352
14
13
餐廳: FUMI
資訊:

為推動全港減鹽減糖新飲食文化及新生活態度,環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.eeb.gov.hk/food/cn/committees/crss/restaurants.html

港鐵中環站 D2 出口, 步行約4分鐘 繼續閱讀
電話號碼
23283302
開飯介紹
FUMI多年來致力提供日本各縣最好的菜式及佳釀,務求為賓客帶來別樹一幟的多元日本餐飲體驗。除了廚師發辦菜單、懷石料理、單點美饌及午市套餐外,FUMI另提供種類繁多的清酒及精選日本葡萄酒予客人揀選以作配搭。 繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
*星期六 (假日早午餐) 12:00 - 15:00 (最後點菜時間: 14:30) 17:30 - 23:00 (最後點菜時間: 22:30) 星期日 (假日早午餐) 12:00 - 15:00 (最後點菜時間: 14:30) 17:30 - 23:00 (最後點菜時間: 22:30) 公眾假期 (假日早午餐) 12:00 - 15:00 (最後點菜時間: 14:30) 17:30 - 23:00 (最後點菜時間: 22:30)
付款方式
Visa Master AlipayHK 支付寶 現金 AE 銀聯 Apple Pay
座位數目
134
其他資料
網上訂座
Wi-Fi
酒精飲品
自帶酒水
切餅費
VIP房
支持減塑 詳細介紹
泊車
電話訂座
賞訂座積分
外賣服務
加一服務費
室外座位
當面支付
以上資料只供參考, 請與餐廳確認詳情
有關獎賞計劃
食評 (414)
FUMI位於蘭桂坊地段,好高質嘅日本料理😋賣相定好高質好精緻💕 飲品好靚環境舒服,所有擺設都好精緻FUMI DELUXE TASTING MENU 嚐味盛宴👆🏻LKF Elite Member會員專享HKD950 (原價HKD1,180)🪄先付 有帆立貝大葉天婦羅、茄子明太子、鰻魚玉子燒、甘酢大根😎非常吸引,賣相好精緻,個人最鍾意鰻魚玉子燒,口感好豐富🪄造身 包括海膽、鮮吞拿魚腩、深海池魚、油甘魚,每樣刺身非常新鮮,尤其係海膽,入口即溶非常滿足😌🪄御椀 用上海鮮土瓶湯,茶壺外型好靚,入面係好鮮甜嘅海鮮湯🫖呢個設計幾特別🪄燒物 香蔥配宫崎雞肉,好有驚喜雞肉脆卷,雞肉嫩滑而且脆脆地口感特別😋🪄揚物 鯛魚加九條蔥天婦羅,成個天婦羅個皮做到薄身好脆口,同一般食開嘅好厚粉大對比👆🏻🪄強餚 A5鹿兒島和牛鐵板燒,有三角、西冷部位配燒汁😋可以按照自己嘅熟性度去煮,和牛脂肪分佈平均,入口即溶🪄廚師發辦壽司🍣有4件壽司同樣好新鮮,個人最愛係蝦壽司,蝦肉軟腍🪄果物 時令果物用新鮮水果作甜品,食完油膩嘢最啱,大滿足🪄Lychee Lover HKD108呢杯啱女士飲,用上清酒、荔枝汁、柚子蓉、青檸汁、乳酸等,用好大粒冰波夠晒冰凍,甜甜地咁好易入口 🪄Smoke C HKD138我呢個就有威士忌、檸檬汁、肉桂糖漿、自家製肉桂苦,個杯好有特色好靚,倒出嚟有少少smoke🫗💨 個人都比較喜歡呢種煙燻味,酒味比較濃😎仲有肉桂香🚩FUMI 中環蘭桂坊德己立街30-32號加州大廈6樓 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-25
711 瀏覽
之前睇YouTube介紹過FUMI,想去好耐了!上個周末一放下定決心去食個semi buffet lunch。依家做緊A4 宮崎和牛🥩及北海道鱈場蟹腳🦀半自助放題,價錢$588,由12點到3點,可以食足3小時!餐廳面積比想像中小,但勝在樓底夠高,整體感覺都寬敞,裝潢亦甚有氣派。坐低後職員會細心講解餐牌內容,感覺服務都不錯。每人可選一份主菜,我哋選擇咗A4 宮崎牛壽喜燒小鍋同埋銀鱈魚味噌燒。銀鱈魚必點,肉質細嫩油香豐富,配合味噌燒帶少少甜更加好食。壽喜燒亦非常出色,有兩大片A4 宮崎牛,牛味濃郁亦嫩滑,壽喜燒湯底還有不少配料如冬菇豆腐洋蔥仲有蒟蒻粉,整體都幾好味!此外自助區是任食的,種類不算多但足夠,每樣品質都𣎴錯,有前菜、刺身、卷物、天婦羅、燒物等,另外季節限定還有關東煮。刺身方面都有不少選擇,其中油甘魚更是每日原條現場即切,特別新鮮!👍🏻而最重要嘅主角當然係鱈場蟹腳🦀,大大件任食,refill速度都快,肉質雪白鮮甜,啖啖肉真係大滿足,如果鍾意海鮮就一定不能錯過!本身海水味都重,所以夠晒咸唔需要點任何醬汁。最後仲有非常打卡able嘅甜品拼盤。雖然價錢唔平,但以這個地段而且是半自助放題,又有鱈場蟹腳,作為周末都brunch是一個唔錯嘅選擇👍🏻 繼續閱讀
(以上食評乃用戶個人意見 , 並不代表OpenRice之觀點。)
最近蘭桂坊因為七人欖球賽所以氣氛再度熾熱起嚟,今次去位於中環蘭桂坊加州大廈食日本菜,加州大廈各國美食佳餚應有盡有,當然唔少得呢間高質日本菜FUMI 。FUMI 以木系為主嘅裝潢,外面仲有露天嘅位置,環境寬敞舒適,亦都可以坐喺壽司吧前面,睇住師傅做壽司。餐廳食材以高品質同埋新鮮為主,今次餐廳特製cocktails 配上omakase,好特別嘅體驗。今次揀咗Fumi Delixe Tastng Menu 嚐味盛宴($1180)先付:帆立貝大葉天婦羅、茄子明太子、鰻魚玉子燒大葉天婦羅炸漿輕薄香脆,帆立貝肉嫩滑,裙邊口感好爽;茄子明太子,茄子皮薄細嫩,配上明太子味道鮮美濃郁;鰻魚玉子燒,蒲燒鰻魚醬汁惹味,肥美豐富,玉子帶有豐厚紮實嘅口感,加上甜滋滋味道,好吸引。造身:海膽、鮮吞拿魚腩、深海池魚、油甘魚每種刺身新鮮肥美厚身,海膽帶有啖啖海水鮮味,入口軟滑鮮甜;個人最鍾意鮮吞拿魚腩拖羅,粉嫩肥美,帶有滿滿嘅油脂感,口感豐富,入口即溶;深海池魚口感嫩滑,肉質爽口;油甘魚帶有魚油香氣,味道甘甜鮮美。御椀:海鮮土瓶湯海鮮湯味道清甜,裏面材料豐富,有蔬菜、菇類,仲有蟹肉可以食到,食完刺身可以飲海鮮湯暖暖胃。燒物:香蔥宮崎雞肉脆脆卷宮崎雞肉外層煎得香脆,肉質彈性多汁,雞肉鮮美,配上香蔥去燒帶有淡淡蔥香。揚物:鯛魚九條蔥天婦羅鯛魚天婦羅炸至金黃酥脆,細嘴慢嚼去用心品嚐,天婦羅酥脆之餘仲可以食到鯛魚鮮味;配搭時令蔬菜九條蔥天婦羅,同樣酥脆,沾上濃郁鰹魚醬汁,味道更豐富。強餚:A5鹿兒島和牛鐵板燒(三角、西冷) A5鹿兒島和牛三角肉同西冷帶有細緻嘅油花,經過鐵板燒去燒香,和牛香氣濃郁,口感軟嫩滑順,肉汁豐富,入口即溶。壽司:廚師發辦壽司4點Omakase有牡丹蝦、魷魚、深海池魚、左口魚壽司。牡丹蝦肉細緻飽滿,味道清爽甘甜;魷魚肉質鮮甜爽彈;深海池魚口感嫩滑,肉質爽口,魚味甘甜;左口魚肉質滑溜,鮮味十足。時令果物食到最後有日本蜜瓜、士多啤梨同埋梨,大滿足。蜜瓜味道清甜多汁,味道濃郁;士多啤梨清甜之餘帶有微酸;梨子味道清爽帶有回甘。 繼續閱讀
(以上食評乃用戶個人意見 , 並不代表OpenRice之觀點。)
今次終於黎到位於中環FUMI食半自助放題,本身都想食好耐,值得稱讚的是無論食物質素和服務都令人滿意。餐廳日式裝潢,落地大玻璃,環境都幾闊落,用餐環境舒適感度高。同埋原來在場,小編撞到有魔術師表演,睇得好精彩⭐主菜A4宫崎和牛壽喜燒小鍋A4和牛剛好半熟,入口即容,軟嫩香濃,油脂感不會過多,好好食。精選手握壽司拼盤(4件)鮮吞拿魚、火炙左口魚邊、房師推介2款壽司好新鮮,而且飯粒不會太大塊,一口剛好入口。⭐前菜前菜有好多各種不同的沙律菜任食,而最正既係有烤A4宫崎和牛配柚子汁,宫崎和牛油脂分佈均勻,油香滿滿。✨雪場蟹好鮮甜 ,肉質好厚😋😋⭐刺身三文魚、帶子、油甘魚、章魚、象拔蚌有5款刺身任食,非常值得稱讚係刺身級數高,好新鮮甜美。油甘魚係每天整條魚切出黎,每日都保持著新鮮度。⭐壽司卷物鳗魚牛油果卷、A4宫崎和牛壽喜燒卷、FUMI素菜卷、雜錦辛香刺身太卷卷物個人喜歡雜錦辛香刺身太卷,口感豐富。⭐炸物最喜歡日式芝士年糕和海蝦天婦羅,炸得好脆口,炸衣又夠薄。⭐燒物鹽燒宮崎雞翼燒得好蕉脆,味道剛剛好。仲有牛油燒粟米、鮮冬菇、宫崎特產黑豚香腸等選擇。⭐温物蟹粉茶碗蒸好好食,蛋蒸到好嫩滑,又有蟹粉味道,仲有關冬煮食,好暖胃 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-07
0 瀏覽
放假同朋友喺蘭桂芳附近搵到呢間日本餐廳享受返個高質半自助午餐餐廳環境舒適食物質數都好有水準✨SEMI-Buffet Brunch午市時段都有北海道鱈場蟹腳任食刺身有多款選擇每片都好鮮甜鮮吞拿魚.噴火灣八爪魚.帆立貝.油甘魚.馬刀貝.三文魚主食仲可以自選2款▫️北海道帶子海鮮蔬菜湯咖喱▫️A4和牛鐵板燒▫️A4和牛壽喜燒小鍋▫️串炸(生蠔、海蝦、豚肉)份量充足.整體滿意.性價比高下次晚市時段可以再嚟試下 繼續閱讀
(以上食評乃用戶個人意見 , 並不代表OpenRice之觀點。)