170
65
19
港鐵太古站 D1 出口 繼續閱讀
電話號碼
39683777
開飯介紹
Feast是一間繁華的大型咖啡店,以簡約的哲學理念為本,供應自助意大利前菜、頭盤小食。 繼續閱讀
營業時間
今日營業
12:00 - 14:30
18:00 - 22:30
星期一至四
12:00 - 14:30
18:00 - 22:30
星期五至六
12:00 - 14:30
17:45 - 20:15
20:30 - 23:00
星期日
12:00 - 14:30
18:00 - 22:30
公眾假期前夕
12:00 - 14:30
18:00 - 20:15
20:30 - 23:00
付款方式
Visa Master 現金 AE 銀聯
座位數目
150
其他資料
網上訂座
餐廳運作模式 - B類
餐廳運作模式 - C類
酒精飲品
自帶酒水 詳細介紹
切餅費
VIP房
支持減塑 詳細介紹
泊車 詳細介紹
電話訂座
賞訂座積分
外賣服務
加一服務費
有關獎賞計劃
招牌菜
小龍蝦咯咯配西瓜果串及蝦多士 天多利智利海鱸魚 吉列桂花魚柳 芝士龍蝦焗通心粉配蕃茄沙律 澳洲穀飼肉眼扒配威士忌黑椒汁、青蔥香草沙律及薯條
食評 (303)
近日疫情稍為放緩,又多了食肆行「C,D區」,市道感覺上改善了,好多餐廳都full booking,尤其是日式食肆更誇張,動輒要等半年,上次就同朋友私局,見返好多好耐無見既飯腳,傾到天南地北都意猶未盡,一於再約過。今次同朋友來個午間小敍,畢竟疫情期間,一年都見不過兩次。其實East Hotel真係好就腳方便,由太古站一出,十幾步就到酒店門口,而且近日裝修後重開,座位多了,空間感強烈,裝潢帶時代氣息,廚房改動成開放式,人手足,就算是午飯時間爆滿,出餐依然游刃有餘。而太古城始終是龍頭住宅,附近又多寫字樓,所以客人大多數是白領,Feast午餐提供Semi-buffet,成人$388/位,由12點至1430。先講下主菜,共有四款,當中已包含印度咖喱雞、炸吉列海鮮、牛同鴨,不過就會經常改動,而入座時已放低專屬「QR Code」,落單無須搵侍應,減少漏單的風險。主菜各自點了牛肉及鴨肉。「烤醃紅酒西冷牛扒」當然是即叫即製,可能要遷就上班一族,上菜速度快,賣相絕不含糊,置底是薯蓉,伴以油封新薯、焦糖乾蔥以及澆上紅酒汁,西冷烤至五成熟,雖然沒有血絲,但肉質嫣紅,有嚼口,蘸點紅酒汁更惹味,有水準。而朋友的「煙燻鴨腿肉釀蜆殼粉」伴以烤蕃茄汁,蜆殼粉用上碩大體形,放上充滿煙燻的鴨腿肉,足足有三件,食落都好飽肚,若果嫌太膩,大可蘸點蕃茄汁平衡一下。另外兩款是炸海鮮吉列及印度咖喱雞。食完主菜,當然要睇下任食菜色。先係海鮮類,簡單有熟蝦、藍貝及翡翠螺 ,講真翡翠螺真係好大隻,藍貝肉質好嫩,食得過,但可能午間多白領儷人,最受歡迎反而係沙律。值得一提係沙律櫃非常衛生及現代化。好多餐廳都會用膠蓋把食物蓋住,但好多時食客拎起放埋一邊便置之不理,但Feast增設了自動裝置,有人靠近時便會自動打開沙律櫃,人一走開,幾秒後便自動關上,以免食物長時間暴露於空氣中。整個沙律櫃有田園沙律、凱撒沙律、烤紅菜頭甘滑沙律、吞拿魚尼哥斯、泰式八爪魚沙律、越式雞絲沙律、酸辣鳳爪、鹵水牛展、泰式生蝦、蒜蓉拍青瓜、醃蓮藕、五香黑木耳、涼拌茄子及冷烏冬 ,亦有煙燻巴馬火腿、風乾牛肉、意大利火腿以及煙三文魚,以午餐而言是相當豐富,而且每款都是小碟上,就更覺衛生。個人推薦清爽的泰式生蝦、健康爽口的五香黑木耳及開胃菜酸辣鳳爪。日式前菜及刺身中華沙律、螢光魷魚北寄貝及鯛魚刺身。至於壽司有蝦壽司、腐皮壽司、玉子壽司、三文魚壽司及卷物。雪糕午飯可以Free Flow Homemade Gelato,係咪好幸福呢?仲要有薄荷朱古力、海鹽焦糖同三葉草蜂蜜乳酪三款口味。至於甜品,就有綠茶慕絲、焦糖慕斯、焦糖燉蛋、白桃啫喱、檸檬蛋白撻、芒果布甸、朱古力撻、藍莓芝士蛋糕以及Tiramisu。個人一定首選 Tiramisu,做得好濕潤及鬆軟;白桃Jelly就好香甜,再加焦糖燉蛋,真係好滿足。仲有馬卡龍、曲奇、香橙朱古力蛋糕、水果及石板街朱古力條。飲品先講講飲品櫃,有黑糖薑茶、菊花綠茶、冬瓜茶、解茶、皇室奶茶 、巨峰玉露、檸檬茶、可樂、可樂plus、玉泉忌廉及雪碧,種類都好多完化。當然係少不了的自助咖啡機及茶包,總之想點飲都得。 繼續閱讀
(以上食評乃用戶個人意見 , 並不代表OpenRice之觀點。)
東隅酒店 自助餐長期 Full Booking 主因當然是高質 但我觀察 這裡出品 精緻巧手 味道出色 而且都是 一口吃 可試多款式 也不太飽 正符合自助餐 一價多吃 的概念 🍣🍣其實疫情前 Food by EAST (FEAST) 嘅自助餐 並沒有那麼火的 疫症爆發後 餐廳停業了 重開後 作了些改動 冷盤小食 各款沙律 凍肉 罐裝飲品 放在自動門 的凍櫃中 只要行近凍櫃 玻璃門會自動打開 非常衛生的設備 貼心 凍海鮮 壽司 甜品 亦分隔好 🦐🦐 🦪🦪而主菜 改用手機 即點即做 食材優質 出品精緻 高水準 現場製作 份量很少 不時更新菜式 連同小食 共有十多款 份量不大 亦可無限次加單 可讓客人多選擇 喜歡的品嚐 改變做法後 讓這裡慢慢火起來 開始時 OpenRice 也可訂座 之後也取消了 😍😍甜品選擇亦不少 自家製雪糕也有 手工曲奇餅 脆餅 馬卡龍 一般酒店出品 都很硬 用作裝飾 作用還大 但這裡 出乎意料 鬆脆 好吃 🍪🍪 繼續閱讀
(以上食評乃用戶個人意見 , 並不代表OpenRice之觀點。)
#大食小公主太古區出動👸🤪 East Hong Kong Feast Buffet我又去食自助餐啦😊😊Feast Buffet有全新主菜比上次更加吸引😜😜😜🔥👏價錢: 星期一至五 大人$565。小童$283 星期六至日 大人$615。小童$303另外收加一供應時間18:00-22:00食物質素keep到同上次一樣咁好頭盤煙三文魚 各類嘅火腿都做得好出色👍沙律🥗係自助餐水準嚟㗎好高質 沙律菜好新鮮 沙律醬超級濃味而且仲有頭盤都係有海螺,長腳蟹而且肉質好鮮甜同埋大大嚿肉😻今次都有生蠔回本食物‼️‼️刺身三文魚非常厚切同新鮮👍壽司方面推介海膽壽司🍣主菜就用apps點餐 包括:烤美國肉眼扒 鹽燒牛舌 烤紐西蘭羊扒 串燒大䓤雞肉串 烤豬腩肉 煙肉帶子卷 西京燒銀雪魚 松露薯條🍟上菜速度都好快👍不過甜品質素ok推介Tiramisu 朱古力撻總結時間🥰整體來講晚餐自助餐質素都keep得好好 😜😜特別係主菜質素真係好好🙏🏻 因為所有主菜即叫即整所以熱辣辣👍 繼續閱讀
(以上食評乃用戶個人意見 , 並不代表OpenRice之觀點。)
Feast 聖誕節聚餐多,咁就梗係有餐係自助餐,上次食咗自助山,但質素強差人意😔,失望到連po都冇心情出,但今次呢間東隅係高水平嘅自助餐😋。 東隅位於太古城中心附近,入口係幾隱蔽嘅,由商場一入到去就已經係cafe嘅area。東隅N年之前我都去過兩次,裝修咗之後網上大讚佢嘅食物質素,又令我想去試試🤩。 當日係29/12,聖誕假嘅後兩日,去食午市半自助餐,每人$408🤑(可能因聖誕假關係 所以會貴D),人流唔算多,拎野食唔洗等,枱與枱之間嘅空間大,張枱又大,裝修雅緻,高樓底,成個用餐體驗都好好👍。 員工嘅服務態度有禮親切,穿著整整齊齊,食物Refill/上菜速度快(應該係話冇refill過),冇拖枱錢。餐廳以一字形式擺放食物,分類明確(除咗芝士),但名牌有D有有D冇,又亂咁放,呢點就要減分🧐。 評分:👍出眾👍👍very good(encore)👎no need to eatNo👎or👍可以拎/點,唔會伏(P.s.食物質素與你未來/之前嘅體驗可有不同,視乎當日出品) 冷盤 冷盤嘅選擇可以話係少,一眼睇哂,沙律有得自己撈,撈好嘅沙律有四款,都唔太hea整,有幾款cold cut同碟仔食物,壽司難得睇落靚仔,有想拎嘅意欲,但刺身得兩款😑,仲有切好咗,凍海鲜只有三款,餐廳好似想放棄呢part咁🥴。 蝦:望落唔太吸引,好白又細隻,但好彩仲係鮮甜彈牙,蝦膏帶少少creamy😬。青口:望落同樣唔太吸引,又好白,冇乜味,但未到disaster。螺:入面有屎,質感黏中帶彈,但完全冇味。 煙三文魚:用紅菜頭醃過,食落偏甜,蓋過咸香,鮮嫰香滑,又有少少醋薑味,可encore👍👍。Parma ham:望落有D啡,唔太新鲜,但唔係太瘦,有油香咸香👍。滷水牛:片得好薄,唔韌,冇乜滷水味,筋位爽彈,食得過酸薑皮蛋:皮蛋雖然唔係咁creamy,但下面嘅醋醃薑蒜幼細,蒜好香,好惹味👍芝士:放咗喺廚房區,上面係gouda,香滑奶香重,左面嘅偏向乾身,但唔係太咸太濃嗰隻,下面係mozzarella條,有嚼頭,較smooth,質素唔錯👍 立魚刺身(冇寫名牌):切得厚,彈牙有咬口,但乜味都冇👎北寄貝:爽彈新鮮,唔係紙咁薄嗰隻三文魚壽司:三文魚偏厚,鮮嫩普通,醋飯唔會太凍太硬,以自助餐黎講算係幾好😆主菜 因為主食即叫即製,冇任何保温而整到D野淋哂/過熟/唔夠熱/水蒸氣搞到好水汪汪等嘅問題,但選擇只得四款,份量又細,只可食一round,但就確保到食物質素高,擺盤靚靚仔仔🤩🤩。 豬面頰:擺盤用心,豬面頰只得三舊,唔抵,肉質未夠軟腍,偏向結實,肉味濃,有酥香,肥瘦均勻,有侍改進。烤肉汁(啡色)偏甜,加咗蜜糖,温和,甘筍鲜甜爽口,黑蒜軟熟甜美,綠色嘅蓉有強烈嘅獨特風味(好似蒜),帶點微辛,smooth,好似係墨西哥辣椒🌶。 雞胸:雞皮中心呈金黃色,微脆,難得會食雞皮,裏面肉質異常地極之嫩滑軟腍🤯,唔洗點咬(朋友覺得嫩到有D奇怪 我覺得正常),但雞味唔明顯。薯蓉質感細膩,蒜香重,可有多些奶香,洋蔥仔甜蜜唔腥👍。 泰式黃咖喱:賣相好靚,將平平無其嘅咖喱變得有食慾,聞落有椰香,温和惹味,香滑,偏甜,椰奶味重,脂香感高,可多些香料味(香茅九層塔)入面嘅魚肉極級新鮮,水嫩,入味,配有好夾嘅栗木荀扁豆唔夾嘅番茄,羅勒葉👍 甜品:大多用咗獨立碗碟仔盛著,買相非常之精緻,有酒店級水平,並非酒樓級水平😅,大部份都係一口size,可以試到好多款式,雪糕三款都係自家製,但我就冇試到 焦糖燉蛋:可介定酒店甜品大致上既水平係點係,考牌菜,呢個的確係高質,有原粒雲呢拿籽👍Tiramisu cake:用咗個鐵杯裝著,只得一層Marscopone cheese,可可粉同lady finder/cake,Marscopone輕盈香滑,下面lady finger浸得好耐,有cold brew/咖啡酒Kahula 香味,但個人認為浸得太耐,碗底好多水。👍檸檬蛋白撻:外層用火鎗燒過,食落沙沙地,偏甜,同下面酸甜光滑嘅檸檬吉士醬配搭得幾好👍。綠茶mousse:mousse最底埋藏咗個抹茶蛋糕,mousse好rich,唔甜,茶葉味濃中帶苦,抹茶控黎到呢度一定食爆👍👍。Macaroon:唯一失手之作,蛋白外層過脆,小硬,焗得太耐,碎哂👎 總結:坐得舒服,環境雅緻,服務良好,但選擇好少,鐘意食海鮮壽司任食熱嘅人未能滿足,食物質素中間水平,冇任何放唔入口嘅野,見到餐廳有用心去擺盤同整甜品,連茶選用嘅牌子都好正(仲有自家製薑茶)😲,可推介呢間,食過呢間嘅人歡迎留言討論吓你嘅用餐體驗👇。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-12-31
0 瀏覽
太古城東偶酒店自助餐,與別不同的是除了可自取自助餐枱上的食物外,更有十多款的食物可以即點即整。即叫即整的食物細細份,可以試多幾款,擺盤亦都幾靚。整體食物質素水準以上,值得一試。 繼續閱讀
(以上食評乃用戶個人意見 , 並不代表OpenRice之觀點。)