影片
港鐵上水站 B2 出口, 步行約7分鐘
繼續閱讀
電話號碼
35680921
附加資料
繁忙時間，限時90分鐘，不設預約
營業時間
今日營業
07:30 - 18:00
星期一
07:30 - 18:00
星期二
全日休息
星期三至五
07:30 - 18:00
星期六至日
09:00 - 18:00
公眾假期
09:00 - 18:00
*最後落單時間: 17:30
以上資料只供參考, 請與餐廳確認詳情
相關文章
呢間cafe位於順欣花園，隔離有中小學，不愁客源，有時仲要等位，因為店面细，得4枱两人位加四個窗台bar位☕️但我幾鍾意bar位，因為有陽光仲可以睇眾生，有外國feel，睇住呢人趕生活，呢度有份慢活恬靜😙本來想食pasta，但下午四點賣晒，試個🍰冧酒提子芝士蛋糕($50)-細细件，中間有流心芝士，提子充滿冧酒味，配埋cereal增加口感，同咖啡一齊正👍👍👍👍👍☕️cappuccino 係淺培或者埃塞豆，個底微酸有花香👍👍👍☕️山茶花茶（$25)-standard ，見到隔離枱食牛肉芝士酸種包好似好正，下次要試一下
繼續閱讀
今日工作很忙，缺乏咖啡因，又想食個優質嘅下午茶，結果就搵附近嘅咖啡店”Everglow coffee”Cafe的裝修工業風格，環境細細入到去嘅感覺令人舒服😌來到Cafe一定要嘆番杯優質咖啡-我就order了Flat white，因為我本身鍾意咖啡味濃啲。第一啖就有濃郁嘅咖啡味，喺上水好難搵到咁優質嘅咖啡。另再Oder:Crab AVO & egg salad蟹肉醉蛋牛油果配油浸番茄 酸種麵包 牛油果配碎蛋蟹柳蟹肉沙律簡直係絕配好好食，再加上有蕃茄很開胃😍溫馨提示，如果趕時間就唔好來食，因為廚師慢工出細貨，確保食物質素保持良好😆
繼續閱讀
呢間Cafe可以這係我2024年食過最滿意嘅餐廳之一👑！位於水上嘅一個屋苑附近，地點對好多人嚟講都唔算就腳，但絕對值得專程去一試！！！星期日下午去到滿座要等位，留低電話附近行一陣就有位～╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟSmoked Salmon & Avocado with Black sesame Sourdough有三大片煙三文魚同滿滿嘅牛油果，食材新鮮，呢個組合冇得輸🤤最大特色係竹炭顏色嘅黑芝麻酸種麵包！！！@mousa.inspiration 出品，真係超級好食！！！！！黑芝麻同酸種嘅味道原來係咁夾🥹唔係黑芝麻醬嘅濃郁，喺麵包上係恰到好處，食完真係齒頰留香！！！！質地做到啱啱好，有韌性好𡁻又唔會太考驗牙力！▶ ∗︎*ﾟ墨汁寬意粉係2024最有驚喜嘅意粉‼️😭本身以為墨汁意粉嚟嚟去去都係咁嘅味道，左一啖真係突破我對墨汁意粉嘅想像！醬汁超大方，每條意粉都掛到滿滿墨汁，而且係超香口，仲有濃濃嘅海鮮味🦑！！！！推薦大家去試！▶ ∗︎*ﾟLatte & Iced mocha咖啡好飲又有靚拉花～更加鍾意杯Mocha！好飲咖啡味出，唔會有朱古力嘅甜膩，咖啡味同朱古力味比例剛剛好，兩者都唔會搶大家風頭！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 雖然Everglow對我嚟講真係好遠🥲但成餐飯每一個食物同細節都好有驚喜，係令人印象深刻嘅一餐💓之後絕對會想再試佢地唔同嘅出品！
繼續閱讀
Everglow Coffee .📍上水智昌路8號順欣花園地下5A號舖📞 3568 0921💰人均消費：$100 - $120📸打卡指數：📸 📸📸(4/5). Everglow Coffee ☕️係我覺得數一數二北區嚟講都幾高質嘅cafe，所以我放假有時間又唔想出咁遠食嘢就會去食。Everglow Coffee 外觀以紅磚牆 包圍，內部就係以水泥風格搭配簡約嘅木系家具，不過空間唔係大，只有4 張細枱同bar 枱位置，坐得唔算舒服 🥲。今次等位大概都等咗20 分鐘，同埋只有一位廚師，出餐速度比較慢，所以要預番啲時間去等候，趕時間嘅話最好落單前問一問要等幾耐比較好。今次我就叫咗兩道菜式： 蒜香大蝦蜆肉橄欖油寛麵 🍝 同埋🇪🇸西班牙火腿乳酪芝士配竹炭酸種麵包，嘢飲就叫咗Americano，保持到一向水準 👍🏻，鐘意飲啡嘅朋友值得去試下，但菜式整體都令我覺得有啲失望 😣。🍝 蒜香大蝦蜆肉橄欖油寛麵 💰98⭐️推薦：⭐️⭐️（2/5)依道菜上枱嘅時候心諗明明係叫大蝦蜆肉意粉，點解唔見有大蝦 🍤，望真啲原來係收埋係意粉到，大蝦個size 就比較細，大就稱不上，如果下次可以放上面同大隻番啲就更加好。大蝦同蜆肉都係急凍，味道都正常，冇乜特別，寛麵就好似未煮熟咁，中間個心仲好硬，整體辣味 🥵唔算太重，所以唔太鍾意太辣嘅朋友都應該可以接受到。🇪🇸西班牙火腿乳酪 芝士配竹炭酸種麵包💰98⭐️推薦：⭐️（1/5)西班牙火腿同乳酪嘅搭配都幾令我覺得驚喜，不過我就覺得味道好似爭少少咁 🧐，如果可以加番啲蜜糖 🍯，層次我覺得會再豐富啲，平衡到乳酪嘅酸味，又可以更好帶出火腿嘅風味。雖然擺盤幾有心思 👍🏻，但係乳酪比較稀身，浸軟咗底下嘅Sourdough，中間完全濕到變糊狀 😢，令到我無辦法好好享受Sourdough 嘅口感，依點比較失望。如果Sourdough可以單獨放埋一邊，或用啲比較結實嘅乳酪，效果應該會比較好。以上水地區嚟講，價格都算中等偏高。考慮到等候時間同嘢食嘅整體表現，我覺得仲有提升空間，希望Everglow Coffee 之後會有所改進。
繼續閱讀
野食係好食、材料都對得住價錢，始終呢個價錢喺上水嚟講唔算平。但唯一覺得真係唔太好嘅係真係等好耐，我4:00落單，嘢食要去到5:00先嚟到，個人建議落單嗰陣可以同客人解釋要等幾耐，如果等得好耐而客人唔OK嘅，可以轉其他嘢食，而唔係一直叫人喺度等，有個預算就等嗰個都冇咁辛苦。呢間嘢開業到而家應該一直都好多好評，不過都坦白講，如果真係要等咁耐嘅，其實幾好食都打折扣，建議你最好預兩三個鐘，趕時間或者好肚餓既都千奇唔好食佢。
繼續閱讀