Espresso Alchemy (海港城港威商場)

營業中

休息中

️海港城分店好乾淨明亮嘅感覺揀咗個雲石特色位坐😬，幾舒服青醬雞胸沙律配檸檬醋醬 $93雞胸質地好tender，配青醬好好食喺IG見過呢個salad係營養師推介嘅good pick🤚🏻檸檬醋就好濃味，偏酸，怕酸嘅人就要注意香煎虎蝦配蘆筍辣蕃茄汁意粉 $131份量適中蕃茄汁係微辣程度，個汁唔heavy，配幾隻大虎蝦🍤自家製檸檬蛋糕 $33落單嗰陣見到啲玻璃兜loaf cake，好吸引蛋糕一啲都唔甜，陣陣檸檬味，淡淡牛油香🧈無負擔嘅感覺宇治抹茶鮮奶 $49夜晚費事飲咖啡，Uji matcha latte都係一個好選擇🫡

近期常常去尖沙咀開會工作至深夜今次忙完終於坐低食野充下電5點幾經過商場大堂被粉紅咖啡店的咖啡香味吸引左就跟同事食埋晚飯先 餐牌除左各樣飲品咖啡茶類都有好多意粉 意大飯和三文治我地坐近圓拱門下的卡位雲石枱面與牆上小燈飾 氣氛唔錯 //牛油果蕃茄芝士意大利三文治 $80//比想像中足料 牛油果和蕃茄份量很多即叫即烘的三文治 麵包用意大利包食落外微微脆口 咬落去芝士味濃看似份量不多 原來都很滿足 //厚切意大利煙肉配卡邦尼意粉 $108//同事叫左卡邦尼意粉 同樣份量很多以這價錢在尖沙咀 性價比高厚切煙肉粒經過炒煎香 入口帶焦香感意粉的忌廉味濃郁 又不會過鹹 //生酮宇治抹茶忌廉卷 $61//生活太苦悶一定要甜一下叫左抹茶忌廉卷 比想像中抹茶味明顯忌廉厚實 不會太淡口蛋糕質地鬆化 蛋味夠香 //Flat White (Regular) $41//最期待是咖啡 真的很香奶啡的豆味明顯 口感好balance拉花十分清晰 而且唔會起泡飲到底都維持形狀 果然有水準 //Single Origin Brew $31//店員介紹定期會轉口味的今期用上哥倫比亞豆 香味更出入口唔會苦澀 帶花香味道

之前去過太古坊店同埋美麗華店都覺得唔差，而且啲嘢食都食！今日就同朋友嚟到尖沙咀，提議不如去返呢間Cafe，又可以坐得耐，同埋佢位置喺港威嗰邊，人流唔算太多！青醬雞胸沙律配檸檬酸醬沙律到！眼都凸埋！因為份量真係好大！雞胸肉勁多！檸檬味清新，味帶鹹酸！我哋四個人食啱啱好！芝士菠菜意粉如果鍾意食芝士牛奶嘅人士，應該會勁鍾意呢個意粉，因為佢奶香味好濃，而且芝士亦都好濃厚！意粉一上枱就聞到濃濃嘅奶香同芝士味！烤雞菠蘿漢堡會檸檬乳酪焗薯漢堡包嘅雞肉又係勁多，而且仲搭到好高，切起上嚟有啲難度，但係真係夠晒四個人食！雞扒烤得恰當好處。而且肉汁亦鎖到！加上有大塊塊菠蘿，仲有大大塊生菜，食落去唔會太乾身！French Toast with Salted Carmel 呢個超正！ 麵包整得好腍，入口好軟熟，層次豐富，配合埋雲呢拿雪糕加埋自家製嘅海鹽焦糖醬，超好食！最後叫咗兩件 bread藍莓&青檸表面都焗得好夠脆，內裏都好鬆軟！Flat white奶泡幼細，口感別有特色Homemade Lemonade自家製蜜糖檸檬水Honey Bee (Honey Lime Soda)蜜糖青檸梳打兩者都帶有酸酸甜甜的口感

今日一行四人約好去食tea吹下水，揀咗喺尖沙咀海港城嘅Espresso Alchemy. 之前喺佢哋太古坊分店已經食過一次，所以已經知道佢既質素唔錯。而海港城分店亦都冇令我哋失望。青醬雞胸沙律配檸檬醋醬（$93）：雞胸肉好嫩滑，而且size算大。沙律菜新鮮爽脆。配埋檸檬醬醋感覺清新。菠菜芝士意粉配檸檬汁（$108）：菠菜份量好多。醬汁質感Creamy。意粉軟硬度適中。烤雞菠蘿漢堡配檸檬乳酪醬及焗薯（$128）：個漢堡嚟到好高呀！有好多材料，包括沙律菜，蕃茄，菠蘿同埋兩件烤雞。係一個好豐富嘅漢堡。西多士伴鮮醬果及雪糕配自家製海鹽焦糖醬（$76）：西多士整得好香口，配埋雪糕同埋焦糖海鹽醬一齊食，味道層次豐富。自家製藍莓合桃蛋糕（$33），自家製檸檬蛋糕（$33）：呢兩款蛋糕食落好鬆化，而面層係脆脆哋嘅。上枱嘅時候佢仲有啲暖暖哋，幾有誠意。Flat white ($46): 飲品夠熱，咖啡味香濃。自家製蜜糖檸檬水（$46），蜜糖青檸梳打（$48）：呢兩款飲品係朋友叫嘅，聽佢哋講味道幾清新。

星期日喺海港城行完街🛍️，希望去一間環境舒服嘅Cafe食晚餐，我朋友都行到有啲攰，所以直接留喺海港城呢間Cafe食👍呢間Cafe有好多座位，而且唔會覺得好迫，自己行去收銀處點餐之後，就會有侍應送食物去我哋個位🥰 十分方便！我叫咗煙三文魚沙律🥗配檸檬醋醬。三文魚同埋沙律菜嘅份量都好多，而且好新鮮，我叫咗Cafe將個醬另上，咁就唔使驚太多醬。另外我叫咗蜜糖青檸梳打🥤，非常清新醒神！我朋友就叫咗牛油果蕃茄芝士意大利三文治🥪，另外加多個沙律做side, 整體嚟講既飽肚又健康，係一個唔錯嘅配搭！佢叫咗一杯熱嘅抹茶鮮奶🍵，味道都幾濃！最後我哋叫咗個檸檬蛋糕做甜品，食埋甜品就感覺十分滿足😌

去完aia玩，搭返天星小輪去食飯，一落就已經係海港城，所以直接喺呢頭搵嘢食，平靚正嘅選擇就有呢一間Cafe。當晚揀咗烤雞菠蘿漢堡、厚切意大利煙肉配卡邦尼意粉🍝漢堡非常之有份量，雞肉juicy，一啖真係完全咬唔晒，旁邊仲有焗薯，食完又唔會有太熱氣嘅感覺。至於意粉非常之濃味，白忌廉好香口，煙肉亦都帶來鹹香！整體亦都冇好制你嘅感覺，當然有埋杯咖啡就最Perfect。Mocha有靚靚嘅拉花，咖啡味都幾香，餐廳選用朱古力去製作，所以朱古力同咖啡嘅味道都非常平衡。最後唔少得有香蕉蛋糕作為甜品，估唔到$33有咁大件！仲要香蕉味好清甜。

今晚來到尖沙咀海港城，去左Espresso Alchemy 食野，去到7點左右無乜人排隊，排隊買野食先，費時晏左會多人。頭盤叫左煙三文魚沙律配檸檬醋醬，黎到三文魚份量奇多，沙律菜亦好足夠，配埋汁醬好正咪道超級正。第二道菜係厚切意大利煙肉配意大利意粉，呢個意粉我去呢間食店必食，原因是呢個卡邦尼汁煮得好出色，吾會太漏，容易入口。第三道菜係忌廉黑松露醬配雜菌芝士意大利飯，我覺得煮得有點濕，整體味道好香，廚師落足黑松露，份量剛好2個人食。最後叫一壺桂花龍井，濃烈茶味，2個人share黎飲都足夠。食物質數，環境夠寬坐得舒服，服務人員態度很好。

尖沙咀海港城「Espresso Alchemy」，環境走簡約歐陸風，雲石檯配柔和燈光，仲有窗邊位可以望街景，啱晒同閨蜜Chill住打卡📸！☕ Mocha (Large) $47咖啡控必試！Mocha用咗自家烘焙嘅酸香咖啡豆，朱古力味濃得嚟唔會死甜，拉花好精緻Earl Grey Chocolate (Large) $48驚喜爆燈💥！伯爵茶香同朱古力完美融合，入口順滑得嚟帶淡淡柑橘香，甜度剛剛好，飲完仲有回甘～ 🍋 Lemon Chicken Panini + Bacon $78Panini烘到外脆內軟，夾住大塊慢煮檸檬雞胸，肉質Juicy💦！檸檬醬清新解膩，仲有半溶芝士同煙肉嘅鹹香，層次豐富 Mushroom Cheese Risotto $111蘑菇芝士燉飯每粒飯都掛滿濃郁芝士醬，蘑菇份量好多，帶微微松露香～口感Creamy得嚟唔膩，芝士控一定忍唔住清碟！ 🍞Lemon Bread $33甜品揀咗招牌檸檬蛋糕，表面微脆，內裡鬆軟，檸檬味天然清新～

今日送陪太太返工，去到尖沙咀，想搵間餐廳一齊食個Lunch先返工，所以就去咗呢間Espresso Alchemy到食Lunch。呢間Espresso Alchemy 坐位都算多同埋好坐，叫完餐就可以坐定定等店員送餐過嚟👍🏻虎蝦車厘茄意大利飯一隻隻虎蝦剝好殼放在飯上邊，勁吸引，蝦肉爽甜唔韌。意大利飯加上車厘茄再配上洋蔥蒜蓉，甜甜哋又辣辣哋，非常開胃😋青醬雞肉忌廉長通粉長通粉煮得剛剛好，唔會太淋或太硬。雞肉軟滑，加上青醬嘅味道，將雞味提升。自家製香蕉蛋糕非常驚喜，香蕉蛋糕外表睇上去好硬，但咬落去口感係非常軟熟，入口即溶嘅感覺👍🏻香味唔會太濃，恰到好處。香蕉蛋糕作為甜品，非常適合，一件已經夠我同太太食。Flat White奶味濃厚，咖啡帶有淡淡果香味，口感清新，好好飲。Mocha咖啡味唔會太濃，不會蓋過咖啡嘅味道，咖啡非常香，如果可以甜多少少，會更加好飲。同太太食完個Lunch，就送佢返公司，食飽飽咁開工係最開心😊

一早從澳門回來, 人未坐定早午飯未吃, 首先要醫醫肚, 即走到最近的港威 Espresso Alchemy, 喜歡這裡沒海港城那邊人頭湧湧, 坐得舒服一定要點的 flat white, 喝一口熱騰騰的咖啡, 整個人安靜下來實在有點餓, 即叫了烤雞菠蘿漢堡配檸檬 yogurt及焗薯餡料非常豐富, 包夠鬆軟, 雞肉乾濕程度剛剛好, 帶點juicy, 配上漢堡包十分好; 焗薯有點黑椒, 吃來點點的辣, 夠惹味; 燒菠蘿的酸酸甜甜正好中和了雞肉的濃濃香味在counter 見到新鮮焗製的蛋糕忍不住點了兩款味道, 檸檬味道突出, 未吃已經嗅到檸檬皮的清香; 藍莓核桃也很不錯, 尤其喜歡有咬口的核桃 吃得有點飽, 再加多杯蜜糖青檸消滯一下最好不過

在新春期間與好友相聚，當然要去咖啡店飲杯咖啡。這家咖啡店位於繁華嘅海港城，店內裝潢雅緻，讓人心情愉悅，適逢休閒嘅時間不用等位，便可以坐下來。首先點了一份香煎大蝦配蘆筍辣蕃茄汁意粉，然後點了一杯熱mocha咖啡。吃完意粉當然要再點一個甜品西多士伴鮮果醬及雪糕配自家海鹽焦糖醬，再配返一杯熱嘅宇治抹茶，滿足第二個胃。 先來是香煎大蝦配蘆筍辣蕃茄汁意粉，意粉口感剛剛好，大蝦鮮嫩彈牙，搭配蘆筍的清甜，辣蕃茄汁好惹味，讓整碟意粉更加豐富美味。Mocha 咖啡苦澀中帶著朱克力的甜蜜，口感豐富而深邃，每一口都是一種享受，讓人感受到咖啡的獨特魅力。最後來到了最吸引人的甜品西多士伴鮮果醬及雪糕配自家海鹽焦糖醬。吐司外酥內軟鮮果醬，配上雲呢拿雪糕，碟邊間海鹽焦糖醬，層次豐富，甜中帶鹹，香甜可口，絕對是一道讓人回味無窮的甜品，再配上一杯熱宇治綠茶，真是很滿足的一餐。

大大話話都食過香港好多間Cafe，呢一間都算性價比幾高。平時早餐或者午餐都會跟咖啡，甚至可以優惠價加購飲品。今晚同朋友夜晚到訪，人流唔算好多，亦都有一段傾偈嘅空間！當晚叫咗一份青醬雞胸沙律，透過慢煮嘅方法，雞胸肉都保持到肉汁完全唔會好乾好柴，更重要嘅係蛋白質充沛！主食方面揀咗香煎虎蝦配蘆筍辣蕃茄意粉、牛油果碎蛋貝果沙律🥗意粉帶少少辣辣地比較開胃，虎蝦都幾大隻，份量足夠一個女生食用。至於bagel包口感比較實淨，亦都好鍾意牛油果同碎蛋嘅配搭，軟綿綿得來又清新！由於夜晚到訪，所以朋友叫咗一杯咖啡，亦都用一個香蕉蛋糕作為今餐嘅甜品。

尖沙咀港威商場入面嘅Espresso Alchemy環境舒適，最重要係他們嘅咖啡同食物質素都很高，真係好值得推薦。脆炸魚堡配自家製蛋黃醬魚肉高質新鮮，炸得外脆內嫩，份量仲好大。配搭自家製蛋黃醬，同魚肉好夾，漢堡鬆軟有彈性。青醬雞肉忌廉長通粉最鐘意食長通粉，配上雞肉夠豐富，雞肉好嫩滑，青醬豐富惹味，加入忌廉很有層次，充滿香草味，長通粉煮得恰到好處，唔會過軟或者過硬，吸收咗雞肉同青醬嘅味道，十分惹味。伯爵茶朱古力有拉花，打卡一流，朱古力質感滑順同伯爵茶嘅清香好夾。伯爵茶香又出色，好味。藍莓核桃蛋糕，勁大舊，蛋糕嘅質感好鬆軟，滿滿嘅藍莓，好新鮮，核桃夠香脆，口感層次豐富。

咁啱去咗海港城附近，諗起呢度有間好chill嘅cafe，過嚟食咗個Lunch，估唔到午餐時間都幾多人✅牛油果青瓜番茄沙律伴芝士配檸檬醋醬 檸檬醋醬唔會太酸，反而令沙律更開胃，沙律新鮮，牛油果份量勁多🥑一個沙律都好夠飽✅雜菌豬頸肉漢堡配芥末籽醬比想像中大好多🤣要將個burger分開食先得😂😂豬頸肉肉質結實，超級大塊，要切開細細件食，因為我叫咗沙律嘅關係，覺得連沙律一齊食都幾唔錯😆✅Latte & honey Earl Grey Latte呢度嘅咖啡味道清幽，口感順滑☕️Earl Grey Latte加入蜂蜜層次豐富✅Blueberry Bread & Banana Bread收銀枱附近會見到實物，口感非常鬆軟😍呢兩隻味係最多人點，果然好食😋本身以為一片得好少，估唔到比想像中大塊📍Espresso Alchemy (尖沙咀)尖沙咀廣東道3-27號海港城港威商場地下G104號舖

朋友鍾意飲咖啡，難得今日空閒，一齊坐低飲下食下傾下偈😁🌟黑咖啡 ($40) - 就是正常Long black 啦😁🌟宇治抹茶鮮奶 ($45) - 拉花美美的，抹茶味濃👍🏻🌟烤雞菠蘿漢堡配檸檬乳酪醬及焗薯（$128）- 超大的，賣相不錯，驚訝有兩整塊雞扒咁多😱加上蕃茄菠蘿生菜，清新解膩，口感豐富😊焗薯加上了少少辣粉，加了點刺激🤣🌟西多士伴鮮醬果及雪糕配自家製海鹽焦糖醬（$76）- 還是第一次見三層的西多士，夾層有果醬和牛油，香口又帶點香甜😋吃東西食物質素固然重要，環境美美的沒壓迫感也很重要，餐廳的拱門設計加添了一些美感，感覺舒適🥰