Espuma (QRE Plaza) (已結業)

無得出外慶生，唯有外賣在家吃，一家人難得相聚，一於大吃大喝一番，app外賣自取西班牙菜有6折，叫到一枱都係仲要大家都覺得好食，都只係9百幾蚊真係超級抵，下次會再encore ！🍴黑松露醬芝士薯條⭐️⭐️⭐️⭐️又係我鍾意嘅粗薯條，外面灑上咗芝士粉，最重要係個主角黑松露醬，靈魂所在🍴馬介休炸薯波⭐️⭐️⭐️⭐️炸得熱辣辣外脆內軟，一啲都唔油膩，薯蓉同馬介休比例剛好，味道帶點咸香🍴至尊海鮮西班牙飯⭐️⭐️⭐️材料非常豐富，有帶子、蝦、青口、蜆、魷魚等等，不過飯乾身咗少少同咸咗少少，但整體味道同口感都算ok🍴大閘蟹粉明太子忌廉闊條麵⭐️⭐️⭐️唔多食到大閘蟹粉，但明太子拌闊條麵都ok，味道少少咸幾惹味，略嫌忌廉汁太少🍴巴馬風乾火腿蘑菇薄餅⭐️⭐️⭐️⭐️個pizza餅底夠薄夠香脆，加上巴馬火腿咸香，好味到食咗兩件🍴焦糖蘑菇洋蔥芝士薄餅⭐️⭐️⭐️⭐️相比巴馬火腿pizza，呢個比較清淡，但都係好好味架，超多料芝士味香濃🍴秘製招牌香脆咸豬手⭐️⭐️⭐️皮腍咗dd但未至於韌，豬手味道不錯係乾咗dd，豬手都係現場食先好食🍴香烤牛肋骨配脆薯條⭐️⭐️⭐️⭐️呢個牛肋骨係全晚最好食，本身腍到骨肉分離，肉帶少少肥好香滑，又醃得入味，非常推介

開始做漏掉了單，等了很久問了才知道。最後上來的食物素質和味道極其普通隨意，失望，不像是飯店廚師水平，意粉不如自己在家做的。不會再去。不推薦...........

講起豬手好多人會諗起德國菜🇩🇪，點知今次竟然喺間西班牙餐廳搵到超驚喜爆脆豬手‼️據移居西班牙友人非官方認證，佢睇到我嘅圖片同menu 表示𠵱間嘢至少喺食物煮法、食材配搭，用料上都好正宗，例如供應Madrid 經典品牌啤酒🍻Mahou，我都係第一次飲，麥味好香，偏重口味，濃得嚟幾有層次，唔會苦澀，不過，如果你鍾意果味/淡啤酒就未必啱。另一正宗菜式係馬介休薯球，炸得好脆好薄，一啖咬落去，成口薯蓉，中間用咗Jamón，增添咸香風味。除此以外，我哋仲嗌咗前菜慢煮八爪魚🐙切片嘅經典冷盤，下面有薯仔🥔薄片墊底，個八爪魚好軟綿綿，似少女嘅面珠墩，大滿足🥰主菜係秘製招牌香脆咸豬手，香烤牛肋骨配脆薯條🍟同埋香煎帶子忌廉菠菜汁意大利飯，樣樣都比預期更好，豬手爆裂級咁脆，皮脆肉嫩之完美演繹，食唔停口一啲都唔膩，酸菜唔會過酸，調味淡身啲，配合埋個豬手恰到好處。牛肋骨啖啖肉，肥瘦相間，煮得好淰身，唔會對牙齒有太大負擔，醬汁甜甜地有焦糖味，好夾牛肉嘅味道。至於個飯反而無咩特別，但都交出應有水準，個飯有嚼口唔會淋到一pak嘢咁，帶子亦夠大粒，煎得香滑。甜品🍮叫咗全份窩夫配朱古力同草莓🍓 Mövenpick雪糕，上枱嚇

本來沒有諗到寫食評，所以沒有影太多相，但係食完之後不得不讚所以決定寫下來 。今日一家四口到餐廳食一個豐富的午餐，果然沒有失望！我訂咗1:30都有少少驚食得太遲阻住人哋落場，估唔到，職員的服務態度真的給我驚喜，有笑容、有禮貌，我哋食到3:15才離開，當時還有食客。我哋叫咗四個set lunch，湯好飲，沙律正，意大利飯好食，其中一個餐有安格斯肉眼，仲有橙色的甜番薯，哇！ 必食啊！下次來會再食。我女兒第一次食威靈頓三文魚菠菜意大利飯，她說好香、好特別，飯很好吃，全部食哂。甜品窩夫🧇也是必要食的。如果生日，可早一天打電話問下可否寫名和生日字句。提提大家，最好先訂位。另外，女廁有點特別 ，你哋去下就知我說什麼😂

非常失望的一個lunch, 牛扒根本是牛肉乾。唔好話唔值178蚊， 覺得69蚊茶記都好食過佢。餐廳環境是唔錯， 窗邊望出去個view係幾好。服務只是一般，當日lunch time, 餐廳得一枱客。其他枱未有客時，每枱所有水，早已斟定一杯杯放在枱面長放，感覺很不衛生。上菜速度也非常慢， 落完order之後, 30分鐘先出到跟餐沙律， 但當時係冇其他客嘅order.....總結, 真係一個非常失望嘅午餐, 同一棟大廈有好多選擇, 偏偏就係揀中一間咁差嘅， so sad.

對上一次到這間餐廳午膳已是一年前的事，那次是同事提議去的，因為有九折優惠券，而且想試新野，所以來午膳，這間的菜式確是美味，但是否西班牙菜就不太懂分，感覺比較像西式菜餚，而且適合港人口味。傳統的西班牙菜因歷史和教義的緣故，不同地域都各有不同，以安達盧西亞和埃斯特雷馬杜拉為例：菜餚以清新和色彩豐富為主，多采用橄欖油、蒜頭為主，並用油炸方式烹調。而加泰羅尼亞地區則多以燉、燴菜餚出名，代表菜式如：墨魚汁飯、蒜蓉蛋黄酱、海鮮燴飯等。至於在香港較出名的西班牙海鮮飯則是源自於西班牙的巴倫西亞。說回餐廳，感覺菜式比較像西式或意大利菜式，不太像西班牙菜，但就較迎合港人口味。當天我們點了餐牌上很多菜式，並分享來食。首先前菜是餐湯，蒜蓉多士和沙律，沙律算新鮮，南瓜忌廉湯幾好味，蒜蓉多士香脆可口。主菜是鴨胸黑松露醬雜菌意大利飯，香煎盲曹魚柳配芥末籽忌廉汁，燒烤風味辣肉腸薄餅和燒烤風味辣肉腸薄餅等，我比較欣賞鴨胸黑松露醬雜菌意大利飯，因為黑松露醬很香濃，配上雜菌，清新得來又健康，鴨胸肉沒有羶味或太重的煙薰味，意大利飯不會太硬，各種味道加起來令人一試再試。燒烤風味辣肉腸薄餅個人覺得味道普通，與平日食的薄餅差不多，

叫咗半份奧利奧朱古力布朗尼窩夫配雪糕同半份心太軟麻糬窩夫配雪糕聖誕正日，同朋友喺金鐘食完lunch就直落嚟咗灣仔食甜品，到達後，在門口店員好有禮貌地幫我地量體溫，因為當時已經兩點多，所以等咗幾分鐘就安排我地入座。同朋友終於諗好食咩之後，我舉手等店員嚟落單，舉手舉咗好耐都冇人應我，我見到離遠有個店員行緊就大聲少少叫左聲「唔該」，點知前面兩張枱有個本身背對住我幫人落緊單既店員拎轉面好唔耐煩咁叫我「你等陣先啦！」嗰下火都嚟，好彩即刻有個勁nice既店員衝埋嚟幫我落單，我先唔理嗰個人。我同朋友都係叫朱古力窩夫配朱古力雪糕，非常邪惡，份甜品一嚟到我地第一時間就係影相！賣相實在係靚得好緊要，即刻放上instagram呃like!!!，第一時間我係食左雪糕先，um…老實講無我想像中咁好食，可能因為係黑朱古力，所以無我想像中咁甜同合我心意，窩夫方面就真係冇得彈，每一啖都好鬆脆，咬落去真係好滿足，但唔知點解食到半路食到一陣琵琶味，我以為自己食錯，之後一路食都仲食到，有少少奇怪，但我都係成碟食曬。整體來說很滿意，不過我比較建議大家如果怕太甜，叫朱古力窩夫時可以改配草莓雪糕，這樣應該比較清甜及不會食到漏

🙂用餐體驗差 食物質素平平 價格偏高 唔會有下次🍴Book左位 但去到門口冇人serve原來個場得一個侍應 落單或者有問題都要等一陣先有人理嗌左個Lunch set for two, $588 再加一🍲湯唔送包🥗上菜先講冇前菜-慢煮八爪魚，換左個蜆俾我地 啲蜆唔鮮甜 個湯似果酒🐟主菜嗌左煎魚 同 肉眼配焗薯(另加$98)魚煎得乾 少柴 配菜少🍖肉眼配焗薯 肉眼無乜肉香 普通貨色 唔值再加98$肉眼配焗薯 冇焗薯 要問返先話轉左蕃薯蓉😀即係話我嗌咩唔代表我食到咩，直到上菜嗰刻先知你幫我決定我食得啲咩 十分驚喜🥂最後食埋個甜品窩夫(另加$60)成餐lunch兩個人$8xx埋單兩百幾蚊貨色俾左四百幾

睇過opening rice既食評，大家介紹既野食都好似好好食咁，所以就同水果朋友上去踩踩點。雖然今次大家都比幾高分既食物都冇點到。但同水果朋友用左和平既方式選左大家都喜歡食既食物🤪叫左個焦糖蘑菇洋蔥薄餅，賣相都唔錯，材料都好足呀！不食唔到有焦糖味！雖然係咁不過都可以比高分，不過食到圓邊位就食唔落啦！個邊燶到啦！食到邊邊位真係苦呀！有問過話：係咁的。。。所以咁冇曬分啦！個水果茶我見好多人都推介，所以試下。不過我可能對藥水味敏感，唔太喜歡。不過我到最後都試多左杯。味道又有些不同！好飲左少少！安格斯牛扒，佢係安格斯呀！不過佢條根粗到啦！切咗好多下都切唔斷。。。冇咩肥美既口感！肉渣比較多！名為安格斯，不是安格斯既口感。環境真係唔錯，好有心機好佈置，風格好很統一。不得不提個洗手間。入面有一幅向左走向右走的圖，不過洗手間內格設計有問題！廁間間隔不符合，開門時會撞到馬桶，坐低時會撞到門。不過我諗他選擇左要靚吧！

比起以往的評價，我們覺得質素也尚算不錯，尤其是牛肋骨配薯條，牛肉超級嫩滑！但可能價錢比較貴，相對上比較少人點。另外試了香辣雞胸肉risotto，雞胸比想像中好吃，不說還以為是魚柳，很入味。總括來說也是不錯的，下次再試試 burgers & pizzas 系列。

第一次離，之前睇過已經想食，咁啱同事生日一齊離呢度慶祝食個lunch, 充滿驚喜，嘢食賣相又靚，lunch set已經有齊salad 餐湯，main course，仲有dessert同餐茶，先100幾蚊，真係好抵！又好食！平時食開medium rare嘅我好少會覺得medium 好食，而呢間嘢做到了🤩個牛真心正，完全係意料之外！而且service都好好，waiter waitress又好nice，值得1讚，以後會多啲幫襯

坐了個窗口位，樓層夠高，望山景同樓。套餐叫了一個salad同蘑菇湯，正常味道。主菜系一人份西班牙海鮮飯同pizza。西班牙海鮮飯材料都算豐富，酸酸甜甜開胃好食。個pizza餅底似墨西哥脆片果种，夠薄好脆，配上芝士同火腿夠曬鹹香好味。甜品一般般，反而手搖咖啡甜甜地好飲。

早前lunch time 來過幾次，今次第一次來吃晚餐，二人點了一個dinner set。頭盤是煙三文魚田園沙律及活青口配白酒忌廉汁。沙律配料豐富，有牛油果、蕃茄仔、蜜桃、雜菜及煙三文魚，清新醒胃。個人不太喜歡濃味，青口淡淡忌廉味，不錯。餐湯有磨菇湯配法包。主食兩客，點了四季薄餅及烤安格斯肉眼牛扒伴南瓜配青胡椒汁。四季薄餅配料有煙三文魚、雞肉、菠蘿、黑橄欖及雜菌，薄餅底，好香，要趁熱吃，不算熱氣。牛扒叫了五成熟，恰到好處，肉質鮮嫩，讚！👍🏻一頓美好的晚餐最後當然要追加甜品，選了香濃黑芝麻慕蛋糕配紅酒燴梨。甜品不太甜，慕思蛋糕淡味，紅酒燴梨酸甜，帶點肉桂味，配搭不膩，味道獨特。燒上了焦糖的杏仁香脆可口。總括來說，食物水準高，用餐體驗亦非常愉快，期待下一次再來～☺️

今天中午和多個朋友來QRE的Espuma相聚，食過中環的Espuma，今天來看看另一家分店的水準如何Lunch Set 包埋了湯、沙拉、主菜、甜點和飲品，價位落在124-178間，另一成服務費湯及沙律香煎盲曹魚柳配芥末籽忌廉汁魚煎到都焦掉了，魚肉不是很大塊，食量比較大的朋友會比較不夠烤安格斯勒眼牛扒配雜菌黑松露醬牛扒偏肥，大約三分一是油脂甜點是一小塊蛋糕，為午餐做收尾總體而言，食物不過不失，魚煎到焦掉還會將焦的正面端上來給客人可以看出品管和廚師實力仍有進步空間，不論環境和出餐品質，中環店都更勝灣仔店

入餐廳前店員有為我地量體溫，但枱面冇設置到消毒啫哩，所以感覺還好。我地兩個人本身想叫二人餐，不過見到都要成600蚊（未計加一），仲未d選項都唔太想揀，所以都打消左個念頭。二人set dinner menu我地叫左兩個前菜同一個意粉及甜品，埋單HKD$552（連加一）。個沙律有多種蔬果，份量唔太少，但都唔太多面頭d蝦係煎嘅，不過冇清到條蝦腸同埋食落唔新鮮牛油果蝦沙律呢個真係唔錯嘅，首先係超多蜆，都有15隻左右仲要個蕃茄湯底好濃味，用黎點個多士一流香辣西班牙蕃茄湯大蜆個意大利麵都唔錯嘅，佢塊鵝肝煎得岩岩好，而且個意大利麵好香松露味，個醬都好creamy不過感覺d意大利麵煮過左，有d淋鵝肝黑松露醬意大利麵佢地個玄米茶窩夫配雪糕係有d令我失望嘅，因為佢係得個底d cream係玄米茶味，個窩夫係完全冇特別有種比佢個名呃左嘅感覺而且menu有話窩夫係佢地推薦甜品，不過食落仲差過出面d糖水店，真係完全冇特別可言，但價錢又貴出面成倍，真係唔推薦玄米茶窩夫配雪糕餐廳個環境係真係幾好，但係價錢真係好多都overpriced之前食過尖沙咀一間西班牙菜仲平少少，而且食物仲好d...