EXODUS Cafe (已結業)

平時都好似今日叫外賣咁，見上次食既雜菜炒粉絲太咸，諗住過左段時間，唔會咁咸掛再叫啦，電話本身係一個男人聽佢可能忙轉左比係另一個女仔聽，問多幾個問題已唔耐煩都算，完左對話叫左發現無比單号我，再打去話唔洗但又問我要号碼先落到單，我問你岩岩無問我，話所以依家問，我話我打反上黎先問，如果無問咪落唔成單？然後就講咁你要唔要丫？點解可以做到咁串，一定係好多單，我叫個4個餐算得d咩，態度差到爆，我話佢態度差仲要繼續大大聲話自己咩叫態度差喎，係咁爆炸咁講野，我第一次比評價比負評，以後都唔叫啦，咁既態度我食唔落飯

有日收工即興同同事去搵嘢食，平時因為行去香工有啲遠，就趁晚餐時間嚟試下。本身唔係EXO fans，純粹想食韓菜同有湯嘅，就揀咗呢度，原來地方都好大下，如果閒日冇預約佢哋好似收7/8點。同朋友一人叫咗個晚餐火鍋，一個部隊鍋，一個壽喜燒牛肉鍋，估唔到份量好足料同事叫嘅部隊鍋有齊晒韓式公仔麵、豆腐、泡菜、魚餅、香腸、芝士，辣度適中，正值收工肚餓，我同同事都覺得非常好食我叫嘅壽喜燒牛肉鍋除咗有牛肉，仲有豆腐、冬菇、秀珍菇，同埋一啲雜菜，湯底偏甜。侍應建議先食咁啲餸，到咁上下再加湯先落烏冬同雞蛋，真係好飽肚同埋好有滿足感。第一次嚟幫趁又眼闊肚窄，叫多咗個芝士肉醬薯角，份量我覺得係超大，淨係食呢個當一餐都唔止，食完火鍋都飽到攬住個肚，呢個薯角唯有打包返屋企，不過都有食幾條，熱辣辣炸起其實幾惹味。呢度飲品匙羹係吉他仔好靚，有心思除咗前菜、飲品，跟餐仲有雪糕，見到侍應姐姐喺雪櫃拎獨立包裝既拆開再放落碗，唔知係咩牌子嚟嘅呢晚餐時間可能係閒日真係唔多人，大家要去記得訂位哦。

喺荔枝角香港工業中心出面有見過一個二奶假宣傳牌，所以知道呢間韓國菜，見到可以喺OpenRice book枱，午餐時間同同事嚟咗試吓一入去餐廳就見到有好多韓國明星嘅應援物品(?) 而且店內都擺放咗好多明星照片，幾有去咗韓國Cafe嘅感覺～ 而且餐廳空間都算大，有好多張枱，應該食飯時間都容易有位不過最好就係book定枱先上去啦我今次試左韓式炸雞飯午餐，包一杯飲品，選了凍咖啡 然後午餐還有甜品，是獨立包裝的一球雪糕（唔記得影相，下次食嘅時候再影返🤣）個韓式炸雞係我喜歡的甜辣醬啊！而且炸得好好食～ 入面啲肉都嫩口。配飯食好好味！推介！ 不過工廠區食午餐來講就算係有少少貴啦同事點的唐揚炸雞飯

Exo 團好少聽到了，突然俾我search到這店，就係香工上面😊 行完街上來食就岩哂，可能因為晚間時份，場地比較冷清😊「牛肉壽喜燒」迷你鍋一份，材料豐富，爆哂煲😂 味道尚可😊 餐內配上：日本稱庭烏冬配日本蛋「泡菜豚肉鍋」都是迷你鍋一份，尚道一般，盛在材料多元化，菇，豚肉，豆腐，菜😊「芝士泡菜豚肉烏冬」野味芝士泡菜汁配上烏冬😍😍好正，好juicy, 份量就比較少😮‍💨，相比下會比較貴🤏🤏備註：🔺場地好大，適合fans團聚🔺韓餐為主👍🏻

食到啦食到啦 ！😋估唔到荔枝角竟然有間穩世咁好食嘅餐廳俾我食到啦😚呢間位於長江大廈二樓嘅餐廳 各位鍾意EXO 嘅粉絲有福啦 ！裡面餐廳度度都可以見到EXO嘅所有嘢😻入座後 小妹叫咗個牛肉壽喜燒餐一上到枱 ！好驚喜！係連埋個爐 一齊上俾你🥘店員之後就會幫你上埋煲💁🏻‍♀️大約幾分鐘之後，就可以打開個鍋蓋啦 ！🐄一打開 嘩！極之豐富嘅鍋物即刻出嚟啦 ！👩‍❤️‍💋‍👩有新鮮嘅大量嘅牛肉🐄 ！菜物 ！仲有烏冬🍜 同日本蛋🥚  ，我嘅食法就係將日本蛋 打落去個碗度先，然後再夾啲啱啱好熟嘅靚牛肉放落啲日本蛋漿然後點三下 再慢慢放入口品嘗 ！嗯嗯嗯 ～～～～真係勁好味 勁幸福啊！食完最後 店員仲會俾埋甜品 🍨🍧俾我哋食！而我哋今次嘅甜品係芒果雪糕糯米糍🥭

3個人第一次去呢間餐廳食晏，見到套餐有幾類價錢及食物種類揀。於是揀了分別3款價錢的套餐，發覺3款都好味。決定會去再幫襯，食埋其他食品。原來套餐包埋飲品。最後仲有甜品，大大球包裝雪糕，好味又滿足！1. 韓式炒粉絲（睇顏色唔係好深色，但都夠味）2. 韓式炒年糕 （辣得好好味，年糕好有口感，唔會太軟）3. 牛肉壽喜燒 （可揀珍珠米或烏冬）我地仲試埋炸雞翼，好脆又好味，勝在唔會好油。

第一次惠顧，餐廳環境舒服又清潔。係荔枝角算係一個好選擇！點了3款食物，我哋3地都很滿意！😋仲話嚟緊要再去試多幾款食物。套餐有4大類型，有平有貴！平至$50幾蚊，包埋前菜、飲品同甜品（雪糕），抵食啦！最重要係好滿意味道！名稱大約係（因為冇影menu)1. 韓式牛肉炒粉絲2.韓式炒年糕（好辣，啱晒鍾意食辣的我哋。年糕口感👍🏻）3. 壽喜燒牛肉煱（可選珍珠飯/烏冬）我們仲試埋個雞翼，好脆又唔油！

午市套餐真係差d? 當日已經係下午近2點先去食，個場已經唔係多人，所以唔會因為人多令水準下降。 炸雞炸到又乾又無味，幸好炸完仲要脆口 但係碗飯又唔熱又爛口想點呢? 個柚子雞肉鍋套餐就太離譜，個湯底完全冇味 ，有一粒柚子做下樣。但雞肉切得太大舊，個煲唔夠大個，好難浸過面，所以要煲好耐先熟，但就唔會滑口。好在有極多蔬菜同烏冬打底，否則一定唔夠飽，但完全唔值過100蚊。 杯梳打叫正正常常食完除左口乾只有口乾，所以一定冇下次。可能好韓星同打卡先會有加乘，荔枝角大把選擇，無必再食佢

最近就去咗呢間EXO主題餐廳打卡食飯！成間餐廳都佈滿EXO既週邊同海報😍一入門口已經有一大個櫃可以參觀😆😆餐廳有部大電視長期loop佢哋既歌！邊食飯邊聽歌真係好正🤤 而且連佢哋嘅碗碟餐具都印有EXO logo 無處不在！✨-🥢泡菜豚肉鍋（$108）講吓啲嘢食先～ 呢個set包一隻生蛋同甜品（迷你芝士蛋糕一件），鍋入邊有菇類菜類，豆腐同豚肉🍲 肉片份量都好多，另外仲有得揀要飯定烏冬，呢個份量一個女仔真係食唔晒😂 🥢柚子茶柚子茶味道普普通通，反而味道有少少淡，柚子味唔係太出。🥢士多啤梨窩夫呢個餐單係成員生日限定😆當去到唔同成員嘅生日都會有唔同嘅限定餐單🤤窩夫一切落去就feel到超級脆，配埋大量嘅cream同士多啤梨🍓一啖落去超滿足！-🥢士多啤梨奶昔面頭有cream同士多啤梨醬，溝埋一齊飲，飲落都唔會好甜，士多啤梨味都算濃，另外仲有啲碎冰係入面🥤-Cafe滿$150可以做會員，免加一～周圍都有啲EXO小細節完全係迷妹既聚腳地😚去食飯之餘仲可以攞應援物做紀念✨

The restaurant is very spacious and has many exo themed decor. This is a great place for any exo fans. There are many types of cuisines such as Japanese, Korean, and Taiwanese. I have eaten here many (4) times and I must say, my favourite dish must be the kimchi chicken risotto. It was delicious and unique to this restaurant. I found myself trying to get every last bit of sauce left on the plate. Sadly, the last two times I went, the item was not found on the menu. The other meals I’ve tried wer

經過荔枝角呢頭，記得有朋友介紹過香工有間cafe幾高質同有特色。上openrice見到有唔同種類既日韓鍋物，啱哂依家呢個天氣食返d暖笠笠既野🥰👍🏻好啦，一於上去試下啦🍴一上到去就見到霓虹燈門牌，仲有好多Exo應援物資同公仔擺設~好有心機❤️Cafe環境寬敞，乾淨企理。仲有部電視non-stop播Exo MV🎤🎵🔛食下野，聽下歌確實係幾chill🥳 雖然疫情無了期，都唔知幾時先有得去旅行😮‍💨✈️ 但呢到成個氛圍都真係好似去左韓國既感覺🇰🇷💕餐廳除左提供午市套餐之外，仲有特色鍋物。我地兩個人share一個鍋同午市套餐，咁就可以試到唔同嘅嘢啦~鍋物精選套餐🥘🔥💲108泡菜豚肉鍋，配讚岐烏冬➕🇯🇵🥚一隻➕是日甜品🍮唔好睇佢個鍋好似好細咁，份量都唔少架！配料非常豐富！😍 當中有豚肉，豆腐，金針菇，泡菜，南瓜，椰菜，冬菇等等。當個鍋滾到差唔多落埋隻日本蛋就perfect池😋個人中意將蛋撈埋烏冬一齊食，好正架😆‼️一個鍋兩個人share就啱啱好😗值得一讚既係staff好主動幫我地加湯🥲👍🏻假日午市超值套餐🥩🍚💲78BBQ炒牛肉飯➕前菜➕是日甜品🍮前菜有柚子汁醃蘿蔔，青瓜配海帶，雜菜配魚板同埋韓式炒粉絲。

係IG見到呢間Exodus Cafe,見d野食好吸引，約左朋友黎hea下、食下野、打下卡！😍😍餐廳放左好多EXO周邊商品，ExO-L們可以盡情打卡啦！🤩🌟牛肉壽喜燒 $108 🥘呢個係假日鍋物精選套餐黎，配前菜、飲品同甜品，見IG好多人都介紹應該都唔錯！壽喜燒有多款食材，有肥牛、日本大蔥、金菇、鴻禧菇、冬菇、豆腐、南瓜、椰菜，食材新鮮，壽喜燒汁咸甜味道剛剛好，唔會太咸，食物一直keep住煮，所以好入味，肥牛肥瘦適中，食落有香濃牛肉脂香😋🌟韓式BBQ炒牛肉 $78配韓式前菜兩款(青瓜海帶、炒魚糕）肥牛、洋蔥粒、青椒、紅蘿蔔、椰菜用韓式BBQ醬炒過，一上碟已經聞到香味🤤，面頭仲灑左少少辣椒粉，食落更加惹味，而且牛肉份量超多，幾抵食🤩🌟士多啤梨藍莓奶昔 $52 🥤呢杯奶昔賣相好吸引😍，用新鮮藍莓草莓打製而成，飲落有好香既莓味，奶味比較重，杯面仲有大量cream，飲落好有層次，超正🤩🤩🤪🌟青蘋果梳打 $32 🥤青蘋果味濃郁，味道清新，有助去除油膩感，都幾唔錯！😛😛最後仲有飯後甜品😍🥰大滿足📍EXODUS Cafe (荔枝角)荔枝角青山道489-491號香港工業中心A座2樓A13號舖

話說身邊有朋友好鍾意EXO，餐廳開頭喺銅鑼灣開嘅時候小編已經去過一次，最近先知原來佢哋搬咗去荔枝角，環境更加大😙餐廳內播住佢哋嘅MV，連裝飾都好有心思㗎😚今次小編同朋友走揀咗一個鍋物套餐、一個午市套餐，套餐已經包左是日沙律或前菜兩款，另外仲有甜品添😆▶️特色鍋物套餐$116今次就揀咗牛肉壽喜燒鍋，可以選配烏冬或飯，另外再有配一隻蛋，首先材料都非常豐富，有牛肉、金菇、豆腐、娃娃菜、冬菇等配料，幾鍾意佢個湯底甜甜地，配埋烏冬一齊食好好味😋前菜係酸蘿蔔同菠菜😙▶️ 日式吉列豬扒飯 $96前菜係酸蘿蔔同韓式魚板，吉列豬扒份量都幾多😀外皮香脆👍🏻是日甜品係芒果百香果芝士蛋糕，細細件味道就正正常常蜜桃梳打荔枝梳打兩款梳打都大大杯，建議飲嘅時候先唔好攪底，味道都幾清新有助解膩

若干年前，🐻都曾經係一個小小嘅EXO-L（EXO粉絲簡稱）🙈Overdose, Mama, Love Shot到今日依然係playlist常播歌曲之一❤️Exodus Cafe就係以韓國男團EXO為主題嘅特色Cafe✨咁啱去開荔枝角梗係要上去試吓😎.Cafe空間廣闊，枱與枱之間有適當距離啱晒同朋友過嚟食飯吹水😏食物款式亦較多，主打西日韓fusion菜式當然唔少得EXO專區，放滿周邊產品另播EXO歌曲，一路食飯一路聽歌，爽🤪.🌟鍋物套餐（前菜、鍋物、蛋、飯/烏冬、餐茶，甜品）💰$108.🍴牛肉壽喜燒🐂壽喜燒除咗超多牛肉之外，仲有豆腐、冬菇、菜、金菇等配料烏冬吸收哂壽喜燒湯底精華，甜甜地好好味😋Cafe另提供日本蛋🥚，鍾意嘅都可以將牛肉溝埋生雞蛋食😚.🍴柚子雞肉鍋🐓湯底充滿柚子香味，配埋雞肉食好fresh呢度啲雞唔會好肥，唔會煲完令成個鍋都係雞油👍🏻.值得一讚，呢度用Gas爐所以勁快滾，夠晒火力🔥另外職員都好主動積極咁幫手加湯🤗.去到最後食埋甜品，非常滿足💕每人人均先$100左右，有齊前菜、主菜、甜品、餐飲，性價比超高‼️加上呢排天氣凍，食完個鍋物暖粒粒🥰搞到好想即刻瞓個晏覺💤不論你係唔係EX

上個星期，趁仲可以堂食，去咗荔枝角潮聖。位於荔枝角香港工業中心嘅一間以韓國男團EXO為主題嘅Cafe，Exodus Cafe。一出lift就見到好靚嘅燈牌，門口位置就見到EXO嘅雜誌，兩邊分別擺咗EXO嘅公仔及各種應援物。餐廳闊落，仲有好多打卡位！我哋就揀咗個一邊睇住MV嘅位置用餐😁今日又濕又凍，我就打算食辣炒年糕同鍋物啦！特色鍋物套餐 一共有4款可以選擇，我就揀咗牛肉壽喜燒鍋 配烏冬。落單大概10分鐘後，餐點就陸續送嚟啦！兩款是日前菜，分別係菠菜同韓式炒粉絲。牛肉壽喜燒鍋 配烏冬$108壽喜燒鍋有牛肉、洋蔥、日本大蔥、椰菜、豆腐、金菇、真姬菇、南瓜等，另外還有一隻生雞蛋。而最重要的靈魂就是壽喜燒湯底，甜甜的味道，小朋友也喜歡💖火鍋食材份量足夠，食材新鮮，牛肉軟滑。而餐飲點選了柚子梳打，柚子酸酸甜甜挺開胃。另外，仲點了韓式魚糕炒年糕（辣）$78，年糕是條狀的，伴上魚糕一起炒，韓式辣醬均勻地沾滿每條年糕，煙煙韌韌，每一口都充滿口感。跟餐的甜品是熱情果芝士蛋糕，酸酸甜甜嘅熱情果配搭芝士蛋糕，甜味與酸味口感非常搭配。下一次想試吓其他甜品同窩夫。