89
51
13
港鐵尖沙咀/尖東站 B1/ N5 出口 繼續閱讀
電話號碼
2997 8190
開飯介紹
整間FULL/half餐廳,由裝修、傢俬、餐具、擺設,均融入不少生活設計元素。以歐陸菜為主並提供午餐晚餐和下午茶菜單;另一邊則是別緻的coffee shop,賣點著重於自家品牌咖啡、homemade甜品、曲奇棒等,可點Mocha Jelly, Tiramisu and Black Box Cake。咖啡店中央放置著林林總總的設計書籍與雜誌,而廚房是open kitchen設計,所有食品不論是糕點、沙律或意粉均是現場製作。 繼續閱讀
特色
飲o野傾計
附加資料
無肉餐單詳情:每天供應Green Monday 素食套餐
營業時間
星期一至四
12:00-22:00
星期五至六
12:00-22:30
星期日
12:00-22:00
付款方式
Visa Master 現金
其他資料
Wi-Fi
酒精飲品
電話訂座 詳細介紹
外賣服務
加一服務費
素食
食評 (160)
等級4 2016-04-17
513 瀏覽
為食豬喺團購見到呢間餐廳嘅窩夫餐幾抵食,就買左兩張試下佢。餐廳位於the one 8樓,呢個商場啲好難等,唯有搭扶手電梯一層層慢慢上。餐廳冇明顯嘅reception位,現場得3個忙到踢晒腳嘅樓面侍應,等左一陣侍應終於得閒理我地喇。餐廳內部裝修幾有格調,靠窗位置仲可以睇到街景。枱同枱之間嘅距離亦唔會太近。餐牌選擇都唔算少,有甜品有咸點仲有all day breakfast。我地嘅團購券只可以揀窩夫餐,於是我地就揀左一咸一甜,分別係綠茶窩夫同窩夫三明治。餐包括餐湯/沙律,主菜同一杯飲品。餐湯-洋蔥湯: 碗湯一上枱個樣十分樸素,自己加左啲黑椒吊一吊味。味道方面,洋蔥味唔算太濃郁,一般般啦。綠茶窩夫: 賣相精美,分量適中,綠茶窩夫伴以紅豆雪糕,忌廉同紅豆。窩夫外層雖然唔算脆,但做到內部鬆軟少少濕潤唔會太乾。配搭嘅紅豆雪糕頗有牛奶味,而且食到紅豆粒。忌廉唔夠香,打得唔夠挺身。紅豆大大粒而且煮得夠粉。配料整體合格,窩夫質感唔錯可惜嘅係綠茶嘅味道人工,係香精味而冇綠茶香味,當然亦冇綠茶嘅甘味。總括黎講有一般甜品店水準。窩夫三明治: 份量比較細,女仔食應該都足夠,但男仔就一定唔夠啦。三文治有兩層,每層有芝士,生菜,火雞肉同蕃茄,但就唔多覺有餐牌上寫嘅洋蔥。切開窩夫時已經感覺到較綠茶窩夫難切,食落窩夫嘅質感比較乾,表皮亦有啲硬,比綠茶窩夫遜色得多。三文治整體偏乾,入面冇加任何醬汁,芝士亦冇溶,建議加埋附上嘅千島醬食。呢個咸窩夫做得一般,份量細又比綠茶窩夫貴,如果唔係買左團購,性價比唔太高。跟餐咖啡: 呢杯咖啡等足成餐,催左半個鐘以上。睇黎餐廳人手不足係一大問題,但員工值得一讚,依然保持應有禮貌。咖啡大大杯,聞落咖啡味濃郁。冇飲開咖啡嘅應該會覺得太過濃有點苦,但飲開咖啡嘅應該會覺得幾香濃。 繼續閱讀
(以上食評乃用戶個人意見 , 並不代表OpenRice之觀點。)
等級2 2016-04-04
719 瀏覽
聽講呢間餐廳就搬,所以馬上再黎食一次。今次有四個人,可以叫多啲唔同主食。 先黎個南瓜湯,仍然保持質素,香濃得黎又唔膩。 然後黎個蝦沙律,隻蝦又大又新鮮!海膽意大利飯,呢個配搭都幾新鮮,當你細細咀嚼飯粒既時候會感受到一絲絲海膽香味。無食過黑鱈魚,相比銀鱈魚,似乎更鮮味,肉質更結實。廚師將魚煎得啱啱好,表皮香脆,同時保持內裏肉質鮮嫩。牛其實不過不失,反而伴碟薯蓉做得好出色,應該加左啲忌廉,吃完一啖又想食另一啖。春雞好香脆,廚師仲好貼心咁幫我地分好晒件,食起上黎就好方便。 呢間西餐啲甜品好高質,當然價錢比普通甜品舖貴少少。今次我地叫左呢個 蘋果金寶,表層好鬆,味道啱啱好,唔會太甜,熱辣辣既蘋果金寶配上雪糕食更加係一流。窩夫都做得唔錯,仲好大份!其實個雪糕都好好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-03
412 瀏覽
放假行街行到攰, 就搵個地方補充體力, 呢間西餐環境幾舒服, 人唔多可以直入.All day brunch要左個"煙三文魚炒蛋+自製窩夫"$118窩夫唔夠熱, 得微暖, 不過都鬆軟, 唔會太硬, 但得牛油搽就比較淡, 如果多少少醬會更好.三文魚新鮮唔算太咸, 炒蛋夠滑有蛋味.份量偏少, 而價錢都唔平, 應該無下次. 繼續閱讀
(以上食評乃用戶個人意見 , 並不代表OpenRice之觀點。)
等級2 2016-03-08
989 瀏覽
今晚趁比較休閒就打算食好啲,同事介紹黎呢間隱世西餐。餐廳喺the one商場最頂層,家品店後面。窗邊有私隱度比較高既二人位,景色都應該唔錯,可惜我地到既時候已經無晒窗口位。入正題,晚市有dinner set,價錢都相宜。 每個set都可以配湯或者沙律,我地今次揀左湯,個湯調味啱啱好,好滑,又唔會太稀。 主菜係黑毛豬意大利粉,好足料,意粉軟硬適中。仲有煎帶子意大利飯,帶子好新鮮,又juicy,意大利飯都好有口感。 呢度仲有花茶,淡淡花香,配上少少蜂蜜,可以平衡番之前濃味既主菜。呢度甜品真係令我喜出望外,本身唔算好鍾意食慕絲既我都秒完呢道甜品。佢係雪涷既慕絲波波沾上Oreo餅碎,食時點上香蕉汁。食落好似雪糕,配上香蕉汁,有朱古力既香味,但一點啲都唔膩。呢間餐廳無論食物質素,環境同服務都好好,價錢又相宜,絕對會再試! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-02-21
1065 瀏覽
放假去睇戲, 睇之前食D野, 見戲院隔離呢間唔洗等位, 而且環境企理, 一於快快手手食完入場.坐位其實唔錯, 居高臨下有景睇, 輕輕鬆鬆嘆個下午茶.睇下餐牌, all day brunch由$58到$158都有, 主要都以輕食類型.要左個"英式早餐"($128)豬肉腸 - 細細粒不過煎到香口, 簡單調味還可以. 煙肉 - 煎到唔會過左火, 所以保留肉汁, 幾嫩滑煙韌.雞蛋 - 幾滑, 唔會太稀, 不過味道就較淡.窩夫 - 焗得唔太熱, 唔夠軟熟, 有D乾. 炒雜菌 - 炒完幾惹味. 焗豆, 蕃茄 - 味道算正常野, 夠清新.餐飲要左熱咖啡, 咖啡味濃郁, 幾提神, 亦夠滑, 好易入口. 繼續閱讀
(以上食評乃用戶個人意見 , 並不代表OpenRice之觀點。)