34
3
1
港鐵銅鑼灣站 E 出口 繼續閱讀
電話號碼
28393377
營業時間
今日營業
08:00 - 01:00
星期一至日
08:00 - 01:00
付款方式
Visa Master 現金 AE 銀聯 JCB
座位數目
74
其他資料
Wi-Fi
酒精飲品
自帶酒水
切餅費
外賣服務
加一服務費
食評 (46)
等級3 2020-10-31
169 瀏覽
早前買咗package去銅鑼灣柏寧酒店staycation,二人不用$1600包了早晚餐Afternoon treat同Evening cocktail、及一個興趣班。其中晚餐係酒店大堂餐廳Ebb and Flow食含海鮮拼盤嘅西餐。二人餐包頭盤海鮮拼盤、主菜係一個西班牙黑毛豬扒及香煎海鱸魚、仲有甜品tiramisu 。可能係套票關係全場都差不多係食呢個餐,整體食物質素非常普通。豬扒正常質素,但係個魚非常之唔好食,兩個主菜個汁都冇咩熱度,感覺似係整好左放了一陣預備上菜。不過,計返個價錢有龍蝦生蠔,味道其實已比想像中好。餐廳個環境幾唔錯,而且侍應都好有禮貌,服務良好,整體來講其實物超所值。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-13
273 瀏覽
Parklane Hotel 唔係好顯眼,不過其實佢就喺宜家傢俬隔離同皇室堡對面。今日就有機會品嚐佢嘅晚市套餐,包頭盤、湯、主菜和甜品。海鮮拼盤(兩人份量)🦞🦐🦪整體來講海鮮質素正常,生蠔同埋龍蝦都幾新鮮,唯一係青口麻麻地,肉質有少少梅。蟹肉周打湯🦀,果然有啲蟹肉碎,仲有啲洋蔥粒,味道唔錯。烤西班牙黑毛豬扒呢個有驚喜,肉質鮮嫩,咬落去好腍,好食!不過略嫌旁邊嘅蔬菜加得太多茄汁,偏酸。香煎野生海鱸魚柳呢個稍為遜色一點,魚柳肉質比較粗鞋,半碟嘅蔬菜亦都太油,所以我都冇食晒。甜品係意大利咖啡芝士餅Tiramisu 🍰估唔到呢件Tiramisu 都做得幾好,中間啲cream幾幼滑,整體唔會太甜👍🏻食物質素來講中規中矩啦,今晚係差條魚麻麻哋,但係侍應服務加埋餐廳環境都可以比一個好評既🉑😂上去上面飲杯野就可以睇到呢個靚景😎😎有少少隱世🤫 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-11
1248 瀏覽
今天母親節,大部份中餐廳都已經滿座,於是改變策略,訂柏寧酒店地下大堂的Ebb & Flow,竟然有意想不到的驚喜。那裏地方寬敞舒適,裝修格調有品味,服務員態度友善,午市套餐一律188元+10%,有三道菜,第一道菜南瓜湯或羽衣甘藍沙律,第二道菜有好多選擇,我們兩個人選了西班牙豬扒飯 和大蝦闊條麵,第三道是咖啡茶咖啡或茶(跟杏仁條)。南瓜湯是用南瓜打蓉上面加一圈淡忌廉,真材實料,清新美味。羽衣甘藍沙律材料豐富,有崧子、西柚肉、橙肉、柚子肉、淡芝士、配黑醋汁, 非常醒胃。西班牙豬扒飯,真係用名副其實的西班牙豬扒,肉質鮮嫩,焗得些微焦香, 加上大量番茄洋蔥蘑菇做配料和濃香蕃茄膏,口感非常豐富好味。大蝦闊條麵 三隻蝦都大大隻,又新鮮 又爽口 仲好多蝦膏,闊條麵加 青瓜薄片 和黃瓜薄片,配搭合宜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-01
896 瀏覽
在家悶了多天,今天是假日,便趁著有空出外走走,首先要先吃個午餐啊!我們來了栢寧酒店地下的咖啡店,這裡地方非常寬敞,坐得很舒適,而且這裡的午餐改了全日供應,真好!午餐有頭盤、麵包、主菜及餐飲一杯。我們分別叫了一餐洋蔥湯,及牛油果蕃茄沙律,主菜就叫了香煎羊柳,及印度雞肉咖哩,餐茶選了latte 及凍咖啡。環境雅緻舒適沙律新鮮,食材豐富,醬汁帶點酸咪咪,令人非常開胃洋蔥湯味濃,火候十足羊柳肉質鮮嫩,非常juicy,配薯蓉食很夾印度咖哩非常地道,辣中帶香,配印度米及薄餅,十分飽肚咖啡很不錯 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-17
1960 瀏覽
今日去咗呢一間ebb and flow, 入到去環境都算係寬敞,同埋環境都幾relaxing, 因為我今日要等朋友所以叫咗一杯latte, 杯咖啡其實都非常之香濃 ,最緊要佢落嗰啲奶都非常之滑。 其實有時花少少錢去酒店度飲咖啡,好過去其他地方同人逼。 繼續閱讀
(以上食評乃用戶個人意見 , 並不代表OpenRice之觀點。)