Dough Bros Pizza & Doughnuts (奧海城二期)

營業中

休息中

最近發現一間主打即叫即製手工薄餅嘅小店 DOUGH BROS，有多款特色醬料同爆醬冬甩，絕對係邪惡又滿足嘅選擇！  🍕 薄餅即製香脆，醬料超加分叫咗兩款 9”件裝薄餅一人餐（$118），套餐包薄餅、飲品同冬甩，超抵食！  - 至尊意大利辣肉腸薄餅：辣肉腸 + 意大利香腸嘅鹹香組合，配水牛芝士同番茄醬，辣得過癮！餅底外脆內軟，仲附送 招牌蒜蓉香草醬，蒜香濃郁，沾薄餅食層次即刻提升！  - 夏威夷薄餅：煙熏火腿 + 菠蘿嘅經典配搭，甜鹹交織，加上牛至草香氣，清新解膩。  朋友另外揀咗 7”迷你烤盤薄餅（$88），4片經典烤肉薄餅，滿滿嘅辣肉腸、煙熏火腿、雞肉同煙肉，啖啖肉超滿足！  🍩 必試爆醬冬甩！流心餡大爆發冬甩即叫即炸，外皮微脆，一咬開內餡爆漿！- 開心果白朱古力：堅果香濃郁，白朱古力甜而不膩。- 吉士醬：經典之選，奶香十足，流心效果超誇張！  

食咗咁多年Dough Bro，真係越做越差，見佢出新嘢諗住試吓，點知中晒伏個黑松露pizza係完全冇黑松露味，另外叫嗰個黑松露薯波都有黑松露味過佢，極度懷疑佢根本就冇落到黑松露！個冬甩係冇一樣嘢好，個包又乾又硬，覺得嘉頓麵包都好食過佢，但係佢30幾蚊一個。至於入邊個醬，大家千祈唔好諗住佢好似Nutella同其他冬甩咁樣樣嘅質地，佢係好似一個乾咗嘅膏咁，佢仲夠膽死寫爆漿三重奏，然後我也一個同事咬咗一半都未見到有醬，總共叫咗四個，四個同事一律劣評，建議大家唔好以身試法。

今天叫了外賣，食物其中一樣是薄餅，今天的用餐換來極度可怕經歷，小朋友食食下薄餅中，感到有異樣，立即吐出黎，我們非常驚訝，點知發現係一塊尖尖的透明碎片，所以即時投訴啦，即時已經影了相片給對方，但是對方只給五十元卷作補賞，又話相片証據不足，不單止沒有道歉，完全感到沒有悔意，好彩今次小朋友識得吐出來，如果吞佐就不堪設想了，anyway冇下次，拒絕再幫親此店，大家想有可怕經歷的用餐，不防叫此餐室的外賣，就算堂食都要打醒十二分精神。。。。。

屋企人突然間想食Pizza經過開奧海城記得呢度有間外賣Pizza店就即刻入左去幫襯😝揀左The Pepperoni🍕仲有朱古力冬甩🍩等左10分鐘就有得攞喇 好快手🙈The Pepperoni $138一個Pizza有六件 配料有番茄 辣肉腸 羅勒Pizza面有好多辣肉腸同水牛芝士🧀食起上黎有拉絲😋勁正爆醬冬甩 $38揀左OREO朱古力醬🍫冬甩好大個🍩一咬已經流晒朱古力醬🤤甜甜的 好軟熟 食完即刻飽晒🤣

放工超攰，平時都好少食甜嘢，但係啲鄰居一致激讚呢間。咁啱公司附近有，咁就買啲返屋企同兩老試下。另外嗌咗個Meetlover嘅Pizza。食pizza嘅話就鍾意食薄批冇咁容易打爆個胃。雖然全部都係肉大一啲都唔覺得流口，可能啲味唔算太濃。另外都甩都幾好，即叫即炸新鮮熱辣，嗌咗一個檸檬味另外兩個開心果味，但係個檸檬味可能嗰張太稀又獨立一個放就出事，啲檸檬汁擠晒出嚟，有少少浪費。另外三個開心果比較杰身就冇唧晒出嚟咁誇張。呢個甜度對於我嚟講係可以接受嘅食完都唔會扯淡幾好，不過就邪惡咗少少。

原來逢星期六Deliveroo 做緊六折優惠，梗係要把握呢個機會去食呢間咁出名嘅Pizza舖啦。我同我朋友分別叫咗兩個Pizza第一個係雞肉BBQ醬汁另一個係傳統嘅夏威夷pizza佢啲醬汁同配料比例啱啱好唔會無肉唔會偷工減料。而餅底方面，好明顯用咗傳統手工手做餅底呢樣嘢令我諗返起當年我喺意大利食嘅時候，同嗰隻餅底味道都差唔多，似乎小麥係用咗嗰邊嘅原材料買返嚟香港再差，嗰度啲Staff都好有禮貌好詳細咁介紹每個Pizza有咩唔同。

屋企無煮到，又想食薄餅，去Dough Bro Pizza度買佢哋嘅至尊意大利辣肉腸薄餅同卡邦尼薄餅外賣番屋企食。番到去仲熱辣辣，至尊薄餅上嘅辣肉腸配料豐富，辣味適中，配合薄餅脆脆嘅底更顯美味。卡邦尼薄餅則帶有濃厚嘅奶油蛋汁，搭配鹹香培根，口感豐富，令人回味。佢嘅薄餅底薄鬆脆，焗得啱啱好，配料新鮮，每一口都充滿著意式風味。如果你鍾意薄餅，唔使成日食Pizza Hut同Pizza express，Dough Bro Pizza絕對係一個值得一試嘅地方。

第一次試呢間pizza, 用了生日優惠。 叫了泰式甜香辣雞Pizza ， 味道不錯。還附上額外醬料以供點包邊。 我們還點了3個donuts, 開心果， 吉士 和 泰式奶茶味。 味道不過不失， 本人較喜歡開心果味。 看其他評論說可以堂食， 本打算堂食。 由於天氣炎熱， 店舖好像關了冷氣一樣， 立刻改變計劃「轉場」開餐。 如打算炎炎夏日堂食者，請慎重。

Dough Bros嘅pizza唔係第一次食，依排突然興起想食pizza，然後又諗起佢個onion & sour cream sauce，即刻去左買嚟食🤣大角咀呢間Dough Bros有位可以坐低食～💫THE CABONARA $168係特色pizza嘅其中一款，第一次食茄汁以外嘅醬，係幾特別，不過果然pizza係配茄汁多啲😂餅底係偏煙靭，成個Pizza同我想像中嘅味道差唔多，正正常常。然後我最期待嘅就係佢嘅onion & sour cream sauce！用嚟點Pizza真係好正🥹本身麻麻哋Pizza嘅其中一個原因就係因為佢太乾，點咗個醬之後就啱啱好👍🏻好加分！發明Pizza點醬嘅人真係好偉大🫶🏻💫開心果白朱古力爆漿冬甩 $38可以揀白砂糖或者肉桂糖，我就揀咗肉桂糖。冬甩唔會好油，係真係爆醬嘅，但係一啲開心果味都冇🙂‍↔️只係普通嘅朱古力冬甩，一般般啦～推薦：🌟🌟🌟地址：Dough Bros Pizza & Doughnuts (奧海城2期) (大角咀)大角咀海庭道18號奧海城2期地下G71號舖

🍽️Dough Bros Pizza & Doughnuts去奧海城行完街諗住搭的士返屋企，係的士站附近見到有間食店，行過去看一看才發現是賣🍕和🍩，在門口聞到好香好吸引，即刻入去買返個食😍Nutella🍩 剛剛出爐的🍩，摸上手還是熱辣辣的，將它從中間撕開，裏面的Nutella 醬爆曬出來，流心的質地十分誘人。Doughnut由於是Nutella 餡，所以味道會比較甜，而外皮外酥內軟，十分有罪惡感。吉士醬🍩吉士味相比其他兩個口味沒有那麼甜，同樣吉士醬亦都是流心質地，但是較稀，食的時候要小心弄到四處才都是‼️朱古力烤棉花糖夾心餅🍩🍫這個口味才是最邪惡的組合，融化的棉花糖配上朱古力醬🍫，味道超級無敵霹靂甜，不能吃太甜的朋友真的不推薦這個口味，可以嘗試其他味道。💰38/一個、98/三個、178/半打、348/一打最欣賞這間店的地方是店內所有食物都係即整即炸的，所以需時較久，而且注意的是店內需要用英語下單，當然用body language👆🏻都可以🤓，最貼心的是下單時店員會問你的名字，到你取餐的時候就會叫你名字取餐，好像朋友叫你一樣😝味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤎CP值