108
4
0
電話號碼
92351875
營業時間
今日營業
18:00 - 23:00
星期一至日
18:00 - 23:00
付款方式
Visa Master 現金
其他資料
電話訂座
食評 (113)
幾天前的晚上,是岳父岳母的結婚周年紀念。要好好慶祝一下,當然要吃好少少,周中晚上,唔想四圍去,最好當然搵吓屋企附近嘅餐廳。如果你看到呢個setting,都知我講緊係邊度。呢一張美金紙巾,可以話係Forkers嘅signature。一講Forkers就會想起大坑的Pheromone,前排試過Pheromone,短期內可以再吃到呢間同樣近來非常有名的bistro,對比下也不錯。朋友南瓜,潮童焗飯,K先生,一大班土瓜灣友都有讚無彈。放喺口袋內已久,今晚攞呢張牌出嚟慶祝,無錯吧。第一樣要讚就係,兩個人就有一支免開瓶,可以淺嘗,難怪這裏都是愛酒之人喜歡的地方,未吃就要飲番杯,畢竟結婚41周年紀念這條路那麼長,一定要toasting下。來這間餐廳吃飯不用想太多,佢只係得一個menu,你只要想你自己嘅主菜就得。朋友說這裡的Omakase 都很不錯,朋友潮童焗飯告訴我,In Loki we trusted ,可惜太遲先相認,所以只有叫這類的正常menu。前菜先來西班牙火腿,以橡果飼養36個月熟成嘅前腿肉,放入口那幽香甘甜鹹香,加上2009的法國波爾多紅酒,夾到天生一對,像岳父岳母一樣。其實應該試後腿,不過始終第一次,試下水準,下次再來到應該要加錢吃後腿。店方送上的麵包都算熱辣辣,不錯,如果同過湯一齊你應該安排會好一點,湯來到嘅時候我已經食晒。是日餐湯係雜菜湯,感覺不錯,如果加$68,就有虎蝦濃湯,呢個就真係非常精彩,係我飲過數一數二好嘅蝦湯,湯唔係太過杰身,但卻濃香得很,大家記得不要錯過。喺個餐之外,點了一個是日海鮮,因為知道呢度處理海鮮都不錯,西班牙辣肉腸蒜片炒虎蝦,好正,肉腸嘅用心同隻虎蝦出其不意地合得來,辣辣地,好開胃。我們四個人都叫了不同的主菜。先講不用加錢嘅美國牛肩扒,叫了medium,也不會太韌,牛味一流,質感俱佳。另外西班牙棕毛豬肩扒煎得非常香,油份幾高,吃兩件都會飽,而且非常大件,相對牛扒,個味更出色,當然不是普通嘅豬扒可以媲美。法式油封鴨腿可以說是非常出色之作,鴨腿的肉質整得好淋,冇牙嘅婆婆都可以食得到,而鴨味好濃,配菜嘅薯蓉更加叫人吃得高興。最後我自己點的美國頂級肉眼,油香肉味也十分強,這個襯紅酒就更加一流。之後聽返loki講,呢度嘅水煮魚又係signature,下次一定要試。在主菜之前有任食嘅新鮮沙律同特選香料薯條,任食薯條非常出色,加咗好似合味道咖喱味杯麵嘅咖喱粉後,不太愛薯條的我都將成碗食晒。相對大坑Pheromone,有好多種出色嘅醬汁,呢度就單調普通左少少。新鮮沙律加左黑醋,更加開胃,等你食主食嘅時候更開胃。最尾嘅甜品蛋糕,勁驚喜,配杯咖啡或者伯爵茶最好。整個晚上,非常滿意,以呢個價錢,可以話係非常超值,特別係區內唔係好多西餐嘅選擇,呢度更加顯得難能可貴。同Pheromone比較有點難,各有各好,但如果以一個平價嘅價錢,可以享用烹調手法非常高嘅扒來說,Forkers似乎較佳一點的選擇。就如紅寶石後的每一天,幸福就是要走得更遠,我問佢地有乜心得,阿媽話:好容易,時間好快就過。我想起梁靜茹的歌,其實愛對了人情人節每天都過。祝你們繼續日日快樂。PS BTW 個人覺得Loki服務非常好,下次如你去食cher menu,記得搵佢。Forkers  土瓜灣鴻光街5號 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-23
404 瀏覽
絕對有驚喜的餐廳,值得推介!頭盤先來了36月熟成的西班牙黑毛豬前腿和48月熟成的西班牙西毛豬後腿,再配蒜蓉包,黑毛豬不論前腿或是後腿,味道一流,不過蒜蓉包略嫌不夠香口。餐湯,我們選擇了虎蝦濃湯,比起一般龍蝦湯,Forkers的虎蝦濃湯味道很鮮,沒有味精,喝完也沒有口渴的感覺!強推👍👍👍接下來,來了沙律和薯條。沙律菜好新鮮,薯條也很香脆!贊👍👍👍然後到主菜出場了!由於我不吃牛肉,所以我選了西班牙黑毛豬肩,而我朋友則選擇了45+日乾式熟成美國頂級肉眼。(雖然我不吃牛肉,也忍不住試了一點點)肉眼扒幾乎是0脂肪,口感很好!而黑毛豬肩,肉質感覺很好👍👍👍甜品,則是芝士蛋糕,我最喜歡那個餅底👍👍👍(其實吃完前面這麼多的東西,甜品已經有點吃不下了!不過,愛吃甜品是每個女生的專利,所然還是吃了下去!)最後,吃了這麼多,我點了伯爵紅茶,美其名是消濟,其實是已經真的喝不下即磨咖啡了!題外話,那張美元餐巾,我一直不捨得用,走的時候,還厚著臉皮多要了兩張!😂😂😂 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-18
2135 瀏覽
土瓜灣的美食多籮籮要找一間高質素,服務好兼且性價比高就非Forkers 莫屬了!晚市套餐由$298起有不同種類選擇我們一行四人可以選擇不同食物!由頭盤到主菜我們既忙於食又忙於對老闆的服務與大廚的廚藝讚賞!頭盤是西班牙黑毛豬火腿36個月或48個月,兩款各有特式!個人比較喜歡48 個月因為適中又不過份油膩而且很配西班牙酒!至於餐湯我們揀了虎蝦濃湯,大廚有心思的製作味道可以媲美龍蝦湯!十分鮮味!另外我們加了兩款頭盤分別是香煎帶子加茴香沙律與西班牙辣腸蒜片蝦!這個西班牙辣腸蒜片蝦令我們四人讚不絕口特別配上紅酒更加是天生一對😉至於主菜絕不失色我們分別叫了法式油封鴨髀,新西蘭羊架,美國頂級肉眼!每道菜也令我們有驚喜特別是美國頂級肉眼!外脆內軟而且肉汁鎖住好有口感!老闆更介紹西班牙紅酒配羊架把味道昇華, 想不到的好味。餐廳有不同的紅酒白酒配對食物,老闆好細心的介紹而且酒的收費合理!另外配菜的薯條與沙律是無限添!薯條居然有卡樂B薯條味道!十分香口一條也沒剰!我們四人臨離開時已經計劃下次何時再來及試其他菜式! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-07
1546 瀏覽
元旦日,找問到這間食店,見不少好評,打電話訂位時問,知道餐廳價錢照平常一樣,沒加價🤩依時去到,坐低時就見到一個恆溫凍櫃放了部份扒類。侍應小姐好好耐性咁介餐牌食物,是set,但有不同選擇,我哋三人各order了頭盤黑毛豬拼盤及加錢upgrade左48個月ham。跟著有餐湯,忘記了名稱,但湯的味道好清新,沒有開得太多麵粉杰杰的,十分好飲👍另外是非常新鮮嘅沙律任食薯條🍟又熱又香脆👍主菜出場,首先是~是日海鮮~蟹餅,蟹肉飽滿,稍嫌唔夠香同埋唔夠彈牙,整體還可以,反而個配醬十分滋咪😅美國牛肩,食落有口感有肉味👍👍頂級肉眼扒,侍應完全冇問你要幾多成熟,由此可知廚師有自信心爆棚,到牛扒上枱時熟度又啱啱好喎,good👍最後係甜品及餐飲,甜品是比較弱,飲品平平常常咁啦整體來説,以土瓜灣區能有這類水準西餐,十分難得,比好多尖沙咀區一些買弄花款的餐廳來得可靠,值得推薦💪🏻💪🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-20
1023 瀏覽
工作壓力大,要食返餐好既打打氣呢到環境都好relax同朋友把酒言歡就最好不過呢到既晚餐只有set餐,前菜先有西班牙黑毛豬拼盤 有2款黑毛豬部位再配上多士一款油香較重,另一款則肉香濃厚 各有特式多士亦突特別,香脆之餘伴有醋味,與火腿濃郁味道相得益彰主角有美國牛肩肉味很香很出,質感都好嫩滑意想不到既口感同味道很推另一主菜係銀鱈魚,美味非常魚皮煎得香口,帶有油脂香魚肉既烹調時間岩岩好,肉汁鎖住又夠滑魚味仲好出同好鮮呢到既套餐,你係無需要擔心唔夠飽,因為沙律同薯條係無限任fill黑松露薯條上酒上松露,食落帶有香味,即係升左一個層次沙律配上醋,很fresh也夠新鮮最後以甜品同Coffee作結,很滿足呀 繼續閱讀
(以上食評乃用戶個人意見 , 並不代表OpenRice之觀點。)