17
5
4
港鐵銅鑼灣站 E 出口, 步行約2分鐘
繼續閱讀
開飯介紹
Felicita 1929 第二分店，繼續採用意大利食品作主打，意粉加入美式元素，廚師親自調教的醬汁，加入酥炸食品系列，例如脆皮炸豬手，酥炸脆雞等等，更有多款自製Homemade甜品，務求跟客人一起分享食物帶來的歡樂，特設仿露台的雅座，讓客人一邊享受食物，一邊觀看銅鑼灣鬧市街景，晚飯後仲可以留下來飲番杯，更有Dartslive 飛鏢機供客人玩樂，並有Now足球直播，有得食又有得玩，服務時間至凌晨兩點，歡迎生日或私人派對
繼續閱讀
營業時間
星期一至日
12:00 - 02:00
以上資料只供參考, 請與餐廳確認詳情
招牌菜
同朋友仔一齊食飯 第1次黎Felicita 1929, 餐廳燈光暗暗的, 冷氣好凍XD! 環境都幾舒服! 先上個湯同SALAD係sweet corn soup, 裡面有超多sweet cron! 好味道 黑松露意大利飯, 飯粒好硬, 好似唔熟咁, 我唔太鍾意食海鮮意大利粉, 正正常常咁^^d青口冇乜味三文魚扒, 唔錯, 係細仔左少少, 味道ok!雖然叫7成, 但最後黎左5成, d肉都幾紅下, 但錯有錯著, 又幾好味bor, 有肉汁, 唔鞋, 而且肉質好林! 好味! pizza 都唔錯, 又有係d黑松露同姑姑係面雖然食得咁飯, 還是要叫個甜品, 咁先滿足, 朱古力心太軟with雪糕^^心太軟做得唔錯, 夠熱, 又流心, 只係食得太飽, 覺得有d膩
繼續閱讀
朋友仔生日, 想食意大利菜,我一諗訧諗到 Felicita 1929,上年同同事去過灣仔分店, 感覺唔錯, 食物水準都OK, 今年見團購做緊優惠， 扺喎今次一行六人, 買左團購四人餐$568, 另外要叫多兩款食物,而朋友仔生日, 當然要生日蛋糕LA,但切餅費要加$100, 計算過後, 決定跟餐甜品每個+28轉心太軟..再加多兩款甜品,咁每人又有甜品食, 又可以試多D款, 仲可以當蛋糕, 哈哈 跟餐湯及沙津個湯好特別, 佢裏面有好多好多粟米衣渣, 粟米味都濃, 但好多好多渣, 感覺好壞參半, 有D人 就覺得增加口感, 有D人覺得湯尾, 所以多渣沙津..上面係雞沙津, 下面係煙鴨胸沙津唔錯, 沙津口感爽口, 鴨胸唔UN跟餐~~香煎三文魚配蕃茄忌廉汁三文魚煎得好香, 蕃茄打成蓉, 味道都唔錯, 跟餐~~香煎紐西蘭西冷牛扒配燒汁叫左7成熟, 上到枱食的時候,我地六個都認為5成熟都冇,應該3成但佢又幾好味, 雖然3成熟, 但佢易咬,冇根位, 每人食完都想ENCORE多份拿拿拿,...佢個燒汁唔太襯塊牛跟餐~~雜野菌意大利飯我個人認為佢地未煮熟, D 飯中心硬, 佢係有野菌菇香味, 但D 飯真係未熟,但我想投訴既時候,有兩位朋友仔都話佢個硬度OK, 適中, +幾好味 咁我就冇投訴LA跟餐~~龍蝦汁青口意粉個汁同個意粉好夾, 但青口就唔太好味..跟餐~~白酒E隻酒,...唔要好過LA跟餐~~朱古力心太軟 另加$28原本跟餐甜品係自制意大利雪糕,朋友仔生日, +$轉左心太軟好好好特別, 第一張圖既心太軟,係上枱就已經咁既樣,我地六個都呆左, 點解咁都放上枱, 但我地心諗, 佢只係外表變左,但味道都一樣, 咁就算, 免得浪費食物相信我地要求換, 佢地攞返入去, 都係會扔左佢,味道,,好香濃朱古力味,加埋雪糕一齊食, 雪糕減輕左朱古力既味道, 感覺味美 另叫墨西哥粟米片$78 好味, 但要小心, 上面綠色, 我以為係酸瓜, 原來係辣椒粟米片好味, 加埋牛油果, 仲有小小酸甜既蕃茄醬黑松露野菌薄餅9" $118 E 個都係好食之選, 忘記左影相,E 度既薄餅好好味, 皮薄, 脆身, 芝士, 饀料充足, 黑松露夠香,真係好好味朱古力布朗尼蛋糕$38幾好味, 唔太濃, 硬度適中, 唔錯 特色蘋果脆$48味道來講, 灣仔店味道好味D,香濃D,但E度都可接受LA, 唔太甜, 都好香蘋果味以上都要收加一服務費 各方面來講, 灣仔店係比較好, 無論食物,味道 及環境
繼續閱讀
the ambiance is nice,but the food not so much.we went there to celebrate our anniversary and this resto has some good reviews.i ordered the customer's good review like the ribs ,but we dont like it.,the fries is ok.it was not marinated beautifuly.you can taste the rawness of the food.then pizza,same,i won't give a good review for it.the pizza is soggy.and dont taste good either.and the seafood pasta dont taste good.i dont like it either.the molten lava cake is the only one which is good.
繼續閱讀
見呢間餐廳有出團購，評價又唔錯就黎試下啦呢度地段都幾就腳，喺地鐵站行過黎好快就到由於我地訂左位，上到去就即刻有位呢度環境都有啲格調，每張枱都有蠋光，好快我地就點左菜每人有一杯餐前白酒，味道偏苦同無咩甜味，都ok啦羅宋湯都幾足料，但牛腩有啲老同無咩味; 凱撒沙律有棵菜頭感覺用料唔夠細緻三文魚扒份量都幾足，但係無咩三文魚香味，普普通通啦西冷牛扒叫左5成熟，黎到都係啱啱好不過塊扒醃得太勁食唔到牛味，有少少失望甜品係自家制雪糕，食落似cream多啲雀巢雪糕都好過佢最後飲左杯檸茶夠晒飽餐廳嘅侍應人數雖然唔係好夠，但係態度都幾有熱誠另外餐枱有啲窄，食主菜都有啲唔就手整體黎計普通過普通
繼續閱讀
好姊妹同我慶祝生日，揀左哩間樓上西餐廳。氣氛唔錯，夜市無乜人，但咁岩同場有3枱都生日，餐廳會播生日歌，由侍應捧出蛋糕！每個主菜加錢可以送湯，栗米湯無特別，普通罐頭湯味！焗薯皮偏淡口，芝士唔夠，但尚算香口。nachos出色，焗得香脆，配以酸酸地既醬汁同芝士，好好味青口無食，但朋友聲稱好食！黑松露野菌意粉味道香濃，醬汁夠，野菌中和肥膩感，但份量太少。燒豬肋骨醬汁酸甜度唔夠，但肉質唔夠軟滑，會痴骨。德國豬手好有驚喜，百幾蚊質素高，絕無欺場，外脆內軟，骨膠元十足，配以蜜糖汁好襯呢！水果茶好味，茶同水果既甜味恰道好處！好順口！好解渴！最後，輕輕鬆鬆坐左一晚，環境好，唔會趕人，切餅費每人10蚊，十分合理！
繼續閱讀