更多
2025-08-16
0 瀏覽
今年生日去咗西貢呢間西餐廳食飯,真係好正!餐廳喺地面,有室外同室內位,室外位好似個小花園咁,周圍都係植物,仲有啲小燈泡掛住,夜晚睇好有氣氛,好啱浪漫!室內就優雅舒服,坐得好relax!我哋叫咗個Lobster Bisque,龍蝦湯好濃郁,仲有啲龍蝦肉碎,真係足料!跟住叫咗Chicken Quesadilla,墨西哥薄餅夾住雞肉同芝士,熱辣辣,芝士拉絲,好邪惡但好好味! 主菜方面,我哋叫咗Linguine Alla Vongole蜆肉意粉,啲蜆肉好新鮮,意粉煮得啱啱好,蒜香同白酒味好夾,食到停唔到口!另外仲食咗Grass Fed T Bone,星期二有優惠!)牛扒叫咗medium,切開粉紅色,肉質好嫩,牛味好濃,配埋pepper cream汁,真係一流! 好鍾意一齊焗嘅蒜蓉同埋洋蔥!甜品飲品就叫咗Strawberry & Mint同Mixed Berry Smoothie,草莓薄荷沙冰好清新,啱晒食完牛扒解膩,雜莓smoothie就酸甜開胃,兩杯都好好飲! 最後埋單有星期二折扣~開心!食物質素同環境真係值回票價!樓上仲有間超市,全部賣外國品牌嘅嘢,行完街可以順便買埋啲進口貨,好方便!
我哋叫咗個Lobster Bisque,龍蝦湯好濃郁,仲有啲龍蝦肉碎,真係足料!跟住叫咗Chicken Quesadilla,墨西哥薄餅夾住雞肉同芝士,熱辣辣,芝士拉絲,好邪惡但好好味!
主菜方面,我哋叫咗Linguine Alla Vongole蜆肉意粉,啲蜆肉好新鮮,意粉煮得啱啱好,蒜香同白酒味好夾,食到停唔到口!
甜品飲品就叫咗Strawberry & Mint同Mixed Berry Smoothie,草莓薄荷沙冰好清新,啱晒食完牛扒解膩,雜莓smoothie就酸甜開胃,兩杯都好好飲!
最後埋單有星期二折扣~開心!食物質素同環境真係值回票價!樓上仲有間超市,全部賣外國品牌嘅嘢,行完街可以順便買埋啲進口貨,好方便!
張貼