茶以雪花秀嘅橙色主題為主，食物同裝飾都有橙色元素，好有心思。仲配咗大吉嶺紅茶同Cappuccino，完美襯托出點心嘅味道。另外，每Set下午茶仲包2套雪花秀嘅贈品，包括面膜、激活精華同人參Serum，真係好抵！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍪 SCONES 英式鬆餅 有香橙薑味同雲呢拿味兩款，鬆餅外脆內軟，配埋朱古力醬、鮮奶油忌廉同鮮橙果醬，味道層次豐富，係下午茶嘅經典之選！🦪 AMUSE BOUCHE 歡迎小食 韓式烤紅椒堅果醬帶子枝豆餡餅，帶子鮮甜，枝豆清新，中間嘅餡幾好食，但係個撻皮太甜，感覺有啲唔係好夾。🍣 SAVOURY 鹹點 - 煙三文魚韃靼配阿穆爾魚子醬：呢個係我最鍾意嘅！擺得好精緻，三文魚鮮味十足，魚子醬帶嚟鹹香，醋味唔會太重，整體好高級。 - 鵝肝烤南瓜香醋馬卡龍：馬卡龍外脆內軟，鵝肝味道好突出，香醋味淡淡哋，主要係鵝肝嘅濃郁味道，好有創意！ - 人蔘玉子燒三文魚籽三文治：玉子燒軟滑，但人蔘味好淡，幾乎食唔出，三文魚籽帶嚟鹹鮮，整體中規中矩。 - 韓式醃製椰菜花芹菜頭忌廉金盞花撻：椰菜花醃得辣辣地，幾特別，但個撻皮有啲腍咗。芹菜頭忌廉似薯蓉，冇咩芹菜味。🍰 SWEETS 甜點 - 水信玄餅：上層係柚子味嘅啫喱果凍，清新帶少少酸，下面就係甜甜地嘅Cream，口感層次豐富。 - 人蔘慕絲芝士蛋糕：人蔘味好重，食落有少少苦，但芝士蛋糕整體幾好，口感好Fluffy，味道有層次。 - 柚子白朱古力慕絲圓餅：上面有一粒酸酸地嘅柚子味啫喱，中間係白朱古力慕絲，甜度適中，入面仲有層柚子醬，味道清新。 - 橙黑朱古力忌廉泡芙：泡芙外脆內軟，黑朱古力忌廉帶嚟濃郁嘅朱古力味，但橙味唔太重。 - 脆果仁雲呢拿慕絲：慕絲滑溜，脆果仁帶嚟口感層次，雲呢拿味香濃。🍵 大吉嶺紅茶 大吉嶺紅茶帶有淡淡花香同果香，味道清新，飲落好舒服，同甜點好夾，尤其係柚子白朱古力慕絲圓餅，清新得嚟又解膩。☕ Cappuccino Cappuccino奶泡綿密，咖啡味香濃，帶少少堅果香，同鹹點好夾，尤其係煙三文魚韃靼同鵝肝馬卡龍，平衡咗鹹點嘅濃郁味道。🎁 雪花秀贈品 每Set下午茶包2套雪花秀嘅贈品，包括面膜、激活精華同人參Serum，真係好抵！贈品質素高，用咗之後皮膚感覺好滋潤，為成個下午茶體驗加分。₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🌟 Garden Lounge嘅雪花秀「參」靈之旅下午茶真係好有心思，鹹點同甜點都充滿創意，每一件都做得好精緻好靚，啱晒打卡！成個下午茶以雪花秀嘅橙色主題為主，食物同裝飾都有橙色元素，好有心思。整體體驗好滿足。大吉嶺紅茶同Cappuccino都係完美配搭，加上雪花秀嘅贈品，真係物超所值！如果你鍾意精緻又有特色嘅下午茶，呢個絕對值得一試～
繼續閱讀
如果唔需要暴飲暴食而純粹有多點選擇又唔想好多人 呢度好好又唔算貴 生蠔新鮮 片皮鴨脆 甜品款式都算多仲有sorbet 唯一希望有埋coffee machine服務好周到 招待好好 地方又高雅 整體上都好舒適
繼續閱讀