61
15
1
港鐵旺角站 E2 出口, 步行約6分鐘 繼續閱讀
電話號碼
90166327
開飯介紹
由電視藝人林秀怡開設的日式西餐廳,店內大部分食物用上日本麵粉和雞蛋,意粉更是每天新鮮以人手搓製,口感煙韌、重蛋香。 繼續閱讀
營業時間
今日營業
12:00 - 22:00
星期一至日
12:00 - 22:00
*最後點單時間 21:30
付款方式
現金
食評 (90)
等級4 2019-09-18
1794 瀏覽
之前睇左啲報導關於li間位處女人街嘅手作意粉小店, 終於有機會黎食! 門口寫住開12:00, 但遲左幾分鐘先入得, 相信係因為準備食材實在要勁多功夫同時間🤪, 細細間餐廳枱櫈好IKEA feel, 貼心地備有籃仔喺櫈底擺袋👍🏻.>是日湯*蘋果甘筍湯* (+HKD12)新鮮, 甘筍味濃, 夠熱辣辣👍🏻.>忌廉汁自家製醃肉及日本生雞蛋🥚配手製闊麵 (HKD62)我地由出菜個counter見到廚房裡面整緊意粉🤩, 等左around 15分鐘, 全場order只有一位姨姨負責所以放低個碟喺枱輕輕一句”趁熱撈匀生雞蛋🥚”又走左去忙了🙌🏻. 但相機食先嘅我梗係話唔聽係要影返張相先食✌🏻. 闊麵勁好食! Al dente到一個點! 個忌廉汁撈生雞蛋真係好正, 驚覺唔係主角嘅肉味道如此豐富, 食哂闊麵剩低嘅忌廉汁我一滴都無放過🤤食哂.>忌廉汁日本魷魚🦑及菠菜葉配手製意大利粉 (HKD103)老公個魷魚🦑勁爽彈, 食得出食材新鮮, 手製意粉勁掛汁, 2個意粉都好好味😋, 份量感覺唔會勁大碟, 但食完係飽嘅. >熱港式奶茶 (+HKD5), 自家製凍水果冰茶嗜甜嘅老公好鐘意杯水果冰茶, 我飲左啖, 甜度同茶比例又真係好OK bor. >知道餐廳其中一位老闆係電視📺Artist, 但完全感覺唔到佢係賺緊佢嘅名氣, 相反喺細節位同食物嘅質素非常認真同高質👍🏻, 係一間值得再再再encore嘅小店. 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-19
9456 瀏覽
前一陣子,有朋友推介了一間位於女人街內的型格意大利粉店,而且說是一間由明星開的小店。在一個星期六的中午,出開旺角,就決定來找找看,在女人街旁邊的小店列,近家樂商場的尾段,有一間門面光鮮的新潮小餐廳,就是我們特意來拜訪的《FooDo》了。《FooDo》有什麼特別,我可以說是一個很用心去製作食物的小店。然而,吸引我來的原因有二。一、是她們的手製意大利粉;二、是她們的老闆,是TVB 的演員,林秀怡。其實,是不是明星開的店不重要,有明星效應,固然是一個吸引客來的賣點啦。是日的一餐,對我們一家人來說,最重要的是,好不好食。同兒子來, 叫一份芝士烤焗雞塊給他就最合適了,因為香口的東西,永遠都啱小朋友食的。這一個炸雞,有一層薄薄的麵包糠,包著既嫩滑又厚身的雞肉,內心,包著半溶而不太熱的芝士,非常之香口。芝士菠菜手製闊麵,看得出也吃得出,整個意大利少的主角是手製闊麵。新鮮生切的麵條,口感是絕對的美妙。入口煙韌,有小麥的香味,配上一半芝煮成醬的芝士及另一半仍是硬身的芝士條,令這一個意粉浸淫在 "香" 之中。此一刻,菠菜已經是一個不太重要的閒角。菠菜,車打芝士及日本太陽蛋 Pizza。表面上,日本太陽蛋是主角,是吸引我去叫的誘因,可是,Pizza 一到,原來最麻煩的動作,就是要研究怎去完美地吃到隻蛋而又不會搞到成碟都係。給果,我們一家人是失敗的。不過,同樣地,芝士搶去了主角的地位。"香" 味,"香" 氣十足。其實,食食下大家都覺得,這一個小地方是帶有日本元素的,餐牌上的東西也有少少西日 fusion 感覺。天氣熱,太太點了一杯冷泡玄米茶,輕輕的茶香,配上芝士味濃的食品,又幾夾播。新工作比以前忙,也需要更多的精神去處理,所以,今時今日的我,比以前的我更愛咖啡,更愛黑咖啡。面前的咖啡,濃度夠,香味足,值得稱讚。食物很好,也感覺到店子上上下下的人都好齊心,好用心。細心去服務客人,用心地製作食物,是一間值得大家去給一個拇指的小店。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-25
6362 瀏覽
朋友介紹黎到呢間感覺簡約的手工意粉小餐廳。呢度主打食自家手工制homemade意粉。裝潢簡簡單單,好似番左屋企咁舒服。小店好貼心,每張椅子下都有籃子比你放手袋。午餐有意粉同Pizza選擇,我地都揀左意粉:a3同a5。價錢如果以手工意粉來說唔算貴。餐飲揀左水果冰茶(深色個杯)同冰玄米茶。話就話冰茶,但唔多夠凍。先有番茄汁鳳尾虎蝦配手製闊麵(不辣)👇🏻我先試食第一啖,食完我就問朋友:你覺得比3星定4星(openrice入面評分)?朋友食完就話3分,係因為個汁又咸又酸,香草味又比較重,虎蝦口感係個啲楊州炒飯裡面個啲雪藏蝦咁。手製闊麵就真係好食既,唔會有粉味,而且夠哂多汁包住每條闊麵。仲有番茄汁自家製醃肉配手製闊麵(辣)👇🏻因為我哋都比較鍾意食茄汁意粉,所以兩個都叫咗茄汁味。當食過第一碟失望緊嘅時候,辣味茄汁又有啲唔同喎,冇咁咸同酸,正常好多,不過都係香草味太重。醃肉係幾塊豬肉,食唔到有咩特別,同埋都真係幾辣....總括嚟講,佢啲手工闊麵係真係好食,雖然個茄汁麻麻哋,不過都仲想試多次試吓佢啲白汁闊麵同pizza。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-29
151 瀏覽
小店設計簡約,環境舒服😊跟餐仲送一杯水果冰茶。初頭淨係飲冰茶時,覺得味道有點淡,但後來配合埋闊條麵又覺得岩岩好。我唸可能係闊條麵太濃味,而冰茶的淡味剛好中和佢既味道,令到整體效果變得更好。..忌廉汁自家制醃肉及日本生雞蛋配手制闊麵$62店員拎碟意粉上台時已經聞到好香既忌廉汁味,再撈埋面頭個隻蛋,成個意粉變到好Creamy。忌廉汁食落無想像中咁重味,硬係覺得差咁D味道,而自家制醃肉也有偏鹹的情況,但整睇黎講成個意粉都係唔錯。..蕃茄自家制醃肉配手制闊麵 $62 手制闊麵有咬口,但蕃茄醬太咸,如醬汁小一點效果或會更好。自家制醃肉亦有偏鹹。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-26
218 瀏覽
喺門口被其簡約餐牌及裝修吸引,12點半已經坐到8成滿,還好我只是一個人來吃,所以一進門就有位子可以搭枱了。餐牌很簡單,款式不算多,午市可選擇飯或手工麵類。因為最近比較少吃飯,而服務員又跟我推介飯類,因此點了《牛奶汁烤焗芝士雞塊配飯》+ 是日餐湯《蘑菇忌廉湯》,餐飲配自家製水果冰茶。🌟先來《蘑菇忌廉湯》, 睇相都覺得濃郁,飲落食到一粒粒蘑菇肉,忌廉味濃烈,雖然要加錢$12配,但係係煮得有心思,鍾意飲蘑菇忌廉湯嘅朋友仔可以試下。🌟主食是《牛奶汁烤焗芝士雞塊配飯》,飯份量不多,雞塊有3件,男生應該會吃不飽,對女生而言則剛剛好。米食得出係珍珠米,細細粒。牛奶汁好味,但略嫌唔夠撈飯。雞塊整得好好食,皮脆,咬下去有肉汁,同食到香濃的芝士味。絕對會為咗呢個雞塊encore。💓🌟水果冰茶不甜、味道淡淡的,飲唔到有水果味,不過因為跟餐是免費,幾乎每桌都是點水果冰茶。 繼續閱讀
(以上食評乃用戶個人意見 , 並不代表OpenRice之觀點。)