影片
港鐵上環站 E2 出口
繼續閱讀
電話號碼
21678200
開飯介紹
Gaia Ristorante 2001年在中環紀元廣場開幕, 餐廳在香港的中心地區主打歐洲菜餚。大廚可靠而現代的意大利菜餚包括不同款式的薄餅。除了菜單外, 烹調食物的材料有可靠的質素。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關獎賞計劃
相關文章
食評 (105)
今晚同朋友嚟到中環呢間充滿情調嘅意大利餐廳「📍Gaia Ristorante」$398食到5個course 飽到捧住個肚行🤰簡直抵到難以置信 性價比爆燈💡【意式雜菜湯🍲】一上枱就聞到濃濃嘅蔬菜香 湯料多到滿瀉🍅新鮮蔬菜熬出濃郁清甜 飲落暖笠笠 好開胃~☺️【頭盤🥗】▪️吞拿魚醬小牛肉片 ---- 薄切小牛肉嫩滑得嚟帶微微嚼勁 吞拿魚醬鹹香點綴得啱啱好👍▪️紅蝦魚子醬配橙子醬 ---- 呢個簡直係驚喜之作 必點‼️肥美紅蝦鮮甜彈牙🦐➕魚子醬鹹香➕橙子醬酸甜提鮮🍊層次感爆棚🌟【意粉🍝】▪️白酒魚子醬蛤蜊扁意粉 ---- 白酒香氣濃郁卻唔搶戲🍾蛤蜊大隻飽滿無沙🐚意粉軟硬適中掛汁力滿分！每啖都係海洋嘅鮮味🌊▪️黑松露奶油意粉 ---- 松露香氣撲鼻而來🍄奶油醬汁濃而不膩 鍾意creamy口感嘅朋友會愛上😍【主菜--和牛🥩】和牛油脂分布靚到發光✨入口即化特別在於嗰秘製酸梅醬🤩微微酸甜中和咗油脂感 令人食唔停口💖建議加份烤西蘭花🥦爽脆鮮嫩仲帶焦香 完美配搭💯【壓軸甜品🍨】▪️提拉米蘇 ---- 咖啡酒香同mascarpone完美交融☕手指餅吸飽酒香但唔會濕爛 面頭可可粉帶點苦澀平衡甜度🍫▪️海鹽焦糖意式雪糕 ---- 一試難忘嘅獨特味道 焦糖➕海鹽 鹹甜交織好有層次🍨
繼續閱讀
Gaia Ristorante是處於上環區意大利餐廳，無論食材、味道或擺盤都具水準。首先，香烤鱸魚柳外層微焦，魚肉細膩嫩滑，配上清新的檸檬、橄欖油及烤蔬菜，味道鮮甜無腥味，健康又美味。 巴馬火腿芝士火箭菜薄餅用上新鮮火箭菜和巴馬火腿，鹹香火腿配上陣陣芝士乳香，餅底薄脆，咬下去層次豐富，絕對是必點之選。 香烤肉眼扒則選用優質牛肉，肉質鮮嫩多汁，帶有適度油花，外層焦香，內裏保持粉嫩，配以薯蓉和時蔬，提升整體口感。每道菜式均展現出主廚對意大利傳統味道的堅持，以及對食材的細膩掌握。 總括而言，Gaia Ristorante環境舒適，服務周到，十分推薦
繼續閱讀
趁Restaurant Week食咗4道菜晚餐 (前菜 +意粉+ 主菜 & 甜品)，$398起～個人覺得「銀鱈魚塊」同「短管意粉」最好食！魚柳厚肉細嫩，伴西西里風味燉番茄，橄欖同酸豆，好有地中海嘅風味，意粉al dente 又掛汁。牛不過不失，始終係M3牛會瘦少少。店員service 值得一讚，收碟斟水做得幾及時，而且都會抹下張枱。加咗支白酒都幾襯成個餐，環境氣氛又幾浪漫，性價比唔錯🤭🐟下次唔落雨嘅話可以再嚟坐出面😆
繼續閱讀
位於中上環嘅Gaia Ristorante 係2025春季香港餐廳周得獎餐廳之一， 亦係一間好高質嘅意大利餐廳。位於中環新紀元廣場， 是香港少數能在市中心地帶，户外用餐嘅地方。 餐廳環境優美，室內設計高級時尚，好有情調好浪漫。室外可望到露天市場和典雅嘅噴水池，感覺好舒適。 而餐廳當然不少得美食佳釀，有最上盛嘅意式料理及600多款來自世界各地嘅酒類選擇。 Vitello Tonnato是一道冷盤，經典意大利菜。嫰煮嘅小牛肉片薄如紙好有牛香，再淋上吞拿魚醬。醬汁由吞拿魚、蛋黃、橄欖油、酸豆和檸檬汁製成，帶有微酸風味。搭配水瓜柳作點綴，很適做開胃菜。 Hamachi Carpaccio切成薄片嘅油甘魚好新鮮，配上魚子醬及特製醬汁，橄欖油，甜中帶酸，口感輕盈帶點海鮮風味。 Rocket Salad with Fig新鮮火箭菜好脆嫰，無花果片有濃郁嘅甜味及獨特嘅果香，清爽又甘甜。 Gaia Caprese切片嘅新鮮莫薩里拉芝士，番茄和牛油果，啖啖都好清新。Red King Prawn Spaghetti新鮮紅帝王蝦肉質鮮嫰彈牙，意粉吸入了濃蝦醬汁嘅鮮美，帶有輕微咸香味，口感有層次。Parma Ham Pizza 再搭配自家製辣椒油，pizza薄脆，油帶有香辣味，挑戰極辣可以食埋辣椒肉同籽！ Risotto with porcini mushrooms and black truffle 這道燉飯奶油狀滑順，且有彈性，松露菇增添了濃郁嘅鮮味，其柔嫩的口感也提升了整體嘅享受。黑松露嘅薄片散發出獨特嘅香氣和一絲土壤味，讓人在味蕾上回味無窮。Lamb Chop Marinated with Herb (party size) 羊排經過腌製，肉質外焦內嫩多汁，口感十分豐富。羊肉嘅香味與香草嘅芳香相结合，每一口都美味可口。 Stockyard Gold Label Black Angus Ribeye優質的大理石紋脂肪，令人垂涎，每一口都充滿了多汁嘅口感。牛排肉質極為柔嫰，咬下去瞬間爆發出濃郁嘅肉汁，令人大快朵頤。配上海鹽特製醬汁，突顯牛肉原始風味。 海鹽焦糖Geleto獨特嘅咸甜平衡，質地非常光滑和 creamy，入口柔和。海鹽嘅加入讓焦糖的味道更加突出，帶來一種令人驚喜嘅口感。 Tiramisu della Casa即Tiramisu of house, 具有豐富而细腻嘅層次感。自家特製風味，手指餅乾浸泡濃縮咖啡和咖啡酒，形成了獨特嘅绵密口感。馬斯卡彭芝士表面撒上可可粉，輕柔嘅酒香增添了一份微微嘅苦澀，帶来一種令人陶醉嘅享受。 呢間米芝蓮餐廳無論係環境、服務或食物，都100分，仲好適合家庭朋友聚會或浪漫約會， 玩下次定會再黎啊！
繼續閱讀
位於上環新紀元廣場，環境舒適有室內及户外座位，仲設有酒庫，有超過600款意大利和法國嘅葡萄酒，好適合情侶或一班人嚟相聚慶祝🥂✨Vitello Tonnato經典意大利菜，嫩煮的小牛肉片為基底嘅一道冷盤，搭配吞拿魚醬。醬汁由吞拿魚、蛋黃、橄欖油、酸豆和檸檬汁製成，帶有微酸風味✨Hamachi Carpaccio以新鮮油甘魚切成薄片的開胃菜，淋上特製醬汁，橄欖油，魚子醬，清新酸甜的風味，口感清爽✨Rocket Salad with Fig新鮮火箭菜，甜美無花果片，適合作為開胃菜或輕食主菜✨Red King Prawn Spaghetti新鮮紅帝王蝦，小紅蝦肉，每一口都掛上濃郁蝦醬，意粉軟硬度剛剛好，好有口感✨Parma Ham pizza份量十足，滿滿都Parma ham再配合自家製辣椒油非常惹味以油慢泡煮辣椒，油帶有香辣味，喜歡極辣嘅仲可以食埋辣椒肉同籽✨Lamb Chop Marinated with Herbparty size，份量十足，新鮮香草醃製的肉質幼嫩，搭配烤蔬菜和薯蓉，濃郁香口✨Stockyard Gold Label BlackAngus Ribeye肉質多汁風味濃郁，配搭海鹽特製醬汁，牛肉原始風味好突出✨Tiramisu della Casa 自家制手指餅乾浸泡濃縮咖啡和咖啡酒，面層撒上可可粉,口感綿密餐後小食有浸過烈酒既提子和朱古力環境好舒服，菜式選擇好多，而且意大利料理都好正宗，同朋友相聚又多個好選擇🍸🍴
繼續閱讀