43
6
1
港鐵觀塘站 A2 出口, 步行約6分鐘 繼續閱讀
電話號碼
68866395
營業時間
今日營業
12:00 - 21:30
星期一至日
12:00 - 21:30
付款方式
AlipayHK 支付寶 現金
其他資料
當面支付
食評 (56)
等級4 2021-05-18
564 瀏覽
🍴餐湯(跟餐)是日餐湯唔係紅湯亦唔係白湯,係青湯,青豆煙肉忌廉湯,唔少人聽到青豆或會耍手擰頭,但呢碗湯一d雪味同草青味都無,只帶出青豆甜味,唔錯。🍴雙層芝士安格斯牛肉漢堡 HK$88黑白芝麻麵包又脆又鬆軟,唔算好闊大,但厚度搭夠,雙層半溶芝士非常香,雙層牛肉係漢堡常用嘅安格斯牛肉,肉汁爆晒出黎,肉香油香十足,唔太覺落左醬汁,淨係肉汁同鮮茄已經夠晒味同濕潤。🍴澳洲肉眼扒 HK$128叫左五成熟,煎得熟左少少,澳洲牛較有咬口,但食落唔韌唔鞋,肉味不錯,點少少野菌燒汁食就剛好,唔會太乾。🍴黑馬王子(跟餐) HK$18即係經典特飲「黑牛」。🍴凍蘆薈柚子蜜(跟餐) HK$18餐廳卡位非常闊落,好好坐。電話訊號接收麻麻,但唔怕,有免費WiFi任用。食飽之後,店員仲問我地意見,我話牛扒熟左d,佢即刻同廚房反映,果然一絲不苟。📍Fratelli Restaurant觀塘駿業里6號富利工業大廈1樓C室 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-07
668 瀏覽
放工同同事落觀塘工業區搵食落橋第一棟叫富利工業大廈一樓有間主打Burger漢堡包。特色私房菜。五星級酒店服務🥰 侍應介紹每道菜色🥘, 食到途中仲會問你意見添,環境乾淨光猛, 和諧舒適,自設男女獨立洗手間,超大乾淨衛生。價錢合理,份量大,上菜快👍 🍲蕃茄菜湯:先飲個熱湯,暖返個胃。準備食好西喇 🍔雙層芝士安格斯牛肉漢堡($98)漢堡包餐,粗薯條,口感實在,溫度控制好好,上菜後即食,牛肉有點紅,鎖住肉汁,芝士片已全面溶解🤤 🦐手打流心明太子蝦餅漢堡($88)美國珍寶富蝦,拆肉成膠,再處理 3日先有得食架,心機錢, 流心醬汁亦一齊噴出好治癒,好有驚喜😁😁😁 🐷德國脆炸咸豬手($188)鎮店之寶, 推介話係晚市必食✌。賣相吸引,每吋的外皮受熱均勻,炸至黃金色,外皮焦香酥脆,肉質唔嚡口,配合芥末醬😋意大利陳醋沙律🥗果然係最受歡迎的菜式 👍 ☕黑糖薑母茶($6)暖胃, 適合年長的朋友們 🥤黑馬王子(可樂+朱古力雪糕)$20原來係懷舊的黑牛,甜滋滋的可樂加上香濃的朱古力雪糕球,「黑」撞「黑」製成的,在依家炎熱天氣下享用,確實透心涼,暑氣全消。 🎉最新推出:#意大利青蘋果玉桂酥: 唔油膩,香脆。焦糖醬, 連皮青蘋果,甜中帶酸, 焗後仍然保持蘋果的質感。 🎈提提大家,全日唔收加一,只收現金,無得碌卡。 繼續閱讀
(以上食評乃用戶個人意見 , 並不代表OpenRice之觀點。)
今日去左觀塘食嘢,係工廠區嘅樓上鋪,上到去人少少,坐落都幾舒服。法式鵝肝安格斯牛肉漢堡 $138鵝肝好邪惡,好好食,加上牛肉好juicy好重牛味,而且食落唔會太鬆,成個漢堡都好有心機同埋好多配料。德國脆皮鹹豬手伴薯蓉 $188餐廳好貼心咁幫我哋起埋骨,其實成日都好會麻煩去整嘅骨位,雖然比起上黎冇咁美觀,不過勝在方便我呢啲懶人。加上配搭嘅醬汁幾好味,點住黎食唔會好感覺好肥膩。黑馬王子 $28可樂加朱古力雪糕凍黑糖冬瓜茶 $20唔會好甜,味道岩岩好,仲有嘅冬瓜蓉,有啲咬口。總括來講,喺觀塘區食飯都唔錯,可能工廠區嘅晚市真係比較少人,可以安靜咁食餐晚飯傾吓計都幾舒服,不過晏咗收工就有啲麻煩,因為而家大多餐廳都係10:00閂門,九點鬆啲就lastorder,就會比較chur啲,如果係幾個朋友約黎食下飯傾吓偈都幾爽。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-10
0 瀏覽
幾乎每次都係朋友介紹,再攤到新店變舊舖,我先突然表現驚喜地發現新大陸,最後原來係朋友幾個月前經已propose過!Any肥,反正留低嘅,都係值得期待。/ 原隻波士頓龍蝦安格斯牛肉漢堡/ 10oz 澳洲肉眼扒/ 香辣茄汁虎蝦意大利粉一嚟都係先講個burger,賣相滿分!原隻龍蝦上,color contrast同擺盤相當IGable,而其實龍蝦肉經已拆好夾喺大大件嘅漢堡內,啖啖牛堡加啖啖龍蝦肉,原本以為牛味會搶foc啲,但出奇地龍蝦肉個鮮味都好出,加埋半溶cheese,good shit!不過牛堡略為乾身咗啲,發揮可以再juicy啲就更好。另外一讚個香辣茄汁虎蝦意大利粉,辣味調得好出色惹味,意粉軟硬度適中,係全晚最有驚喜嘅菜式!至於個澳洲肉眼扒就正正常,牛味唔算好濃,但食肉獸會好開心因為份量夠晒大。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-07
0 瀏覽
嗰日想同細佬食飯,佢話想食漢堡包就上網book咗呢間位於觀塘工業大廈嘅美食店!呢間店舖距離觀塘地鐵站非常近,只需要5,6分鐘就到,非常方便!我哋book嘅時間唔係好多人,入到去環境幾好,幾舒服。因為細佬特別想食漢堡包所以我哋就各叫左一個dinner   set同埋一個burger set。Dinner set我就叫咗美國安格斯肉眼扒,佢個套餐入面包左餐湯,牛油果沙律同埋一個朱古力心太軟配雪糕,但係可惜我哋去到嘅時候已經太夜冇晒心太軟所以就俾咗兩個雪糕球!個牛扒我叫咗五成熟,所以食落一啲都唔韌,幾軟而且好大塊,我自己一個完全食唔晒所以分a咗啲比細佬食,個牛扒非常有肉汁,而且好有牛味,我叫咗黑松露醬,加埋一齊食別有一番風味!而我細佬就叫咗雙層芝士安格斯牛肉漢堡,個漢堡超級巨型要用刀叉先食到,因為太巨型好新奇所以我都分咗少少嚟食!非常好味,雖然有兩塊牛肉但係因為中間有蕃茄同埋菜夾住一齊食所以一啲都唔乾!而薯條亦都非常脆。而係飲品方面我哋兩個分別叫左百香果梳打同埋菠蘿冰沙,因為我自己本身好鍾意食百香果所以叫咗呢杯飲品,好有驚喜!呢杯梳打一啲都唔甜唔似出面其他百香果飲品會有死甜死甜嘅感覺。而菠蘿冰沙都食得出菠蘿嘅果肉,可以知道佢係真係有用菠蘿果肉去打整杯冰沙,飲品方面都冇中伏!而我哋叫咗咁多埋單都只係360蚊,非常抵食,總括嚟講呢間餐廳我係會去再食嘅! 繼續閱讀
(以上食評乃用戶個人意見 , 並不代表OpenRice之觀點。)