影片
朋友介紹, 此店雖在黃金海岸的沙灘旁, 但自己都未來過, 跟朋友指示落車後, 夜嗎嗎, 一路沿馬路行, 一路唸唔係行錯嘛.... 行行重行行, 終於見到間餐廳的招牌. 但原來已由葡色燒烤變成地中海餐廳.因天氣涼涼的但唔大風, 所以揀左露台的位置, 八點幾到, 只係有四五客. 坐落後, 侍應告知佢地Happy Hour去到九點, 於是叫左杯screw driver, 無乜特別.朋友到達後, 叫左一客chef's salad, 另海鮮扁麵配蕃茄汁同白汁石斑, 呢兩個要左set.先來Chef's salad, 有煙三文, 雞件同沙律菜, 加埋D油醋汁, 幾醒胃, 唔錯跟住餐湯上場, 係白湯, 熱辣辣, 有D青口, 蝦仔同磨菇, 濃稠剛好, 又係唔錯.海鮮扁麵配蕃茄汁同白汁石斑都接住上, 海鮮有大隻青口, 蝦(中size, 幾爽口), 帶子, 魚柳等等, 0岩晒我, 所以我好鍾意. 個石斑就略嫌個汁多左D, 但都係熱辣辣, 唔腥, 但我最鍾意係side dish的薯仔(一開二, 有三件), 焗過, 甜甜的好香口, 我一人清晒, 哈哈最後係甜品同餐茶, 甜品雪糕只係牛奶公司的朱古力味, 但我欣賞佢地將雪糕連器冊一同放入雪柜, 所以上時唔會見到舊雪糕溶溶地的現象. 餐茶的份量都唔細, 我要熱檸茶, 係成壼茶上, 好似部份酒店咁, 呢樣真係加分不少.期間服務亦貼心, 我等朋友期間(都半個鐘)都唔會經常走埋來問我飲乜食乜, 斟水收碟都自動自覺, 有劉華的服務精神!!可惜今晚狀態唔夠, 因見隔離的海鮮拼盤好正, 下次一定要試試先!!此景此質素期間佢地的服務都幾好, 斟水收碟都自動自覺.
繼續閱讀