Flames (鴻圖道)

營業中

休息中

呢一間一直係我私心想推薦好耐嘅餐廳😝想講餐廳嘅氛圍好好，係行比較暗黑少少嘅style😳嘢食性價比都幾高，好適合情侶約會✨10oz Rib Eye Steak（$268）10安士嘅牛扒唔算太多，可以嗌一份兩個人share再咗晏啲其他嘢食😳牛扒我嗌咗五成熟，食落啱啱好～肉味比較重，唔算太靭👍🏻Chicken Pesto Linguine（$128）意粉嘅質地唔錯，軟硬適中✨主要食到嘅係忌廉芝士，配埋慢煮雞胸😳✨巴馬火腿火箭菜pizza （$168）佢啲Pizza全部都係手工製造😳餅皮係屬於比較煙靭嗰隻～即叫即整，所以上到嚟都仲係熱辣辣😝🔅Flames (鴻圖道) 📍觀塘鴻圖道51號Two Sky Parc地下1號舖

一間裝修精緻嘅西餐廳，裡面仲有live music聽，餐廳環境食物同氣氛都好好。🍝蟹肉巴馬臣芝士蕃茄忌廉汁通粉 $158長通粉嘅醬汁非常creamy，入口滑順。裡面嘅蕃茄、忌廉同巴馬臣芝士更添風味，每一啖都品嚐到香濃嘅芝士味，而蟹肉份量都多。長通粉食落有嚼勁唔會太淋。🍕意式辣肉腸薄餅 $158Pizza 嘅份量非常大，十分飽肚。裡面嘅意式辣肉腸嘅香氣濃烈，帶有少許辣味，增添層次感。Pizza 餅皮烤得恰到好處，外脆內軟。🍟黑松露薯條 $58朋友最鍾意食薯條，而呢份薯條外脆內軟，口感恰到好處，完全唔覺得油膩亦唔會乾。松露嘅香氣為薯條增添了獨特嘅風味，我地兩個人分嚟食，份量足夠。🍰自家製甜品 $78是日甜品係芝士蛋糕。芝士味濃郁，口感順滑，旁邊仲有少少水果做伴碟。芝士蛋糕嘅甜度適中，食落唔會覺得膩。呢間西餐廳都非常受歡迎，食食下全場滿座咁濟，再加上現場有自彈自唱嘅流行英文歌聽，氣氛絕佳。

同大大去觀塘學完跆拳道，經過Flames，佢又忍唔住話要入嚟食嘢，佢成日都念念不忘依度個牛扒同意粉，見佢今日表現幾好，一於同佢入嚟食。10安士肉眼扒配忌廉薯蓉;肉眼扒夠晒腍，切落去見到啲肉汁流出嚟，仲有少少焦糖化外皮，配埋佢個醬汁，牛肉味濃，好有口感。搭配的忌廉薯蓉，夠晒滑，食落好享受，呢個係大大至愛。新鮮黑松露蘑菇扁意粉:意粉煮就恰到好處，因為有新鮮黑松露，黑松露味好濃，好香，啲菇有夠多，忌廉夠晒Rich，食落好有口感。黑松露薯條:薯條外層卜卜脆，內層又軟又熱，加埋出邊嘅黑松露粉同味粉，成個味都超夾，非常好味，令人食唔停口。最後我哋仲飲咗菠蘿汁同橙汁，兩杯都非常清甜解渴，食到好飽好滿足咁走😋

一入到餐廳就有種好舒服嘅感覺，好光猛好chill~Flames 特盛早餐 ($158)放假遲起身食返個brunch, 成個set有炒蛋、香腸、炒蘑菇、sour dough 等等，夠晒豐富～紅酒燴牛面肉草菇扁意粉($148)推介呢個意粉，牛面肉好腍，有非常多草菇一齊煮，面頭仲有好多芝士，成個配搭一齊食，非常之香濃～好好味😍2個餐都有加+$15 跟餐湯同埋沙律 ，想講個南瓜湯好綿密～Flat White ($18) 凍檸茶($18)配個brunch加返杯咖啡係必須的，咖啡好飲～奶泡拉花靚✨

星期一梗係要食餐好既趕走BLUE MONDAY啦🥰今次黎到呢間係觀塘商業大廈附近既Flames🩵主打一個黑白格局既feel，夜晚仲有LIVE🎶可以聽一路食飯一路聽歌，都差啲唔記得今日係星期一🤭人圴HKD250左右🩵芝士肉醬焗墨西哥脆片芝士肉醬既份量岩岩好，好想打包一份睇住電影食，不過現場配LIVE都係一個唔錯既選擇🩵慢煮雞胸車厘茄香草醬扁意粉好香香草醬既味道，薄切雞胸食落一D都唔會鞋~🩵卡邦尼薄餅(20分鐘製作時間)意式煙肉,鵪鶉蛋,奶酪芝士,CREAM,仲有幾款芝士，材料夠曬豐富，岩岩焗起好香，仲有小小拉絲既效果，薄餅有d厚，麵包好感，一口咬落去鵪鶉蛋爆漿好正🩵NUTS BOUT TELLA SHAKE飲落係朱古力奶既味道，上層有CREAM同朱古力，同下層既朱古力奶MIX埋一齊好夾🤭

餐廳位於觀塘，環境室內外設計都充滿現代感，同時都十分綠意盎然！植物鮮花為整個空間增添了很大氣派同舒適感!今日揀咗兩道主菜，分別係King Prawn Linguine同埋Aloha Pizza。King Prawn Linguine用了鮮大蝦搭配三文魚籽，大蝦鮮味多肉富口感，龍蝦🦞汁味濃！三文魚籽份量令我感到大滿足固味道濃郁豐富，份量充足！Aloha Pizza係夏威夷風味的菠蘿和火腿，口感清新開胃。Pineapple juice好飲又解渴食材新鮮，價錢味道都好唔錯👍🏻會再回頭！📍Flames （鴻圖道）（觀塘）觀塘鴻圖道51號Two Sky Parc地下1號舖

​唔想諗食咩嘅時候 近近哋又舒服嘅就嚟FlamesEnjoy the holiday🧚🏻‍♀️🍽️Seared Scallop Salad ($148)🍹Pineapple (+$18)🍽️ Soy Glazed Fish Fillet ($138)🍹Long Black (+18)🍟Salt Fries (+$48)Weekend Meun 原本係附送汽水或茶不過可以加錢轉其他飲品😊今日食嘅都係第一次試嘅Salad擺得好靚 好Fresh價錢唔貴 Total $407

要揾一間典雅有格調嘅餐廳食西式美食，「Flames✨」真係一個唔可以錯過嘅選擇！餐廳裝修典雅，食物款式多樣，包括Pizza、Fish & Chips、Pasta等等，每一款都好味，而家仲有套餐七折優惠同Happy Hour買一送一，真係非常超值！經典菜式「炸魚薯條」🐟🍟，呢個炸魚用咗新鮮嘅魚肉，外脆內嫩，搭配上香脆嘅薯條，配上特製醬汁，非常好味，食到令人回味無窮！而「慢煮雞胸車厘茄香草醬扁意粉」🍝🍅既慢煮嘅雞胸肉質滑嫩，搭配上新鮮嘅車厘茄同香草醬，味道清新，扁意粉口感好，非常滿足！有特色既「卡邦尼薄餅」🍕🥓，呢款薄餅上面有意式煙肉、鵪鶉蛋同意大利奶酪芝士，味道豐富，每一口都令人陶醉，真係一個必試之選！總之，「Flames✨」真係一間高質素又超值嘅西式餐廳，無論係食物定環境都非常出色。

星期六以為觀塘工廠區會靜，一樣熱鬧。十二點入座已經好多客，裝修環境舒適，也算是工廠區的一片綠洲。餐牌上有多種選擇，有輕食也有意粉pizza。蟹肉巴馬臣芝士蕃茄忌廉汁通粉蕃茄忌廉汁夠香濃，啖啖蟹肉，通粉有嚼勁，加埋巴馬臣芝士更吸引。煙三文魚班尼迪蛋醬汁滿滿，切開班尼迪蛋再融合蛋汁，襯上煙三文魚，味道相當豐富，然後以沙律菜refresh一下。澳式雞鹽薯條熱辣辣薯條加上調味粉，香口又惹味。自家製甜品是日自家製甜品有芝士蛋糕，完滿既星期六午餐。

今晚放工之後去APM攞完月餅，就嚟咗附近一間好鍾意嘅西餐廳食晚飯，叫做Flames叫咗個餐湯，今日係羅宋湯，碗湯有好香嘅牛尾香味，微辣，好惹味另外叫咗個雞胸肉凱撒沙律，雞胸肉份量好慷慨，而且沙律上面都灑咗大量嘅芝士粉，加埋爽脆新鮮嘅羅馬生菜，健康之餘又令人食得津津有味另外叫咗個蒜蓉包，呢度個蒜蓉包好特別，唔似出面硬斑斑嘅蒜蓉包，而係將海量嘅芝士鋪上軟腍腍嘅麵包再落去焗，好特別最後上枱嘅係主菜：燒春雞配薯條，燒春雞份量好充足，上枱嘅時候已經幫我哋切開咗兩半，而且燒得皮脆肉嫩，唔會過分油膩，啖啖肉，忌飽肚又健康；至於薯條份量都好多，炸得香脆，而且味道調得好好，令人垂涎三尺呢間餐廳位於繁華嘅觀塘區，地點方便而且侍應有禮貌，食物除咗份量充足之外，味道亦好出色，非常適合上班一族、朋友聚會、家庭聚餐，推薦#flames

我今日放假，順道約同好友去位於觀塘鴻圖道51號 Two Sky Parc 地下1號舖的 Flames 食晚餐，環境舒適，坐得舒服。我點左個 Grilled Rib Eye Steak 10oz 10安士肉眼扒配忌廉薯蓉 $268，Pan Seared Teriyaki Orange Roughy Fish Fillet 香煎照燒汁橙鯛魚柳烤蔬菜及芝麻油烤粟米 $198。10安士肉眼扒要五成熟，上檯時已經令我食欲大增，它皮脆肉嫩，牛味濃郁👍；香煎照燒汁橙鯛魚柳烤蔬菜及芝麻油烤粟米的賣相不錯，魚柳煎得香脆，魚肉幼滑，十分好味！

去開觀塘學咖啡，順便brunch。而Flames，幾乎係必然選擇。鴻圖道嘅Flames相對會多咗一份貴氣，有多啲植物同舒適嘅梳化。今次雖然唔係坐梳化，仍然好貼近自然光，但冷氣都足夠，唔會因為窗口位而比較熱。海鮮香草茄醬薄餅 $188 - 表面上不太平，實際上巨大無比，二人食其實都唔容易！每一件slice都有一片煙三文魚、大鮮蝦和魷魚，好有海鮮嘅味道，可以話係brunch menu中嘅隱藏大佬。炸魚薯條併他他醬 $128 - 炸魚好大塊，大到我想拍個短片😅。雖然跟咗檸檬同他他醬，但個人都係認為調味可以再重手啲。薯條一如以往嘅高質，充滿調味粉又厚身。本身main已經包了凍熱飲，但其中一份我哋加$15轉了cappuccino。佢良好嘅拉花/朱古力粉控制，慢慢變成呢度signature之一了。最後加了$35要是日甜品，係一件巴斯克蛋糕。雖然冇”燒燶”嘅巴斯克有啲奇怪😅，但食落甚有水準，味道比New York cheese更豐富，略有甜味，係另一驚喜嘅菜式。每次嚟Flames，總有啲驚喜。特別係海鮮薄餅，大份、好味又足料。所以呢度受歡迎係有佢嘅理由，今日weekend 1pm，已經差唔多坐滿了。

上次去過海濱匯分店食好滿意，上網搵原來觀塘鴻圖道都有分店。依間環境走簡約風格幾特別，而且有多枱客戶感覺好chill;仲不相而同地連續幾枱都慶生🎉，餐廳奉上甜品時會播出生日歌［抵食假日Lunch Set:餐湯+主菜+配餐飲；可追加甜品］紅酒燴牛面肉草菇扁意粉意粉好重紅酒汁味。牛面肉好軟身又嫩滑！燒豬腩配燒薯仔紅椰菜沙律🥗有菜又有肉，健康之選。燒豬腩很好食，有d油脂溢出，肉質又軟身。配埋紅椰菜沙律非常解膩！芝士蛋糕🍰好好味，賣相又靚、亦唔會太甜。

這家位於觀塘的西餐廳，地理位置便利，店內環境舒適，讓人感到輕鬆愉快，適合朋友聚會或家庭聚會。首先，品嚐了香辣炸雞。這道菜外皮金黃酥脆，裡面肉質鮮嫩多汁，香料的調味恰到好處，帶有微微的辣味與香氣，令人一口接一口，無法抵擋。搭配的特製醬汁酸甜適中，更增添了口感的層次，令人食欲大開。慢煮雞胸車厘茄香草醬扁意粉。雞胸肉經過精心慢煮，保持了肉質的鮮嫩，搭配上清爽的車厘茄與香草醬，味道清新自然。扁意粉的口感滑順，吸收了香草醬的精華，讓整道菜品更加豐富，酸酸甜甜的車厘茄更是為這道料理增添了亮點。最後，意式辣肉腸薄餅。薄餅的餅底烤得金黃酥脆，餡料則是意大利辣肉腸醬、辣沙樂美腸、俄勒岡葉和聖馬札諾蕃茄，混合出濃郁的風味。每一口都能品嚐到豐富的肉香與芝士的絲滑，完美的搭配讓人陶醉。

呢間西餐廳，一步入門廳，都會被一股溫馨與精緻所包圍。沉穩嘅暖色調燈光營造出寧靜優雅的用餐氛圍，好似置身於歐洲小鎮嘅精緻餐廳之中。仲好適合慶祝唔同節日，見到有唔少人喺呢度慶祝生日，餐廳都會播放生日歌～ 而且微暗嘅燈光，好適合家庭同埋情侶約會🫧 香煎半熟吞拿魚車厘茄沙律配青檸青瓜薄荷汁好Fresh好清新，半熟吞拿魚好鮮嫩，加埋青檸青瓜薄荷汁嘅點綴，好夾！而且車厘茄仲有兩款，好有茄味，好開胃！🫧 夏威夷薄餅配料有好多，包括菠蘿，火腿，俄勒岡葉，聖馬札諾蕃茄，馬蘇里拉芝士～ pizza個底唔會好厚，而且份量好大，幾特別，必叫！🫧慢煮雞胸車厘茄香草醬扁意粉慢煮雞胸唔會好嚡，而且香草醬加埋橄欖油，感覺唔會好肥，扁意粉煮得啱啱好！配埋餐廳嘅音樂同氣氛，慢慢食傾偈一流！
𓆝𓆟𓆜𓆞𓆝𓆟𓆜