freshtea by happylemon (葵涌廣場)

營業中

休息中

落雨天就係行街嘅日子，呢間位於葵湧廣場2樓嘅fresh tea都飲過好多次，今次又出左新品種啦！睇落去几吸引,今日就同朋友各叫一杯,一杯係芒芒甘露，一杯係鴛鴦甘露，兩杯都係沙冰質感，芒芒甘露係芒果沙冰加西米底加淡奶，又飲到芒果肉，西米爽口，口感都幾豐富，另一杯鴛鴦甘露就係草莓加芒果，底就係西米露，一樣加左奶，一口落去，草莓芒果西米就似會響口腔裡跳舞甘，特別。酸酸甜甜都幾開胃，有時仲飲到草莓嘅一粒粒籽。

葵芳呢間分店真係越做越差，由開始冇學生優惠入面嘅姐姐同男人就越嚟越態度差😅。最離譜係我買過幾次Oreo鮮奶朱古力，都有唔知邊度嚟嘅酸味….飲多幾啖就發現係士多啤梨或者檸檬，懷疑係沖嘅用具洗得唔乾淨，搞到成日有浸味。之前有一次同姐姐反映過，佢話下次免費，但係佢依然每一杯都係有浸酸味😅如果好彩就係洗唔乾淨嘅味，唔好彩就係啲奶酸咗😅仲要已經唔係第一次希望改善吓。而家已經唔會想再回購。$40一杯嘢，但係每次飲飲幾啖已經俾浸怪味到唔想飲。

事緣係有一日，我帶埋小朋友喺葵芳店買咗一杯嘢飲，有個中年女人喺櫃面掛住撳電話，到佢終於幫我落完單收完錢，手都冇洗就去沖我杯嘢飲。之後我就問呢位女士，有冇洗手先沖嘅飲，佢極度唔耐煩話「唉，沖過杯比你囉，邊有可能沖一杯洗一次手架，咁驚落去7-11買野囉。」聽到咁樣我話咁算啦，你唔好沖，我唔要喇，跟住就有個男人凶神惡煞走出黎話我，「點呀，嘈完未呀你？」嚇親我個仔我真心嬲。我明，係出面買手搖唔會乾淨得去邊，但係都比人見住佢摸完錢，摸完銀機，玩完電話，你都做個樣去洗下呀？仲要理直氣壯話無可能沖一杯洗一次，大佬，你唔係洗一次連續沖幾杯，係摸完咁多其他野，數埋錢先去沖一杯。做飲食既，摸完其他野，埋位整野食/野飲前洗手係常識吧？

經過葵廣想買杯嘢飲，見到好耐冇飲過嘅開心檸檬嘅menu同之前唔同咗，就買咗杯桂花荔枝綠茶試下，估唔到佢係成個茶包丟入杯入面，雖然茶味都ok嘅，但咁嘅設計我都唔知話佢真材實料定求其好同埋佢除咗茶包之外仲加咗啲水果片（橙同蘋果之類）落去，似落係幾fresh，不過我本身無expect過係有其他水果，有啲搶過咗本身嘅桂花同荔枝味，似飲緊一般水果茶多啲，如果佢喺menu到有寫明包埋水果就好，可以畀啲唔中意水果嘅人知提前叫定走水果。

Happy lemon分店唔係好多,平時鍾意飲oreo奶茶見到葵廣竟然有新分店仲有coupon一定要試試啦~ 最終決定挑戰下新飲品- 芝士花生深培奶茶，用優惠卷滿$25 減咗$3本身都有啲怕中伏，因為之前試過飲其他舖頭花生味嘢飲，叫咗少甜都好甜，味道又怪不過呢杯都有驚喜幾好飲，唔會太甜，花生味同奶茶味都均勻，唔用飲筒直接入口仲有芝士奶蓋口感！下次會想試吓熱嘅(只有中size)或者加Oreo,味道應該都幾夾

//< Freshtea By Happy Lemon >小編細細個就有飲過happy lemon! 但係都好多年前lu🤣早排見到葵廣新開，就去試喇🥰————————————- 爆粒鮮橙檸檬晶鑽紅茶 $30 -小編睇名已經覺得好fresh😆 本身想叫半糖少冰，但係店員話少糖會較好，怕我接受唔到酸🤣 依家味道果然唔會酸，只係帶有檸檬🍋同橙🍊香～ 果味幾重！最重要係裡面既晶鑽同椰果粒粒，好有咬口又唔會咬到牙攰😄————————————評分：7.4/10地址：葵芳葵富路7號葵涌廣場2樓C76B號舖營業時間：11:00-23:00#happylemon #happylemonhk #freshteahk #茶飲店 #葵廣 #葵廣美食 #葵涌廣場 #香港美食 #葵芳美食 #葵芳必食 #美食博客 #香港美食指南 #hkfoodblog #hkfoodgram #hkfoods #hkfood #hkfoodie #hkfoodshare #hkfoodblog #hkfoodlover #🐷🐤飲品 #🐷🐤葵芳