407
4
1
港鐵銅鑼灣站 C 出口, 步行約5分鐘 繼續閱讀
電話號碼
21714268
營業時間
今日營業
15:00 - 04:00
星期一至六
15:00 - 04:00
星期日
全日休息
公眾假期
15:00 - 04:00
公眾假期前夕
15:00 - 04:00
付款方式
Visa Master 現金 AE 銀聯
其他資料
網上訂座
Wi-Fi
深夜營業
酒精飲品
賞訂座積分
加一服務費
Live Music
電視播放
有關獎賞計劃
食評 (422)
等級4 2019-08-25
552 瀏覽
實在係令人讚歎既餐廳,不得不花時間食感受。銅鑼灣街角盡頭再轉個彎,有間酒吧型既餐廳,枱面size不大,裝飾很有時代感,餐廳半邊係吧枱,都有幾個露天位。食物有串燒,pizza, 意粉同小食。我點了份菠蘿串燒,粟米串燒,西班牙粟米片,寬條麵。先黎個餐湯,我就一般,朋友飲哂很想試佢地既甜品可惜冇肚了,因為粟米片勁多cheese好飽肚,果三種醬很好食。粟米串燒好驚喜,因為落左牛油同cheese勁勁香。但係要自己切出黎。寬條麵等得比較耐,麵身較軟。Noble laddy 好飲。去到九點,有live band表演。很surprise很精彩。似係東南亞人,有keyboard ,base同鼓手,仲有兩位主唱。佢地雖然係外國人但係唱到普通話和廣東話流行曲,全場食客都好surprise 同會跟住唱耳熟能詳既歌曲。冇諗過食餐飯都有靚歌聽,實在很難忘。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-21
394 瀏覽
Ember, a small piece of burning or glowing coal or wood in a dying fire. 餐廳裝修溫暖中帶點平靜,樓底很高,牆上的是設計品散發出微微的黃光,氛圍安靜。晚上的主菜餐單都跟了一個今日例湯,今天的湯是番茄湯,牛油法包香脆鬆化,配湯很好吃,番茄湯很滑,相信加了好多忌廉,甜中帶微酸,湯內仲有浸透了的牛油麵包粒,口感豐富了不少。橙漬鮮吞拿魚。芝麻。無花果。嫩菠菜沙律,配了橙汁脆片和黑油醋汁。吞拿魚是新鮮的,半刺身狀態,外層裹滿了黑白芝麻,橙漬吞拿魚味道微酸,軟滑肉嫩。黑醋汁酸甜的很開胃,菠菜新鮮,無花果清甜。Pork Loin烤西班牙黑毛豬扒的Main份量偏大,2人分享都夠飽,豬扒又大又厚肉,熟的程度選了五成,剛剛好無血水,肉質鮮甜少筋啖啖肉,不加汁都不會乾,如果蘸上提供的芥茉醬更有帶出肉味的感覺。配肉的薯菜都十分出色,小椰菜,粟米仔,茄子,薯塊等,都吸收了肉汁,份外入味。鮮魷魚芝士忌廉汁寬條麵裡加了煙肉和菠菜作為配菜,寬條麵煙韌沒有煮過熟,芝士忌廉汁香濃而不膩,鮮魷魚一圈圈的,煮的軟滑爽彈。煙肉作為配菜大大減少了忌廉汁帶來的飽滯感,吃完整份也不是特別膩。Drink menu換了餐牌,作為穩陣派,2杯都叫了傳統雞尾酒。Long Island ice tea: 沒有茶的冰茶,只是具有紅茶色澤與口味的雞尾酒。調製的主要成份為伏特加、龍舌蘭、琴酒,再倒滿可樂,插上檸檬。想買醉的人,叫多幾杯就可以躺着回家了。Margarita: 以龍舌蘭配製的雞尾酒,以龍舌蘭酒、檸檬汁和君度橙皮酒等成分調成的,杯口上通常粘有一層細鹽,人們通常叫它鹽口。酒精濃度不會太低,喜歡妹酒的,還是不要喝傳統雞尾酒好了。 繼續閱讀
(以上食評乃用戶個人意見 , 並不代表OpenRice之觀點。)
Ember (銅鑼灣)銅鑼灣告士打道229-230號宇宙商業大廈地舖-----無論係摸住酒杯傾計 抑或食住佳餚暢聊 都係B仔非常中意嘅事情 所以B仔最鍾意嘅就係有美酒又有美食嘅餐廳 而呢間個個星期都有駐場樂隊表演嘅Ember就正正係我杯茶 呢度食物水準頗高 酒類選擇多 而且環境非常休閒又浪漫 非常適合放工嚟relax一番-馬尼拉鮮蜆·勝瓜·車厘茄·上湯左口魚柳($288)蜆肉非常大隻 好新鮮 咬落鮮甜多汁 勝瓜幼嫩 唔會太老 車里茄香甜 上湯清甜 左口魚柳亦非常嫩口 雖然味道好中式 做法好西式 但整體中西融合得好好 味道調配得恰到好處😝-Soup of the day (跟main course附送) 我地嘅是日精選餐湯係南瓜湯 口感非常creamy 幼滑 南瓜味濃 無咩好挑剔😄-烤西班牙黑毛豬扒配意粉($188)黑毛豬扒同意粉係分開上嘅 意粉上面有非常多芝士絲 攪拌均勻之後芝味濃郁 黑毛豬則非常厚嫩 油脂同肉比例大概係3:7 入口好juicy😋-Sea Breeze($78)酒精味道唔算重 亦唔淡 味道酸酸甜甜 果味重 容易入口 -Noble Lady($66)無酒精成份 係mocktail 成分主要以椰奶為主 仲有自家製紅豆糖漿 味道較甜 椰奶味超濃郁 適合唔飲得酒且中意甜味嘅朋友仔~-♥︎live band 唔係日日有 可以去之前先打電話問清楚當日有無live band演出-----👶🏻B仔整體評價:8.3/10個👍🏻👶🏻B仔抵食程度:7.5/10個👍🏻👶🏻B仔環境評分:8.5/10個👍🏻👶🏻B仔味道評分:8.5/10個👍🏻👶🏻B仔回頭機會:8.5/10個👍🏻-----#swallowhongkong☺️快D跟住B仔一齊吞食香港啦!🤤#swallowcwb 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-20
363 瀏覽
我對M1 Bar旗下既餐廳真係特別情有獨鍾,佢地既餐廳都係以獨特設計,有種食物與環境融為一體既感覺,呢間"Ember"亦唔例外。樓底好高,佔地好闊落,座位夠舒服,整個周邊都時尚特色既牆身覆蓋,點可能錯過打卡呢?外面有少量吸煙區,可以比你邊飲邊Sofu下,室內仲有Live Band,唔怪得愈夜愈精彩啦!👇📌Jamaican Grilled Chicken Leg w/ Grape Salad - $98👉話明多國菜,當然要試下異地風味小食 –"牙買加烤雞脾"啦,以獨特既烹調方法將煙燻香料用乾粉抹係肉上面,再用醃醬醃過後,經燒木係烤爐上燻烤而得出果種惹味,風土味極濃!食得過!📌Grilled Spanish Ibérico Pork Loin Steak w/ Spaghetti - $188👉第一道主菜我以西班牙黑毛豬為出發點,肉質相當有厚度又嫩滑,食落口感同肉汁都好豐富,仲有重重油香味,七成熟就岩岩好。可以配炸薯或者意粉,我揀左後者,意粉幾有咬口,唔錯!📌Fresh Calamari Cheesy Cream Sauce tagliatelle - $168▪ Bacon ▪ Spinach👉寬條麵我最鍾意就係用芝士做配搭,口感一定係最好,魷魚都爽滑又彈牙,芝士味又夠濃郁,仲有煙肉同菠菜汁混合而成,整體層次感豐富,食得過!📌Classic Cocktail▪ Grasshopper - $78 (H.H)▫ 悶焗既天氣最好整杯有mint既Coctail爽下啦,呢杯飲落有淡淡薄荷既清新感覺,特別醒神,加埋可可粉,令成件事加左甜味,同Vodka夾埋就好夾啦!📌Mocktail♦Mango Tannin - $66(H.H)▪ Oolong Tea▪ Home-made Mango Puree▪ Sago ▫ 我朋友唔飲得酒,嗌左杯Mocktail試下,自家製芒果蓉配合烏龍茶底特別清甜解渴,加埋西米增加口感,幾特別,消暑一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-11
494 瀏覽
對上一次食Ember係兩年前,事隔兩年再嚟Ember,今次帶咗女朋友。上次嚟嘅時候有live Band,不過今次應該太早去到所以未有live band演出。Live Band旁邊有部大電視,播緊Bruno Mars既Victoria Secret表演,真係目不暇給(我指既係女模)。枱上既座燈可以調教方向,幫助影相打卡之餘,更令晚餐更有氣氛。經過一番嘅討論,我哋決定叫一款小食同兩款主食。龍蝦湯要加$30,味道比較濃,質感比較稀身,旁邊既蒜蓉包就幾脆。芝士忌廉嫩菠菜非常邪惡,一夾菠菜就會伴隨芝士拉絲,菠菜同芝士嘅比例啱啱好,菠菜嘅爽甜唔會被芝士淹沒。主菜方面,我叫咗烤羊扒,一碟總共有三大件,旁邊有大量配料,可謂非常豐富。最特別係小椰菜,煮得好清脆,完全唔苦,還帶出獨有甘香。羊扒口感幾嫩,餐廳總共提供三款醬汁,自己覺得芥茉醬同羊扒最夾至於女友叫咗龍躉香辣扁意粉,呢道菜嘅配菜配搭比較少見,分別係木耳同豌豆。龍躉肉質結實,無咩骨啖啖肉就最啱好似我女朋友咁懶惰嘅人,整體創意十足,不過略嫌比較濕。難得嚟到咁有情調嘅Ember,我同女友一致贊成要叫番杯cocktail或mocktail。女友叫左Sex on the beach,高身既cocktail更顯一份高貴大方,非常適合我女朋友嘅形象。我就叫左我最喜愛嘅classic cocktail - whisky sour。賣相非常出眾,整體偏酸唔會太難入囗,酸度可以接受。當大家提起鵝頸橋,大家只會聯想繁華熱鬧嘅街市,不過當你行出去海旁,就會發現鵝頸橋下仍有一陣浪漫氣息。 繼續閱讀
(以上食評乃用戶個人意見 , 並不代表OpenRice之觀點。)