18
2
0
港鐵太子站 C1 出口, 步行約2分鐘
繼續閱讀
附加資料
-晚市建議預約
-星期六及日,晚市只招待已預約人士
營業時間
*星期日: 有預訂才開晚市
星期一
全日休息
星期二
12:00 - 21:00
星期三
全日休息
星期四至五
12:00 - 21:00
星期六至日
12:00 - 18:00
以上資料只供參考, 請與餐廳確認詳情
通常,去完一間食店後,如果講得” I WILL BE BACK”這句,都應該係因為食店的食品值得回味😋,但係,今次版主去完太子的「共同社」後,之所以會講上述這句話,原因係乜?🤔竟然係因為:我❗揀❗錯❗野❗食❗(註:原本想寫「我食錯野」的,不過這個會有歧義,一陣大家以為我食物中毒就唔好啦🤣🤣)上星期六午飯時,版主黎到「共同社」,本來諗住食返個「特級全素早餐」的,不過,因為仲未係好肚餓,驚「全素早餐」太大份,於是,就要左個「素牛肉漢堡飯」。午飯出現時,版主一睇,OH NO….今次選的午飯看來有些「寡」了🙈。素漢堡是煎得挺香的,不過有少許硬,而整碟上只有素漢堡和西蘭花,一邊吃,一邊看着餐單上的「素菜貝高(BAGEL)」、「素墨西哥卷」🥙、「和風腐皮卷」,口中吃着 的東西,和腦海中幻想吃着的東西,完全是兩個不同的畫面。所以,版主心中默默說着” I WILL BE BACK”,下次一定要再來試試其他素食的。講返一些關於「共同社」的簡介,這是一個由5間伙伴機構合組而成的小店,提倡公平生產、良心消費,並支持本地農業,會從八鄉購入有機菜👍👍。此外,店內還有一些產品可供素友們選購:醬料:紫蘇豆鼓醬、素XO醬粉 (POWDER):大麥粉、猴麵包樹粉麵:素菜湯麵、素菜撈麵 (含葱蒜)除了這些外,店內也有其他的生活用品可供選購。「共同社」的環境舒適寛敞,在太子區走得累時,這兒會是一處歇腳休息的好地方。
繼續閱讀
今日要介紹嘅呢間餐廳位於太子,係一間樓上嘅鋪,入到去有種簡單食堂嘅感覺,少少帶家庭式氣氛,餐具自助拎,係旁邊仲有一啲擺攤係賣自家野、乾果之類。坐低落柯打之後,最先到嘅係紅菜頭蔬菜湯,湯入口無味精夠天然,清清嘅口味岩哂健康人士。而接住嘅藜麥鮮果沙律,賣相唔錯,但實物其實個碗幾大且份量多,沙律裡面除咗藜麥,仲有西瓜、青提、紫提、黃肉柚、火龍果、蘋果、青瓜、羅馬菜同沙律菜,可以話係纖維極豐富嘅前菜,新鮮而且水份十足,另外加咗些少既沙律醋味道更加酸甜,令人相當開胃。主菜嘅牛肝菌大啡菇扁意粉到,非常吸引眼球嘅大啡菇,切開一半除咗好多汁,仲發出濃濃香菇味,整體菌類同扁意粉嘅調味都適中,唔會偏咸或太淡,就算食得多都唔覺溜,單調的話可以連同火箭菜食,別有另一番風味。其次,仲有一碟香草羊架拼薯菜,羊架燒得好香,但個人覺得有少少肥,食咗少少羊肉味極濃,岩哂食羊人士,伴碟仲有不少薯菜,除咗翠玉瓜、磨菇、南瓜等等,仲有薯蓉份量多,整體唔會太咸,食得健康。接住呢個時刻,柯打咗嘅飲品都陸續到,分別有荔枝Soda同凍Mocha。唔飲咖啡都唔知,原來呢間餐廳嘅起始係同咖啡有關,所以咖啡類飲品上嘅水準都係高啲,由豆嘅選擇到調配嘅份量都相當有要求。提倡健康嘅關係,咖啡嘅甜度剛好,奶同啡嘅比重均衡,既飲到香濃豆香,亦有奶泡嘅口感。最後一樣甜品柯打咗蘋果UFO,個人覺得呢個甜品嘅份量足夠兩個人Share。餅底則新鮮即整然後焗,夠哂酥脆同熱;而上面個蘋果預先燉好,最後連埋新鮮蘋果片一同放面。賣相精緻,調味恰好,唔會太甜或太溜。以呢個甜品作結,真係夠哂飽。總結,餐廳味道真係推祟少甜少鹽,所以岩哂少味精人士,覺得而家非常少餐廳咁堅持健康煮食,個人係極為支持。另外咖啡又的確係沖得幾香,而且調配得個味道岩岩好,推薦。
繼續閱讀
而家好多餐廳都開係新型酒店中,食物質素都唔錯,今次唔係我搵地方食,係朋友之前教會有活動係餐廳舉行,朋友先到都幾舒服,靜靜地坐下,都幾唔錯,呢度係“共同社會” 有迷你功能場地,適合小型朋友聚會,有機產品售賣,仲有餐飲,香港租太貴啦,呢個模式都幾特別我遲到叫朋友叫住野食先,人手有限,上餐比較耐少少,要耐心等候,我上到去朋友佢個意粉已經食左一半,無影到相我叫左鹽麴雞脾3色米飯,味道唔錯,可惜雞脾唔夠熱,熟既入面無紅同血水,個3色飯唔洗餸同汁,慢慢都好食,加$10有即磨咖啡,味道幾香,但店員問無糖無奶你ok嗎? 感覺有點奇怪,是但啦,近得男友多我而家轉左齋啡多呢度同其他新式餐廳一樣,都係自助,取餐/餐具回收,全部自己動手,香港人郁多d都係好事
繼續閱讀
經朋友介紹同屋企人去左太子食晚餐,係一間樓上健康餐廳!剛剛入左去門口有一架舊式三輪車,好有新意。很吸引我,入左去坐在一個角落四人枱!好似老闆娘的女士過來問我哋,想食用咩餐,佢又介紹左佢餐廳的特色食物。仲提醒我哋所有食物自己攞返,食完後餐具自己放入回收箱,感覺好特別!我哋點左特級全日早餐,我之前以為所有早餐上周先有點知。佢哋呢度到晚上都可以食到(早餐)有創意,早餐裡面有雞蛋、焗烤的番茄、司華力腸、煙三文魚、香菇片、麥包和我唔識的蔬菜類!所有味道清清哋!好好味,好吸引我!
繼續閱讀
正所謂萬事起頭難,萬丈高樓都要從地起啦,所以,做咩都要有第一步。無第一步,你又唔知行得啱唔啱,最討厭嗰啲齋講唔郁嘅人,而小弟就應該屬於行動型。所以,今日晏晝就嚟到太子嘅「First Step Coffee」,同夏總及佢老婆一齊食晏,唔好講咗幾星期都唔行動。餐廳位處砵蘭街一間精品酒店樓上,無專用樓梯,要乘搭酒店電梯,而酒店本身都唔起眼,酒店門口亦只棟咗一個大餐牌以表示餐廳嘅存在。走入餐廳內,由「First Step Coffee」、「蘇媽廚房」、「家家士多」……等等所組成嘅共同社,唔單有社企嘅影子,更有種砵蘭街貼地嘅感覺,完全唔覺得自己走入一家酒店餐廳,所以,感覺輕省隨意。由於喺以一同共用嘅空間形式,所以,感覺幾特別。裝修簡約,無太多花巧嘅裝飾,但地方大,擺嘅枱櫈唔多,樓底又高,另一邊更有個活動空間,故此空間感十足。收銀櫃枱上嘅大黑板寫齊有咩食物選擇,當然,唔想「頭岳岳」,攞份餐牌埋位慢慢睇。基本上,4張餐牌就顯示晒有咩食物,包括:沙律、小食、主菜、甜品及多種飲品。此外,收銀旁仲掛咗塊黑板,寫上每日供應嘅特色菜,有沙律、意粉,甚至羊架,附送熱茶,或有加配咖啡優惠。正如時下好多文青咖啡店,採取自助模式,自己動手拎餐具,而用餐後就自己收拾。最大好處就喺唔收加一嘛,哈哈!餐具旁仲有少少調味料,供客人自行稍作調味。基於環保理念,晌枱上你會見到「走飲管」嘅訊息,所以,等陣你會見到杯飲品喺以鋼飲管奉客。更甚嘅,佢哋更有埋鋼飲管作零售,希望客人為環保踏出第一步。同時,仲見到店家提供由植物做嘅Oatly「燕麥奶」,喺Pacific Coffee飲過一次以燕麥奶沖調嘅咖啡,味道上都OK架。講開咖啡,除一般嘅意式咖啡,佢哋仲有單品手沖咖啡供應,是日所見就有嚟自埃塞俄比亞、印尼、肯亞及哥斯達黎加共4款豆。雖然小弟都喜歡咖啡,但情有獨鍾於鮮奶咖啡,仲未有功力識欣賞手沖咖啡,因為喺一門唔易嘅學問。落好單之後,之會俾個訊號機過你,聽到響聲表示菜式已做好,不過,都仍然要你親自埋櫃枱取。牛油果羽衣甘藍沙律 $68近年多咗好多羽衣甘藍嘅蹤影,尤其做沙律,更喺近年新興。以為就咁牛油果加羽衣甘藍,原來仲加入好多食材,如:青瓜、車厘茄、火龍果、櫻桃蘿蔔,非常豐富,並淋上油醋作調味。牛油果熟得啱啱好,軟腍卻喺無暗啞瘀黑位,而羽衣甘藍爽脆到嗦嗦聲。滑蛋煙三文魚手製貝高包 $68以小木盆盛載登場,極有田園氣息,貝高包鋪滿黑白芝蔴,烘得脆口富芝麻香,但咬落口感帶煙韌,喺貝高包嘅特色;以生菜墊墊底,唔會讓啲蛋汁整腍個包底,而啲炒蛋十分滑溜,仲帶有少少蛋汁,配合埋煙三文魚嘅鹹味,令整體嘅味道啱啱好。伴碟有大量火箭菜及紅提子,已淋上柚子醋,味道不俗。牛肝菌大啡菇扁意粉 $85咪睇佢哋嘅廚房細細,做起菜嚟都有辦有眼,呢道扁意粉做得確喺有水準。因為啲扁意粉柔韌而甚咬口,每炷意粉都沾滿忌廉汁,汁底亦帶微微芝士香;意粉內混有好多牛肝菌,睇都睇得見,而且,挺有菌香,加埋一大隻多汁嘅大啡菇,都無甚挑剔位嘞。柚子焗珍寶雞脾飯 $78友人都算算哋喺「飯桶」,呢個雞脾飯就啱佢,話晒雞脾打人口骹軟,夏總成人車埋我去球場,點都要益吓佢嘅。唔喺講笑,隻雞脾果然好珍寶,而肉質都算軟腍,因為老友三兩吓手勢就輕易拆晒肉,方便大家食用,不過,味道方面就唔喺太夠柚子味,欠缺咗個性;飯嘅豉油汁底亦較淡口,未知喺咪因為店家都喺主素有關?!Latte +$15因為臨尾都會試試呢度嘅招牌甜品,加上睇店名,以至餐牌,真喺無乜理由唔試佢哋嘅咖啡囉,心水就喺我喜歡嘅拿鐵。茶杯好別緻,以小木盆及木匙配襯,甚文青;簡單嘅心形拉花,但花紋細緻,圖案亦好對稱,口感均勻,每口都同樣細膩,帶出咖啡嘅醇香。Hazelnut Mocha +$15友人就試試杯榛子味朱古力咖啡,同樣都做出紋理細緻嘅拉花,比較似喺想拉一朶花。據友人分享,話杯味朱古力咖啡真喺好唔錯,榛子嘅香味、朱古力嘅濃郁及咖啡嘅醇香,三者都平衡,唔會話單獨邊一方太搶。Pineapple Ade $48簡單嚟講,可以講喺菠蘿梳打,睇落就好似無乜特別,賣點喺以新鮮菠蘿打蓉整成,入口幾清爽嘅,唯一大問題喺支鋼飲管喺幼管,啲菠蘿蓉會塞住條管。事後同店主傾開,原來佢哋都知個問題,亦訂咗啲粗管,只喺未有貨。蘋果UFO $78事前睇人家嘅食評已見到呢個「UFO」,賣相吸引,亦頗有特色,以酥皮作為底層,先鋪上薄薄嘅蘋果片,一塊疊一塊已經令造型好有飛碟感,再晌面面放上原個蘋果,焗得金黃而帶點焦燶。酥皮底好脆口,富牛油香,而蘋果暖暖哋,焗過後令果肉收番少少水,顯得特別清甜。上文都提過吓,共同社裡面仲有家「家家士多」,就順便略略介紹吓,同樣喺家社企,主力推動良心消費及合作運動。近咖啡店一邊有組大貨架,售賣唔少本土農產品、公平貿易產品,以及跟韓國最大嘅消費者合作社iCOOP KOERA結成夥伴,引入公平、有機、優質嘅日常食用品。晌公共活動空間嗰邊有另一組大貨架,有好多本土嘅手工護膚品出售。依家較多人認識社企,及明白佢哋唔喺單純一家商店,希望有更多大眾人士支持。環境輕鬆,上菜一道接一道慢慢上,不急不緩,嘆住咖啡,食住件蘋果酥,唔經唔覺坐咗差唔多兩個鐘咁滯。雖然,服務「自決」,但店主不時跟客人交流吓食物質素,亦都好耐心咁聽,我哋都從客人角度表達一下愚見,一家餐廳懂得咁做,已經喺走出好嘅一步。特別一提,星期日嘅營業時間喺12:00pm-6:00pm,晚市只會做預訂客!
繼續閱讀