Fika

營業中

休息中

取名自瑞典語嘅”FIKA”, Sell嘅係高質西餐🤭位於坑口村嘅地鋪雖然離地鐵站有段距離，仍然有好多食客幫襯食物質素亦同時反映咗喺價錢上面☝🏻要同朋友慶祝可以試試佢！🌼 牛油果蟹肉多士 （$88）蟹肉滿瀉，沙律醬混合牛油果好Creamy餡料足之餘餅底保持酥脆🌼 黑松露牛肝菌意大利飯（$168）老闆好大方，滿碟充滿香氣四溢嘅黑松露醬同埋經炒製過嘅牛肝菌。重點係廚師將浸泡牛肝菌嘅水浸米，煮成香濃、彈牙又Creamy嘅意大利飯🌼 FIKA皇牌炸雞配青檸乳酪醬 （$78）炸雞粒即叫即炸好燙手😝記得一定要蘸青檸乳酪醬🍋‍🟩雞肉應該有預先醃過，點少少辣味，好惹味

喺Open Rice 訂左枱，到達時得我地一枱。叫左個海葡萄沙律，生牛肉他他，蟹肉牛油果多士，牛肩肉，蘋果金寶。食食下，開始多人，本身間舖細，好快差唔多坐滿。食到去主菜牛扒，職員突然間走黎話叫我地起身轉去另一張枱，因為出面黎左個walkin 5位客，佢想要我地張枱拍俾人。老實講，其實如果你走黎有禮貌問，我真係無所謂的，但你唔係問，係order咁，果下真係覺得好奇怪，最後都幫佢轉左枱。其實個客已經食到一大半，你需要個客幫你轉枱你應該先問客個意願，基本禮貌，茶餐廳都識得咁做，唔係老馮咁囉。我同我老公食野其實好快，唔係坐喺度慢慢吹果啲，成餐飯，由頭到尾食埋甜品，1個鐘就已經走人。呢度野食唔錯，正常水準，但又唔算係特別出色。兩個人埋單$900。呢個價錢 ，出面有更多更好選擇。

坑口村 Fika 小店 — 隱世高質Bistro最近去咗將軍澳坑口村一間低調小店-Fika，環境舒服有氣氛，主打西式Bistro菜式 有驚喜💞義式牛肉他他配鶉蛋多士 $138牛肉他他切得夠細，調味啱啱好，冇腥味，鶉蛋、洋蔥碎、香蔥加埋多士脆口 牛肉滑溜又香口，作為前菜好開胃Fika 卡邦尼意粉🍝$168呢個係招牌菜之一，煙肉煎到焦香，好香口 蛋黃醬濃郁但唔膩，麵條掛汁力強，食完想Encore黑松露野菌Pizza$188餅底薄脆，唔會太厚又唔會太硬，松露味突出但唔霸道，野菌菇🍄🍄‍🟫味好香口總結：呢間Fika真係幾有驚喜，食物有心機，擺盤又靚，啱晒想靜靜地Chill住食好嘢嘅人會bookmarked 再去(⁎⁍̴̛ᴗ⁍̴̛⁎)

隱世浪漫情調小白屋，滿滿文青風！藝術感，北歐風西餐廳裝修白牆木系，治癒系，藏身坑口村屋群的純白小店，取自瑞典語咖啡小憩之意。座位配餐具，闖進北歐地方～輕鬆快樂XO醬香蒜大蝦干扁意粉自家製XO醬辣度溫和，蝦干咸香，滿滿鮮味。彈牙意粉粗身，掛著醬汁，咬到脆口蝦殼碎驚喜！大蝦爽彈，棒，蒜片炸到金黃 黑松露野菌薄餅餅底薄脆滿滿麥香，豹紋斑焦脆，滿滿香濃味道，薄餅要趁熱食！松露醬，黑松露片雙重攻擊，蘑菇片，滿滿拉絲芝士，口感層次爆發

將軍澳坑口村一間非常有特色嘅西餐廳✨🦥以意大利餐為主題嘅小型餐廳，深受附近居民的歡迎！滿有特色！人氣菜式一定要食呢個！牛油果蟹肉多士 $88滿滿嘅牛油果和蟹肉融為一體，配搭多士進食，非常惹味！香濃黑松露野菌薄餅 $188人氣No.1嘅Pizza，喜歡冇得一定必叫！非常香濃嘅黑松露味道加上豐富嘅雜菌，pizza的口感亦都非常之軟熟👍🏻自家製豬頰肉卡邦尼意粉 $168餐廳自家製作的卡邦尼意粉，是特色意粉之一，非常軟腍的豬頰肉，加上卡邦尼的醬汁，！

餐廳：Fika地址： 將軍澳坑口坑口村24號地舖呢度個廚師好掂，所以久不久就會嚟幫襯，水準一樣keep得好好👍～香橙八爪魚冰菜海葡萄沙律賣相靚到唔捨得食呀！八爪魚好彈牙，新鮮得嚟唔腥；冰菜同海葡萄爽口又有層次，食落勁清新；加埋香橙酸酸甜甜，超開胃；沙律醬份量又啱啱好，健康又好味，食完都想encore！🥗😋～risotto alla amatriciana飯粒煙韌，茄汁味帶少少辣，味道層次豐富，又好開胃，我不喜歡吃西餐的朋友都大讚美味🤣～Fika皇牌炸雞真係脆卜卜，肉質又嫩滑，唔會太油膩，食完都唔覺滯。🍗😋🍽️今晚食得唔多，但款款好味，食得好滿足😋🍽️

這家餐廳的「白汁青口」令人驚艷，濃郁的白汁帶着奶香與蒜香，完美包裹着鮮嫩多汁的青口，每一口都充滿海洋的鮮甜。「蟹肉多士」用料十足，厚厚的新鮮蟹肉鋪滿烤得酥脆的多士，搭配少許檸檬汁提鮮，口感豐富而不膩。最驚喜的是「卡邦尼意粉」，正宗的蛋黃醬汁濃稠香滑，煙肉焦脆，麵條煮得恰到好處，濃郁的芝士與黑胡椒香氣讓人一口接一口。整體而言，每道菜都展現出廚師的用心，色香味俱全，真心好食，而且環境很有氣氛，值得推薦！

放工後與友人吃飯，幸好早到店舖，因為小店位置不多，不一會便全場爆滿，相當受歡迎，看到場上Fika的解釋，會心一笑新鮮紐西蘭活青口白酒汁煮忌廉汁 $268店員介紹活青口剛到店，因為新鮮從紐西蘭空運到港，決定試試，青口肉嫩滑鮮甜，配香濃順滑的忌廉汁，另有外脆內軟法包沾汁，非常出色FIKA炭燒西班牙黑毛豬梅頭烤日本甜薯 $298上切已經切好，炭烤香氣撲鼻，梅頭肉口感紮實不失軟嫩，豚肉多汁，味道香濃，芝士烤大啡菇同樣出色，伴碟的日本甜薯很香甜FIKA焦糖蘋果金寶配意大利雪糕 $88熱辣辣新鮮焗起，上面配冰涼的雲呢拿雪糕，雪糕看到粒粒雲呢拿籽，香滑濃郁，下面的蘋果粒肉桂味很香食材新鮮，味道出色，會再來

🐷📌 #豬西食將軍澳 #豬西食新界Fika係將軍澳坑口村一間「小清新Cafe」，環境好舒服，啱晒朋友聚會或者打卡Chill一Chill。餐牌選擇多，西式主菜同甜品都好有驚喜，性價比高，雖然個地理位置唔似得其他位於商場入面嘅舖頭咁方便，但係都超級受歡迎㗎，係區內人氣之選。🐷香煎法式鵝肝多士鵝肝煎得外脆內滑，油香四溢，鵝肝同埋多士中間仲搭配咗一塊青蘋果，減低油膩感，配埋香脆多士一齊食，口感層次豐富，入口即溶，啖啖都好滿足。🐷炭燒黑毛豬梅頭配日本烤甜薯黑毛豬梅頭炭燒得啱啱好，肉質嫩滑帶少少焦香，油脂分布平均，唔會太膩，配埋烤日本甜薯，甜甜地又健康。🐷烤日本甜薯（太好食啦 雖然只係配菜，但係我都要專登分開講😂😂）日本甜薯外皮微脆，內裏軟糯香甜，燒過之後更加突出天然甜味，做配菜一流。🐷XO醬香蒜大蝦蝦干扁意粉意粉炒得好有咬口，XO醬同香蒜味好突出，XO醬裏面仲要用真材實料，有好多小配料，例如蝦乾同埋蘑菇，大蝦新鮮彈牙，蝦干加咗層次感，成碟超惹味。🐷蘋果金寶配精選雪糕蘋果金寶熱辣辣，蘋果肉甜酸適中，配埋香脆金寶同雪糕一齊食，冰火交融，甜品控必試。Fika📍將軍澳坑口坑口村24號地舖#吃貨日常 #香

🍽️午市套餐：是日餐湯/沙律 + 主菜 + 飲品一直想試這間區內的西餐廳，今天終於一試！星期日也有午市套餐，13:15去到已經全店滿座。幸好有在OpenRice預約✌🏻🥗是日餐湯/沙律是日餐湯是蘑菇湯，味道香濃，如果多點鹽調味就更好了。沙律汁有新鮮爽口的沙律菜和車厘茄配上羅勒油醋醬，味道清新🤗✨黑松露野菌珍珠帶子忌廉扁意粉 $118這一餐的MVP ！菇菌、蘆筍和珍珠帶子的份量十分充足，每條扁意粉都掛滿了濃郁的黑松露忌廉醬😋✨All day breakfast $128牛油炒野菌、意式香草豬肉腸、田園沙律、香滑炒蛋、煙肉、煙三文魚、薯餅和酸種麵包多士，賣相好看，味道上也沒有什麼好挑剔👍🏻✨帕馬臣芝士烤雞扒配香滑薯蓉 $128雞扒的鹹香源自它上面的芝士和Ham，但我們略嫌雞扒不夠嫩滑和多汁。香滑薯蓉和其他配菜例如椰菜花、西蘭花和粟米仔的味道確是不錯的👌🏻🥑牛油果蟹肉多士 跟餐+$22/件知道這多士是餐廳的名物，當然要一試！澎湃的蟹肉和牛油果蓉完美地融合，放在香脆的多士上，令人滿足😍☕️Cappuccino 跟餐+$18跟餐本來奉送汽水、檸檬茶、咖啡或茶；特色咖啡加$18 ，其他酒類例如少爺啤系

呢間我已經係第三次來，因為真係好高質，食完一次不停同人講有幾驚艷，係咁話，明明我唔食pizza，但佢嘅pizza broke my record。我唔知幾時我會試得曬佢成個menu呢？🫠🫠/是日餐湯$38/當餐湯配嘅餐包我都可以讚不絕口，證明呢$38真係抵到無朋友🫨個包係仲有少少濕潤，唔會over-chewy，點落個湯度，無記錯，3啖之後塊包已經消失左（講緊我平時真係唔鍾意食麵包🍞）個湯好creamy之餘，係飲得出個層次感，blend得好好👍👍👍/香橙八爪魚冰菜海葡萄沙律$148/呢個真係我咁多年食過最好食嘅沙律Top 3之一🏆八爪魚係煮得剛剛好，口感簡直完美😍口感居然唔係爽口而係煙韌，少許嘅彈性+海蜇嘅淋度🐙🐙個沙律醬係真心開胃，撈得曬成個沙律之餘唔會覺得好heavy，配橙又係個好聰明嘅deicision。最後嘅highlight係冰菜同海葡萄，個口感係好爽口，但同個醬又真係超夾。🥬🥗/Fika四重芝士薄餅$198/雖然嘗試減緊肥，而四重芝士聽到都知有幾邪惡，但真係好難忍得住口🍕again，食得出個薄餅應該焗左兩次，因為餅底唔會dry過我d皮，薄得來仲有個煙韌口感係度，而面頭嘅四重芝

今次我哋去咗將軍澳嘅Fika，真係好開心！呢間餐廳有種西式嘅風格，環境好舒服，坐落喺坑口村內，感覺好親切。我哋點咗幾樣嘢，首先係香煎法式鵝肝多士。鵝肝煎得啱啱好，外脆內滑，配上香甜嘅多士，真係一流！再嚟就係新鮮紐西蘭活青口，用白酒汁煮嘅忌廉汁，味道濃郁，青口好鮮嫩，搭配忌廉汁飲落去，好過癮！最後，FIKA自家製嘅豬頰肉卡邦尼意粉，意粉煮得啱啱好，豬頰肉軟嫩入味，整體味道好濃郁，食完真係好滿足。總括來講，Fika真係好值得一試，食物好好味，下次一定會再嚟！

一行五人吃了一个二人套餐+ 鹅肝法国多士+炭烧黑毛猪梅头+三文鱼薄饼和心太软雪糕。食物质素不错。Fiona 帮手落单, 提醒我不要落太多因为2人餐已有餐湯，牛油果蟹肉果薄饼，巴马火腿啤梨沙律，炭烧意大利牛肩内容眼，珍珠带子，香草酱意大利饭和两个甜品。非常细心。牛肩肉有肉味，火腿啤梨沙律有惊喜。一间不错的选择。

坑口村發現咗一間好味嘅小店，離地鐵站行大約10分鐘，裝飾充滿北歐homey風格，主打意大利菜式，嘢食份量幾足，價錢又唔貴，超多街坊幫襯，老中青都有，真係係一個低調又美味嘅餐廳，超級推介▪️香橙八爪魚冰菜海葡萄沙律呢個沙律真係台台都嗌咁滯！冰菜同海葡萄出邊勁少見，仲有即叫即燒octopus，而且成本高，餐廳真係好抌本。超想講嘅係，個汁好好味，柚子同橙味超級refreshing，真係食唔停口，下次嚟我一定會再encore▪️牛油果蟹肉多士蟹肉份量超多，成座山咁，配上牛油果同埋魚子topping，口感層次分明，每一啖都好滿足，絕對係一種奢華嘅享受 ▪️FIKA 炭燒西班牙黑毛豬梅頭烤日本甜薯嗌咗呢個主菜share，由店員極力推介，黑毛豬肉質超鮮嫩，一口咬落去就係juicy嘅肉汁，而且啲豬肉經過炭燒後，帶出一種獨特嘅焦香味，仲有一啲微微炭燒嘅香氣，味道超香口！日本甜薯同埋大蔥都好鮮甜，作為配菜或點綴都一流▪️招牌焦糖蘋果金寶配意大利雪糕呢個甜品果然係招牌，好有layers，有焦糖爽脆蘋果做base，中間有牛油香氣滿溢嘅香脆crumbles，再配上超Creamy超重奶味嘅gelato，真係好好好滿足

呢間店收埋喺坑口村，位置有啲遠，但weekends都坐滿人香煎法式鵝肝多士 $148鵝肝煎得好香，入口即化，下面係香脆法包。最特別係配咗新鮮青蘋果片，食落清新唔膩生牛肉他他配鵪鶉蛋多士 $128食牛肉他他/韓國生牛肉，一直以為生牛肉冇乜味，只要唔羶就算贏，但呢個係食得出牛肉香，配咗黃芥末醬同甜椒，味道簡單但好夾XO醬蒜香大蝦扁意粉 $178 XO醬好重料，有大粒瑤柱同蝦乾。意粉炒得乾身入味，好意外個XO醬真係好有料，真心講，贏機場魚蛋粉配嘅XO醬好多條街付款單據：