103
4
9
港鐵石門站 C 出口, 步行約3分鐘 繼續閱讀
電話號碼
26656781
開飯介紹
西日fusion餐廳,除了和牛漢堡、慢煮澳洲和牛、意粉之外,亦有高質手握壽司、日本刺身,甚至有原條刺身可選。 繼續閱讀
營業時間
今日營業
12:00 - 15:00
15:00 - 03:00
星期一至日
12:00 - 15:00
15:00 - 03:00
付款方式
Visa Master AlipayHK 支付寶 現金
座位數目
60
其他資料
Wi-Fi
深夜營業
酒精飲品
自帶酒水
電話訂座
外賣服務
加一服務費
室外座位
當面支付
食評 (126)
等級2 2020-01-12
2020 瀏覽
住馬鞍山個頭同石門咁近,但都好少真係落車食個到食,係上網留意到先知,而家真係愈來愈多野食,咁我就決定係附近尋覓下,比我搵到間支持香港人既餐廳,不過我就冇影到個環境,有興趣既朋友可以親自去試下,當然野食就一定唔差先叫大家試,再加上個店員態度都好好,會為你介紹適合你既野食。特選手握壽司拼盤 ($298)我就覺得佢有野樣好既就係,飯就唔多,而魚生就好大塊,佢唔似出面d壽司店加多d飯去餵飽你而且魚生又細細塊,咁樣1d都唔抵,如果係咁我不如叫個丼食唔好? 再加上佢飯同魚生之間有少量wasabi,食唔慣wasabi既人可以唔洗落咁多,再講味道個方面,鮮味都足夠,食落都好滿足,價錢上我覺得值。意式燒大蝦伴香草辣茄汁意炒粉 ($155)依個sorry,食左少少先記得要影,所以我focus得近左,唔好見怪,講返碟野食先。我覺得依個食落去我冇特別感覺,唔會食到我哇一聲,但依個係保持到水準,辣就唔係好辣,份量都幾多,岩哂同人share一齊食。燒雞翼 6隻 ($78)味道係幾特別,係有少量既酸味再加上咸咸地,食落又唔覺得奇怪,咬落去,入面既肉我覺得太乾,但個味道救得返碟野。芝士鰻魚卷 8卷 ($78)依個真係唔得,芝士既味道真係蓋過哂鰻魚,而且鰻魚都太細件,完全食唔到鰻魚既味道。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-10
933 瀏覽
當日突然想食日本野,正好經過一間日本餐廳,因為同事有點趕時間,餐廳也不繁忙,便隨意入內試下,反正你要試一試先知好唔好食吧。餐廳在商場地下外圍面向馬路,裝修間格似酒吧,中門大開。由於同事表示今餐佢請,我便不好多要求,平時我是絕對不會揀在這類的餐廳中用餐吸塵。當日我們坐在店中間位置,外面好多貨車經過,響銨持續,感覺好騷擾,用餐情緒大減。前菜唔差,最起碼個燉蛋是暖滑的,且有點甜甜的,吃起來不錯。但至於個主餐,也沒有什麼大驚喜的,外表都睇得,擺設精心,但新鮮度沒有很好,不至於很差既,這個價錢及位置是不應該要求太多吧?同事叫個Explorer豐盛魚生丼,佢就話唔係好得,有點失望;我點的鮭魚親子丼食後口中留有點魚腥味道,下午時間個肚便一直在脹。當餐我們沒有點飲品,而所點的清水亦在用餐完結後提點之下才送上,也好清一清口腔。P.S. 餐廳收取10%服務費。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-07
718 瀏覽
昨天到該餐廳一試,感覺很是特別。特別的是有欣賞的地方,也有不甚欣賞的地方。欣賞之道有三:一是地方整潔,雖不甚大,卻是窗明几淨,格隔整齊有序,佈置也甚得體,更可面對街外景色,雖車人甚多,也不失為用餐的好地方。二是員工也頗友善,年青有為,笑容可掬,服務態度值得一讚。三為食物也頗用心,精緻之餘,味道不俗。不甚欣賞的地方也有二:一為室內之音樂音量稍大,雷霆萬軍之勢直撲向筆者,擾亂筆者之食慾,更影響筆者之健康。二乃最重要的為基本上選擇不多,想該食肆主要為西餐之食物,基本上以菜、肉及薯為重點,萬變不離其中,只是加其他配料而已,若以吃晚餐之心情而論,選擇不多,份量太少,未能醫肚之餘,也許要結賬後想辧法找尋其他食物吧? 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-05
566 瀏覽
今天第一次去這間食店! 座位有d窄, 或因要擺多d檯!🤨!叫了2個日式午餐丼!先來有味噌湯及蒸蛋,兩款都熱而且味道都唔錯!再來主角魚生飯,都幾好!可惜的飯少d! 很黃的店吃得舒服!❤️❤️❤️!會再來食西式set ! 見到份量好大,賣相好! 繼續閱讀
(以上食評乃用戶個人意見 , 並不代表OpenRice之觀點。)
話說我生日,朋友同我揀左呢間餐廳去食lunch,事前我地係唔知呢間野係深黃店,咁我地去到覺得冇乜所謂就照入。我哋明明預先book左位但就奇怪話店裏面冇位,要我地坐住出面個張枱先,咁我地就照坐但死都唔叫野食住,怕叫左佢唔肯轉俾番我地入去,因為呢一日其實係10月仲係天氣好熱,最慘係咩呢,就係我哋隔離枱班人成枱食煙!!!搞到我地好辛苦吸住二手煙黎等,睇住佢入左幾班人都未到我地,我地就吹左幾次先有得入。好啦入到去諗住乜事都冇,點知叫野食就叫乜冇乜,黎餐湯都可以黎錯,唔緊要照飲!點知連餐湯都勁難飲!味憎湯勁咸,羅宋湯勁酸!心諗唔係嘛!到主菜黎啦,其實就真係好普通既質素,比難食好少少,但就未去到好食,就同旺角登打士街d樓上cafe咁既味道囉。。。。但個價錢呢就貴好多囉,過百蚊都碟,性價比極低到最後點解我地會嬲,係因為我d朋友原來偷偷雞買左蛋糕,但係東海堂既,咁佢地冇諗過間舖會唔鐘意,就叫佢哋幫手雪住先,到店員一拎出嚟個下,作為生日個個應該係驚喜同開心既,但個店員就竟然好串咁同我哋講,呢個蛋糕我地係唔會切既!你哋自己切番!仲有你哋最好都係唔好買東海堂啦美心集團架!哇大佬!個下我哋全部人嬲左!就因為東海堂所以就咁同我哋講野!搞到成個氣氛好尷尬同好火滾,最後我地自己切完個蛋糕照左幾張相就拿拿聲走!好後悔食呢間野!黃店我欣賞但如果連食物質素同基本既服務態度都冇,仲要性價比咁低,我哋以後都唔會再食囉! 繼續閱讀
(以上食評乃用戶個人意見 , 並不代表OpenRice之觀點。)