642
21
10
港鐵尖沙咀/尖東站 B1 出口, 港鐵尖沙咀/尖東站 N5 出口 繼續閱讀
所有分店 (4)
電話號碼
26741838
開飯介紹
餐廳以白色為主調,使用雲石檯,更顯得優雅。主打西餐,提供不同口味的意粉及全日早餐等,餐廳的自創甜品——咖啡白朱古力西多士最受歡迎,烘麵包中夾著咖啡餡,十分適合下午茶時段享用。 繼續閱讀
營業時間
今日營業
08:30 - 20:00
星期一至三
08:30 - 20:00
星期四至五
08:30 - 20:30
星期六至日
10:00 - 20:30
公眾假期
10:00 - 20:30
付款方式
Visa Master 現金 AE Apple Pay
其他資料
支持減塑 詳細介紹
電話訂座
食評 (725)
等級4 2021-04-02
52 瀏覽
因疫情關係,的確很少和各方好友聚餐,而所有生日飯都一拖再拖,常常一句「有拖無欠」,哈! 就趁疫情有所緩和,馬上相約好友補祝生日。想起友人一向喜歡去不同的咖啡室hea,故今次我揀了它,一間舒適悠閒的咖啡店。開放式的設計,空間感十足,以黑色和木色為主調,懸掛着一盞盞柔和的吊燈,感覺舒適。四處擺放一桶桶咖啡木桶和一包包咖啡豆,裝潢既型格,又專業。外設多張圓枱和長枱,內裏則有長沙發配二至四人枱,座位量適中。看看餐簿,全是a la carta 。飲品有Feature Drinks、Espresso-Based、Shop Exclusive、Craft  Beer、Chocolate、Tea、Others;而食物就有Salad、Toast、Dessert、Special 、Panini和Pasta。******************************友人生日,當然由她發辦。她揀了一客牛油果多士配鵪鶉蛋配沙律  Smashed Avocado Toast w/Quail Eggs and Salad ($63),份量十足,賣相一流。選用多穀麥多士,口感豐富,多士皮烘得香脆可口,包身則挺軟熟,面層塗滿香滑的牛油果蓉,夾雜着牛油果粒和蕃茄粒,拌入檸檬汁,吃起來很清新,配搭美味。旁邊放了以苜蓿芽搭成的「雀」巢,放了兩隻鮮香的鵪鶉蛋,賣相真有心思!還有清新爽嫩的雜沙律菜,配上紅椒、紅皮蘿蔔和車厘茄,沒有拌入任何醬汁,清新怡人。******************************另揀了一份香煎大蝦配蘆筍辣蕃茄汁意粉 Tiger Prawns and Thai Asparagus Spaghetti in Spicy Tomato Sauce($123),熱辣辣上枱,散發着陣陣酸香,令人胃口大開。意粉面放了三隻大虎蝦,很吸晴。每隻虎蝦都已脫殼,方便進食,肉質鮮橙亮麗,爽彈鮮味,正!意粉煮得剛好,煙煙韌韌,挺有嚼勁,口感不俗。加入幼嫩清爽的蘆筍段、洋蔥粒、蒜粒、香草、茄蓉等,醬汁緊緊掛在每條意粉上,烹調入味,味道酸香中帶點辣,醒胃又惹味,美味! ******************************友人本想點杯咖啡,但卻被熱伯爵茶鮮奶巧克力  Earl Grey Chocolate ($45/LGE)吸引了。心形的拉花圖案清晰挺身,很美!她話入口香滑,濃濃的朱古力滲出淡淡的伯爵茶幽香,香甜而不膩,很喜歡。大家都知我是Baileys迷,就在Feature Drinks中發現了Baileys Chocolate ($65),太令人興奮。指定選用脫脂奶,拉花圖案不算清晰,但灑上一行可可粉作點綴,賣相也很美。放近咀邊,聞到濃濃的朱古力香。呷一口,溫度剛好,入口順滑,香濃的朱古力和Baileys的酒香味道平均,令人越喝越陶醉,很討我喜歡。------------------------------雖然疫情令大家很久不見,但朋友真的需要見。在這個舒適的環境中,我倆輕輕鬆鬆地談天說地,彼此關心,就已經很開心。 繼續閱讀
(以上食評乃用戶個人意見 , 並不代表OpenRice之觀點。)
🎈Espresso Alchemy 🔍尖沙咀彌敦道132號美麗華商場B1層B116號舖-----有好多餐廳服務水平不予置評但都要收加一服務費,而呢間位於mira mall寧靜的一角嘅coffee shop就服務質素不錯得黎,又唔使收加一,呢個就係我鍾意佢嘅原因之一😛。雖然落單同埋倒水要自助,但係就唔需要自己取餐,店員亦都會好好人咁為你送上餐具、紙巾等🍴。Pesto Marinated chicken salad ($78)🐣雞胸份量非常多,B仔無聊咁數咗一下,多達13塊,而且塊塊都頗厚切,沾上適量青醬,再加埋新鮮沙律菜,啖啖入口濕潤清爽,完全冇乾柴柴嘅感覺,係無論減肥中定係非減肥嘅人士都會鍾意嘅沙律,如果驚單食沙律唔夠飽肚,配搭一杯低甜度嘅Matcha almond milk Latte($50)亦係唔錯嘅選擇🍵。Tiger Prawns & asparagus in spicy spaghetti($123)🦐嫩滑蘆筍配搭爽彈大蝦,本來就係唔會輸嘅組合,再加上自家製嘅香草辣汁,standard嘅美味中又多了幾分不平凡,令味蕾一食難忘。Cheeky (pork) Hash and eggs($63)🐖看似唔係好複雜嘅材料,配搭起嚟卻是令人驚喜的高質。軟綿綿嘅薯粒、taste like港式臘腸又比臘腸多一分香甜味同油香嘅豬面肉,再加上功夫到家嘅滑溜炒蛋,加埋脆薄麵包一同入口,係令人幸福感滿滿的料理無誤。-----👶🏻B仔整體評價:8/10個👍🏻👶🏻B仔抵食程度:7.5/10個👍🏻👶🏻B仔環境評分:8/10個👍🏻👶🏻B仔味道評分:8/10個👍🏻👶🏻B仔回頭機會:8/10個👍🏻-----#swallowhongkong跟住我一齊吞食香港啦!🤤#swallowtst 繼續閱讀
(以上食評乃用戶個人意見 , 並不代表OpenRice之觀點。)
健康美味而且啱小朋友食嘅coffee shop~~~星期五帶小姪女過黎尖沙咀買書包 順便帶佢哋呢一間幾適合小朋友食嘅餐廳度食晚餐 🍽~~~餐廳環境幾靚 小姪女表示幾滿意😄 店員好有禮貌 揀食物嘅時候 亦推介左啲小朋友啱食嘅食物俾我~~~睇完餐牌之後就可以去櫃檯落單 本身想叫一杯朱古力俾佢 點知當日嘅朱古力好可惜緊買晒 所以就叫咗一杯店員推介嘅抹茶拿鐵俾佢飲 同埋叫咗一杯香甜清爽嘅honey bee 比自己 之後就叫咗個小姪女指定話要叫嘅朱古力蛋糕 然後主食方面我哋就叫左全日早餐同埋牛油果吐司配鵪鶉蛋🥚~~~食物上完之後 小姪女第一件事 就係想食佢嘅朱古力蛋糕 濃郁嘅朱古力蛋糕甜甜地 唔會太苦 好啱小朋友口味 蛋糕好濕潤好creamy 奶油感嘅質地完全係小朋友嘅最愛 食一啖蛋糕再配上一啖佢鍾意嘅抹茶拿鐵 就已經笑到見牙唔見眼 小朋友 真係易氹☺️☺️好可愛~~~之後上嘅就係全日早餐 早餐裏面有雙層咖啡多士 牛油果醬 煙三文魚 腸仔 薯仔 炒蛋 同埋迷你牛角包 全部嘢食小朋友都幾啱食 不過由於比較夜 所以咖啡多士我就自己食 驚佢瞓唔着😆點知我食完咖啡多次之後 個all day breakfast裏面嘅腸仔 薯仔 炒蛋 同埋牛角包都已經俾佢消滅晒🤣好食得~~~食食下個全日早餐 牛油果多士亦都上咗 個多士得$63 本身諗住好細份 點知勁大份 好抵食 平時一個牛油果都唔貴 但係佢哋竟然落得好重手 非常大方 香香脆脆麥味濃嘅包加上幼滑牛油果我同小姪女都好鍾意食 另外仲有佢鍾意食嘅鵪鶉蛋 同埋清爽蔬菜 成餐個感覺都幾健康🥑~~~推薦度:🔥🔥🔥🔥🔥🔥🔥🔥Espresso Alchemy (尖沙咀)尖沙咀彌敦道132號美麗華商場B1層B116號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-23
532 瀏覽
今日同屋企人喺附近行完Donki就決定去隔離美麗華食個Tea,美麗華都有唔少Cafe,Espresso Alchemy 之前都食過,感覺好唔錯,所以就推薦屋企人喺度食。環境舒適,有格調,座位都分得好開,有安全距離,感覺很安心。黑松露蘑菇意粉 $118一上枱黑松露香氣已經湧上來,材料用上非常多的菇菌加芝士,賣相很吸引。入口香氣十足,香草味都好清新,醬汁亦都很creamy,有好濃郁的黑松露香,份量都幾足。煙三文魚沙律$78沙律很大份,沙律菜非常新鮮爽脆。煙三文魚都有五大片,不會過咸,煙熏味道很不錯。黑醋沙律汁酸酸甜甜,讓沙律一點都膩,亦非常清新。不過食到咁上下覺得醬汁不夠,最後職員就比多一點醬汁,好正!火雞胸蕃茄芝士意大利三文治 $68層次分明,新鮮的蕃茄配上剛溶的芝士加火雞胸,平時食火雞胸都會好鞋,但呢度既都算幾嫩,又唔會太乾身,再加上新鮮蕃茄,juicy,感覺好健康!Mocha有香濃的朱古力味,正!最後埋單都係大約$300,價錢唔算貴,食得非常滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-02
195 瀏覽
A cup of tiramisu wakes you up🎈Espresso Alchemy/What drew my attention was the charming tiramisu!/青醬雞扒沙律🥗Pesto Marinated Chicken Salad ($78)雞扒既份量好多 相信系慢煮雞扒咬落好嫩身 唔會鞋🐥仲會食到啲透明組織位置 好滑呀🥰沙律唔系太食到有沙律醬 但就咁簡簡單單清清地已經好好食啦 可以食返食材既原味嘛香煎虎蝦配蘆荀辣蕃茄汁意粉 🍝Spaghetti with Tiger Prawns & Asparagus in Spicy Tomato Sauce ($123)有三隻又大又爽口嘅虎蝦 因為叫辣蕃茄汁意粉預計系辣嘅 但結果佢又唔系辣 番茄醬比預期中淡味巧克力咖啡 Mocha ($38) 🍫唔系第一次飲佢哋嘅mocha 覺得朱古力味濃唔甜 鍾意朱古力同咖啡雙管齊下嘅朋友可以試下鮮奶咖啡 Latte ($36) 🍼咖啡既味道比mocha突出 與牛奶融為一體意式芝士餅 Tiramisu ($49) 🧀呢個極推薦 雖然手指餅部份唔算多但忌廉滑 最正系不到底 將所有材料加埋濃濃espresso 既甘苦 超正🥳 繼續閱讀
(以上食評乃用戶個人意見 , 並不代表OpenRice之觀點。)