191
71
25
| 餐廳: | FEAST (Food By EAST) |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
港鐵太古站 D1 出口; 請經由太古城中心2樓的行人天橋到達FEAST
繼續閱讀
電話號碼
39683777
開飯介紹
FEAST (Food by EAST) 是一間充滿活力的全天候餐廳，提供新鮮精製的國際美食；美食包括多款沙律與前菜、壽司、海鮮及甜品，客人更可享受一系列西式及富亞洲風味的主菜；嶄新的多元化餐飲體驗必能滿足各種私人及企業聚會的需要。
繼續閱讀
營業時間
今日營業
07:00 - 10:30
12:00 - 14:30
18:00 - 22:30
星期一至日
07:00 - 10:30
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
優惠
| 餐廳: | FEAST (Food By EAST) |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
招牌菜
食家推介
相關文章
晚市自助餐 折後HKD585/ 人 （8:15pm入座75折）以前食buffet會專食啲刺身、 海鮮想回本， 但人大左， 因為食唔到咁多， 所以著重食物質素，亦都想冷盤熱葷每樣都試少少。今次介紹呢間Buffet 除左有自助區， 仲係以apps 任點既熱食為賣點 🥳 有十幾款主食、配菜，雖然都係任點，但會比平時自助餐任攞個啲精緻啲。今次係小女第2 次黎食，唔知係咪比較晏入座， 啲熱葷黎到唔算熱辣辣，推介既有：🥩 烤美國肉眼扒👍🏻 燒得幾靚仔 🐟 西京燒比目魚柳 👍🏻 魚好厚身🐚龍蝦汁煎帶子 👍🏻 剛剛熟🍷 紅酒燴牛面頰👍🏻👍🏻 最出色， 好淋一切就切得開 ‼️🍍 味噌豬腩串配烤菠蘿👍🏻 有芥末醬減低肥膩感不過🥒帶子露筍炒飯： 冇乜味🍟松露薯條： 上次黎食記得好脆又熱辣辣，今次就涼左 佢係用松露鹽冇松露醬， 唔夠香🦀炸軟殼蟹： 居酒屋會好食啲 唔夠脆冷盤方面都好多選擇 ，有蠔🦪有蟹腳， 刺身原味，同埋調咗未嘅都有。 但啲蠔就唔當做，好瘦削； 蟹腳都有啲咸。 幾讚既係三文魚刺身🍣好厚切，油甘魚用洋蔥醃得幾好， 仲有花雕雞翼肉質煮得好Q彈！甜品琳瑯滿目， 都有十幾廿款！ 唔多覺有切餅，但就好多款細細杯既甜品 ，Macaron 🍪🍨 都齊。 Cream brûlée 比較大碗， 面嘅焦糖有啲厚，燒得好靚， 蛋好軟滑。 咖啡mousse 都幾濕潤。但木糠布甸🍮就有啲失望， 忌廉硬身， 同木糠完全融合唔到一齊。 拎咗芒果雪糕試下， 隻味比較假，亦都冇果肉。 相隔兩年再黎，感覺質素差咗，冇以前覺得咁驚喜。 小女寫左OpenRice 之後試番好多以前食過嘅餐廳，感覺都幾多間質素跌咗，原本滿心期待想寫長文力讚，但結局就唔係咁。對於FEAST, 感覺折後5 百幾可以食晚市Buffet , 而且熱葷精緻， 都算係值得幫襯 ， 不過可以做得更好😉
繼續閱讀
由於住附近，所以之前成日去食，某app 取消後一年去食，退步許多，以後都不會再吃！之前有海南雞飯，銀鱈魚，現在都冇！之前只是$500 附近！現在加價又換上又平又cheap 的食物，比目魚只有第一次叫的好味，之後叫兩round 又腥又臭很不新鮮，西京燒完全冇西京的味道！肉眼切到魚生咁薄又係只有第一round 食得，之後的又多筋又肥！你不如set 好每人只可叫一次？！煎帶子竟然有沙！羊rump 硬到咬唔到！全餐最好食竟然係帶子炒飯！好，出去拿海鮮，我不吃生𧐢，只食長腳蟹！只有兩隻鮮甜，其他冇味十分不新鮮！湯之前有𤠣頭菇煲雞湯，而家只是cheap cheap 的木瓜蘋果？$688 多的自助晚餐？很無語！龍蝦湯都冇是忌廉雞湯？金x 牌甜品更加無語！macaron 只有面頭是新的好味，下一層有油益味又乾不知放了多久！以前很喜歡吃這裡的朱古力曲奇，很濃的朱古力味，但今次加上油益味沒有了很香的牛油味，只有creme brûlée 質素維持！生果很久之前切了，十分乾沒有水分！雪糕只有紫薯，熱情果和vanilla? 沒有最基本的朱古力？熱情果很淡而且奶泡太多很難食，最大獲的是之後倒了些開心果碎又是有油益味！
繼續閱讀
見到OpenRice預訂有八五折優惠，所以星期五下午去左太古東隅酒店嘅FEAST食semi buffet lunch試下水溫。以半自助餐來講選擇唔少，而且refill得好快，甜品高質，感受到每款都用心製作，唔似一般自助餐嘅甜品得個甜字、量多而唔好食，淨係主攻甜品都值回票價🤩晚餐有任食生蠔，下次會去試！🥗🦐 沙律、海鮮、壽司、刺身 (𝟠/𝟙𝟘)平時唔鐘意食菜、更加唔會係buffet食菜嘅我，竟然拎左兩次沙律，超級推介藜麥沙律（我平時都係唔食藜麥嘅），有種好refreshing嘅感覺，唔會令你覺得浪費左quota！Cold cuts同沙律通粉都好出色！海鮮有螺、蝦同青口。🥓🥔 主菜 (𝟡/𝟙𝟘)有四款揀，同朋友分別揀左炸魚同煙肉卷配薯仔。兩樣都好食，但煙肉卷由賣相到味道都感受到心思，特別係薯仔外脆內軟，口感似中式茶樓嘅千絲蘿蔔酥👍🏻🍰🍮 甜品 (𝟙𝟘/𝟙𝟘)出去睇有咩甜品時已經心心眼左😍每款都好吸引，揀唔落手所以每樣拎一件（至少）😎甜品可以話掀起依餐嘅高潮，深得我心嘅包括焙茶卷蛋、忌廉泡芺、桂花啫喱奶凍、焦糖燉蛋同好多款味嘅macarons🥰
繼續閱讀
今日公司請食飯，去左太古東隅酒店間餐廳食半自助餐。通常會覺得半自助餐，得頭盤可以任拎，而且選擇少。估唔到除咗沙律外，仲有海鮮（青口，蝦，海螺），壽司，魚生及多款甜品等。仲包一款main, 今次mian有牛，鴨胸，烤雞，炸魚全部都好食，包你飽🤣
繼續閱讀
同老婆慶祝生日，之前睇Alfred 介紹呢間係最強熱食，試完之後完全冇失望訂枱預先講咗係慶祝生日，佢地好好咁安排咗張卡位大枱，坐得好舒服。服務亦都冇得彈，尤其是當日負責卡位嘅男同事，唔單止收枱速度快，而且過程非常有禮貌誇張啲講，平時去其他酒店fine dining 都冇幾多個咁好禮貌，淨係呢點都非常有好感。冷盤方面，都知道水平一般，但勝在樣樣都任拎，唔洗浪費時間排長龍，refill 速度都幾快，所以冇乜投訴。熱食絕對係自助餐最強，甚至好多散叫嘅餐廳都未必有呢個水準，尤其是帶子係完美狀態，外層剛熟，內層滑溜，難得食到呢個水準，唯一美中不足係當晚冇牛扒，不過有鵝肝多士補返數算係咁甜品都好有質素，絕對唔係一杯杯嗰啲hea 野，大推creme brulee 👍👍總括而言，呢間buffet 嘅價錢絕對冇收貴你，呢個食評係補返上年十一月嘅時候，因為聽晚會再去食🤣希望今次會有牛扒啦
繼續閱讀