165
47
13
港鐵香港站 E1 出口, 步行約1分鐘 繼續閱讀
開飯介紹
餐廳是自英國倫敦以外,第一間海外分店;以鴨肉窩夫聞名,窩夫上放上自英國空運的鴨髀和鴨蛋,口感與別不同。餐廳亦提供各式英國傳統菜式,如牛面頰冬甩等;且設有幾款香港限定菜式。 繼續閱讀
營業時間
星期一至五
11:00 - 18:00
星期六至日
10:00 - 18:00
付款方式
Visa Master AlipayHK 支付寶 現金 AE OpenRice Pay
其他資料
電話訂座
當面支付
食評 (253)
等級4 2022-01-02
933 瀏覽
呢個Festive Brunch只係25/12同1/1提供,25/12 book唔到,只好1/1 11:00去食,食完去行菠蘿山。$500/位,我覺得節日呢個Menu幾抵食,可以食晒餐廳啲signature dishes,好滿意。StartersCheesy Fried Polenta炸得香脆,入面係溶溶地既芝士,好正。Corn 'Ribs'用上BBQ醬,粟米係炸過既,幾特別。Foie Gras Crème Brulee配上香甜既麵包一齊食更好味。Duck Congee粥煮得幾綿,唔錯。MainDuck & Waffle鴨髀好好食,皮好脆,肉好嫩,窩夫係鹹既,脆脆地,仲有隻流心既蛋,好食。Roasted Fillet Of Sea Bass魚肉嫩滑,唔腥,份量比想像中多,好味。DessertMaple Glazed Granny Smith Apple Waffle加左肉桂好香,肉桂味雪糕好綿滑,啲餅乾碎碎好好食。Black Sesame Sticky Toffee Pudding應該係焦糖味雪糕,pudding係軟糯既蛋糕口感,美味。BeverageLemon Juice同Orange Juice,我鍾意前者多啲,好飲。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-26
1062 瀏覽
呢間英國過江龍嘅duck & waffle 開左好一段時間 上星期同朋友慶祝生日🎂果然環境有情調 食物亦相當高質☺️非常igable!! 而且價錢ok 仲要慶生送即影即有tim!!🥳. Duck and waffle🦆🧇 . $230必叫🤪waffle好脆 一d都唔淋 有兩格waffle 兩三個人share幾好 鴨脾好外皮炸得鬆脆 肉質好嫩滑🤤 加埋好靚嘅鴨蛋黃汁同 mustard maple syrup 正☺️鹹鹹甜甜好特別. Beef tartare🐂 . $150賣相幾吸引 share都夠食 生牛肉他他肉質嫩滑 食到d黑胡椒粒 洋蔥粒 少少辣 幾入味 唔腥 仲撈埋個生蛋黃🤩用薄脆片黎送 別有風味 值得試. Corn “ribs”🌽 . $80賣相似八爪魚🐙😂😂但其實係粟米黎 黑蒜燒汁好濃 少少辣 有d日式醬油feel 個人覺得有少少鹹 但咁樣食粟米都係第一次🤣都幾惹味. USDA grain fed rib eye🥩 . $350 (350g)Rib eye切好晒 我地叫咗medium rare 生熟剛好粉紅色 唔韌 肉質幾鮮嫩 可惜筋有啲太多 就無咁好咬 不過牛味都好濃 都燒得個面幾靚 上面配左沙律菜 相比之下較普通. Salt baked new potatos🥔 . $85叫左個sides 薯仔好大粒份量都唔算好少 焗得剛好 口感鬆軟 灑左d鹽 本身有芫茜但我走左😂 有蒜味唔錯. Black sesame sticky toffee pudding🍮🍨 . $95因為叫左duck & waffle 甜品就點左呢個 有意外驚喜💓 賣相已經好igable😍 黑芝麻嘅pudding 唔係平時個種滑嘟嘟嘅 係有d似心太軟嘅texture 芝麻味同朱古力好濃郁 仲要熱辣辣 配上冰凍蜜糖雪糕同拖肥醬 好夾 三個人share就無咁邪惡啦😝 推介呀‼️仲可以寫birthday message🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-10
1058 瀏覽
Duck and Waffle 是國際很有名的知名店, 總店是在倫敦的, 在IFC 已經開店了有一段時間了。朋友訂了位說要帶我去試試。環境絕對是一流,入面好多鴨既裝飾, 尤其中間有3個綠色草色既鴨鴨, 好得意, 但剛好我坐的位子見到背面而已, 哈哈! 而且裝潢好靚, 有D 金光閃閃, 設計時尚, 所以我見佢個官網都用個「HIP」字去形容個餐廳。 座位亦都很寬闊。雖然我對西餐冇乜研究, 但睇MENU 見到材料既配搭巔覆了我對傳統英國菜既認識, 而且都真係好多WAFFLE 既選擇, 其中招牌當然有鴨肉招牌窩夫, 加$150, 我朋友加左一個黎share!我前菜選了Pork and Onion Kofta, 即是豬肉丸,配上Greek Yogurt,味道很夾。同平時上海菜的獅子頭比是另一種風味。旁邊有啲紅菜頭沙律,酸酸甜甜,好開胃。主食選了Sea Bass。鱸魚真的有驚喜,皮脆肉嫩。魚下面有smoked pancetta,少少咸,配上一些青豆,整體味道都好好食。到重頭戲, Duck & Waffle 。其實個waffle 黎到, 睇個樣真係好創新好驚奇, 因為一樣咸既鴨肉放上甜既waffle 度, 我見到都真係想像唔到個味道係點。個蛋都貫徹統一返用鴨蛋, 哈哈, 真係煎得好靚, 橙橙黃黃的, 十分美麗! 佢拌左一個芥末楓糖醬, 將個醬倒上去, 跟住再整穿個鴨蛋黃, D 汁流晒出黎, 個感覺已經好滿足了啦! 再切開個鴨肉, 嫩, 唔乾, 估佢唔到夾到個甜味, 好好食呀! 甜品是Maple Glazed Granny Smith Apple Waffle 配上Cinnamon Ice Cream。Waffle 真的一讚,外層少少脆,軟硬適中,一口雪糕加上一口窩夫,食到停不到口!這個lunch set只需要$250, 轉 duck & waffle 就加$150 (值得一試), 以食物和環境嘅質素來講,而且位於IFC 內, 性價比確實不錯!遲啲我都要帶朋友黎試下佢地咁創新特別既菜式, 哈哈! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-02-10
110 瀏覽
餐廳名稱叫 Duck & Waffle. 最出名嘅菜式就係 Duck & Waffle. 午餐都有得揀. 要加錢.先講下環境. 裝修時尚. 有落地玻璃. 座位算闊落. 午餐底價性價比吸引.午餐包頭盤, 主菜, 同埋甜品.今日頭盤點咗三文魚他他. 三文魚冇得輸 . 味道口感調校正確. 簿脆有少少辣嘅. 正常發揮.主菜叫咗牛扒. USDA Grain Fed Rib Eye. 要加錢嘅. 炭香十足. 五成熟. 肉質嫩滑. 點埋出色嘅蛋黃醬, 一流! 今日略嫌脂肪位比較多. 薯仔就正正常常. 食唔晒.朋友點左 Duck & Waffle. 賣相吸引. 鴨髀放喺窩夫上面, 再加隻煎蛋. 每一啖都係三樣夾埋一齊食, 加上靈魂糖漿. 窩夫脆口, 混合埋沾滿糖漿嘅鴨肉, 加上蛋香, 味道同口感配搭一流. 記得第一次食嘅時候真係嘩一聲.咁點解今日唔點呢? 當然因為之前食過. 鴨肉算係嫩滑. 但係鴨肉始終係鴨肉, 有嚼口, 有靭度. 食到中途真係個口同隻手都好攰. 唔想再食落去, 唔想再食之後嘅甜品.餐廳可以考慮去骨? 但係賣相就冇咁靚. 又或者一份幾個朋友分. 咁隻蛋又點分呢?甜品係雪糕窩夫配蘋果. 窩夫脆口出色.總結一下: 餐廳環境唔錯. 以中環嚟講, 性價比有吸引力. 整體食物質素水準之上. 招牌菜 Duck & Waffle 又愛又恨. 必點! 但係一個人食又食得好攰. 今日冇食. 下次唔知食唔食. 繼續閱讀
(以上食評乃用戶個人意見 , 並不代表OpenRice之觀點。)
3/5Last time was disappointed by the duck and waffle, duck was too dry. Yet my friend told me their fish is nice, so I tired, and it is nice with the crispy skin, pea, sauce. Foie gras Crème brelee was why I came back, is not creamy, smooth like last time, not even the flavour. Dessert was surprisingly good tho, waffle ice cream! Sesame one was very good as well but way too sweet for me. 繼續閱讀
(以上食評乃用戶個人意見 , 並不代表OpenRice之觀點。)