90
3
0
電話號碼
92351875
營業時間
今日營業
18:00 - 23:00
星期一至日
18:00 - 23:00
付款方式
現金
其他資料
電話訂座
食評 (94)
等級4 2019-09-15
526 瀏覽
瘋狂薯條🍟任食.........當然吾係瘋狂食麥當當薯條,而係土瓜灣一間Fine Dinning的餐廳提供任食薯條。晚餐基本收費$298,因應不同主菜再加錢。📍頭盤:西班牙黑毛豬拼盤🔸 香烤麵包配上黑毛豬火腿及黑毛豬肉腸。🔸咸香味濃濃的火腿滲出香濃的油份,迷人的頭盤。📍羽衣金蘭蔬菜湯🔸羽衣金蘭的苦澀味一直都吾係個個喜歡。🔸今次卻被蔬菜的酸甜所覆蓋,反而成為湯裡的重要口感。📍傳統馬利蘭州蟹餅($128)🔸外加食物🔸超級超級好味🔸整個蟹餅都係用蟹肉製成。🔸蟹味極濃,好似將成隻濃縮左落個蟹餅度。🔸必點美食。📍銀雪魚(+$128)🔸銀雪魚肉嫩多汁,完全沒有雪味。🔸香香煎過後,銀雪魚的魚油滲溢,遠處也能聞到香味。📍西班牙棕毛豬肩胛配黑醋汁(+$98)🔸黑毛豬肉肉質非常非常軟嫩。🔸放入口已慢慢地融化在口內。🔸脂肪部分油而不膩。🔸如擔心仍然太油膩,可沾點黑醋汁減少油膩感。📍萬眾期待任食side dish🔸包括蜜糖燒烤薯條及黑醋沙律🔸薯條全部即叫即炸、每條都熱辣辣,超過癮。🔸蜜糖燒烤味重,實在超級邪惡😋🔸黑醋沙律🥗有滿滿的沙律菜,係高質的沙律菜,食多幾盤已經回番本。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-13
219 瀏覽
早兩日入左土瓜灣食左餐飯🍚大鄉里出城既小編驚見原來土瓜灣既橫街小巷都有好多餐廳選擇....OpenRice左呢間任食黑松露薯條🍟諗住一試晚上7點餐廳一個人客都無🌃而隔離既粗口字頭邊爐就排哂隊🕴🏼都有少少怕試伏🙊.晚餐每位$298 主菜另加💵🔺西班牙黑毛豬火腿及肉腸烤過既牛油麵包配上微温既火腿同肉腸油脂微微滲出 味道偏咸數量唔多都可以話剛剛好✔️.🔺羽衣甘藍蔬菜湯平時羅宋湯以蕃茄作主調味道呢個羽衣甘藍蔬菜湯少左酸味但又平衡左呢種蔬菜既苦澀味 不錯喝👄.🔺西班牙棕毛豬肩胛(+98)黑醋醬汁加上豬肩胛肉 肉質軟嫩而且帶點筋同脂肪味道不錯👍🏻只係多吃有一點膩🙊.🔺時日精選海鮮:銀雪魚(+$128)烤銀雪魚肉質新鮮多肉汁 質素不錯😸醬汁味道不會太搶 魚味好出🎣.🔺任食蜜糖燒烤薯條·黑醋沙律🥗OpenRice推介黑松露薯條原來黎到係會有唔同友人有少許失望😞小編就幾歡喜😻薯條係粗身既 每次refill都係熱辣辣上桌🔥沙律菜係好新鮮既加埋黑醋汁 酸酸味味😋.🔺芝士蛋糕🍰Earl Gary Tea ☕️全晚質素較一般既芝士蛋糕🍰好實淨配茶先唔覺膩🤓.總括黎講 呢間餐廳平日人流唔多食物質素整體不錯 但肉肉同炸炸感覺較高🍴人均消費都較高😅大家要衡量一下值唔值😌.人均消費:約$400推介指數:👅👅👅👅👅👅👅(7/10)Encore指數:🤙🏻🤙🏻🤙🏻🤙🏻(4/10) 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-06
111 瀏覽
又黎到一星期一次食好西環節😆😆😆今日因為要落土瓜灣整車 所以就係附近搵食啦呢間鋪頭位於一條後巷入面 出面有幾個錶位今日好好彩有位泊到車 如果晤係就有只有亂泊啦😣😣呢到$298+10% 有齊前菜,餐湯,主菜,side dish,甜品同埋飲品😆岩晒三心兩意既我 首先要左一個西班牙黑毛豬拼盤咸香味十足 值得一讚係個包 勁香脆day of the soap 係蕃茄牛肉湯小妹晤太喜歡蕃茄 呢個係羅送湯既好味version 😆😆😆😆呢到signature係有免費任添既黑松露薯條嘿埋沙律 薯條係即炸 同埋係粗薯條! 沙律係用黑醋撈既 落得好夠份量 晤係健康之選 不過好好味😆主菜分别叫左熟成美國牛肩同埋豬鞍扒(+$68)牛肩部分係比較有咬口既部位 不過同時亦都會比較重牛味 呢到大概做到medium rare 生熟會適 配上海鹽調味非常好味😉豬鞍扒係厚切既 調味用上黑醋 我亦都食到少少甜味 甜甜酸酸甘 加上豬鞍扒好淋 我食左好多舊😆😆😆女仔食甜品又係另一個胃 呢到隨餐甜品係cheesecake 晤太漏 細細件 我有少少晤夠喉😆😆最後一杯齋啡結尾 呢到咖啡豆揀得幾好晤太酸偏苦 岩我口味👍如果呢到泊車方便啲,我諗我會經常黎😉 繼續閱讀
(以上食評乃用戶個人意見 , 並不代表OpenRice之觀點。)
朋友係澳洲番來就近近到係佢屋企附近揀左一間西餐廳來食來襯依位浸過咸水既朋友仔而自己又從未試過Fine Dinning就決定走出舒適圈圈來品嚐下Forker 既基本收費係 $298 而客人挑選唔同既菜式就額外加錢西班牙黑毛豬拼盤 (橡果飼蒆後腿 – 48個月熟成)餐廳將黑毛豬火腿微微旱至乾身令少量既油膩迫出再連埋塗左生蒜既多士一齊食係一道十分令人驚豔而簡單既美味小品是日餐湯(羅宋湯) + 餐前沙律Forker既羅宋湯唔似市面上飲到既羅宋湯茄膏既味道不會過重 反而多左一種小清新既感覺而依種小清新既感覺係源自大量既蔬菜既鮮甜相當唔錯~黑松露薯條薯條係每個人都會鐘意既小食再加上餐廳放左黑松露係上面 令每條薯條都沾滿左黑松露既香氣忍唔住令人一啖接住一啖甘食加拿大豬鞍 +$68依道菜我相當鐘意簡單但不平凡既豬~小女子成日睇杜汶澤Late show佢曾經話:豬其實好食過牛 係你唔識煮姐!事實證明左,識煮真係好鬼好食~廚師煮完之後大量大量既肉汁鎖左係豬鞍入面而肉質仲係十分鮮嫩!油封鴨腿配花椰菜蓉而依道係餐廳推介既新菜式餐廳誠意推介下我地就叫左來食鴨腿係需要提前加工將油、鹽、香料鎖入鴨腿入面令鴨腿帶點咸香既味道混合埋花椰菜蓉,味道剛剛好!芝士蛋糕 + Twinnings牌既 Earl Grey tea一個Fine Dinning既結尾 當然就唔少得甜品啦~芝士蛋糕配合Earl Grey tea為今日依餐作左一個完美既終結Fine Dinning 對於人人既定義又唔同但餐廳都有一個共同既目標就係「精緻餐飲」食完依一餐開始明白Forker既Fine Dinning既定義唔單止希望食物做到精緻而希望令客人明白同交流廚師係食物上花既心思今餐可以話超值既體驗食物味道同埋感受都令我一試難忘!推介!!!! 繼續閱讀
(以上食評乃用戶個人意見 , 並不代表OpenRice之觀點。)
今日搵食搵到黎土瓜灣,哩一區都算係舊區,但正正係咁,有好多隱世既餐廳未俾人發掘到出黎。土瓜灣既哩間Forkers 係間西餐廳,有主打既晚市套餐。晚市套餐包括有前菜、沙律、餐湯、小食、主菜,甜品同餐飲,十分豐富。西班牙黑毛豬拼盤前菜先黎黑毛豬拼盤,黑毛豬既油香,焗乾身之後食落去好有咸香味,亦唔會油膩!配上餐包中和油脂感!香蒜西班牙橡果飼養黑毛豬臘肉腸炒虎蝦前菜仲有哩款臘肉腸炒虎蝦。利用左黑毛豬肉製成既臘腸,就好似中式臘腸咁炒香虎蝦。除左有好香既豬肉味,臘肉腸當中既油脂亦能深入虎蝦。虎蝦去左殻一齊炒香,除左好入味之外,亦方便進食!加上少少既檸檬汁,更能夠嘗到虎蝦既鮮味。最後,中意食蒜既朋友,記得唔好放過入香口入味既蒜片哦!餐湯 及 小食羅宋湯是日餐湯係羅宋湯,有別於普通西餐廳用湯碗上,Forkers 就用左杯黎serve 餐湯,除左唔用湯匙去用之外,用杯飲湯更有另一番風味。除此之外,羅宋湯亦都十分足料,用左牛尾肉去餚製!黑松露薯條係薯條呀!!!今次仲要係任食!薯條十分熱辣辣,似係剛剛炸起!粗薯條,撒上黑松露碎,好香口好好食😝食完一碗都仲未夠,仲加多左半碗添🙈沙律食左咁多熱氣野,真係好有罪惡感,要食番d健康d既沙律先!順帶一提,沙律都係任食嫁!主菜燒濕熟成美國牛肩主菜係用左wet-aged 既美國牛肩肉,姐係膊頭既位置。由於活動量夠多,肌肉💪🏻發達,所以肉質都好結實,更有口味。每一塊牛肩,建議再切細舊再食,更能嚐到肉汁同易嚼😂除左原汁原味既食法,仲可以點餐廳秘製既醬汁,酸酸地更開胃!西班牙棕毛豬肩胛除左牛肩之外,豬肉都係一個唔錯既選擇。棕毛豬肩胛,姐係膊頭對落既肩胛骨肉。肉質比較肥美,油脂感較重,加上醬汁少少甜,令豬肩胛更香口!每一口既豬肩胛都好重油香😝但亦都好有罪惡感🙈甜品芝士蛋糕好味既甜品係一頓晚餐既句號,而今次哩個句號亦十分完美!芝士蛋糕🍰芝士味濃郁,但就唔會太甜,甜度適中!餐飲Twinnings - Earl Grey tea一餐豐富晚餐後,再加上一杯茶消一消濟。再同寶寶傾下計談心☺️今晚真係幾滿足! 繼續閱讀
(以上食評乃用戶個人意見 , 並不代表OpenRice之觀點。)