13
9
0
以上資料只供參考, 請與餐廳確認詳情
係薄扶林上完堂就搵下附近有咩平價抵食先咁岩遇到間門口優雅, 內裡普通的餐廳, 所以就入去試一試啦點了最正常的焗豬扒飯, 的確比大集團的優秀! 先算豬扒, 砌好了一塊塊, 每塊都鮮嫩多汁, 唔會咬到牙都爛, 而且茄汁同豬扒都配合得好好, 非常入味雖然係焗飯, 但飯又唔會有飯焦同太硬的感覺, 證明係煲飯至焗, 控制水份都非常適當!最重要! 價錢比大集團更優惠, 真心抵
繼續閱讀
閒的一天，我又前往南區找地方食野了。這一次，我又準備向遠方的華富進發，不過在等巴士的過程中，先到的是前往置富的巴士，而我就只用了半秒鐘的時間去做決定，我不如上去置樂行行，去一個從來未有踏足過的香港地方。置富這一個位於山上的屋苑，來到給我的第一個感覺就是寧靜，行入商場，發覺都是以連鎖食肆為主，難道我又要好似上次華貴之我咁，走返去第二度食飯? 然而，我發現，我行的叫置富南區廣場，難說會有一個置富北區廣場? 於是我決心往外面走走(後來才知道，置富得一個商場)。而當我一走出商場，面對著無敵海景之時，我看見商場側有一間獨立屋。行近，發現這是一間西餐廳，名字叫《Fresh & Fresh Coffee House》。在門口的餐廳看看，這兒是提供港式豉油扒餐的。悠閒時，也可以在這一家餐廳飲下咖啡，因為佢個名係 Coffee House，所以應該有，好似有。這一家餐廳在中午的時段，聚集的大都是學生，而其他的人，也許是教師，也許是數碼港一帶工作的人士，總之，這餐廳絕對比商場內任何一間食肆興旺。而且，這可以說是屋苑內，唯一可以說是有少少特色的食肆。午市來，食的是港式套餐，所以，我既目標午餐就是扒。而在香港食豉油西餐要飲什麼湯? 相信大家都會識答，識飲既，一定飲紅湯 (羅宋湯)。是日的紅湯味道濃，但說材料就一般，不過味道濃郁，有牛味有茄味就已經教人開心，另外附件的蒜蓉包，香口味道夠 yeah!當日的我帶唔夠鐵食飯 (其實係唔想花太多錢食飯)，所以只吃一個豬扒餐，我要的是香煎豬扒蜜桃燒汁配薯菜。在薯菜方面，有少少不歡喜，原因就是那些雜豆，擺明就是超市的包裝雪藏雜豆。說回豬扒，是一年又厚又淋的肉感滿分豬扒，加上這一個帶甜味的蜜桃燒汁，完美地為這一個扒餐增添應有的好味道。看見這一個汁，我突然後悔，點解我唔要白飯....不想飲咖啡，所以來一杯奶茶，這兒同一般港式西餐廳一樣，沖出的是港式濃滑奶茶。雖然，這不比茶餐廳的來得好，但這是我接受的。問題又來了，這一間是 Coffee House，我其實係咪應該叫一杯咖啡呢?餐後甜品是雪糕，是一個大家都應為只會在日式餐廳才會出現的日本版雪米糍，沒想過他們會提供。(以前問過餐廳老闆，其實行家入貨好易。)開心大發現，當然是驚喜啦，在味道上，雖然不是頂瓜瓜的那一種，但地方舒適，味道夠好，份量十足，味道當然也不是差，所以，我食後的心情事，既驚喜又開心。
繼續閱讀
二十元一份三明治加杯咖啡，而且自動包烘底，三明治也塗抹了牛油！很多餐廳烘底加兩元啦牛油都不會有！真心認為好平烘底的三明治好脆身！加左牛油，令個包好香！最重要係即叫即做的三明治是最好吃！跟餐杯咖啡，也好香醇濃郁！
繼續閱讀
10月23日, 今日重陽, 我地都應下節行下山, 由半山區開始行完上山頂, 途經薄伕林水塘, 再行去置富, 都已經係Tea Time, 搵到呢間港式西餐廳有tea食, 我地就入去食番少少野~::: 西多士 + 凍檸茶 ::: $22 + 2尚算金香嘅西多士, 望落幾鬆化, 配上牛油加糖漿, 味道十分豐富~ 牛油份量多, 搽晒成個西多士都仲有剩~ 食落麵包面都幾香脆, 但係中間略嫌有d淋, 可能麵包唔太新鮮…凍檸茶對於啱啱行完山嘅我地嚟講真係天賜恩物, 夠晒凍之餘檸味都足~::: 炸魚手指配薯仔沙律 + 凍檸茶 ::: $30 + 2炸魚手指啱啱炸起熱辣辣, 比西多士更脆身香口, 不過炸得有少少過火, 油臆味重咗d… 薯仔沙律薯仔份量多, 沙律醬都好多, 可惜只係微凍…今次我地食嘅野都只係普通野, 而水準都只係普通, 不過勝在食物種類都夠多… 見人地食晚餐都好似幾吸引, 有機會我地都可以去試下~
繼續閱讀
週日晚到置富探朋友，並到商場旁的Fresh & Fresh Coffee House晚膳。端來的蒜蓉包不夠熱，質感乾硬。羅宋湯酸甜口味平衡，挺濃郁美味。鐵板西冷扒肉質幾腍，但肉香一般。意式燒排骨有差不多的問題，質感腍身但肉香偏淡，相信是食材醃得過久所致。餐後有雪米糍或啫喱作甜品，並附咖啡茶。人均消費約一百元，都算合理。
繼續閱讀