Espresso Alchemy

營業中

休息中

位於荃灣如心廣場的這家時尚小店，早餐主要買烘焙，午餐以意粉、三文治或沙律為主。甜品只有兩款，一般是磅蛋糕，可惜當天午餐時候去是沒有法式多士吃，唯有下次先午餐時段再去了。✧ 青醬雞胸長通粉雞胸如大家所說的出色，柔軟多汁，不像正常雞胸的乾柴肉質！青醬的羅勒味不算突出，忌廉很濃，吃到一半已經開始覺得飽🤣✧ Latte 用Espresso Alchemy 自家的炒豆，偏中深烘焙的豆，奶泡打得細，有微微堅果香✧ 咖啡味磅蛋糕店員會先把蛋糕翻熱，醃過的蛋糕外脆，內裏還是有點硬和乾。但一口咖啡一口蛋糕這個吃法絕對有為他加分，超濃郁的香氣！

最近先發現我屋企行去南昌站好方便，而且沿路都是公園和樹行得幾舒服，所以更常去荃灣西站了。這日去 Green Common 試完個純素甜品，順便落樓下 Espresso Alchemy 飲咖啡，見餓餓地咪叫多個沙律食囉，又幾大盤幾靚喎。我最鐘意這裡的採光，落地大玻璃可以望街真係幾舒服。 牛油果多士伴沙律配檸檬醋醬 HK$69 / Latte 套餐價+HK$10Lunch Set 上面有兩個素食選項，除了這款沙律還有個意粉。牛油果多士配沙律原來沙律先係主角，有沙律菜、紅菜頭、車厘茄、核桃和青瓜等等都幾豐富又多元化，反而佢話檸檬醋汁我又唔覺好檸檬味。配角牛油果多士都幾有驚喜，下面個麵包薄薄地味道好香幾好食。荃灣係一個好多素食選擇的地方，素食者搵食都特別方便啊！

之前試過尖沙咀美麗華嗰間，一個人朝早慢慢嘆個all day breakfast同咖啡真係好chill🥰 今日決定行完山之後嚟荃灣呢間食個下午茶～🥗 青醬雞排沙律 $79見到大家都推薦呢個，咁就試下先～ 一上枱見到個份量好多，尤其係沙律菜比得好慷慨，有唔同嘅蔬菜，新鮮爽口，我特別鍾意佢哋嘅lemon vinaigrette dressing，酸酸地，好清新同埋開胃👍🏻 雞胸肉質嫩滑，同青醬配搭好食又健康。怪知得咁多人都食！☕️ 單品濃縮咖啡+泡沫咖啡 $75第一次試single origin，係收銀櫃檯有五張咭仔，展示住有咩咖啡豆可以揀，同埋佢哋嘅資料。我揀咗Brazil Ferreira，staff話會比較chocolaty。Espresso飲落比較intense同埋rich body，Cappuccino就容易入口，有honey-like sweetness，一啲都唔苦澀☺️☕️ Cold Brew $60之前飲過，覺得幾正，所以encore！堂食會比個玻璃杯，裝住一粒圓轆轆嘅冰仔，不過我鍾意原汁原味咁飲，所以冇要到～ Cold Brew 口感順滑，咖啡味十足，鐘意齋啡嘅人可以試！🍞 自家

喺荃灣覓食，想簡簡單單食一餐，又想飲杯香濃嘅咖啡☕️，即刻腦袋急轉一下，就記起食過呢間餐廳，幾適合我呢日嘅需求，咁就決定食過番尋味😆叫咗 $88嘅 Lunch Set「厚切意大利🇮🇹煙肉配卡邦尼意粉 Spaghetti Carbonara with Pancetta Affumicata Bacon」，跟午餐包 Regular Size Single Origin Brew Coffee；另外加一杯 $65嘅 Tipsy Lemon，裏邊有 Vodka, Cointreau, Fresh Lemon Juice😋- 咖啡☕️依然香濃好飲😋- Carbonara 我非常鍾意食😆，呢度用 Pancetta 唔係用普通嘅 Bacon 🥓 ，唔錯😋；意粉🍝煮得幾軟熟，口味大眾化😋- Tipsy Lemon：呢杯 Cocktail 有 Vodka, 午餐飲杯有伏特加嘅雞尾酒真係好爽😆，我仲問店員哥哥 係用邊個牌子嘅伏特加酒，佢話係 Skyy（Skyy 係一個美國品牌）；呢度唔係用雜嘜 Vodka, 雞尾酒裏邊 又有 我鍾意嘅 Cointreau 橙香味🍊，同埋新鮮檸檬汁🍋，呢杯Cocktail 相當

< Espresso Alchemy >📍荃灣呢日陪完男朋友睇醫生就去咗我最愛嘅cafe食😆Pesto Chicken Salad 🥗 因為減緊肥 所以就食下沙律🥗 呢個青醬雞胸真係一流😋 份量好大碟 沙律菜有半大碟 雞胸肉都有十幾舊😛 而且雞肉一啲都唔嚡 青醬好香😆 減肥都可以食好嘢😋Tiger Prawn Pasta 另外男朋友就試咗好多人推介嘅蕃茄蘆筍虎蝦意粉😋 虎蝦有三大隻 爽口彈牙😆 蕃茄意粉唔會好酸 蘆筍都幾新鮮👍🏻👍🏻Banana Loaf Cake 估唔到有咁大舊 兩個人share都好飽🤣 蛋糕偏鬆軟 好香香蕉味🍌 配埋咖啡好夾🥰Americano 跟餐加咗杯Americano 咖啡偏酸 不過唔苦👍🏻Long black 我比較鍾意呢款 易入口得黎唔會澀 好飲😎

在一個平日放假的早上, 難得可以放低手頭上既工作, 慢慢咁享受一下豐富早餐，在壓逼既生活中得到一些喘息。今日去樓下間cafe食返個西式早餐同飲返杯咖啡，玩下手機，打下卡，hea下。呢度早餐由8點供應到11:30，有多士，奄列，三文治可以選擇。我地揀左芝士炒蛋多士，配德國腸同蘑菇。我地見到佢地D牛角包好似好靚咁，忍唔住再加多個牛角包。炒蛋都係一貫咁滑，芝士好香，份量都好多。洋蔥炒蘑菇都好好味，脆皮腸配埋炒蛋味道啱啱好。牛角包好香牛油味，外脆內軟，好食到停唔到口。如果唔係因為怕肥，真係好想食多幾隻。呢度主打咖啡，所以叫左杯ice latte，另外叫左杯伯爵茶鮮奶朱古力。Ice latte入口順滑，帶有少少煙燻香味，證明咖啡豆比較靚，對於我呢D飲咖啡個胃會有少少唔舒服既人黎講，呢杯latte完全無問題。另外伯爵茶鮮奶朱古力既伯爵茶味好香好濃，更加估唔到既係連伯爵茶都有拉花，係味覺同視覺既享受。飲咖啡少不了甜品，所以我地傾傾下計都叫左個咖啡胡桃蛋糕。蛋糕咖啡味好濃烈，好鬆軟，再配以咖啡，非常好味。

Espresso Alchemy❤️🔄💤琴晚黎如心酒店staycation, 所以一落樓下食早餐就見到呢間我最愛既Espresso Alchemy, 環境舒適，☕️仲有自家烘培既咖啡豆賣～食番個靚靚個早餐先有個Good Morning☀️💡不設加一服務費💡堂食的話先坐低睇menu, 之後再去櫃枱點餐及付款，再回座位靜候食物。▪️Two Cheese Scrambled Eggs With Sourdough Toast"炒蛋多士 蛋的份量超級多 夠嫩滑 加上今次加左煙三文魚同雜菌"▪️Cajun Chicke & Mozzarella Cheese Omelette"滿足的早餐 奄列入面有陣陣芝士香味同厚肉嫩滑既雞扒"▪️Paint Crosissant▪️Tomato & Cheese Croissant"牛角包夠大個外脆內軟 牛油味超香的喔""蕃茄芝士牛角包有著清新既蕃茄同熔化中的芝士 口感超夾"▪️Latte▪️Cappuccino“Alchemy自家烘培咖啡味香濃 拉花靚靚！ Cappuccino 同Latte 會分開用唔同杯方便識別"

每每上班時都會經過這家咖啡店 – Espresso Alchemy,每一次都會被很濃香的咖啡味所吸引。但因為趕住上班,而不能停下叫外賣。今天終於可以一嚐其味道了。先說餐廳的環境, 餐廳座位不多,設有落地玻璃,坐在落地玻璃旁的座位,可以一暏外面的景象。自然光穿透餐廳內,感覺份外舒適。由於早餐吃得太豐富,所以是次跟同事兩人享受一個Lunch Set.叫了烤雞菠蘿漢堡配檸檬乳酪醬(Burger – Cajun Chicken Pineapple),開心share 食。烤雞漢堡比我想像中的大個,內裡有2塊一大一細的烤雞,有菠蘿,還有很多沙律菜和蕃茄,配上白色的沙律醬。把整個漢堡一分二,啖啖菜加香而微辣的烤雞,還有菠蘿的配搭,酸酸甜甜的味道,很開胃。 Lunch Set 可以加錢(+HKD10 細杯或 +HKD15 大杯的咖啡/朱古力飲品), 今次就加HKD10 叫左杯 Piccolo Latte(呢杯Latte 只有1個size,細細杯的),個心形拉花拉得靚外,味道好香咖啡味,細細地的一杯咖啡,好快就飲曬了。黎到咖啡店的地方,當然系要嘆埋個甜品,先叫完美的。最中意食甜品的我,真心想試曬每一款甜

Pasta Carbonara基本上去到西式餐廳都會是必選菜之一，意粉食落好香口，軟硬適中，食落煙韌，而且幾掛汁，蛋汁夠creamy，會稠身同濃味啲，份量好適中，女仔兩個人剛剛好，可食晒。配料都好足料，有好多煙肉，最重要是用厚煙肉，出面很少地方有厚切，的確驚喜，同事仲好欣賞呢個意粉，貪佢夠多汁，YUMMY。跟餐加15蚊可要杯大size熱朱古力，拉花美不在話下，甜味剛好，不捨得咁快飲哂，要慢慢品嚐，不過午餐時間有限，不得不加速^^由於見到店內食客都有點一款蛋糕，其實在收銀旁已看到有放在當眼位置，味道都有好幾款，我鍾情blueberry，就冒著會飽既風險，點來試下。蛋糕很鬆化，blueberry味突出，仲要職員會整熱番出來先比客人食，很貼心。鋪頭簡潔企理，影相位多，三五知己，閏蜜情侶共聚好地點。

荃灣如心廣場地下Expresso Alchemy,特別喜歡餐廳座落於 轉角位， 無論氣氛和環境也很Chill尤其坐在室內近窗的空間，喝口咖啡，完全讓人忘記了 原來對面楊屋道可是人來人往的。餐廳食物款式多，各種意式包三文冶, 或是pasta 漢堡包，再到自家homemade cake/西多士都應有盡有，無論只是喝杯咖啡或是吃個brunch，都有得選擇。火雞胸蕃茄三文治貝希臘乳酪醬多士超大的一份，青綠色蔬菜一睇就知勁新鮮，咬落爽脆。火雞胸肉厚厚的幾片，低脂又讓人超滿足加埋yogurtsauce, 多士有微烘過Simple得黎清新健康。青醬雞扒沙律雞扒不會覺得太柴， 軟硬到咬落剛剛好沙律菜新鮮爽脆不在話下，， 去搭點點酸酸清新的醬汁，開胃。自家製咖啡胡桃蛋糕送到來的時候還是暖暖的有牛油／蛋和咖啡味剛剛好，蛋糕整體的甜度也不會過膩滿足。另外Flat White 的拉花美美der。

之前有喺ig睇過呢間cafe,一直想試下，今日同朋友到附近行街，本身諗住行到差唔多兩點咁上下就去食個late lunch, 點知唔係好識路，搵唔到個入口，搞到miss左個lunch set,不過一場黎到就照食啦到嘅時候都有人等緊，等左大約10幾分鐘就有位了，落單要喺櫃檯落左先，之後就會有waiter送過黎餐廳有一面係落地大玻璃，坐喺玻璃隔離望住街同朋友傾計，歎埋杯咖啡特別寫意香煎虎蝦配蘆筍辣蕃茄汁意粉蝦肉好爽，意粉煮得啱啱好，唔會太淋，個蕃茄汁好濃味，辣辣地，越食越想食青醬雞肉忌廉長通粉賣相好似比較普通，但食落忌廉汁都好creamy,份量剛剛好，每舊長通粉都沾到汁雞肉好嫩

呢度d飲品整得幾好，甜度適中之外，奶同茶既比例香度都出到，同時飲到，同時入口。真係整得幾好。除此之外，d意粉都做得有口感，好似手做咁，算係唔差。唯一就係可能調味或者材料方面份量加多少少同埋有d人會覺得淡少少。

一間bookmark左好耐嘅coffee shop終於搵到機會黎試😎不過當日5點多啲先到，原來佢地6點要清場🥲所以都食得幾臨急臨忙🙈但呢道無論咖啡同食物都相當唔錯，下次都係午餐時間黎黎可以坐耐啲🤦🏻‍♀️coffee shop並唔算太大，裝修以米白色為主調，簡約清新～◾️青醬雞扒沙律 • $79 呢度嘅慢煮雞胸肉係我食過最好食嘅雞胸🤤質感嫩滑，亦保留到肉汁同埋雞肉嘅彈性，青醬清新同雞肉100%夾🤤比著我真係會成日食極唔厭，減肥恩物🤣沙律菜新鮮爽口，油醋醬汁唔會太酸，調配得非常好🤤◾️厚切意大利煙肉卡邦尼意粉 • $88 呢度嘅卡邦尼意粉應該加左鮮忌廉，醬汁濃厚creamy，意粉比起平時食到嘅粗身，軟硬程度適中，每一柱意粉都能夠包裹到醬汁，厚切煙肉份量十分多👍◾️Cappuccion • $37佢地用嘅係自家烘焙嘅咖啡豆，帶有堅果香，奶泡細緻！◾️Matcha Latte • $37拉花好靚😹值得一讚！抹茶味較奶味重，入口微甘但唔會苦澀，如果再細緻啲會更好◾️藍莓合桃蛋糕 • $30磅蛋糕嘅質感厚實濕潤，藍莓🫐酸酸地，都幾好食

在青衣做完運動順便上青荃橋(又稱青衣北橋)跑回荃灣，這條是連接青衣及荃灣的行車天橋，旁邊設有行人路，步行只需10多分鐘，便可以橫跨藍巴勒海峽。到了荃灣西站附近又想起係時間食個午餐，做完運動要吃得健康一點。Espresso Alchemy 有個「青醬雞扒沙律」是很好的選擇。青醬雞扒沙律($79)青醬是我喜愛的意粉醬料，它也可適用於海鮮、雞肉、蔬菜等等。青醬有着多種香料、蒜、芝士、果仁、橄欖油等做成。今天吃的是青醬配上嫩滑的雞胸肉，經醃製的雞肉保持濕潤，跟青醬好配合，富營養又健康。旁邊的沙律蔬菜種類很多，有小蕃茄、羅馬生菜、火箭菜...還有黑橄欖和意式醃製風乾蕃茄配檸檬醋醬，好豐富，好新鮮。天氣太熱點了一個凍咖啡 Ice Cappuccino ，這個配餐另加 $18，這兒的咖啡一向保持水準，回甘不錯。

今日去荃灣做嘢, 對呢度附近唔係好熟, 都係喺openrice睇吓附近有咩好嘢食 見到呢間cafe有好多嘅好評, 一於試吓叫咗個set lunch: 青醬雞扒沙律🥗🍗用雞髀呢個emoji絕對唔會過分 - 雖然應該係雞胸位置, 但係可能用慢煮嘅關係, 雞肉一啲都唔鞋, 加埋啲青醬嘅調味, 非常滿足💓 沙律菜亦非常新鮮, 仲有蕃茄乾, 車厘茄等等, 一啲都唔會單調🥰整體份量足夠, 感覺亦都好健康🥰套餐會包普通咖啡, 我同朋友都加咗錢要flat white (細杯加$10, 大杯加$15, 我哋都叫咗大杯) 如果oat milk加兩蚊🥛 我冇加到, 後尾先知佢係用oatly, 好後悔🥲 咖啡味道濃郁, 好好飲😚明白點解有咁多好評, 因為真係好味, 同埋性價比真係好高, 下次會去尖沙咀分店🥰