30
29
11
港鐵旺角站 E1 出口, 步行約2分鐘 繼續閱讀
電話號碼
2626 1632
營業時間
星期一至日:12:00-23:00
付款方式
現金
食評 (74)
等級1 2017-01-24
212 瀏覽
午飯同同事黎到這餐廳,點左一個原條鰻魚炒烏冬配餐湯加餐包價值52元。首先湯同餐包一齊黎既,再到炒烏冬,我其他同事都食哂餐包,得我未食 放開左一邊,佢地個staff問都無問就收左我個餐包,一啖都未咬過,都算了,再講原條鰻魚又乾又硬 鰻魚上仲有少少燶,食左一啖 同左staff講,佢話會同廚房講,話可能煎耐左, 最後佢完全無視我,真系太差,真系吾會再去,無服務無質素。最好既 可能只系加左18蚊既一杯凍莫卡70蚊直頭貼錢買難受👎🏻👎🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2016-10-15
1141 瀏覽
識左十年既朋友點可以唔見丫⋯⋯就係咁架啦⋯⋯走埋一齊就係最真⋯⋯最舒服架啦⋯⋯環境:講真星期六都可以坐得咁正,又唔洗等,而且仲有live 都算係咁架啦⋯⋯食物:講真個豬手係值得一試既⋯⋯價錢:98一個晚餐 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-11
766 瀏覽
係旺角行街,又係周圍搵野食的時候,晚餐時段周圍都好多人,即諗樓上CAFE會唔會少人點,上網見呢間幾吸引,即去試下了。 晚餐時段仍然有位,設計以白色為主,見梳化位置有家的感覺,適合大夥兒呢。 晚餐,唔包飲品,另加$25可轉為套餐(套餐包括餐湯、餐包及$22之飲品),照轉了。 蒜蓉包,唔多覺有蒜蓉味。 羅宋湯,正常水準。 燒紐西蘭肉眼扒伴香煎法國鵝肝配黑胡椒汁,$118。 鵝肝,小小的一塊,就咁睇好似切左的牛扒,味道唔夠油潤,普通。 好大塊西冷牛扒,整得太熟了,口感太韌,冇乜肉味,唔好食。 粗薯條份量多,幾好味呀。 凍檸茶,正常味道。 食物味道普通,價格偏貴,唔多抵食呀。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-08-18
1249 瀏覽
今日幫人做訪問,樓上cafe適合傾計,朋友話成日來呢間,嘢食幾好食價錢亦唔貴,就又來幫襯。因為唔方便影相,講下感受。成間餐廳白色主題,啲檯同凳都係白色,幾清爽。晚餐menu$68-98不等。我問朋友有咩推介,佢話啲menu成日都會轉,所以每次來都有新鮮感。叫左雞扒配薯菜(燒汁),$68有埋餐湯麵包同嘢飲,好抵。要了白湯(粟米忌廉湯),老實講很普通,粟米還粟米,湯亦唔濃稠,好似清水溝粟米粒咁。啲麵包好林,一啲都唔脆,浸左湯後仲好難咬。上主菜,菜品擺盤都幾靚,三舊雞排,雞肉唔肥,啲汁幾入味。雞皮好薄,燒到啱啱好,唔會一忽忽。薯條唔算脆,雖然表面有紅色(我估係辣椒粉?)調味粉,但都冇乜味,最後都要茄汁至食得落。侍應服務幾好,回應及時,態度唔錯。整體來講,呢個價錢有咁質素的套餐都算係唔錯。做餐廳唔容易,都係比返個好評。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-03-27
1908 瀏覽
星期日黎個一人下午茶,係旺角行左陣,就去左朗晴坊搵食,叫左個吉列炸蝦伴瘋薯角$34 +$18配曲奇奶昔(原價$40)。飲品先黎到,再發現落錯單,攪左一輪,終於有得食。個炸蝦黎到仲好熱,又唔會炸得好乾,好味,不過個薯角凍左,又油。 杯飲品賣相一流,飲落都好好味,好滑咁。不過加18蚊就有d貴。 繼續閱讀
(以上食評乃用戶個人意見 , 並不代表OpenRice之觀點。)